Cherry Tokyo Cafe (愉景新城) (已結業)

員工快手，叫左壽司比左樽豉油，但裡面係吉嘅😅嘢食就不過不失，主菜相對貴啲，但小食係平同性價比高，兩個人食左咁多嘢都係每人$200有找，無試到嘢飲同甜品，不過食過一次就夠了😂同埋地理位置唔方便，搵左一陣先搵到，不過值得一提係提供好多款兒童餐，好適合一家大小去食，fusion 菜選擇多，老少咸宜，諗唔到食咩都可以試下😂

食完晚飯，時間尚早，揾D甜點食吓。晚上八時，呢間餐廳客人唔多，座位相當寬敞。叫了一杯焦糖岩塩沙冰，觀其賣相已經好吸引，都幾大杯，焦糖味雪糕香滑美味，不太甜，岩塩味幾得意，沙冰加雪糕互相配合，飲起來味道豐富，感覺凉快，既似奶昔又似咖啡，邊飲邊傾談，別具一番風味。

趁著聖誕節前，特意約朋友來到荃灣吃東西，由於荃灣嘅行人天橋網絡四通八達，加上唔熟呢區，行下行下先知嚟咗愉景新城，咁啱見到有間日式西餐廳Cafe幾好咁，就入去試下！我叫咗一個Set Lunch, 配有沙律、麵包呢啲基本嘢，另加10蚊有飲品。特別想講下佢嗰個蕃茄芝士去骨燒春雞。成道菜都幾濃味，蕃茄同芝士味互相配合，雞燒得啱啱好，並冇過老情況出現。而且分量都都多，雞大大隻，最重要嘅係雞去咗骨，啖啖肉。配菜方面都幾好，味道應該係刻意減輕少少嘅，食到嘅主要係食物本身嘅原味，啱啱好可以減少雞嘅油膩感。其實近年好多日式西餐廳都做得幾好，唔少甚至好過正牌西餐廳添！

近期先轉到荃灣上班，附近又唔算多野食，所以大多都去愉景同對面街市食，愉景裹面既餐廳都唔平，但有d都有些水準，呢間都算是其中一間幾好食的餐廳，黎左幾次，食物水準都維持到，但可以比較少人，想叫侍應就要等下喇，因為佢地好少行下睇下有無客人有需要的，服務有待改進！佢地叫飯或意粉都有包加湯，野飲就要加10蚊先有！佢d湯唔錯，之前試過周打忌廉湯，今次應該係南瓜湯，都好味！包係切到長方形，面加蒜蓉再烤，好香口又唔硬，少少脆，good! 但小心些脆周圍跌，記得搵個碟剩好！哈！今次就叫左煙三文魚蘆筍意粉，ok既，份量也剛好！野飲就可叫水果冰茶，有選擇，上次叫有因好甜又太多冰但有水果食下，今次叫就試走冰，黎到都係有好多冰，就叫佢改，改完係無冰，但淡到飲到水味，又無咩水果！希望下次唔會再係咁！

琴日和朋友去愉景新城行街，見到一間裝修好靚，價錢實惠嘅日本餐廳，立刻想打卡加食飯，主食我點左黑松露野菌忌廉意粉，加$25蚊有芝士肉醬薯條，加$20可以點咖啡，意大利泡沫咖啡，小食都好特別，系鐵板牛肉薄燒。火炙波波壽司盛，甜品系宇治金時雪糕。好喜歡距嘅裝修，好靚，但係價錢好實惠。黑松露野菌忌廉意粉新鮮蘑菇加入香滑忌廉，意粉配上香濃牛油烹煮，再用芝士和黑松露橄欖油攪勻，配上幼滑嘅意粉，好正，每一口都感受到黑松露和忌廉嘅味道，好滑好正，意粉岩岩好，好有嚼頭。芝士肉醬薯條肉醬加芝士系絕配，肉醬真係細細個粒粒肉，配埋薯條一齊食，食得到薯條嘅脆和粒粒肉碎，好滋味😘鐵板牛肉薄燒一上臺，鐵板嘅熱力將薄薄嘅牛肉燒到7成熟，加上醬汁，越發好香，底好多菜墊底，菜吸收曬牛肉汁嘅味道，牛肉好薄，好有牛味，好有嚼頭。火炙波波壽司盛一共有6款唔同嘅材料壽司，細細件，可以品嘗6個唔同口味，分別系三文魚親子，帶子，牛油果，鰻魚，左口，經過火炙，特別好食，好嫩滑，尼個必點啊😘意大利泡沫咖啡好靚架，厚厚嘅泡沫上有cherry嘅標誌，靚到唔捨得飲。用上乘嘅咖啡豆，咖啡好濃郁，唔洗落糖，已經好正。真係估唔到，靚靚嘅環境之下可以

