Centre de Vin by Nexus (已結業)

有個舊同事之前生日，今日請距食飯補祝。原來牛頭角的商業大廈都有唔少餐廳，純粹見到OpenRice食評有人話有live show 睇所以想試試，(不過可能我哋平日去所以唔見有）。餐廳係一間酒吧隔離，所以如果想靜少少可以要求店員安排較入的位置，餐廳的吧枱裝飾幾有特色，環境都好闊落乾淨。有個台應該係可以表演用？ 侍應話平時都有公司搞活動包場。餐牌只有一頁，我地好快就揀好食咩。凱撒沙律 ($88)，煙肉粒幾香，除咗有芝士同埋麵包粒外，仲有幾塊鯖魚，幾創新，沙律醬汁偏酸，食落幾開胃。溫泉蛋卡邦尼煙肉意粉($138)，雖然比較杰身，但加上溫泉蛋的蛋黃就變得很滑很濃郁，味道中上。美國安格斯肉眼扒 ($248)，肉煎得焦香，蘑菇味的薯蓉配上牛扒汁十分滋味。飲完橙汁好似仲未係好飽，侍應推介我們食焦糖燉蛋和疏乎厘。薑汁疏乎厘 （$98），全晚最驚喜係呢個甜品，先在中間掘一個洞然後把薑汁倒進去，個味有啲似中式的薑汁甜品，幾有趣。焦糖燉蛋 ($88)，燉蛋都幾滑，有蛋香。整體來說餐廳的食物水準不錯，若果有套餐提供就更好。

跟朋友飯聚, 相約在這家餐廳, 觀塘區的樓上餐廳, 空間感十足, 店員招待都很有禮, 只是食物送來的速度稍慢, 可能今晚算多客人吧, 聽說這裡有live band演出, 可是今晚週五都沒有。餐廳沒有set dinner, 晚上都要單點項目。巴馬火腿配蜜瓜$108: 火腿薄片而甘香甘醇, 一食就知是靚貨, 味道不會太鹹, 蜜瓜香甜多汁, 兩者都同樣有質素。凱撒沙律$88: 沙律菜都幾爽口, 不過沙律醬汁就稍多, 令到感覺較濕, 而且有點鹹, 特別的是有一條魚仔, 未見過凱撒沙律有此配搭。法式洋蔥湯$62: 我很喜歡喝又香又甜的法式洋蔥湯, 這個洋蔥味都幾夠, 麵包上芝士又夠多, 不過湯也有點稍鹹。美國安格斯肉眼8安士$248: 要7成熟, 煎得幾香, 熟度都差不多, 食到牛的香味又有少少脂香, 感覺幾平衡, 肉汁都多, 蔬菜配搭簡單。主菜加$38有餐湯和飲品, 價錢都算合理, 食物質素可以, 服務都幾好, 環境寧靜, 是晚餐慢慢聊天的好地方。

這間法國餐廳晚餐時間並沒有套餐，全部都是單點食物，而且款式比較少，頭盤餐湯、主菜全部都只有幾款，但貴精不貴多，好食就可以了。溫泉蛋卡邦尼煙肉意粉卡邦尼意粉表面放上溫泉蛋，望落去意粉充滿醬汁，不會太乾，一𠝹開溫泉蛋汁流出，即是拌勻，以餘溫令蛋汁變得濃稠，整體更幼滑，意粉軟硬度適中，有些煙肉碎，非常creamy。波士頓龍蝦意大利飯本來以為是原隻龍蝦放在飯面，上枱後發現原來龍蝦已起肉，煮在飯內，意大利飯煮得夠腍，每粒飯都吸收了醬汁，而且充滿了芝士，龍蝦肉彈牙，不過份量比較少。

觀塘的工商區有很多臥虎藏龍的食肆有待大家發掘，今日老公帶了我和媽媽去一家很有情調的西餐廳吃晚飯。餐廳位於商業中心中，所以格調也比較高。餐廳的裝修很Grand。昏黃的燈光亦很有情調。看見這個台應該是有live band演出，真可惜今天沒有呢。餐牌亦是華麗的風格最近轉餐牌的關係所以比較簡潔，如果點pasta&risotto或main course的話可以加$38轉套餐，可以多一個餐湯和餐飲。先來個牛油小餐包，鬆鬆軟軟。<番茄濃湯>的番茄味濃郁得像有十萬個番茄在跳動，老公說有點酸但是我覺得剛好喔！！酸酸的非常開胃，我很欣賞。<卡邦尼意粉>經典不花巧，帶有一點點奶香是最喜愛的，再加上煙肉的鹹香令味道更豐富醬汁蛋黄味很重，麵條硬度適中，每條也緊緊扣著香濃的醬汁呢。黑毛豬鞍油潤甘香，肉嫩多汁，外層煎得香香的，無論味道和口感都更勝一般豬扒豬鞍扒加入酸酸甜甜的蘋果蓉，不但令味道更有層次，蘋果蓉中和豬鞍扒的肥膩感，令人回味無窮!餐廳有情調，絕對適合情侶或夫婦來拍拖撐台腳。

