Café 15

营业中

休息中

上個禮拜去九龍灣見客之前想搵間坐得舒服既餐廳~行行下見到呢間好似新開既餐廳~價錢都可接受~最重點佢有我最鍾意既Egg benedict 呀跟餐包咖啡, 我同同事叫左杯Latte~之後到我份早餐~同事就食All Day breakfast~一切開係流心蛋呀!! 正~~ 味道重唔錯!!原來呢排新開有優惠~有八折!!! 埋單$115

今天和Honey在君立酒店Staycation，在後門入口處見到有一面海報：窩夫下午茶58元。故此，打算check-in前來試試。但是，整體感覺真的麻麻！首先，地方尚算寬敞，走簡約路線……但簡約得……感覺是簡陋。服務員呢？態度冷冰冰的！我們來Staycation……有點不受歡迎的感覺。其次，雖然窩夫下午茶58元，不貴，但是，味道就麻麻。豬肉鬆油酥餅窩夫($68)，還可。牛角包窩夫($58)……小得……兩杯咖啡「超奶」……所以整體感覺真麻麻！！！

附近返工，同事farewell諗住食餐好，見佢貴貴地，買三送一試吓。八個人，六個叫牛扒，無論佢問你要幾多成熟，最後全部出嚟都係全熟，所以出菜唔使問邊個要幾多成數，每一碟求其放響一個人面前，跟茶餐廳午餐一樣。一致認為沒有牛肉味，非常普通的扒，配菜又少。兩個叫豬扒，厚切，都係普通一般，近骨嘅地方未熟。配菜都係一模一樣。餐前湯冇得揀，又唔會話俾你聽係乜嘢湯，真係同快餐A冇分別，又冇餐包。飲唔出係乜嘢湯，叫人問吓，佢話係海鮮湯，但係我唔食牛肉，發現個湯其實係牛肉蕃茄羅宋湯，有三文魚皮⋯ 同事話個湯好有魚腥味。整體感覺一般，唔值呢個價錢，如果係茶餐廳A可以接受，成個餐只值$80，就算+1服務費，比盡我都係覺得只係值總共$120！

公司附近近近地又食得過嘅西餐，首選呢度，話哂都酒店cafe ,lunch 重有買三送一，飲品任飲，價錢合理，服務良好，品質亦唔錯。今次係慶生，一行四人啱啱好，我哋重分別叫左四樣唔同款再share ，一次過滿足晒我貪心嘅慾望。1/ medium rare 牛扒黑松露牛油汁真medium rare, 有牛味 可惜壽星唔食牛2/味噌湯浸鱸魚呢個我反而麻麻地，可能太清，個魚肉質有啲鞋唔係我杯茶，不過其他人又話肉質夠爽喎 唔知呢3/脆Parma 燴長通粉本身我對意粉都好有興趣，呢度做得剛剛好唔會太硬亦唔會太林4/ 慢煮豬扒豬扒有啲厚度，我覺得有啲乾身，好彩share食如果唔係一個人食會太頂肚。我哋仲追加左一件生日蛋糕，少少哋唔使太飽。

