Cafe Ceres (已結業)

今日放假想過個悠閑既下午，所以同媽咪去咗九龍城，最後揀咗一間張相好簡約環境幾好嘅餐廳食lunch！我哋係門口睇完個menu，媽咪都覺得OK所以決定食呢間！佢呢個lunch set都有八個選擇，而且種類都幾多，有意大利餐、意粉、漢堡包、沙律、肉扒類，基本上至少都有一款可以選擇。所以我我就叫左一份羊架，媽咪就叫咗帶子墨魚汁意粉。餐湯跟一片牛油麵包，麵包本身已經塗上牛油，我個人比較鐘意不加牛油，這樣才可以吃到麵包的味道，而且麵包也沒有烤過或翻熱。餐湯係粟米忌廉湯，睇得出個湯有花心機去做，唔係好似一般餐廳咁原粒粟米加忌廉煲，而係將粟米同紅蘿蔔打溶咗，而且仲有洋蔥同埋火腿粒，所以個湯比較厚身，但係又唔會覺得好膩！Main Course 我叫咗Lamp Chops，成碟個presentation好靚！左右兩邊一邊係薄荷醬，一邊係酸酸甜甜嘅果醬。配菜方面有蘆筍、蕃茄仔同薯蓉，蘆筍好大條同好粗而且都好鮮甜，蕃茄仔亦都好新鮮多汁，薯蓉真的是用薯仔整成蓉的，並不是開粉值得一讚。2塊Lamp Chops表面上煎得唔錯，但......切第一件是沒有問題的，煎得剛剛好，肉質還帶著粉紅色。但第二件就太熟了！已經煎

九龍城餐廳林立，但每次經過Cafe Ceres都總係坐無虛席。相信睇開食評，大家對佢既all day breakfast都唔陌生，但我反而想推介紹一下佢既burger，牛肉多汁而且肉味濃郁，比起soho區既burger 一d都輸蝕，價錢相宜，無記錯只係$108 plus 加一, burger迷值得一試!

自從上次同老哥食過呢間cafe之後，我一直不能忘懷，好想黎多次，咁今次就一個人黎食，今次就叫咗個煎帶子意粉，睇個去個賣相真係唔錯，食慾大開，帶子大大粒，一啲都唔小氣，煎到啱啱好，好香，意粉陪上黑橄欖真系好鬼好食，啲白汁唔會話太濃或者太漏，整個意粉睇落去好清新，食落去都好清新，真系好正，下次都會再黎，不過會叫下其他野！

我今日同老哥去九龍城行街，發現了一間好多人既cafe，見個餐牌好似好多野食，有漢堡包，意粉之類既西餐，好似好吸引，咁我就叫咗一個芝士煙肉漢堡的餐，有配薯條，薯條大大條，新鮮出爐，好熱，配埋佢個啲沙律醬同茄醬，不得了，暑味甚濃。至於個漢堡包，睇落去好多芝士，真係啱曬我，睇下塊牛肉就知有就厚，新鮮用牛肉製成的肉排，烤到外干內嫩，充滿肉汁， 真系好食，下次再黎！

原本去野餐，但擔心雷暴驟雨唔知响邊區，取消咗。早起身，同友人E小姐去九龍城食早餐飲啡。我要Egg Benedict，但冇得揀只有煙三文魚。個荷蘭汁都幾有檸檬汁同牛油香，但份量偏少，蛋冇討厭腥味但蛋白太老稍嚡，三文魚係挪威貨，唔太腥，鬆餅好薄好脆帶牛油味。沙律菜有藍莓醬味，甜甜地幾好。Flat White飲落酸澀平衡，可惜啲泡好快散，而且泡粒好粗。服務麻麻地，笑容欠奉講嘢倔，要重複叫先應客，唔熟悉餐牌。海軍鬥水兵，但Delight近我屋企，而且服務冇咁差，嘢食賣相又靚啲。

