Chef's Stage Kitchen (西菁街)

营业中

休息中

今晚放工周老公晚餐～老公很用心已預訂好餐廳，餐廳食客超多，所以最好一早預訂座位。看到是晚都座無虛席，十分多食客。餐廳環境空間感大，座位數目多，乾淨、明亮～而且氣氛超好，還有數檯食客都在慶祝生日，十分開心。是晚我們都吃了很好不同食物，食物高質好吃。首先一坐下，店員會送上麵包及麵包棒，沾上醬汁吃，超美味呢。醬汁酸酸的，十分開胃。之後我們所點的飲品和食材都一一送上。Chocolate Banana Strawbery~超吸引，一大杯香蕉朱古力士多啤梨，上面仲有滿滿香滑的忌廉，超吸引呀。飲起來朱古力味超濃郁，散發出清甜的香蕉味，入面仲有香蕉和士多啤梨果肉～超好味的。另一杯是凍蜜桃茶，清清甜甜，蜜桃清香，十分好渴，而且冰冰凍凍相當解暑。周打海鮮湯～加$18仲有酥皮，所以我們都有加酥皮。海鮮湯熱辣辣，趁熱飲，超美味。酥皮又香又脆身，把酥皮添加到海鮮湯中，變得更creamy,超美味好食呢。除此之外，海鮮湯內超多海鮮呀，有蝦、蜆、魷魚等等，口感好有咬口，而且超鮮甜勁足料。精選小食拼盤～金黃色香脆的小食拼盤，超惹味超吸引。有多款不同的食物，有炸水牛城辣雞翼、脆炸洋蔥圈、香炸車打芝士青辣椒、煙三文魚。每款

元朗人氣最高既西餐廳，餐廳環境舒適，裝飾西式古典風，坐得舒服，最重要係食物質素好，最好訂座，因為就算平日都會好full。主菜：薄荷羊架～薄荷羊架叫咗7成熟，賣相吸引，羊架有炭燒味道質素高，點薄荷醬，微甜、羊肉汁多味，口感相當嫩，亦可以配上芥末醬，別有一番風味👍頭盤服務員送上兩款不同口味嘅既香草餐包，配搭上酸忌廉醬，這個配搭令人食得開胃🤤餐湯：酥皮周打蜆湯～二人份量！酥皮浸落忌廉湯度食、忌廉味味相當濃郁，每飲一啖都有蜆肉，值得推薦👍頭盤： 特色蝦Cocktail～呢個前菜賣相好吸、蝦肉新鮮彈牙，配埋特製醬汁，口感相當好味😋有啲似生蠔嗰隻汁黑松露煙肉，意大利麵～黑松露味非常重再加上大量香濃芝士🧀️，呢個真係好惹味，每條意粉都沾滿芝士同黑松露醬，推薦推薦😍飲品：叫咗兩杯特飲 ~- 熱情過得飲特飲有熱情果加香橙，味道方面較為香甜，酸甜開胃，好岩夏天飲🍹- 士多啤梨朱古力古香蕉奶昔小朋友至愛，我呢個大朋友都好鍾意飲士多啤梨香蕉加朱古力嘅味道真係好好夾！Chef's Stage Kitchen (元朗)📍元朗西菁街23號富達廣場地下52-56號鋪

由中學食到呢間大大話話都有成六年 見住佢由雞地搬到嚟呢度，每次生日都同屋企人嚟呢度食食食吓仲做埋VIP。 趁着表哥生日同佢一齊嚟食，每次都會嗌佢個海鮮拼盤有生蠔大蝦帶子同青口！不過呢個要+180先有。不過我覺得佢嘅生蠔好新鮮 然之後主菜叫咗牛扒同埋最出名嘅墨汁意粉佢嘅墨汁意粉我覺得有啲漏，但係同行嘅人都話好好食 ！佢嘅我都覺得還可以冇以前咁出色係佢有個小龍蝦味配上牛扒會比較有特色少少😆之後最出名嘅一定要叫佢嘅凍朱古力因為真係好濃郁好好飲🙊然後叫咗個香港最好食嘅Tiramisu！點解我講佢係全香港最好食 係因為佢又好香嘅酒味同咖啡味喺出面食唔到！！如果你哋嚟食一定要叫！☺️☺️生日當日如果叫嘅話仲有得寫字，喺碟寫人哋生日語句❤️係一個生日好去處😝