平時都好少食西餐 因為西餐嘅感覺比較貴同水準好參差但今日有朋友極力推介我嚟到呢間餐廳甘我就試下有幾正我約咗同朋友嚟到觀塘呢間意大利法國餐廳食farewell 飯✨✨✨首先一入到去嘅感覺令我眼前一亮本身對觀塘嘅感覺都係比較工業區完全冇諗過環境可以裝修得咁歐洲化餐廳面積比較大所以位置比較空曠闊落唔會好似其他西餐廳環境較狹窄坐低嘅時候店員好細心安排到比較舒適的位置之後開始點餐，我點了一個 哈蜜瓜Parma Ham 卡邦尼意粉 辣肉腸蝦芝士意大利飯頭先前菜係哈蜜瓜配Parma ham 係我至愛 個巴馬火腿咸道非常適中再配新鮮哈密瓜 簡直食到流晒口水之後就嚟咗辣肉腸蝦芝士意大利飯，嚟到嘅時候芝士味已經很龍很香噴噴 蝦非常鮮味配合其中之後再有卡邦尼意粉，個意粉非常有口感同埋金箔果凍甜品好精緻好清新，有賣相又好吃總結：呢間樓上既觀塘西餐廳咁好食 高質素，係一間極高水準餐廳，下次一定帶屋企人來吃😊😊😊

星期五既黃昏 咁岩起觀塘行完街見餓餓地 當然要起附近d工廈街道逛逛 睇下有冇新大陸發現到啦 唔通仲起商場到慢慢等嗌飛仔號碼咩由apm巧明街向前行 見到棟大廈幾新淨 網上又有介紹樓上間餐廳 就決定試試佢 而間係西餐廳 上到去見個地方好大 好浪漫柔和既燈光 加上都好多客 感覺唔係中伏 仲有d高檔一人一個dinner set 有湯有包有野飲 仲要有甜品跟埋 意粉 risotto 叫多個Parma ham 甜品tirmisu 無伏 係好食既 真係可以再返黎既餐廳 價錢中上 不得不share食完過佐同層對面間bra飲野添 後來知道原來佢地係同集團 ...

今日去到官塘一間樓上的西餐廳享用晚餐，一踏入餐廳個環境給我的感覺很好，地方很大，枱與枱之間唔會有迫既感覺，而燈光很柔和，整體既感覺很舒服，食物上就點左一份黑毛豬鞍扒晚餐連湯加飲品，湯的味道很好，而Main course 既份量很足夠，肉既口感控制得岩岩好，很好味👍🏻，依度無論環境同食物都令我有驚喜，下次一定會再黎試其他款式😋

第一次寫, 多多包涵。岑日同女朋友加埋一對朋友2pair人去左觀塘玩VR，玩完開始肚餓想搵下野食，行下行下見到有人派傳單係有4月生日 4位同行就可以有1位免費，甘岩女性朋友就係4月頭生日，早知上次慶祝就黎呢度，比少一個人錢，經過一陣商討後，女主人們同意左試下就決定上去試下啦。間餐廳係上樓嘅，上到去地方環境比想像中大好多，環境亦都好靚，無諗到呢個區都有間甘大甘靚嘅餐廳。我地一決定一齊揀幾款再share 食，我地叫左一個龍蝦湯，一個雲吞，一個卡邦尼意粉，一個豬扒同一碟紅菜頭。 龍蝦湯龍蝦味夠濃，唔錯 雲吞係西式雲吞，侍應同我地講係廚師手工做嘅，呢個雲吞黑媽媽甘但食落真係好好食，原來西人嘅雲吞都可以甘好味 卡邦尼意粉亦都係手工，口感好彈牙 豬扒亦都好正，肉汁肉味好濃 紅菜頭就無乜點食，我呢d 食肉獸唔係特別喜好呢味，但兩個女仕同另一位朋友都話唔錯。可惜上面全部食晒先諗起應該相機食先剩係影左甜品。最後亦都點左甜品芒果泡芙，個樣睇落類似細粒菠蘿包甘，擺碟亦好有心思，食落唔會太甜，芒果微微嘅酸度，入面嘅cream亦唔會太“流”。呢餐飯非常驚喜，價錢相宜，呢個月內要搵下4月生日嘅朋友再黎食過

為左同我老婆二人世界，我book左呢間西餐廳，黎到同相片一模一樣，環境好舒服，好岩我地兩公婆撐枱腳，燈光幾浪漫，服務員介紹左個龍蝦汁意大利飯畀我地，真係冇得輸，好好食😋因爲我老婆生日，經理送左個甜品畀我地，雖然唔知呢粒係咩黎😂但真心好食，老婆話下次要同我再黎過👍

