Chatterbox Café (AIRSIDE)

营业中

休息中

以前由香港啟德機場出發，連接世界各大城市，讓香港與世界接軌。雖然啟德機場已完成歷史任務，但仍可以喺啟德嘅AIRSIDE 讓味蕾向世界出發，投入世界各國美食，今日就飛到新加坡嘅Chatterbox Café。文華海南雞飯嚟到新加坡，又點可以無海南雞呢？Chatterbox Café係新加坡嘅過江龍餐廳，所以食物出品還原獅城口味。海南雞嫩滑，雞皮肥而不膩，仲要無骨啖啖肉，食嘅時候非常滋味。最正嘅當然係油飯啦，油香十足，雖然邪惡，但絕對忍唔住口！招牌雞肉喇沙新加坡嘅美食選擇非常多，喇沙係我哋另一推介。喇沙通常配上大蝦，但因為A姐對蝦敏感，好彩餐廳亦有提供雞肉嘅喇沙選擇。喇沙非常香滑，帶有淡淡椰香，非常香濃，加上湯底濃稠，所以非常掛湯。

來到chatterbox cafe呢間來自星加坡的餐廳，你會有咩心水選擇呢？我同大多數人一樣都會揀海南雞， 呢度就叫做“文華海南雞飯”，由於係個set，因此仲有飲品。而我就試試熱嘅“有機蘋果茶”吧，見到加配食物好平，就要咗份“黑醬油炒蘿蔔糕”。雞好滑，而且份量都算多，仲有正宗三個醬汁跟，黑豉油，蒜蓉及辣醬；蘋果茶係茶包茶，但都真係飲到蘋果味，幾ok；蘿蔔糕切細件，配黑醬油來炒，又有蛋，好有東南亞風味。另一選擇係新出的"芽籠黑醬油海鮮福建麵"，海鲜有两大隻蝦，又有好多魷魚同埋加入咗啲豬油渣，非常之香口同埋好有特色，今日嘢飲就要個地道啲的“熱錫蘭奶茶”，當然唔會差，加配的甜品“雙球椰子雪糕” 好正吖，好香濃椰子味，上面又洒咗d可可粉，非常之可口。

今日我哋去咗Airside食chatterbox cafe ，呢度環境好闊落，有卡位又有門口位，啱晒放狗人士或者其他帶住寵物嘅朋友仔我哋下午三點去到，當時可以同時揀午餐或者下午茶，因為好肚餓，所以我哋最後揀咗午餐，一見到招牌大蝦喇沙$178 ，就已經即刻想揀佢，通常喇沙都係好辣，但佢個喇沙唔算好辣，唔食辣嘅我都可以成碗食晒，上面仲有五隻大蝦，隻隻蝦都有蝦膏，而且係接近手掌咁大嘅大蝦最後小食加配$25有兩球椰子雪糕，椰子味好香濃，好重椰子味，出邊用呢個價錢一定食唔到！必食！另外套餐係可以加配飲品，我哋叫咗兩杯特飲涼粉日本紅豆冰 同埋 雪糕日本紅豆冰兩杯飲品都唔會太甜，而且雪糕仲係椰子味夏日炎炎飲兩杯凍冰冰嘅特飲真係好舒服呢個商場而家做緊優惠，用滙豐信用卡仲可以有15% 折扣，咁啱我哋去就係平日可以用到呢個優惠，正呀

今日我哋去咗啟德新商場airside食好出名嘅來自星加坡海南雞食店Chatterbox cafe我哋叫咗個午餐set 必點嘅文華海南雞飯$138，仲可以加$10升級去雞髀，一定要加！啖啖肉全部都係滑雞髀，而油飯好香，呢個頭銜真係抵比👍🏻👍🏻仲有埋湯，而佢嘅靈魂海南嘅醬汁，亦都特別好食另外我哋仲點左一份沙嗲串燒，豬肉、牛肉、雞肉各兩串，佢個花生醬汁真係要粗粒花生醬，好濃又夠甜而且當日我哋同埋小朋友一齊去，餐廳仲有提供兒童餐具，小朋友都可以一齊食得好開心，而且呢間餐廳地鐵站一出上電梯就到，地點好便利！

新加坡過江龍的餐廳，裝修以園林風為主，充滿東南亞風格，感覺很放鬆、忘憂。另外還有套餐，包括了小食、主菜、飲品等。文華海南雞飯招牌菜之海南雞飯，雞件蠻多，雞皮油光，肥美。雞肉已去骨，肉質滑嫩，帶雞香味，旁邊有三款醬汁，黑醬油、薑蓉及辣醬，可供客人配搭。油飯帶有雞油香，粒粒分明，不算油膩；還有一碗雞湯，滋潤喉嚨。雞肉沙嗲一共6串，燒得很香口，沾上沙嗲醬，味道更加惹味。美祿恐龍這一杯來自馬拉、星加坡的美祿加上大量美祿粉末及脆脆鋪面的飲品。美祿有奶香，味道濃郁，亦不會因溝太多水而沖淡了味道。

