caffè HABITŪ (已結業)

rose latte喝多了,一心想來試試這兒的Temptation和熱朱古力的,誰知道...大失所望!Temptation只有外面少少黑朱古力漿比較香濃,其他的朱古力mousse都不算香濃,而且很甜,甜國頭了給人一種很"漏"的感覺,裡面的"津"子mousse雖然也有些"津"子香,但也是太甜了. 而且整件都是mousse,雖然說也算幼滑,但始終是缺乏口感,味道也太單調了. 這朱古力蛋糕比港島香格里拉Island Gourmet的招牌朱古力蛋糕chocolate frou-frou差遠了熱朱古力也完全不好喝,雖然滑但太甜,而且一點也不香濃,味道簡直就像超市買的三花即沖熱朱古力一樣,太令人失望了,比隔鄰太古廣場3座的Chocolux Cafe的香濃熱朱古力(72%/50%)也是差得太遠了以後都不會來這兒叫朱古力了,還是招牌rose latte有水準

招牌rose latte($32)好滑好creamy,而且好像玫瑰味,十分好喝pizza新鮮熱辣,餅底又香又薄又脆,好有正宗義大利風味,parma ham pizza($76)的parma ham好咸香,4 cheeses pizza($68)的cheeses也好香,十分好吃這兒就算是lunch time也不繁忙,一定有座位,sofa好舒服,環境又寧靜又闊落,可以慢慢嘆,十分優閑呢,是我最喜歡的cafe阿

去過幾間habitu 呢間d services 真係算差到爆..我個人都幾like habitu 既enviroment, 岩晒我溫書同上網.我重等登過海去食個tea..不過我覺得d staff 唔係幾好..好串..問佢拎杯水都比佢'妙'我咀..可惡呀!!不過環境同食物真係一流既..coffee lattee + samon 牛角包 ($48)coffee: 一般. 隻豆好啖口包: 好味..不過要食快d,,唔係好快cold晒~上次食過bagel 好味d~呢間d 冷氣都幾勁大家去之前記得bring 件jacket.

nov 06, 08,2人來食lunch,叫咗 : 1) coffee-友人話,仍舊有水準,很香濃-sorry張相out focus咗~~ 2) curry penne-試咗友人少少-白色嘅友人話喺mascarpone cheese-好在還有咬口,但個咖喱香味就輕咗少少-可以-比我以前食嘅linguine好 3) vegetarian panini-令次打死都唔會叫意粉-有菜,番茄,mozzarella cheese,矮瓜-個panini好似扁咗少少,但幸好小脆-不過唔知喺咪有d偏見,panini,我定會揀同區嘅exxxx - 因為友想飲佢嘅咖啡,所以嚟咗............

早陣子，適逢在灣仔金鐘交界，因為想找個地方tea一tea, 於是便來了這裡，貪其氣氛悠悠，裝潢幾靚。太喜歡朱古力了，當然要了一客Temptation，唔係太大件，o岩一個人慢慢食，d朱古力非常非常香濃幼滑，係覺得自己食緊75% dark chocolate落肚。o係呢度，遠遠已經聞到整個habitu充斥著coffee的氛香，仲order左一杯latte, 夠sai香濃外，喝下時可以感受到latte的味道的層次，那一種味道也蓋不過另一種味道的風頭。好滿足的一次tea。

Temptation $28: 多個月前的食評, 朱古力香濃,幼滑, 但整體味道記得不太, 清楚了,, 大概是老人痴呆吧

話說我係馬術義工，有份同金牌誶動員一齊睇升旗禮，0個日去完升旗禮先8 點鐘，於是我同完我的義工teammates 去KFC 吃早餐再去Cafe Habitu 嘆咖啡，一入去就搵番我最鐘意0個個梳化位攤屍一粒鐘。我響Habitu 最常飲既係Cappaccino ( 我太懶去check spelling.. sorry!)同 Mint Chocolate. 而我當日飲既係Cappaccino.雖然Habitu 既coffee 係比Starbucks 同Pacific 貴，但個人黎講比較鐘意Habitu 既環境，所以經開都會入去坐。順帶一提，0個度既Parma Ham Pizza 真係好好食~~~~

假日，與友人睇完電影，四點鐘左右，路經此地，總被這裡的環境吸引著。雖不肚餓，但時間許可，也想進去舒舒服服的坐下喝杯咖啡，悠悠閒閒的繼續和友人說三道四。經對方的同意，推門進去，每人來一杯cappiccino。不一會，兩杯咖啡制作完成，香噴噴的咖啡，嗅覺上率先得到滿足，就個人而言，喜歡咖啡既香多於其味道。杯面上泡沫的圖案，也令我有一種relax的感覺。而我最喜歡還是奶泡的幼滑和細緻，總覺得是隔離Pacific Coffee做不到的，所以雖然太平洋在隔離，我卻總不會光顧。再講味道，夠濃郁了！呷一口，再和朋友聊聊天，崩緊的神經得以鬆弛。$30/杯香濃味美的咖啡，結合舒適的環境，和朋友坐足一句鐘，不算貴吧！