我想有小朋友的，大都來過愉景新城遊玩，帶著小朋友時當然要找一個環境friendly的餐廳，一來要有適合小朋友的菜式，二來又要坐得舒適。Cherry是一貫的日式西餐廳，有飯有意粉小食，食物的外型賣相都精緻吸引，如果帶BB車來都有足夠地方擺放。點了個咖哩炸豬扒飯，咖哩汁內有切細了的薯仔，日式咖哩不太辣，豬扒肥瘦比例適當，所以肉不會太乾，店員後來更主動為我們加添了一碗咖哩汁。冬日特選迷你丼組合，有2碗迷你的丼，一碗是三文魚籽、吞拿魚蓉、蟹肉；另一碗則是帶子及海膽。初初見到是迷你刺身丼，都以為是份量很少，但原來都幾有份量，海膽足有一匙，味道鮮甜，美中不足的是帶子切薄了。一個迷你丼一次過滿足了5個願望，適合多心的女生。除了主食，甜品都是日式西餐廳的重點。點了個宇治金時雪糕 ($36)，有粒粒日本紅豆，又有軟雪糕，食到最後才食底部的脆筒仍是脆的。

為食嘅我又被我發現間好嘢，價錢合理，食物質素ok, 最緊要杯咖啡都ok... 其實返工受受埋埋D 氣，放工後食到自己鍾意嘅嘢，已經開心到不得了跟老公兩人叫咗1款期間限定嘅簿燒牛肉，依款牛肉需然簿簿地都有牛味，連墊底嘅雜菜溝埋個燒汁，個焗豬扒飯個番茄汁做得相當唔錯配埋個珍珠米，令我老公一個人食灑成個飯，佢只係俾咗一咬飯我食，好彩我就揀咗個蜆肉意粉（辣）今次我堅持要食咗幾啖先至俾佢食，意粉唔會太淋蜆肉又無沙，最緊要個汁帶少少辣好野味... 跟住就到我正餐杯 充滿cream嘅咖啡又香又甜，而個cream幼滑到好似軟雪糕咁加埋士多啤梨醬好開心呀，而老公個杯 cappuccino都幾好，之後我仲忍唔住叫多個甜品個軟三重朱古力雪糕雪糕夠滑夠牛奶香味，再配埋黑朱古力同朱古力粉成件事都係我愛，好想叫多杯但今晚嘅 quota已爆唔可以再叫，唯有下次再去食

