cafe koinonia (已結業)

有次出街經過依間隱世cafe，睇落環境唔錯，所以決定放假黎試下，可能我去果時係朝早，所以無乜人，地點又唔開揚，lunch time 同tea 應該唔會多人得去邊，食物不過不失，個tea set以牛角包做主題，相信依度出名牛角包，環境最特別係有VIP疊疊米坐位，同朋友食tea 同打卡唔錯選擇。

自己一個黎到沙田石門站大概行10分鐘嘅咖啡店，搵到一間隱蔽嘅高質咖啡店☕️但食物表現正常無咩特別🙈可以一試但未必會二刷👌首先講一講環境，雖然距離馬鐵站比較遠，不過依然好多人，而店入面位置唔多，坐得比較迫～唔係話坐得好舒服不過因為小店所以可接受😳簡單叫咗一個芝士蛋糕🍰都幾厚實～芝士味正常發揮，無咩特別🙈叫咗杯Earl grey milk tea，飲落Earl grey 味好重，因為茶包沖出黎所以都預咗呢個味道，都係正常發揮嘅奶茶🧋可能無叫到其他好好食嘅食品，所以對咖啡店表現整體感覺一般，都係正常發揮，去城門河行過可以一試，但唔係住附近就未必會特登過黎啦😛

六點後無得堂食，就日頭出動吧 😋呢間cafe開在一個隱蔽角落 ，價錢相宜，食物質素挺好。留意返，營業時間只到18:00💁🏻‍♀️平日星期一至五有set餐(抵食啲)，這次到訪是紅日，散叫了：鹹牛肉芝士牛角包🥐、煙三文魚忌廉芝士牛角包🥐、榛子latte☕️、cappuccino☕️cafe黎講，性價比高👍🏻食物：牛角包鬆化脆皮微暖，🥐size屬小型，幾香口。飲品：咖啡都好好飲，正常穩陣。店內環境：日式design，裝飾有心思，入到去感覺温暖cozy💛 ，打卡一流一個🥐+一杯熱飲，下午茶份量剛剛好。下次踩單車再黎幫襯😋另外：見佢雪櫃啲cake都好吸引，有brownie, NY cheese,拿破崙etc.仲有得訂原個size，下次要試埋

午餐· 2人隱蔽嘅cafe通常都有驚喜，呢間都唔例外～cafe 主要以木色為主，配以簡約嘅日式裝修，仲有個小包廂，雖然細細間但感覺好舒服。忌廉鴨胸洋蔥扁意粉 （$45)鴨胸好好味，而且份量唔少，如果個意粉creamy d 會更加好食，但呢個價錢有呢個質素真係唔錯蘆筍蟹肉意粉 呢個真係不得了，無論個汁同蟹肉都配合得恰到好處，而且啖啖都食到蟹肉，有好juicy嘅感覺*強力推薦!*抹茶鮮奶 ($36) 比起食物，飲品遜色少少，但味道都係唔錯架。特濃朱古力 （$28)唔太有特濃嘅感覺，比較似淡淡嘅朱古力奶，但都係好飲嘅。總括嚟講，係一間性價比高嘅cafe，非常推薦

又係沙田河畔之福😋💛隱世既cafe☕️🥗🍝Cafe Koinonia佢地就係正王屋油站果邊，唔算難搵。食物水準唔錯👍🏻試咗咸牛肉芝士牛角包、煙三文魚忌廉芝士牛角包、黑松露蘑菇蘆筍扁意粉、水牛雞翼。樣樣味道都唔錯😋店舖細細，得3-4張枱，係悠閑cafe類型有興趣既沙田友可以去試下，唔錯💛佢地仲有做外賣添，可以自取亦都可以搵沙田柚外送服務試用過，態度、服務都好好👍🏻佢地負責外賣果啲店舖都係黃店💛仲有石門既店可以選擇外賣唔一定要用「粉紅熊貓」既，其實好多區都有同路人做步兵送外賣㗎💛只要多了解、行多幾步，就會幫到好多同路人㗎啦💛#cafekoinonia#沙田柚外送#沙田外賣#cafe #沙田#cafe #沙田

地方骨子，雖小但五臟俱全。店員親切有禮，店內的食物是我們一家喜歡的味道！年青人、香港人的餐廳，一定多多支持！牛角包必試！外脆內軟，香噴噴的牛角包，早餐一個、午餐後再吃一個。好好味！