自從試過呢間餐廳的海南雞飯同埋肉骨茶之後，已經覺得好食。自己的性格食慣左就一直食同一款，今次下定決心試試新菜式！都真係無失望喎！上次已經想試，今次真係叫呢個「星洲海鮮炒貴刁」（$128），有2粒大大粒又厚身的帶子，仲有2隻大鮮蝦！食落去個炒貴刁味道咸咸甜甜的，有d似豉油王的味道，但加少少甜味，貴刁的質感好似河粉，但較厚身同粗少少，所以食落口感會豐富d，再加上佢用臘腸、蛋、蔥等炒，令到個味道更多層次。另外決定試下個咖喱豬肋骨煲配白飯及香脆簿餅（$142），個咖喱值得一讚，好惹味，可以送到幾碗飯，除左豬肋骨之外，佢的配菜有薯仔、茄子同埋秋葵，好入味，另外配塊簿餅，好適合配咖喱，劃龍點睛。

Chatterbox Café (AIRSIDE)地址 : 九龍城啟德協調道2號AIRSIDE B1樓B114號舖Chatterbox開業於新加坡文華大酒店，在香港也有幾間分店，最出名就係得獎的文華海南雞飯，今日終於有機會試試。⭐️文華海南雞半隻，當然要試下呢度既皇牌招牌菜，差不多每枱都必點，雞份量好多，皮爽，肉質嫩滑，連雞胸也不會鞋，無骨，皮與肉之間有一層淡黄色啫喱，食落淡淡肉，醬汁有三款，黑醬油、姜蓉和辣醬，各有千秋，點了更加惹味，絕對是一道令人垂涎三尺的經典美食，絕對值得一試！ ⭐️海鮮滑蛋河粉，海鮮有大蝦，帶子，螺片等，搭配蔬菜，菇類，河粉比平常的濶，爽又滑，吸收了美味的醬汁，帶來豐富的口感層次，整道菜色香味俱佳，令人食指大動。⭐️鹹蛋黃雞翼，熱辣辣，鹹蛋黃香濃幼滑，雞翼外皮酥脆，內部肉質嫩滑多汁，鹹香蛋黃醬包裹著整隻雞翼，香氣四溢，滋味無窮。餐廳面積很大，寬敞舒適，裝修雅緻，員工服務有禮，食物水準很高，果然名不虛傳，值得再訪！

Chatterbox 一大吸引之處一定係前文華總廚主理哩個亮點, 而事實上佢地既出品真係高質, 哩度既叻沙係我係香港食過最正既top3!! 多個人既話可以叫二人餐抵d✔️個湯底真係完勝! 質感濃厚到好似啖啖飲緊精華咁, 喇沙香氣獨特再加上椰奶, 味道豐富又有層次。麵條完美掛湯, 魚片, 豆卜都吸盡湯汁, 好好味。大蝦真大隻厚肉兼清理好蝦腸,入口爽彈有滿足感。另外叫左兩串串燒, 肉燒得唔錯啦唔會乾爭爭, 而重點其實係個沙嗲醬, 有粒粒花生口感同香氣, 炒得好香好惹味。兩道菜都濃香惹味, 配搭一杯豆漿就岩岩好。順帶一提哩間係AIRSIDE既係新分店, 環境大有設計感, 裝潢加左D綠化感覺，係度晚餐me time下都好正🧡

主打新加坡🇸🇬菜嘅Chatterbox cafe開到黎Airside li個新mall, 經過其他分店成日都排哂隊, 今日都排埋一份食個lunch set先, 全新推出menu令人期待^^.🍴文華海南雞飯雞肉好滑呀! 而且份量好足. 如果特別鐘意食雞髀更加可以加$10轉. 點嘅醬油薑油味道都好正宗, 大碗雞油飯秒清🤤.🍴海鮮滑蛋河粉一定要推介俾大胃王, 因為真係超•大•盤! 河粉係闊身嗰隻, 因此每一啖都掛到特別多汁. 蝦夠哂大隻爽口, 仲有巨型帶子, 鮑片, 淨係海鮮都非常豐富. 我鐘意芡汁濃稠適中, 又多滑蛋, 好味又抵食.🍴店員介紹左li個奶香咖喱雞配白飯係類似咕嚕肉style嘅雞, 佢留返下次try try先.🍴餐飲有熱奶茶同即磨咖啡, 食完野嘆返杯咖啡先返工真perfect.