做完運動約了朋友共3人在cafe 晚餐, 感覺餐廳環境舒適, 朋友還說想在家裡放置一樣的燈飾~茶具及餐具亦顯出心思我們沒有叫dinner set, 而是叫了3個主菜, 3個甜品, 3杯茶及朱古力主菜:1) 咖哩牛腩配麵包 - 牛腩炆得很"林", 咖哩好香, 麵包暖暖的, 我們還添加麵包呢, 因為咖哩汁惹味, 辣中帶甜, 但稍嫌甜味多了點2) 意大利麵配帶子白酒汁 - 很喜歡, 帶子煎得很香, 還有很多蒜片(我最愛吃), 汁的味道亦調較得剛好, 有少少芝士放在上面, 不錯3) Margherita pizza - 雖然細細件, 但其實夠飽, 皮好薄但好脆好香口甜品 (樣樣份量都有咁上下.. 食到超飽)1) 拿破倫 - 賣相已經吸引, 入面的吉士好好味, 酥皮亦脆而香口2) 蘋果巻 - 巻內有蘋果及提子乾, 加上肉桂香味, 好好食, 巻皮又脆3) 戚風蛋糕 - 我們原先點伯爵茶戚風蛋糕, 但上枱後食幾啖先醒起原來侍應落錯單. 由於已經食了幾啖, 所以算了.  這個蛋糕cream做得不錯, 很香, 與海綿蛋糕一樣好大份...飲料: 1) 佛手金茶 - 幾香, 有點似柚子+青檸味2) 舒壓茶

店內裝修簡約明快，看起來只像高級的茶餐廳（價錢亦然），但食物水平卻及得上Fine Dining，相當著重烹調的細節。1. 咖喱牛腩：微辣中帶著香草的清爽，牛肉在香濃腍軟之餘肉味豐富，完全沒有久煮失味的問題。2. 窩夫：蛋香濃厚，外脆內鬆，味道好，口感好。3. 晚餐牛排：有南瓜湯，鮮濃而不肥膩。青菜沙律，新鮮爽口，dressing恰到好處。牛排：選料好，juicy而有肉味，配搭著醇和的陳醋和青豆醬、烤香的蒜子，令人驚喜。Earl Grey西茶：茶香而滑，不添加奶和糖叫人喝得純粹。不收加一服務費，現金付款，質素遠遠超出收費，大力推薦！

第一次幫襯一家咖啡店，好多時都會先試All Day Breakfast 或 Egg Benedict，這次選的是Egg Benedict 一上碟賣相已加強了食慾，汁稠度剛好，掛在水波蛋上，再灑上黑胡椒及應該是紅椒粉的東西，沙律菜不是太多但很新鮮，吃下去還是脆脆的。側邊的陳醋汁亦減低蛋黃汁配蛋太『流』的感覺。

在隣店Ceres買完麵包，便到另一邊歎個西式飯後甜品。Cafe Ceres有着很強烈的無印風，全店以木材為主，地板、檯椅和吊櫃都是木製，再拼上一點黑色的金屬，很有loft furniture 的味道，店內連掛畫裝飾和盆栽植物也沒有，整個空間顯得更簡約明淨。光是飲品，餐牌中已有很多選擇，好奇問男店員有什麼主打飲品可以介紹，對方只面無表情的說不知道，那置身事外的態度，真的不像這兒的員工。最後我們決定點一壺招牌的「Relax」花茶，之所以叫舒壓茶，是因為內𥚃混了薰衣草、薄荷、玫瑰、菊花和香草，混合出來的獨特香氣，光是用鼻子聞已經覺得很舒服。一整壺兩個人share也可以喝夠兩round，第二輪的香草味比首輪強勁，而且多了一股蜜味。甜品罕有地點了窩夫，個人其實並非特別喜愛窩夫，不過因為店方說是即製，加上有清酒雪葩，所以便想試一下。因為製作需時，我們那壺花茶亦已差不多喝到一半。侍者把甜品端來時，那可愛的賣相還是令我驚叫連連。這兒的格仔窩夫有別平時的軟身，咬下去非常香脆結實而且有麵粉香。勺一囗雪葩放在窩夫上伴着吃，窩夫還是挺結實，不會立刻變得軟軟的。我對整個甜品的期待都落在這兩球雪白的清酒雪葩身上，