呢份炭燒穀飼澳洲肉眼牛扒真係非常美味！牛扒煎得外焦內嫩，肉質鮮美多汁，味道濃郁，令人一試成主顧。搭配的薯條金黃酥脆，香氣四溢，口感非常好。牛扒上淋上特製醬汁，增添咗風味，令人食得非常滿足。整體份量足，性價比高，無論係約朋友聚餐定家人聚會，都係一個唔錯的選擇，值得推薦！

Chef's Stage Kitchen📍元朗西菁街23號富達廣場地下52-56號舖平日晚市都好多人，食咗個幾兩個鐘，幾乎一直爆場，好彩6點就嚟到。餐廳好大，工業風裝修，係我鍾意嘅風格。多國菜選擇都幾多。黑松露薯條$98薯條炸得幾脆，份量唔少，黑松露味唔會太over，蘸醬好食。火焰香烤美國外裙牛扒$328上餐時會點火，記得拎定手機打卡欣賞火焰😃牛扒好大份，切好晒好方便，切多下就一口size。揀咗3成熟，火喉控制得唔錯，牛味香濃，有嚼勁。配菜誠意十足好豐富又好食。墨魚汁鮮帶子海蝦扁意粉 $188賣相好吸引，帶子有兩粒大大粒。海蝦肉質新鮮彈牙，扁意粉軟硬適中掛汁好食。+$36升級酥皮黑松露牛肝菌蘑菇濃湯+$56升級酥皮法式龍蝦濃湯酥皮整得好靚，一大塊好完整，酥脆，浸湯食一流。兩款湯都好足料，味道濃厚口感幼滑。+$38偽鴛鴦tiramisu味朱古力底加入咖啡冰磚好特別，忍唔住叫嚟試吓，好似飲緊tiramisu咁，幾好飲。-+$38小朋友至愛好大舊cream，香蕉朱古力味，確實係小朋友至愛。埋單個tray好得意，消費可以儲分，會員價更優惠。

今日去咗一間非常有格調嘅餐廳，試咗幾道非常吸引的菜式。首先，黑松露薯條外脆內軟，薯條炸得金黃酥脆，撒上黑松露油，香氣四溢，令人一試成主顧。每一口都散發住濃郁嘅松露香味，絕對係開胃小食中的佼佼者。接著，黑松露牛肝菌蘑菇濃湯更係令人陶醉。湯底濃稠滑順，牛肝菌的香氣與黑松露完美結合，味道層次豐富，一飲就令人感到溫暖無比，適合冷天享用。然後，鮮芒果及扒虎蝦肉沙律就係一個清新嘅選擇。沙律內有新鮮嘅芒果丁和嫩滑的虎蝦，搭配清新的沙律醬，味道酸甜可口，令人耳目一新，非常適合作為開胃菜。意大利藍芝士烤啤梨燴意大利飯則令人驚喜。意大利飯煮得剛好，藍芝士濃郁，配合烤啤梨的甜味，口感層次分明，令人一試成主顧，味道獨特。炭燒穀飼澳洲肉眼牛扒是主菜中的亮點，牛扒煎至完美，外焦內嫩，肉質鮮美，搭配特製醬汁，味道更加豐富。每一口都能感受到牛肉的鮮香，讓人心滿意足。最後，熱檸檬水清新解膩，適合整頓飯後消化。Tropical Forest飲品則充滿熱帶風情，果味濃郁，清爽可口，為這頓豐盛的餐點畫上完美的句號。

每次想不到吃什麼的時候就會去這間，保證不出錯～算得上是元朗西餐廳來說性價比之最環境舒服沙發位亦坐得闊落，咁多年黎食物都保持一貫水準，時不時推出新優惠都好抵食，生日甜品寫字好靚

從餐廳已經見到門口好大Cafe，空間感十足，旁邊仲有植物，令人有放鬆嘅感覺，座位有舊歡堂冷氣足夠，食都食得非常舒服晚餐加$38就法式龍蝦湯，有非常濃郁嘅龍蝦味，入口有夠香甜，質地又夠滑，鮮味十足，仲有淡淡的蝦肉，入口彈牙，熱辣辣，餐湯做到非常出色煙肉薯仔巴拿馬火腿巴拿馬火腿味道甘香，又夠細緻肉質又柔軟，同西班牙嘅火腿嘅味道有啲唔同，火腿有油花又有口感，煙肉薯仔容易入口，作為前菜一流慢煮甜酒會和牛面頰肉配寬條麵$188我牛面頰肉脂肪非常少，完全唔肥膩，肉質非常腍，經過慢煮之後有少少黏口嘅口感，配合埋甜酒去煮香味更加濃郁Pork knuckle $298德國鹹豬手，豬手切好晒，一放入口就食得，廚師真係非常細心，豬手嘅皮做到又薄又脆，肉質柔嫩滑，旁邊仲配有啲沙律，同埋車厘茄，仲有一啲酸菜，入口非常開胃，酸菜能夠中和左豬手嘅油膩，真係非常夾，配埋特製嘅醬汁，入口與眾不同菠蘿芒果薄荷葉沙冰$38香甜嘅菠蘿芒果味，配合埋薄荷音樂更加舒服，心透冰凍蜜桃茶$19我非常香濃嘅蜜桃汁味道，桃香提升左茶嘅鮮味口感，層次豐富，每一啖都充滿着滿滿嘅仙桃茶香，係用咗高級嘅紅茶去調教，擁有淡雅獨特嘅蜜桃風味同埋香氣