Airside入面有間叫Chatterbox餐廳係一家好出名嘅新加坡的餐廳😛我和我的朋友點了他們的2人餐，其中包括海南雞飯、喇沙、生菜、咸蛋雞翼和仲加配左夏日刨冰，埋單都係200元一個人，性價比算高🧡佢地招牌菜式——海南雞飯😍😍😍呢道菜是他們的招牌之一，讓人回味無窮。雞肉非常嫩滑多汁🙆🏼‍♀️配上香氣四溢的飯和雞湯，一口咬下去，滋味十分濃郁。此外，他們的海南雞飯還附上了美味的醬料，增添了整體風味。這道菜絕對是必點之選。❤️😬接下來是喇沙，這是一道新加坡的經典湯麵。Chatterbox的喇沙湯底非常濃郁😳充滿了椰奶和香料的香氣。裡面配有新鮮的蝦仲好大隻！魚餅、豆卜和蛋，吃起來口感豐富，❤️❤️😆除了主菜之外，他們的咸蛋雞翼也非常值得一提。這些雞翼炸得酥脆金黃，外層裹著濃郁的咸蛋醬，每一口都散發出誘人的香味。肉質鮮嫩多汁，配上咸蛋醬的鹹香☺️最後，我們品嚐了他們的夏日刨冰😎用甜點畫上完美句號！

2024年4月11日中午時分到店食海南雞飯套餐，海南雞飯餐味道不俗，例湯夠味，有清味蕾的作用，飲品四季柑茶值得推介。但可惜的是，此店的待應服務態度如同大家樂大快活質素。是緣在等食期間，見到一個客人希望坐卡位，但駐店待應因只有一個人為由，要求客人轉坐單人位，客人因而要求離開，待應嘗試補救但最後不果。我看見客人表情十分失望，揮袖而去。轉坐問題不大，但當時餐廳只有數位食客，大量位置空置，為何不可以讓客人自由選座。請經營餐廳負責人能正視問題。比你好的餐廳如恆河沙數，為什麼客人想進來用膳，雖說新加坡文華酒店旗下品牌，但在港如斯營運實在有點那個。

位於啟德商場裡面的新加坡菜餐廳，主打海南雞飯、喇沙等特色地道菜式。地方寬敞，空間感很大，環境優雅寧靜，佈置了很多植物。以手機掃二維碼下單，十分方便。小食：馬來特色香煎辣魚餅魚餅薄薄一大片，入口有一股茶香，味道微微帶辣，配搭麵包蘸醬一起吃，層次豐富。如果麵包烘成多士，口感更佳。招牌菜：招牌雞肉喇沙上枱時一陣陣椰香味撲鼻，湯底顏色顯出其濃稠度，味道濃郁，帶蝦及椰奶香。米線麵條特別掛湯，所以要趁熱吃，麵條慢慢把湯汁吸收。雞肉就採用了海南雞，浸泡在湯裡。另外配料還有豆卜、魚片、芽菜及雞蛋，份量大碗。飲品：四季柑汁大大杯的果汁飲品，味道是青檸汁混合金桔檸檬，酸酸甜甜，很清新，解渴。

呢日黎Airside行下市集行下商場咁，原本打算喺foodcourt 嗰邊搵下野食，但真係比較多人同又真係幾肚餓，就轉攻地下同地庫搵下野食，黎到Chatterbox Café門口，望一望個menu，雖然價錢唔算好平，但係望入去環境好似幾舒服同都想食海南雞既原故，就入座啦。坐低侍應再俾埋個2人餐既menu我地睇，$338 有1份小食2份主菜1份蔬菜2杯飲品，咁抵食即叫啦。想特別一提，覺得呢間餐廳上菜既侍應都好好，擺野上枱仲會幫我地安排一下擺位，唔似得出面好多時遇到都係求其見位就掉上枱，呢個價錢有種服務真心超好，原本想喺服務俾5粒星，但又因為叫埋單叫咗超多次等咗超過10分鐘先有張單仲要牛頭唔搭馬咀，所以扣咗啲啲分。野食都幾好食，唯獨個XO醬炒蘿蔔糕太碎，口感不夠好。

得閒都會黎啟德airside商場行吓，近排又開咗新餐廳啦，chatterbox cafe 都開咗過嚟，食飯又多一個好選擇，餐廳闊落好坐 裝修環境有東南亞風格。餐廳主打新加坡菜式，依家仲做緊二人滋味套餐HKD338黑醬油炒蘿蔔糕（半份）用黑醬油炒，真係風味一流，蘿蔔糕綿密，半份嘅份量都幾多。醬油生菜好似食住家飯咁，有埋生菜超級有營養，生菜新鮮，淋上醬油非常好味。招牌大蝦喇沙 HKD178最鐘意佢哋嘅喇沙，好多款可以揀，呢款大蝦喇沙賣相好出色，湯底夠香濃充滿椰香味，大蝦肉質飽滿彈牙，肉質唔錯。甜品食埋椰子雪糕配斑蘭蛋糕就大鑊滿足啦。

今晚同個friend去Airside行街，見到都好多野食揀，試吓呢間好多人排隊既Chatterbox cafe特色咸蛋雞翼 4隻👍🏻👍🏻超好食呢個雞翼，炸得非常香脆，個咸蛋黃醬都好香，咸而不膩，必試之選黑醬油炒鮮蝦蘿蔔糕 👍🏻👍🏻炒得幾出色，鮮蝦大大隻，蘿蔔糕餡料都豐富文華海南雞飯👍🏻👍🏻呢個全店最出名就緊係要試下啦，雞肉又香又滑，有雞味，肉質都好嫰，油飯都唔錯蒜蓉炒小棠菜👍🏻👍🏻小棠菜清新，火侯岩岩好