今天老婆仔要中午上班所以有時間和她吃個早餐想起之前吃過的抹茶英式鬆餅所以今天打算再訪看到菜單上的是早餐但卻沒有抹茶英式鬆餅一問之下才知道不是每天都有供應要視乎旁邊的麵包部有沒有出爐才知只好叫其他老婆仔要吃飽一點點了個95元的All Day Breakfast而我就要了個68元的Scrambled egg with parma ham and fresh bake croissant其實All Day Breakfast之前也試過水準同樣有保證不過今次的蛋煮得有點生一切下都變成液體連蛋白也未熟不吃生蛋的老婆仔當然不敢吃而煙肉也只有一小塊我們都不太滿意幸好那些薯仔粒還是很美味能夠挽回分數而Scrambled egg with parma ham and fresh bake croissant就是牛角包和蛋不過牛角包很美味表面很脆裡面很軟而且有新鮮麵包的感覺充滿麵粉味應該都是旁邊麵包部新鮮出爐的而蛋也不錯就是帶著一些我們都不太喜歡的味道可是這味道很多時在不同餐廳都會嚐到所以我也不知是否正常另外其實還有飲品我們都要了熱朱古力吃完份餐和飲品後都很飽其實我很喜歡這裡的環境尤其是在時間尚早的時候可

經過這設計優雅的餐廳，忍不住一試，但最好笑是那門的設計太前衛，差點看不出那是入口。幾個午餐都吸引，最終試了帶子意粉。頭盤是忌廉湯，伴那片燙過的麵包，麵包還好吃一點。意粉的確有水準，帶子是剛剛熟，非常有口感，意粉QQ, 那汁的味道也恰到好處，令我回味。餐後點了Earl Grey Mocha 略甜但Earl Grey 獨特之味卻很特別。

閒日放假，十一點同老婆去試下呢間cafe,我地點左兩杯近五十蚊嘅飲，一件七十幾八十蚊嘅蛋糕，諗住係度嘆下個零鐘，一點前走人，點餐後十分鐘左右飲品蛋糕到齊，好有效率，飲品我地叫左一杯花茶，一杯香薄荷茶，味道清得黎冇乜味，個綠茶蛋糕上面有啲cream同紅豆，味道好好好一般，因為綠茶蛋糕要整得難食比整得好食更難，十一點半左右，我地件蛋糕食左大半，啲職員已經走黎問仲要唔要，十一點四十五分又問，我已經覺得好煩，你咁想收我食哂去俾你收，以為可以嘆下杯茶啦，點知佢係十一點四十五分至十二時十分之間竟然可以問左我同老婆杯野仲要唔要，又幫我果杯未飲過嘅清水refill三次，然後又有兩個職員明明冇客都係我身後行黎行去，我終於忍唔住十二點十五分起身走人，俾人係咁趕，食到一肚氣!

cafe ceres擴充之後, 仍然係一間小店, 不過比之前得10多個位, 便容納得多好多客人下午茶食all day break 已經係香港人的習慣, 個人認為flying pan 的品質都唔錯, cafe ceres則優勝在環境夠舒服, 地方乾淨, 柔和的木色牆身配以適合的燈光, 一邊食一邊傾計, 十分舒適我好鍾意食茄汁豆, 細細個已經食, 而家發覺佢地份餐入面條香草雞肉腸點茄汁豆的汁原來係咁好食真係一大發現!scrumble egg無太多雜質 (例如奶, 粉之類), 個人不喜歡溝得太多奶的旦, 雖然好滑, 但旦味都無又點會好食? 佢地scrumble egg無加奶, 咪一樣幾滑值得一提係麵包真係好食, 所以好多人幫襯

好耐冇係呢度食brunch，今日行經見到換咗鋪位,又大左, 諗住應該會比之前更好。點咗平時食開嘅全日早餐。成百蚊一個全日早餐, 唔單止少咗以前有嘅茄汁豆, 蛋少咗(又冇味)，蘑菇亦唔夠熟同無冇味。 跟餐嘅capuccino亦只有一個苦字, 全無奶香... 只能話精緻度全線下降。好嘅係麵包維持水準，同嗰兩條大腸應該會塞飽你，薯塊亦冇以前咁'爖'.

這天到九龍城食lunch，看見店內人不多，平時都是要等位的，所以就決定來嘗嘗這兒的午餐。這裡的環境不錯，我們點了一客帶子意粉 以及熱狗薯條套餐，套餐附送餐飲。我選了一杯果汁，果汁分量很小，很細杯，本來以為是鮮榨的，喝來才知道原來不是，有點失望。帶子意粉的味道一般，不過不失。熱狗套餐的熱狗也蠻好吃，整體覺得價錢偏貴，沒有驚喜。但在九龍城吃西餐也是一個不錯的選擇。