平日夜晚過來，見到餐廳幾多人，水準應該有保證。試咗龍蝦湯，香味濃鬱，龍蝦味超正！南瓜湯Creamy到心裡去。我特別推介嗰炸蟹肉球拌虎蝦肉沙律，虎蝦肉爽口彈牙，牛油果清新開胃，好正！仲有嗰蕃茄汁鮮帶子海蝦意粉，扁意粉吸滿曬滴海鮮精華，番茄汁同意粉搭得啱啱好，新鮮海鮮加持，鮮甜到飛起，分量又足，差點食唔曬添！

去完元朗體育館遊戲室👾差唔多晚餐時間😝媽咪帶咗我去食元朗人氣高質西餐廳 @chefsstagekitchen ，超級闊落環境、好有氣氛，等咗15分鐘就有位啦！之前同媽咪食都要等好耐先有位入得去😢記得提早book枱！食物🌟🌟🌟🌟黑松露卡邦尼意粉HKD158🍝好濃肉嘅黑松露味淡淡都好Creamy,黑松露好足料，黑松露迷必點！漢堡包配薯條七成熟HKD168🍔超軟熟包皮配上超級厚嘅牛肉漢堡扒配上酸青瓜，超級Fresh!仲有橄欖俾你自由配搭😍酸酸甜甜好開胃，配上熱辣辣薯條，啱晒BB食（炸洋蔥可以轉薯條）。最後甜品叫咗Tiramisu (套餐加配HKD48)性價比極高。

今次平日夜晚嚟到餐廳食晚飯，見到差不多滿座，水準應該不錯👍我地叫咗8安士澳洲肉眼牛扒配香草牛油波士頓龍蝦尾，首先見到賣相十分對辦，牛扒有靚靚嘅grill mark，切開有肉汁而且肉質嫩口，龍蝦肉都焗得啱啱好，兩個主角都煮得好好食😋另一個主食係未來漢堡，漢堡包預先切開咗一半，從橫切面見到餡料好豐富，有大啡菇、素漢堡扒，配牛油果醬、洋蔥、番茄、生菜，成個漢堡包好挺身，味道也不錯🍔套餐升級酥皮黑松露牛肝菌湯，酥皮焗得好脆。依個藜麥雞卷沙律很有驚喜，特別係個雞卷，雞肉煮得好嫩滑，而中間捲住黑松露醬令到成個雞卷好香🥗冰磚鴛鴦有幾款口味可以選擇，依個係原味，正如餐牌嘅描述咁，一開始飲到嘅係凍奶茶，當咖啡冰磚融化後，就會變成鴛鴦，而且咖啡味會越來越出，味道隨時間變化相當特別☕️最後仲食咗個甜品拼盤，有cheesecake、tiramisu、mango mousse cake、macaron、白朱古力士多啤梨，上枱時仲有煙霧效果，打卡一流，而且樣樣甜品都試到，好啱同朋友share！

今日同老婆相識12年紀念日，食好D揀左元朗好出名的西餐廳 - Chefs Stage Kitchen之前都聽住元朗朋友介紹過，加上佢食評都幾一面倒的好評，於是今日就黎會一會佢。響元朗站落車，行過黎，經過千色廣場，大概10mins左右就到。個門口裝修真係好靚，好有去左外國的feel。佢有d露天的座位，應該係俾d吸煙人士吹下水飲下啤酒的，不過30幾度，我地當然係入左去。入面第一個感覺係，d冷氣好夠，好舒服，入面的裝修都好靚，d作為好寬，店員會即刻行過黎serve你，倒上一杯水，播放住外國的柔和音樂，好relax。因為餐廳人都多，就無影到個場免得侵犯左其他食客的私隱。我地先點左巴馬火腿露筍沙律做前菜，再加一個必點龍蝦湯。D食物都未到，店員已經遞上左餐包俾我地，個餐包係有焗過，熱ga。個口感就好似麥當勞的豬柳漢堡包咁，好煙嗯，配埋個醬酸酸地，好開胃。個酥皮龍蝦湯好多人推介，果然係好唔錯，好重蝦味，食得出重料，d酥皮好脆，吉落去sasa聲，仲要真係有好多蝦肉ga，淡淡都有肉，超美味。之後個沙律都唔錯，有好多配料，除左主菜Parma Ham之外，個番茄仔先係神來之筆，既然係剝了皮，好鮮甜好有hea