𝒲𝑒𝓈𝓉𝑒𝓇𝓃 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎餐廳🍴位置唔算就腳，係君立酒店既地下。我地預先𝘣𝘰𝘰𝘬左位，做緊買三送一優惠。個場唔算多人，枱既數目唔算多，同埋夠靜，好適合同朋友傾下計。𝘭𝘶𝘯𝘤𝘩 𝘴𝘦𝘵 係可以揀餐湯或者沙律🥗，湯可以任飲。是日餐湯係黑松露甘筍湯，不過味道有少少奇怪，硬係覺得有陣羅漢果味，飲完口腔有陣甜味唔太習慣😂🌟慢烤羊腿伴普羅旺斯雜燴，香草烤薯仔（$188）上碟幾靚，不過份量比想像中少。但係烤羊腿處理得幾好，保留到羊味但又唔會好羶。而且肉質夠淋，唔會鞋同難咬。薯角就冇咩特別，但都好食。🥰-🌟意式午餐拼盤、扒素菜、煙三文魚、辣蝦、烤雞、迷你凱薩沙拉及芝士法包（$158）上盤好豐富，樣樣都有得食，色彩配搭好靚。沙律🥗有幾片芝士係上面，入面有𝘥碎面包，味道唔錯。個芝士法包睇落幾靚，佢係有一層芝士舖面再拎去焗，但法包食落真係超硬🥲🥲如果可以切細少少🤏會食得方便𝘥。辣蝦好大隻同新鮮，蕃茄都夠大同𝘫𝘶𝘪𝘤𝘺，但兩樣食材冇話特別夾。至於烤雞同茄子🍆都比較普通啦。個拼盤原意係樣樣都試到，但係就好似冇左個記憶點😂冇話邊一個好出色。📍 𝐂𝐚𝐟é 𝟏𝟓𝘎/𝘍, 𝘊𝘢𝘮

Cafe15 Lunch Time有3送1優惠, 即刻同班同事去試下我地去到見到餐廳已經差不多滿座, 好在仲有張4人枱 睇下個menu, 可以叫湯或沙律我地都揀左南瓜湯, 係出面buffet枱可以自己refill個南瓜湯真係值得講一講個湯夠creamy, 仲加左香草同黑松露飲落去好香, 我同事仲一次過飲左2碗, 哈哈main course我同同事仔1叫左"紅蝦、軟殼蟹伴扁意粉配自家製有機蕃茄醬"賣相已經好吸引, 個份量都多軟殼蟹大大舊, 意粉汁醬都夠味反而係食食下去到最後會有少少偏鹹不過係可以接受, 我都幾中意食同事仔2叫左"煙三文魚, 紅菜頭, 菲達芝士 & 芝麻菜沙拉"黎到都大大碗既, 但比例真係菜好多, 煙三文魚就可能得4塊左右芝士都同樣地比較少, 同事仔話個沙拉汁都覺有少少偏鹹感覺上冇咁抵食同事仔3就叫左"香烤海爐魚配有機蕃茄、蜆肉沙沙汁"呢碟分量還可以, 有舊大大地既爐魚同埋有薯仔做配菜同事仔話魚質都嫩, 幾好味最後仲有杯餐飲, 好full又滿足環境都坐得舒服如果keep住有3送1價惠, 會再黎幫襯~

餐廳設於酒店內，畢竟是cafe, 不期望五星環境但清靜、乾淨、優雅。食材很好；兩人叫了set lunch ；龍蝦麪$168 和牛扒$218，（仲有85折）頭盆沙律菜，菜很新鮮，龍蝦麪味道很好。牛扒大過我的手掌，而且亦煎得好好，肉質很好多汁，正！最後亦有咖啡或茶。以這個質量，我真係覺得在聖誕節係impossible! 十分推介這間cafe! 可惜一點是星期日休息和不做晚市！

而家正值疫情最嚴峻時期，有時出街食飯都好似做錯啲咩咁，啲餐廳又好慘。今日約左朋友整少少嘢，咁喺第二個平台預約衣間餐廳有5折，咁就相約左喺衣度傾喇。地點真係比較隔涉，如果地鐵沿線的朋友我係好少會諗喺衣度食。去到得2枱客，真係好寧靜，唔多人。員工遞上menu,都有幾款食物揀，眼見半價後價錢亦吸引。我叫了烤美國穀飼豬，燒帶子牛肝菌意大利飯，朋友則叫了水牛城雞burger 啲嘢食都好快來到，賣相唔錯，豬好軟，帶子都煎得剛剛好，而意大利飯，我自己覺得無咩牛肝菌味，整體好食。而朋友嘅水牛城雞burger,我試左少少雞，雞係嫩嘅，但我稍覺得佢個炸粉多了少去，以及可以多少少汁就好喇。lunch 包個餐湯，幾特別係有薏米嘅三文魚湯，味道唔錯，另有餐飲。如果大家想享受一個寧靜又好食嘅午餐，衣度係一個不錯嘅選擇。

