Centre de Vin by Nexus (已結業)

呢間餐廳係冇諗到黎到可以咁靚 好似去左酒店既餐廳咁 好高級既感覺野食種類雖然唔多 但樣樣都好似好好食 好特別咁生和牛牛肉韃靼佢既沙律菜本身撈左橄欖油 令到d菜好香 多士就脆卜卜 連埋d牛肉食好正 本身牛肉係加左洋蔥同唔知咩既材料 好滑 好林 同埋個口感好正 法式海龍皇湯個湯好濃好香 好好飲 好特別 入面仲有海鮮肉 配埋個麵包一流 點湯又得 點牛油又得 個麵包又好厚身 好鬆軟蒜香欖油海鮮手製墨魚汁麵呢個好香口 佢既麵係闊條麵咁 好特別 麵本身已經有墨魚既香味 加埋好多既海鮮又有蝦又有扇貝又有青口 好豐富既口感

路過龍圖道，巧明街附近，食肆林立，樓上地鋪都有，朋友突然記起樓上有間新開的西餐廳，於是就上去試下囉餐廳環境很寬敞傾計，談心都是好的選擇餐牌簡潔，款式不算多，精簡松露白菌忌廉湯， 松露味香 ，白菌味濃 ，既香且滑， 粒粒蘑菇有口感跟餐嘅包一啲都吾馬虎，法包外脆內軟香煎牛腹扒， 識食嘅梗係食牛腹扒啦 ，因為牛腹肉係牛肉刁鑽嘅部位， 纖維多，切成薄片一啲都唔韌， 肉質鬆化而且牛味濃郁配菜最好味嘅係薯蓉，薯蓉好滑而且牛油味重，所以好香滑喺咁好環境嘅底下悠悠閒食一餐，真係一樂也八八啩啩望佢隔離原來係酒吧，可以喺餐廳穿得過喎下次有朋友生日，嚟食完飯過隔嚟飲杯野，吹下水都幾好噃

今日係紀念日，決定同愛人今日揾間靚餐廳賀一賀佢，但大家都係觀塘收工，會唔會有好地方呢？問同事意見，佢地話附近有間野幾好。上到去，嘩，好靚，裝修好豪華，唔知野食點呢？叫左個酥炸魷魚，同埋一份3成熟既香煎加拿大牛肩肉。先黎一個魷魚，炸到金黃色好靚，仲有啲米通伴碟，食落去完全係唔會有雪藏味道，而且仲有特製沙律醬俾我點黎食，魷魚上面仲會有啲椒聯係度，好一道中西合壁的混合菜式。再黎3成熟既香煎加拿大牛肩肉，食呢類牛扒識食一定係食3成熟，因為肉汁真係會全部鎖哂係啲牛肉入面，令到每一啖咬落去的時間，除左有濃郁既鮮牛肉味之餘，仲會有肉汁濺出黎，肉香真係充滿整個口腔，而且我仲食到一陣陣炭燒味道，上面微量的鹽就更加點綴喇！仲有餐湯及飲品，真心滿意的一餐！

經朋友介紹下，知道有一間法國餐廳有Live Music，老婆本身好鐘意聽音樂，法國餐又咁有情調，帶老婆去應該無死內裡比較光猛，有別一般法國餐廳，不過黃黃既燈色，浪費氣氛不減裝修好美觀，坐位好寬敞面對住Open Bar, 所有野都放得好整齊，感覺良好餐廳最前有個Stage For Live Band表演,不過可惜今日咁Q無，有D失色我先叫一個《美國安格斯肉眼》5成熟就是最好牛扒厚厚的，切開中間全是粉紅色，仲有少少肉汁滲出，食指大動。肉味香濃，而且入口軟嫰，做到外脆內軟既口感老婆order左香辣欖油蒜片扁意粉蒜味香氣樸鼻，忍唔住搶先食《相信老婆當時想殺死我》。除左面頭2粒帶子，意粉入面仲有切丁帶子，幾豐富而且鮮甜。意粉偏向硬身，充滿左蒜味，岩晒我同老婆，入面仲混合左大量微辛蒜片，當然都比我地清晒啦，超正的價錢唔算貴，環境浪費，幾適合情侶拍拖撐枱腳

