CIAK - All Day Italian (太古城中心) (已結業)

為咗嚟睇minions展，係太古城中心搵d 野食。 晏畫1點幾見冇乜人，中環果間分店又聲稱有米之蓮，就試下。 結果係早知去等Sensory入餐廳既staff 係 english speaking 幾有禮貌。 但落單果個係一個譚仔阿姐🤣。 都明既將貨就價。間餐廳都幾多大陸人幫襯。。。,見Set lunch d 野食麻麻，叫左a la cate. 叫左個carbonara同m5澳洲和牛同杯latte. 上菜前，例排會比幾舊包，都細心有整番熱。但個油醋樽係disaster,就好似大排檔d醬料瓶，流曬出嚟黐立立。 倒少少出嚟用已經成隻手都係。。。carbonara一黎到好驚艷，色水好靚，醬好濃郁。 一食落去，意粉係好彈牙。但除咗鹹味，冇咗carbonara嘅蛋香味。 鹹嘅程度會覺得佢挑戰緊你個腎功能。 M5和牛，叫左medium. 幾好冇overcooked. 不過好普通。 Ciak 作為麗新集團旗下嘅餐廳,如果定位係同系bombana 既平價版。 價錢上係做到既。 今餐$623.

又再去ClAK慶生，有米芝蓮大廚坐陣的餐廳，水準一直保持得好好! 👍👍👍😋😋😋今次沒有set dinner，七人就散叫share ! 它的包包外脆內軟，必encore! 頭盤有凍有熱，意大利雜肉拼盤美味不用多介紹，是一定必食的；牛肉莎莎配牛油果鮮甜，人人喜愛；熱盤燉墨魚仔很稔，帶點微辣，醒胃！第一道主菜每款試試，巴馬火腿pizza外脆內軟；帶子意粉的帶子十分鮮甜，和牛燉意大利飯的和牛甘香飯美味！接著第二道主菜，魚質滑滑的羊肚菌銀鱈魚令人回味，一份大肉眼牛扒配薯條，牛扒質量好，美味又多汁，半成熟恰到好處！最後甜品有提拉米蘇, 蘋果金寶及焦糖燉蛋，每款都配有雪糕，全部都係我至愛，每款輕嚐，大滿足呀！👍😋😍

星期一係復活節最後一日假期，難得老公得閒可以陪我全日過18號，因為夜晚無堂食，於是中午出去餐廳食餐好既。餐包上枱係熱架，外脆內軟，好好食，可以再添架。意大利八爪魚薄片配車厘茄及檸檬欖油汁八爪魚好似食緊橡皮甘煙韌，唔係咬唔爛個種，唔錯。是日餐湯係甘荀湯，出晒煙，味道正常。自選雙拼組合薄餅(7吋)揀左Nircina同Prosciutto & Formaggi，兩個都好濃芝士味，Parma ham食得出係靚野，兩個都好食。自家製幼麵配蟹肉、薩丁尼亞烏魚子及番茄醬加$60，海鮮既鮮甜味好出，幼麵好滑溜，食到尾仲有好多湯汁，好食。奧利奧芝士蛋糕配牛奶雪糕最失望既一道，雪糕無乜味，得少少甜味，蛋糕Oreo同芝士味都唔出，唔知食緊乜。

CIAK有兩家店，分別是All Day Italian 及 In The Kitchen，兩間店都是由3星米芝蓮大廚Umberto Bombana掌舵，不旦為米之蓮推介，後者更是米之蓮一星餐廳👏🏻他們家的Pizza 厲害到被「Asia on 50 TOP PIZZA 」選為亞洲Top 1🥇🏆！！😳😳 這頭銜很厲害👏🏻店家特別從意大利運來使用多年的酵母種，與麵糰混合再自然發酵36小時，製成自家獨有麵皮👍🏻👍🏻👉🏻Carpaccio di polpo 當天的Special料理，八爪魚切成薄片，完全不硬，愈咬愈咬出鮮甜，簡單配著青爽的醬汁，酸甜的車厘茄，滿不錯的前菜🥰👉🏻Estiva $230薄餅一上來就香味撲鼻，看到那被烤到鼓起的餅邊，一定很脆😍😍急不及待拿了一片，先是感受到咸香的parma ham，再來是香濃溶化的芝士，最後是拉扯度跟彈力都超高的餅皮，看圖➅影片就知道，這麵團的筋性好強👍🏻👍🏻👍🏻 吃到餅皮邊就更明白為何能成為亞洲第一，餅皮鬆軟但煙韌，口感超好，愈嚼愈香👏🏻👏🏻愛麵包的朋友一定喜愛它🤤順帶一提，他們的餐前麵包大概跟pizza是同一個麵糰？一樣是鬆軟又煙韌～好好吃喔🥰🥰好想