呢間餐廳由細到大間唔中都會食下👍🏽就算唔係weekend都好多人食 接近full晒入邊裝修好靚 環境夠大 坐得好舒服👍🏽👍🏽 龍蝦湯味道非常之濃郁 龍蝦味重👍🏽南瓜湯好Creamy🥰我自己就比較鍾意飲呢個炸蟹肉球拌虎蝦肉沙律呢個係幾好食 虎蝦肉好彈牙加埋牛油果好開胃👍🏽炭燒美國極黑豬鞍扒配香草牛油焗波士頓龍蝦尾塊豬扒燒得啱啱好 出面有少少脆口 肉汁好多👍🏽而龍蝦最驚食到啲冇味嘅 但係呢個係幾新鮮同埋彈牙 有驚喜🥰慢煮甜酒燴和牛面頰肉配寬蛋麵我自己本身好鍾意食寬蛋麵 所以呢個好啱我胃口 個汁偏濃適合重口味人士🥰Guava Orange Passion Fruit呢杯係沙冰 夏天飲一流👍🏽👍🏽冰磚鴛鴦呢杯係朋友叫嘅 佢話幾好飲 上邊用咖啡做嘅冰都幾特別👍🏽呢間餐廳元朗人一定識 如果嚟食嘅話最好要book定位先！

食物…服務… 感覺一般之前每次開車經過見到佢個靚靚招牌，都諗住要去幫襯，今次朋友生日終於有機會啦～不過訂位時店員感覺令人麻麻地，因為我問寫生日牌既相關，佢就答我寫生日牌咁無優惠，咁我再問本身有咩優惠？佢既反應好似我問左一個好奇怪既問題 😅 來回幾次先知原來甜品係跟套餐會平D 😅Anyway 到左當日啦，其實餐廳都幾多客人，店員都算有禮貌既，咁就叫野食啦，清爽既飲品選擇不太多，又唔係太想飲酒🌟 $198 新鮮活藍青口 | 呢個我見佢講明係新鮮飛機貨先叫，的確係好新鮮好嫩，但有D肉太細粒🌟 $388 香草牛油焗波士頓龍蝦尾 | 個樣幾靚本身都幾期待，但龍蝦肉太鹹了🌟 $298 德國香脆鹹豬手 | 就係普通既德國鹹豬手🌟 $88 TIRAMISU | 呢個好推薦，好香酒味，忌廉好軟滑！今餐大部份熟食感覺一般，甜品就比較出色～埋單個時店員要我去水吧位，收錢個位女店員嬲爆爆咁又粒聲唔出，俾張單佢好唔耐煩咁拉低個衫袖😅 都唔知做乜事🏠店名：Chef's Stage Kitchen🚘地址：元朗西菁街23號富達廣場地下52-56號舖

元朗街坊最喜愛嘅高質西餐之一應該係呢間好多落地玻璃，很有特色風格嘅chef’s stage kitchen。餐點飲品選擇好多，亦可轉套餐，當中二人餐夠晒豐富！🥹黑松露牛肝菌湯勁重菇菌味且creamy，以及升級酥皮法式龍蝦濃湯順滑香濃。前菜揀咗香煎珍寶帶子及釀煙三文魚酥皮餡餅，賣相好靚帶子火喉控制好好帶少少三文魚籽☺️意粉類就揀咗牛肝菌意大利雲吞，配羊肚菌及雜菌松露忌廉汁，因為呢度嘅汁醬實在太好食，雲吞軟硬適中，中間嘅cream亦好夾忌廉汁。🙂‍↕️主角有炭燒穀飼澳洲肉眼扒拼香草牛油焗波士頓龍蝦尾，好有誠意，肉眼扒叫咗7成，熟度啱啱好幾嫩，龍蝦起好晒肉，淡淡牛油香啖啖肉🤤飲品幾多特飲，Tiramisu偽鴛鴦，其實係mocha嘅變奏版，由特濃朱古力加上咖啡冰磚，味道會有層次地變化。另外嗌咗杯應該係用上菠蘿芒果檸檬等夏日清新水果打成好fresh嘅smoothie🥹