昨天近舊同學敘舊食 tea, 來到這間經過幾次但未入過的意大利咖啡屋試試因為朋友喝奶類製品會嘔會痾的原因給他叫了杯 "iced rose tea"($27-8), 自己就要了個 "iced vanilla freddo"($33-4) 唔知全名係乜...朋友的tea 廿七八蚊真係唔係好抵, "咪就係玫瑰花茶咁ge 味道囉" <--- 就是朋友的評價而自己的那杯, 叫了少甜味道適中, 寸半黑咖啡在杯底, 其他的是vanilla + cream + milk... 只嫌vanilla 味唔夠, 所以同叫杯 iced latte 好似冇乜分別咁, 好失望...餐廳環境不錯, 有免費wi-fi.. 比起starbucks 和 pacific coffee 商業化的裝潢好得多.. 有種friendly ge 感覺加上人流不多, 唔會有人企係你後面等位 (我係cwb 同埋中環starbucks 試過).. 適合愛靜的情侶, 來這裡看書上網談天...

因為公司就在附近，所以我便常常光顧這家餐廳咯。 吃過它的海鮮扁意粉，肉醬意粉，白汁意等等.......不算特別。 而且很多時不夠熱。但它的 "four cheese pizza" 不錯，趁熱吃很美味的喔！ 因此我每次去都會吃的。喜歡這裡，因為....易搵位，又就腳，食物可以....

同羅蘭士攞完國際舞龍牌, 揾個地方hae 吓, 傾吓點搞.佢話嚟呢度, 久仰大名而從未幫襯過既小弟當然同意啦!地方幾舒服, 簡潔, 係一個hae既好地方!小弟叫了杯熱mint mocha, 35蚊, 味道不過不失, 但薄荷味不夠. 羅蘭士叫了支石榴汁, 20蚊, 同一個牛角包, 15蚊, 睇落都幾大個, 佢話幾好味!價錢與星巴及PC相約, 但小弟認為嘢飲份量卻軟少.但呢度有1個對小弟而言極吸引既優點, 就係佢有幾齊全鐘錶雜誌, 兼且冇乜人睇, 唔使等, 幾好呀! 平時買1本都幾十蚊啦, 呢度買杯嘢飲坐幾粒鐘就可以喪睇, 抵番晒!呢個笑面係俾個雜誌部既!

收工時間過來，店內客人不多。一杯latte，除了espresso底要香濃外，奶泡也很重要，打得是否夠滑夠綿？一口喝下，奶泡可說是連鎖店中質素最好的，幼滑有致，質感甚佳。espresso底是可以的，不過比起出色的奶泡可謂失色一點。又係幾好hea的cafe，至少比迫爆的星記與pcc好及更靜。唯一挑剔的是木椅子坐得不甚舒服。

香港可能近幾年喜歡飲咖啡的人多了, 好似已經不知是第幾間咖啡連鎖店了, 每間咖啡店都要有特色, 才可以搶出位呀, 這間除了有小食也有熱餐, 所以比較特別mocha 經常保持水準, 一定要飲, 但 latte 就免, 因為無一次的拉花是成功的, 其實真的是基本要求呀, 所以看到就眼冤因為喜歡食硬意粉, 所以這個是不錯的, 海鮮寛條麵, 好好味呀, 因為這間是預先煮定意粉及什麼天使麵, 因為是事先煮定的,所以若是幼細麵條, 就一定好林, 好似吃上海麵呀, 不好吃, 意粉煮得不林, 還是order後, 才再暖爐加上碟, 所以通常都是硬了點, 我比較喜歡食硬意粉, 若大家不喜歡好似食半生熟的感覺, 就不要叫好了牛角飽也是非常好, 但要襯熱吃呀, 因為凍左, 就扁及靭呀, 還有就是好油呀, 環境不錯, 比起隔鄰的太平洋好, 因為裝修清新, 同時無人理, 可以坐到屁股痛, 其實這間及太平洋都有兩個入口, 一是皇后大道東, 二是軒尼詩道, 所以大家約人, 就要講聲呀, 不然以為是兩間店呀

人在太古三期，開完會，跟同事有事談，就來這邊飲杯咖啡吃個包牛角包是不二之選，再加杯mistro，講真，真係超得牛油香，再加杯香濃咖啡，坐下坐下，又一朝了有時，身不由己，真係想坐多陣都唔得，大把call追住我了

放工時間肚餓又有點口痕, 0黎買個 croissant ($15) 一路食一路等巴士.0岩0岩烘熱的 croissant 當然熱辣辣, 紙袋上勁多牛油漬, 但聞落食落牛油香都一般, 亦唔係咁鬆脆, 仲濕濕的, 好失望. 比起 Robuchon 的無敵 croissant (見 http://www.openrice.com/restaurant/commentdetail.htm?commentid=1894678), 呢度的輸幾條街不特止, 仲貴人 $3, 唔會再買!唉, 下次都係穩穩陣陣, 食 pizza 飲咖啡好了.P.S. 店員幾 nice!