今晚同同事收工後去附近食左晚飯先返屋企，呢間係同事帶路，係公司行過去都係10分鐘就到餐廳環境好舒服，空間感大！燈飾好柔和門口放左2盘花，好清新我地叫左個慢煮牛肉面頰意大利飯同香煎牛腹扒，原來加30蚊就可以有餐湯同包，我地加左1個做套餐南瓜濃湯，呢個好香，南瓜味好甜！份量多同夠熱，好味呢個包外面好脆，入面好軟，有少許芝麻味，唔錯香煎牛腹胸，煎得好香口，而且好軟身，牛味極濃！配菜一d都唔馬虎，唔會煮到好淋叫左7成熟，仲有好多肉汁！好好食慢煮牛頰，估唔到有咁多舊，可能係慢煮嘅關係，食落去好嫩口，同樣都係食到有肉汁。意大利飯有好大陣芝士味，好邪惡吖！食完都好飽套餐仲包一杯野食，我個人覺得加38蚊叫個套餐抵d，有餐湯，包同野飲

朋友推介官塘區工廈既西餐食晚餐, 入到去環境真係好好好大, 同一層有2間, 一間就係西餐廳格黎係BAR.原來樓上仲有, 樓上全層都係BAR既, 晚上可以BBQ, 個環境好舒服.講返西餐廳先, D質數好好呀! 食品方面叫左: 慢煮八爪魚沙律些厘醋汁, 餐包, 海鮮手製墨魚汁麵, 意大利飯, 西班牙黑毛豬, 甜品姜汁梳乎里.推介: 餐包- 外脆內軟, 好吃海鮮手製墨魚汁麵- 個墨魚汁麵係手製, 韌度適中姜汁梳乎里- 真係好有驚喜, 熱既梳乎里再加上凍既姜汁, 真係好出色. 我諗食2個都可以呀原來官塘區有咁多好野食, 我住係呢頭都唔知.

又到食好西時間，今次又係遊走於觀塘工廠區，地點尚算方便而且易搵餐廳樓底頗高，而且空間大，無咩壓迫感，而且另設包場區辣肉腸蝦肉意大利飯好足料，好開胃，飯底又唔會太濕牛肩肉配薯蓉，雖然份量唔算多，不過重質不重量，肉質夠淋，又好juicy 最後上個梳乎厘，好好味😍而且唔會覺得食完好似得陣風咁😆

平時久不久就會來食lunch, 一向都不錯，但今次真的很失望，以後不會再來了。點了一客7成熟西冷，上枱係well done的，完全無牛味而且非常韌🤷🏽‍♀️正常侍應看到如此well done牛扒也不會給客人吃吧。西冷扒$178, 這個價錢在觀塘比他好的大把選擇🤯而且無汁既？淡到呢以為食緊煲完湯既湯渣👎🏻配菜全是白恰無味道的，有無上心做好每一道菜，其實一眼便知道大家想見識下well done牛扒就去鴻圖中心centre de vin啦💁🏽‍♀️

得知禮拜日母親節被編要返工既時候，唯有同母親大人提早慶祝。呢排其實都忙住搞出trip既細節，上網見到呢間係工廈既西餐都唔錯，就約咗屋企人黎。Book咗枱晚上七點黎到，由牛頭角地鐵站行過黎幾方便。入到餐廳就覺得個環境好高級，食個氣氛都正啊！天花既吊燈、室內既擺設有心思，會令你忘記了你其實身處工廠大廈。餐廳另一半既枱凳感覺又唔同咗，都幾啱情侶約會慶祝週年紀念等等。早咗黎，一開頭冇咩食客，但食食下就開始多人黎用膳，可能香港人真係比較遲收工。餐廳有一個位置係有個stage，可能有時會有live band演出，邊睇show邊用膳，感覺應該會更醉人。這天晚上沒有表演，但全晚都播住外國音樂，可以和家人邊用膳邊傾計。餐具跟足西式餐桌禮儀，有齊食前菜、主菜，飲餐湯既用具，用完之後，侍應會好有禮貌黎到收拾餐具，又不時黎加水，服務可以話係滿分啊！前菜我地叫咗慢煮八爪魚沙律些厘醋汁，估唔到咁好味，一試難忘！八爪魚片經過慢煮後，十分有嚼勁，配以些厘醋汁，味道酸酸地，非常開胃！薯仔粒煮得好爽口，加上清新既沙律菜，好味道！為呢餐筵席帶來一個美好既開始~法式海龍皇湯有別於其他餐廳既龍蝦湯，唔會好濃好咸。睇得出個湯冇偷

Heard from my friend said this one is good and plan to book dinner, drink and K together with them. I called 4 times within 2 days, their staff keep passing to other staff by just keep asking me leave phone number without any reply.