難得搵到一間消費好理得黎又好食既餐廳真係難上加難。今日食晏黎試下新野，坐底個感覺好舒服，服務員幾好禮貌，野食黎得幾快，岩哂我地呢d得一個鐘食飯既人😆野食外觀好靚，味道非常好👍👍下次再黎過😋

平時好小寫食評但今次唔寫唔得因為呢間餐廳真係令我有驚喜係意大利法國餐廳🎈🎈🎈本身係觀塘番工，同事推介我試試一入到去 環境幾靚點左一個午餐，有湯，卡邦尼意粉同飲品我食過無數既忌廉卡邦利意粉呢間真係超水準，個汁芝士味極濃岩哂芝士控既我！無諗過觀塘食到中環級既質素✅✅✅原來呢間餐廳都係自家制既意粉個意粉質地超有口感環境方面午市都幾多人食，但唔洗等位因為地方大，都幾舒適傾計聚餐一流 員工都非常有禮貌未試過係觀塘食到甘高質素呢間係我首選

呢排日日OT，想食餐好少少嘅都唔得，晚晚都係食茶記，搞到個人心理好唔平衡，決定今晚要食餐好嘅(雖然食完都要返公司做野)，經朋友推薦，決定去鴻圖中心9樓嘅Centre de Vin一入到門口已經好有驚喜，因為無諗過觀塘區竟然有一間餐廳嘅裝修可以敢靚敢Grand~不過話分兩頭，作為餐廳，最重要都係食物質素，如果啲嘢唔好食 裝修幾靚都係假，所以事不宜遲，馬上入去嗌嘢食首先我幾左個法式龍蝦海鮮湯及Home made 墨魚汁pasta，當個湯一嚟到放落枱面，我就知道對辦了， 暗橙紅色嘅湯配撘濃郁至極嘅香味，完全係視覺與嗅覺嘅一場盛宴，飲一啖湯落口，你會感受到龍蝦嘅鮮味混合埋番茄嘅爽甜再加上其他配料，令到我個人呢幾日嘅疲累有種一掃而空嘅感覺!品嚐完湯後，好快就到墨魚汁pasta，自家制嘅意粉，完全顛覆左我以住對意粉嘅感覺，我無諗過會用「彈牙」呢兩個字黎形容意粉，一個特別嘅口感再加上微微嘅辣味，簡直係味覺大爆炸，令我忍唔住再叫多一碟黎食。總括嚟講，呢間餐廳不論裝修、服務、食品質素等都屬於頂尖水平，我下次一定會再返黎試下其他嘅食物，例如扒類等等😍😍😍😍我相信Centre de vin將會成為我嘅飯堂

觀塘區少有好食既西餐 值得推介下🤤因為觀塘成日都好少好食既西餐晚餐環境好少人好靜所以可以好開心食大概食物質素大家睇相食物質素同環境都一流所以大家可以去試下🤤🤤🤤

係觀塘勁多嘢食，今次試個好少少嘅Lunch, 不過要預d時間搭，好慢😂南瓜餐湯好清甜，都應該足料，唔會水lau lau。反而麵包更驚喜，外脆內裡鬆軟，仲有少少胡椒味，好得意!我點咗慢煮黑毛豬扒，成個肉眼扒咁厚都好軟腍，Nice! 不過多汁d會好d, 食到一半有少少乾。伴菜正常ok的。餐茶就遇上一貫問題，要自己調校嘅奶茶點都唔及茶記好囉🤣

成班同事約左今日食lυncн!做左陣rѕearcн最後揀左鴻圖中心的 Centre de Vin 吃午餐！其實觀塘真係好多好野食！都幾難揀.第一次黎食！入到去都覺得環境幾高級架黃色格調!人流都挺多的！我諗都係ol較多吧：）都算就腳呢.午市套餐包括湯或沙律，主菜，餐飲千揀萬揀我終於諗到叫邊個啦等左陣個包黎到先！當然即刻食啦！1:00抵擋不了餓意，咬落去同想像一樣好鬆軟有種香料味之後我點埋湯食更惹味個湯係南瓜忌廉湯勁creamy啊，好快都比我清了！主菜比想像中上得慢!等左都有15-20分鐘呢!我呢個係⋯芝士吉列石班魚柳漢寶配薯條黎到個陣個包身暖暖脆脆！入面既吉列石班魚柳真係炸得岩岩口！好食 個魚沒有太多雪藏味！與蕃茄同生菜一齊食好fresh!薯條份量好多所以我都係share比身邊既同事食夠飽肚呢坐我左邊既叫左慢煮黑毛豬鞍配燒汁淨係聽黑毛豬都覺得吸引呀！慢煮可以鎖住肉汁，正！成個豬鞍好有口感好厚身但又易切！煮得好入味 呢個會心動坐我右邊叫左叫美國cap西冷扒6安士，成塊牛扒不算太大煮得唔算腍但好彩未到好韌成塊肥瘦均勻。女仔應該會好飽，但我諗男士又會唔夠喉呢！我喜歡伴碟的小吃！每樣都好吃午餐耐