星期六2:30點左右去到，當然唔洗等位，不過可惜冇咗set lunch，唯有散叫。全餐最令我印象深刻嘅，係佢餐前送嘅麵包，真係好好味，其他就冇乜特別。新鮮特級水牛芝士簿餅配羅勒蕃茄醬 $200呢度嘅賣點係薄餅經過36小時天然新鮮酵母發酵，所以啲皮特別香脆、鬆軟，都的確唔錯嘅。水牛芝士都好好味，但我略嫌個羅勒蕃茄醬有啲太酸。燴和牛面脥配蕃紅花意大利飯 $240和牛面粒又腍又入味，好好味。意大利飯就正正常，不過不失，都一試無妨。麵包呢幾件餐前麵包真係好好味！送上嚟嗰陣仲係熱嘅，香麥味，仲要外脆內軟！

原來意大利雲吞也可以超juicy看得到的肉汁，牛肝菌忌廉汁意大利雲吞超juicy，入口非常香，而且每隻都好大隻。餐前麵包暖暖的，亦非常美味，我一個人食晒啦。沙律係八爪魚薯仔，也不錯。只是略嫌整個餐太多碳水，很胖啊～今次係第一次嚟呢間，平日食lunch，full晒，餐廳問我會否選擇轉坐自助取餐嘅area。我比較喜歡有人serve，所以等到近2pm人潮過一些才入座。整體服務也很好。

週末有事要辦來到太古城，做好事情之後正好是午飯時間，近近地就來到這家有一星米芝蓮餐廳皇冠的意大利餐吃午飯。我在餐廳門口站了很久，大概5分鐘左右，仍然是沒有人招呼的，最後忍不住要開口詢問站在門口正在看電腦的經理。我一開始用廣東話詢問，結果這位女經理回我一個大大的「excuse me?」當然我就轉英文詢問，但我覺得她的態度不好，表情就像如果你不懂英文就過主咁，想像如果是上了年紀的長者，或者英文不太好的人，是否就不能在這裏吃飯呢，整個感覺令人有點難堪，我吃過的大部份高級餐廳比這裏服務好很多，侍應們都很溫暖的用不同的語言招呼不同的客人，絕對沒有這種冷冰冰狗眼看人低的態度，這裏有點裝模作樣的態度令我反感。這裏的服務態度絕對是像扮上流餐廳的感覺，其實也不算是獨有的，很多中級餐廳都會請菲籍的員工，而且他們只會說英文，用來扮作餐廳是比較高級的，但實際上是一種令人反感的伎倆。好了，發洩了一段之後回到正題，看到他們午餐的餐單，決定吃2 course lunch, $238不算貴。Festival menu2 course lunch $238點好菜以後侍應很快送上了麵包，枱上也有橄欖油及黑醋可以配着一同吃

星期日夜晚，兩個人諗住簡簡單單食個啲 dinner。見唔使排隊就直入。一共叫咗兩個Pasta ，一個係carbonara ，另一個係豬肉三角扁面。Carbonara先上，食落好奇怪，啲蛋汁好熟，只食到好少嘅bacon，冇乜忌廉。第二個豬肉三角扁面仲伏！完全同張相唔一樣！肉粒少得可憐，下邊層油多到浸住啲意粉。我要加咗勁多黑椒同Tabasco 先食得落。認真兩個意粉都唔平，埋單都360。Pasta嚟講，真心認為全香港數一數二差。意粉屋會好過佢。冇下次了，完！