朋友住在觀塘區，跟我説最近在觀塘區發現一家不錯的西餐廳約我去吃晚飯！為食的我當然去吃一吃，看看究竟是否屬實👻我很喜歡門前這個枯樹擺設，很有格調😻內裏有個很大的水吧，整體餐廳的光線很柔和，再加上餐廳的環境很寧靜，在這裡和朋友吃飯感覺真的很舒服。餐前法包：外脆內軟，新鮮好吃👍🏻慢煮八爪魚沙律些厘原醋汁：八爪魚鮮甜美味，沙律夠新鮮爽脆😻香煎和牛西冷：有很多餐廳話和牛西冷，往往只提供普通西冷牛肉，然而，這家餐廳的和牛西冷，吃得出是真·和牛西冷😻（利申：本人剛剛從日本吃了很多餐和牛飯，所以，一吃就知龍與鳳🤩）真·和牛西冷不用說，當然好吃啦😻😻😻😋西班牙黑毛豬：肉質鮮甜，好吃！我的朋友果然好介紹👍🏻👏🏻👏🏻👏🏻

舊同事轉了份新工在觀塘上班，聽她説觀塘有間高質素西餐廳，食物材料新鮮，味道也不錯，很值得一試！明天5月1日假期，不用上班😻好吧！今天便約她聚舊，順便試下這間餐廳吧！餐廳環境寧靜舒服，令人頓時輕鬆起來！果然，是聚舊談心好地方👏🏻👏🏻👏🏻麵包外脆內軟，好吃😻西班牙黑毛豬：肉質鮮美嫰滑，配菜有紅蘿蔔、鮮露筍、翠玉瓜、小菇及薯蓉，都有不錯😻香煎和牛西冷：份量十足，牛肉味香濃😋海鮮雲吞配青豆蜆肉汁：黑色的雲吞，賣相特別，雲吞皮的蝦肉很鮮甜彈牙，青豆蜆肉汁與雲吞味道很搭配👍🏻我這位舊同事果然無介紹錯，一定會約閨蜜再來這裡吃飯談心😎

上次聽朋友講觀塘工廈個邊有間西餐廳很不錯，今日放假就約埋佢一齊黎食，環境好闊落，黃燈下感覺好溫馨，聽侍應講有時候會有live band 演出，不過今天剛好沒有！無緣了☹食西餐點少得酒呢，侍應好細心咁問我地中意咩口味，再推介左幾種選擇比我地。我地就簡左Chardonnay ,好易入口 帶有少少果味偏甜，相信女士們都會好中意，同西餐好Match巴馬火腿配蜜瓜一向都係我最愛，薄薄咸香既火腿配上鮮甜既蜜瓜，好夾 作為前菜非常開胃。辣肉腸芝士蝦意大利飯蝦非常爽口，芝士滿滿的 仲係會拉絲個種，配埋辣肉腸中和返 唔會膩，意大利飯都吸滿哂芝士，整係食飯都已經好正焦糖燉蛋甜品我地簡左呢個，蛋面上係燒到又香又脆既焦糖，蛋亦非常幼滑，蛋香味好濃，食完都唔會濟！

朋友帶了我去觀塘樓上餐廳食飯，地方很大，有獨立房，而且比較寧靜。朋友點了香辣欖油蒜片帶子扁意粉，扁意粉薄薄一片，而且比平時的更寬，裏面有些爆炒過的蒜片，還帶點辛辣，意粉韌度適中，不會過腍，帶子表面略煎，裏面有點半生，似食半熟刺身，質感嫩腍。我是食肉獸，當然叫了美國安格斯肉眼扒，肉眼點了五成熟，表面燒至微焦，切開裏面呈粉紅色，感覺有七成熟，有肉味而且有肉汁，肉質有咬口及肉質纖維，旁邊有些西蘭花及翠玉瓜等，而薯蓉很幼滑。

香港租金昂貴，想食好啲又唔想俾太多錢幫人交租，其中一個選擇就係工廈開餐，要食好嘢梗係要有地膽帶路，朋友由觀塘鴻圖道帶路行到巧明街，去一間之前主力賣葡萄酒既公司，搖身變為典雅嘅意大利餐廳凱撒沙律（$88）幾乎係每次食意大利菜必點既一項，比較少有餐廳加入醍魚，除芝士以外再增添咸香，為清新蔬菜增加味道，特別開胃醒神細個總係唔鍾意食豬扒，硬係覺得有陣豬肉腥味，唔知係而家飼養方式抑或品種改變，而家食豬鞍除咗冇腥味，仲更有肉汁同肉質鮮嫩，美國黑毛豬鞍6安士伴蘋果汁（$238）豬鞍最常配蘋果蓉，蘋果香甜帶果酸，可以令肉質更鬆軟香辣欖油蒜片帶子偏意粉（$178）明明係偏意粉，唔知點解上菜變咗闊條麵，不過影響都唔係好大，闊條麵炒得乾身唔油膩，開頭以為咁孤寒得2粒帶子，原來有砌粒既帶子混入飯後甜品點少得叫返個梳乎厘，齋睇已經知道有幾鬆軟，淡淡薑味入口即溶，就算食到幾飽都可以點既甜品