我叫哩個松露蛋牛油果牛角包味道係吾錯，但我期待既牛油果真係好少⋯少到係成個牛油果既八分之一咁小⋯我當下吾記得影相🙁我見到啲牛油果吾開心左一陣，好在個牛角包好脆好香，整體係可以接受既。ps我本人勁中意食牛油果，為左牛油果過黎試下希望真係再有機會黎食吾會咁失望。

朋友介紹所以晏晝就過咗嚟呢間食，舖頭唔算大，午膳時間都好full，如果多人呢好似有得book位嘅。佢除咗指定Menu之外仲有午餐嘅Menu，午餐來講算係好平40幾蚊就有，然後仲可以飲咖啡。我好鍾意佢杯咖啡除咗佢個樣夠靚，味道都好出色，好香同好重咖啡味！今次叫咗個忌廉雞扒意粉，我鍾意佢個意粉質地唔會太淋，亦都唔會太硬，喜歡佢個意粉啲汁啱啱好，太多汁就會好得人驚，太少又會太乾！但係好可惜嘅一樣野係，個雞扒真係食得岀有雪藏味😢，可能佢哋真係要花多啲功夫處理下，因為都真係幾失望。好彩嘅係，我哋另外嗌咗佢哋嘅甜品，個甜品真係好正㗎！最最最好食嘅係個朱古力慕絲，朱古力味濃郁之餘，入口又好滑，仲加咗一啲紅莓，令到食朱古力唔會好流，中和返個朱古力食多幾啖會覺得膩嘅感覺。口感同層次都好豐富！芝士蛋糕好食，雖然表現最普通，但都好有濃郁嘅芝士味。拿破崙都唔錯，佢個吉士整得幾香！希望下一次佢個雞扒整好食啲啦!

今日同事推介來到依間，餐廳裡面主要木製品，枱、櫈、掛飾都係，播放住悠揚音樂，雖然店舖唔大，但係感覺舒服。揀左白汁雞扒闊條麪+凍古力（$45），另外，加左3款甜品（$28-$42）。白汁雞扒闊條麪-白汁都好creamy，雞扒都ok，加上本身鍾意食闊條麫，所以感覺唔差，男士食就可能覺得細左少少，女士就應該夠食。凍特濃朱古力-一放低果時，覺得好靚，杯同杯墊都係六角形，好有心意，朱古力好香、好滑，慢慢飲都係一種享受。女同事喜歡甜品，分別揀左拿破侖蛋糕、紐約芝士蛋糕、朱古力慕絲，個人最鍾意朱古力慕絲，外型好立體，中間有紅䓯，配襯朱古力，加上有脆脆朱古力底，好好食😋紐約芝士蛋糕都ok，好濃芝士味，質感都好實，值得一試。拿破侖蛋糕都ok，中間係吉士cream，聞落、食落好香。

咖啡底有渣:，味道苦而澀。今日剛第一次幫襯，係飲latte 的，相信係沖咖啡的人技術問題，希望落力改善。要因為是黃店而要比人更加做得好，客人是選擇不去連鎖店而去你的店，請不要辜負客人的信任。

沙田圍比沙田嘅人流少，所以我哋先去行吓發現呢間隱世良心小店，咖啡室暗藏圓洲角好有文青cafe感，食物即叫即整睇介紹係主打採用明治鮮奶嘅咖啡、牛角包同意粉實際上睇到的確唔交行貨，巧花心思，細節用心難怪朝早瞬間滿座，結果我哋即時要book定下午茶先食到室內裝潢陳設簡潔，環境靜謐，令人放鬆暗藏基督、Pepe同連登豬嘅蹤影最特別係店內盡頭有個超有和風味道嘅座位小小角落係一個有日本風格嘅包廂疫情期間加添膠片分隔，私隱度更重榻榻米座位好得意，好舒服揀咗2杯嘢飲，一杯跟餐+$9，另一杯單點$36至$39焦糖瑪琪朵、抺茶鮮奶，平過連鎖咖啡店Caramel Macchiato有濃香焦糖味，咖啡有拉花圖案牛奶味平衡，奶泡打得唔錯，焦糖香甜唔會太搶，咖啡入口順滑抺茶鮮奶亦好滑溜，但抺茶味容易沉底，最好飲之前先攪勻牛油果松露蛋沙律醬牛角包亦係推介之一下午茶跟餐$39，上枱時牛角包有陣陣牛油香新鮮烘焗出嚟嘅牛角包層層酥脆，麵包溫暖軟熟，餡料幾厚牛油果好creamy，蛋沙律有啖啖黑松露香牛油果同蛋沙律都偏軟，同香脆牛角包形成對比，略嫌牛角包份量較細卡邦尼意粉 $58 一碗份量亦唔算多，比較適合女仔享用兩個人去嘅話