聖誕假期完結前帶囝囝愉景新城最後衝刺😏😏放完電就晚餐🥣先回家，係1F被車厘子吸引住，再望餐牌有囝囝最好飯團🍙👍👍心唸小朋友食物，不抱太大期望，出奇地有驚喜😂😂芥末籽醬牛肉芝士漢堡。伴有多份量薯條同沙律菜，全球即叫即做，熱辣辣，芥末籽醬與牛肉很配合，加上芝士，口感豐富，一下子清曬😬😬日本餃子手羽很抵食$38，三大隻，賣相很不錯，一人一隻剛好😌醬燒香葱三文魚飯團，亦是$38🍙🍙🍙，並不是求其整，三文魚香葱表面略略醬燒，加上柴魚絲😋😋😋黑毛粒粒豬很香口，肉質松軟，嫩嫩的，食吾停口🤤🤤而我最愛日本🇯🇵人，就選了 迷你丼組合 海膽帶子丼+北海三色丼。估不到，竟然有日本料理店的質數，飯底微溫，海膽一點也不腥，甘香😌帶子鮮甜，挺大片的🤭🤭另一碗分別是蟹肉、三文魚籽、吞拿魚蓉 三款都是我至❤️同樣新鮮，還付麵豉湯星期一至五還可以加$10 配飲品，cappuccino 好好喝，表面的cherry 好可愛呢⋯⋯😍😍很滿足的一頓，滿足了各人喜好，西式，日式，咖啡😜😜

$88好貴呀！唔包個Thomas玩具㗎，小朋友要放落去⋯食物味道一般，小朋友只食薯條，但啲薯條原來唔熱，淋晒的！肉丸個味又麻麻地⋯全份食物都凍冰冰⋯焗茄汁豬扒飯OK的～但係冇咩特別～汁偏酸和風手羽，個皮幾脆！好香口唔錯！有肉汁！卡邦尼意粉，味道香濃，啲汁幾滑，好味道！不過冇芝士粉提供⋯差咁啲嘢⋯平日晚餐人唔算多，但係落單之後等成15分鐘都未上菜⋯隔離枱等得仲耐，投訴經理話請雪糕俾小朋友食，嘥氣～哈哈

好難得會搵到好食嘅日式Cafe有陣時連鎖最出名嗰幾間都做唔到水準，發揮得唔穩定今次去嘅呢間叫Cherry Cafe位於荃灣愉景新城玩具反斗城隔離平安夜諗唔到去邊周圍都係人，又唔想食貴夾唔飽嘅聖誕餐啱啱喺玩具反斗城買完聖誕禮物俾小朋友見佢雖然人多但係枱面上面食物都幾吸引所以就等一等就等左一個鐘🙄不過嘢食都好好味第一道相嘅係蟹肉蟹子蟹膏忌廉意粉忌廉質地好厚好creamy雖然蟹膏味道好濃厚但係未到會唔會好膩同埋如果食咗其他味道嘅嘢再食原來係會完全遮蓋左蟹膏嘅味道所以建議先食完個意粉再食其他嘢另外佢可以轉套餐加$20有火腿沙律加$25有芝士肉醬薯條肉醬味道偏甜，係我鍾意嘅口味餐飲點左個岩鹽焦糖咖啡我最鍾意小冰多甜咖啡味道唔錯因為我唔鍾意咖啡有酸味而呢個飲落去好易入口咖啡味濃而不酸最後點左個黃金脆脆焦糖雪糕雪糕牛奶味重，唔會好甜而且雪糕質地幼滑而且焦糖燒到脆脆地但係如果再多啲會更好我個人認為焦糖同香蕉係Perfect match所以我自己超鍾意佢雪糕總括嚟講我好鍾意呢間café因為嘢食嘅水準都好好食完今次會令我想試其他嘅嘢食而且裝修簡潔，都係我鍾意嘅淺色木裝修成間餐廳嘅裝修好溫馨帶埋小朋友嚟打發

非常難食，聖誕節當日叫左個北海道帆立貝海老意大利燴飯價值$138，等左30分鐘出餐，希望慢工出細貨但出到餐只有失望。主打的帶子及蝦過熟，口感好似食緊擦子膠，飯比較硬只食到鹹味，完全無調味可言，食完半碗頂唔順。不明白點解可以做推薦，基本上餐廳學徒都煮得好食過佢。最後唯有叫返d無咁伏既壽司，這間日式cafe做西餐真係垃圾，如只提供壽司或日式食物還有一線生機，西餐希望再請真正的西廚，無謂要我叫多兩杯水漱口。不過職員態度好好，所以不會給最差分數