於餐廳點了一客無骨海南雞飯千呼萬喚黎左個豉油雞飯俾我我以為佢上錯菜啦問句： 呢個係海南雞飯？侍應： 係！可能我見識小，未食過海南豉油雞仲食到成枱骨添不過下次如果無海南雞，可以先通知聲唔雖要咁驚嚇囉！

星期日最好搵個寧靜處食飯，在網上找到這店，經網上訂枱有85拆，所以一試。在小酒店中的cafe，可能假日，附近十分安靜，走入餐廳，只有一，兩台食客。點了泰式咖哩雞及牛扒，前菜點了湯及沙律，今日餐湯三文魚忌廉，真心一般般，沙律都可以。繼而係主菜，咖哩雞中的雞很大件，是肶肉吧！份量多，而品味十分有層次，除辣味，亦有香茅，椰香及其他香料，層次豐富。每次雞肉都十分滑，不鞋。牛扒只試了小囗，未能有太大評價，但其配菜都十分吸睛及好味。最後送上哈根雪榚，感覺完滿。拆後價錢我覺得貴，但就是值得！

Their steak is really really good for this price range (HKD 188) inclusive of drinks and soup. Place is spacious. Service is good and people are very nice. Location is a bit off but actually only about 15 mins walk from Kowloon Bay station. 10 mins walk from Mega Box.

之前同朋友去過cafe 15 之後，跟著也同其他朋友去了幾次。 今日又再相約朋友去cafe 15，吃個happy lunch 。 我哋喜歡這餐廳menu 會定期更新，令每次聚會大家也有驚喜。 今次更有蘆薈切成小粒加入沙律菜，拌入黑醋橄欖油好健康又美味。 也有美國牛仔骨配黑椒洋蔥汁，牛仔骨肉質嫩滑又帶肉汁，十分惹味。 爐端燒石班魚柳魚塊十分厚身，魚肉味鮮醬汁清淡不油膩。 茴香大蝦咖喱蝦份量多咖喱汁又夠香濃，是我今期推介必食之選。

去開九龍灣工廠區，肚餓唔想行咁遠搵日酒店有下，見到得兩枱客就膽粗粗入去環境幾大幾好有啲畫作睇下個侍應姨姨好好服務介紹呢個時間有乜食，就叫左個tea set~~hea下上層：酒煮香梨：幾好自身梨汁煮唔會好甜意大利芝士餅：可以多啲酒味法式蛋白餅：餡料有啲甜芝士龍蝦tart:鹹香但唔夠脆下層：三重芝士多士：芝士味濃厚三文魚米紙卷：好清新鮮蝦鵝肝多士：好爽焦糖燉蛋：好香雲呢拿味包兩杯飲品，茶水就普通，$198另加一坐返兩個幾鐘性價比高，靚裝修無乜人地方又大其實都幾好坐。無奈其中一枱師奶八婆好鬼嘈⋯⋯

星期日妟食早餐，無食午飯，太太話不如去酒店食tea。她返工附近有間酒店，見近近地就走去試下。酒店環境此終都係優靜D，這間酒店是以駱駝保暖壺為主打。Tea set都是二層架，有甜又有鹹。迷你三文治，迷你達，多士仔和蛋糕仔等等。

今日喺九龍灣開會，見到有間穩世酒店 - 《君立酒店》，一唔留意行過咗都唔知😂見佢有set lunch於是入去試吓，我叫咗白汁煙三文魚帶子意粉，個餐跟沙律，沙律都好新鮮，係用黑醋汁撈，酸酸地幾開胃，意粉d白汁都幾滑好creamy，帶子有2粒，煎得都幾香，不過煙三文魚嘅份量唔係太多，意粉都幾煙韌，整體都算唔錯！