是日off-site教half-day course，下午可以好好“獨”一下😝知道附近有間cafe，當然要襯機去嘆下咖啡。。。未夠兩點，cafe滿座，要等一下，門口仲有人等緊外賣。。。等左一陣就有位了，坐bar枱。入到去，感覺比較嘈，始終仲係lunch time。。。揀左牛油果烤雞沙律菜配多士🥗，加杯必點既Mocha☕。。。首先上既係🥗，無咁過份量咁多，烤雞配上沙律菜，食起上來唔怕「漏」，又夠頂肚。。。之後☕就到，完全係驚喜🤩！拉花唔算吸引，令我👀既係杯咖啡好似會發光咁！感覺好光滑！飲第一啖，好厚好綿，奶泡打得好正呀！咖啡又滑身，真係好好飲呢！Lunch time過後，人客減少，我由bar枱轉坐靠牆位置。。。從來未試過有唔夠喉既感覺。第一次encore。第二杯，叫左Hazelnut Latte。配上一粒hazelnut，感覺良好👍。飲到尾，拉花同掛杯都仲係好靚😊。

評分：🐷🐷🐷🐷（5🐷滿分）今次黎到富豪酒店後面既小cafe，位置比較隱世，唔係沙田友都唔會去既地方🙊cafe得大概十個內既位置，有一部分劃左個塌塌米，行日式路線。今次試左佢地既all day breakfast同埋americano。Americano比較fruity，岩晒我口味。All day有黑松露炒蛋、牛油果、煙肉、菇、沙津菜，份量比出面少，女仔食就岩岩好。但pepper比較多，去試既朋友可以request少pepper。順帶一提，店員既態度唔錯，雖然睇得出比較新手，但待客態度抵讚👍🏻

五一黃金周，當然要去支持下小店，嚟到門口發現好多人，原來係等外賣，我哋等咗十零分鐘就有位。想食雞扒沙律但已賣晒，轉叫咗牛油果蛋沙律牛角包同鹹牛肉炒蛋牛角包，牛角包烘到香脆，加埋啲新鮮餡料，真係無得輸，下午午茶餐只要加少少錢就可以轉其他飲品，點咗個抹茶鮮奶都好好好味～～以cafe嚟講呢度真係好抵食，出面一個包一杯嘢飲已經差不多一百，但喺呢度，呢個價錢係可以食兩個茶餐有找，加上食物質素好好，一定會再嚟試埋咖啡～～店主加油💪🏼

bookmark左呢間小店一排 見今日咁岩喺附近做野 就決定食飽先去做野~~本來今日都應該食唔成 因為小店逢星期一會響應支持醫護人員 強力建議客人外賣或者擇日再黎👍🏽 但老闆(?)見我地專程黎幫襯出面又落緊大雨 所以都尊重我地堂食~~店入面既環境走小清新風格🌿 不乏文宣💛雖然環境細 但係整體既環境令人覺得好舒適🙂食物方面選擇唔多 我地嗌左💁🏽‍♀️忌廉雞扒洋蔥扁意粉($45)相對淡味 健怡之選~~雞扒較乾身一分錢一分貨 意粉份量唔多 男仔食既話未必夠~~水牛汁風乾火腿蘆筍意粉($65)當日冇露荀供應 所以改左做雜菌呢碟意粉相對濃味 辣得好惹味😋風乾火腿 有3大塊👍🏽凍榛子咖啡 (+$19)兩種味道都平衡得好好即使加左冰 都唔覺得淡味👍🏽熱胡麻鮮奶 (+$18)厚厚既泡沫 啖啖芝麻香 不錯喝👍🏽落完order後老闆(?)好細心咁提我地 食物到左之後先好除口罩 仲有提我地可以留返最後一啖野食😜食緊既過程聽到老闆好用心咁教緊店員感覺啲小店好有心 想做好每一個細節所以大家一定要支持一下呢間小店啊💪🏽😀