We got to the Cafe at 12:30pm this afternoon and ordered 3 main dishes few minutes after we sat down but food took forever to arrive. When we ask the waiters and waitresses to check on our orders, we were told they were on its way.. (That's already 30 mins after we have ordered). My daughter was starving and after another ten minutes of waiting, I had a feeling that they just never put our orders through so I asked another waiter to see what was going on.. I was told by this other waiter that ou

本食評既主要原因係女員工不禮貌不尊重，拖地隨便又廳面玩電話，聽聞係日本大公司旗下餐廳，枱紙都列出數多日式料理店，食物質素還好，可惜員工質素就不外如是，我好希望係個別例子，不過如果公司都認為吹毛求疵，咁就令尼種文化承傳落去啦。一收工就趕去愉景新城掃下聖誕優惠6折，滿足完自己個購物慾當然係時候滿足埋個食慾啦，都係個句，搵唔到有咩好食就時但搵間合眼緣既走左入去，「四位呀唔該。」(2100入坐)啲坐位就一眼望哂，開係玩具反斗城旁邊既cafe真心係陰公既，完全想像到係唔會有咩格調，係嘈嫁啦，不過尼樣我體諒，坐左係佢個沙發位。雖然食物唔係今次既重點，都略略一提。墨汁海鮮意大利飯 做得幾香口，擺盤都幾有心思幾靚，如果個師傅係求其擺既話我會讚佢功架手門本身好。風乾火腿沙律 濕下個口食空氣都叫唔錯既。白汁三文魚焗飯 ，膩。全日早餐 就中規中矩，都係個啲野，係個牛角包失望，係重牛油香，想像到如果新鮮食係好好食，如果。三文魚親子丼 都係個啲第一啖好食，食到咁上下就厭左唔好徙野食埋佢個啲。入正題，當然唔係一個員工累全家啦，主要有四個印象深刻既人。首先係一個 白衫男侍應 帶位，我提出左個要求「有無埋邊啲既位」，

芝士肉醬焗薯條 $38，雖然芝士焗至金黃色，幾香幾惹味，但唔夠熱，幸好薯條炸至香脆，拌以肉醬同食，味道幾好幾滋味。墨汁海鮮意大利飯 $128，海鮮好靚好味，帶子大粒又彈牙，仲有鮮味。蜆肉亦大隻爽口，蝦肉去殼方便進食，而且肉質爽彈，魷魚更加有鮮味，配埋三文魚籽，鮮味更升級。意大利飯保持口感，幾有咬感，但未至於似外國的半熟口感，所以幾岩港人口味，而且吸盡墨汁鮮味，味道好濃鮮。煙豚腩卡邦尼意粉 $88，同樣是味道濃郁，creamy醬汁好重奶香同蛋香，意粉掛滿醬汁，入口特別順滑美味，煙肉亦好香，所以唔好睇份量好似好少，食完都有點膩，但味道好好，好滿足。焦糖咖啡 $26，有好重焦糖味，與咖啡味balance，幾香幾好飲，令人回味。鮮奶咖啡 $23，朋友的咖啡亦大讚，奶泡打得細密綿滑，咖啡味亦香濃，無被奶泡沖淡，加上唔甜既飲品最岩友人。價錢合理，味道又好，而且仲唔使等位，值得再來。

今日係荃灣食late lunch，揀左係愉景新城嘅日式西餐廳，因為過左lunch hour所以唔多人，坐得幾舒適！我叫左一個黑松露野菌意粉，而朋友就叫左個日式咖哩炸雞飯。飲品方面就揀左杯果茶同latte☕️坐左一陣啲野食就黎喇，講左我個意粉先，好香菇味好creamy，意粉煮得岩岩好彈牙，份量其實偏細，但對於女仔黎講都ok！朋友個咖哩飯都唔錯，雖然無意粉咁驚喜。但炸雞夠熱夠脆又唔油，略嫌啲汁唔夠多，食到尾要食白飯。