又到lunch time, 又係周圍好多人, 又係唔知食咩, 之前想食呢度嘅意粉/pizza, 加上唯一呢度有位, 就試吓佢嘅lunch la😂不過佢呢間餐廳係分正常有staff serve嘅section, 同埋出邊self-served嘅section 今次有位嘅係self-served section, 但係其實個位置都OK, 仲要唔使加一, 冇乜所謂啦lunch time可以叫2-course /3-course, 今次我叫咗2-course ($198)頭盤方面我叫咗牛舌沙律, 朋友叫咗是日餐湯, 嗰日係甘筍湯牛舌沙律估唔到咁大份, 佢係薄身嘅牛舌, 類似cold cut鹹鹹地嗰啲肉, 上面有啲pesto sauce, 味道唔錯👍🏻 但係我覺得沙律菜可以多啲主菜方面叫咗baked cod fish & mussels with white wine sauce (又話想試pasta/pizza但係叫咗舊魚🤣)嗰塊魚幾大舊, 加上少少青口, 仲有西蘭花我幾鍾意佢嘅白酒sauce, 清清地但係味道鮮甜, 整體覺得唔錯👍🏻整體我覺得都幾好, self-served位置其實坐得幾舒服

今日8號風球，去到太古城食晏，行嚟行去終於揀咗食意大利餐，入到餐廳只得一兩台客人，經理(灰色西裝)帶我們入坐旁邊兩座位，枱有點細，我老公就話可唔可以坐隔離大小小的位，個經理就話要出去check，當時8號風球而餐廳內應只得一兩台枱客，竟然還要check有冇位，之後我就坐低隔離一張四人枱等，我老公就企喺度等，當经理check完，我老公就問佢可唔可以？經理竟然話佢都坐低咗啦！意思係指我已經坐咗係個枱度，這樣回應真的冇禮貌，好啦我哋就開始點餸，冇理佢，唔想影響我哋出去食晏嘅心情，後來我哋點左兩個套餐，一個Pizza配忌廉蘑菇湯，一個鱈魚➕青口和一個煙三文魚，侍應送上一籃麵包，這個麵包值得一讚，暖笠笠嘅又香脆，後來我老公見到台上有個餐牌推廣紅酒，於是想試試紅酒，就問侍應可否？服務員小姐很有禮貌說可以，他喜歡就點了一瓶，但後來我看見在推廣餐牌上的紅酒是2013年（$580），但送到我們餐桌前的是2014年，於是我就向服務員查詢，為何餐牌上是2013，但他給我的是2014，她說要去問經理，我看見她跟陳述情況，但經理並沒有來跟我們講解，只係叫服務員說個餐牌已過期，現在已經沒有2013年的了，但因為紅酒

星期六午餐。白衣侍應一律遊魂，成日都睇唔到我示意要服務。終於送餐牌了，我有一位小朋友，但又冇俾埋小朋友餐牌。後來，點餐，係一位疑似經理或主管的小姐來，才告知其實有小朋友餐牌，並建議將我哋點的十寸pizza 改為一份小朋友pizza 餐。咁先係有水準嘅服務，欣賞佢，先讚一讚！叫了一份羊架set lunch（$238兩道菜）、一份beef cheek risotto with duck liver（加$60）, 同一份兒童pizza 餐（$118）。羊架三件，medium well, 雖然每件都係細細件，但肉質鮮嫩，冇羶味，味道調得非常到位，啲garnish 都好食，係回頭再食之作。Beef cheek risotto with duck liver: 幾粒仔牛，同半塊鴨肝，啲飯係剛熟那種al dente。食一啖飯入口，味道古怪，食了半份，認真食鴨肝，不得了，內裡血管係血紅色的，唔怪得一路食碟飯都好嘔心的感覺，原來肝唔熟！OMG! 家禽的肝一定要熟，否則好多菌！白衣侍應依然見我唔到，同時我已經開始頂唔順反胃反到上喉嚨定，好彩又係黑衫疑似主管過來同我解決問題。佢見到份嘢食咁都醒水，問「不如點

這個三人聚會由年初相約🤝取消❌相約🤝取消❌，不是限聚就是家中有事，半年後終於見面了🥰朋友是西餐愛好者❤️選擇了這家三人都是初次到訪的意大利餐廳🇮🇹Pizza 🍕 是必食，4種芝士互相交織加上火腿的咸香配合，無得輸😋帶子一向不是我的至愛，但這個帶子略為煎香，意粉🍝也沾滿油光，比平時食到略為乾身的多了一份油香😌鱈魚🐟細滑鮮美，沾上醬汁也不會掩蓋了魚味，份量略細😅用上意大利黑醋調味🥗好好味😋沒有過甜，但仍沒有過人之處🍮看得出甜品無論款式或擺設都很用心，但沒有什麼驚喜或特色，跳過甜品也不是損失🤷🏻‍♀️值得一讚的是服務態度好和專業👍現今社會氣氛下，這點很重要‼️

中環嗰間CIAK就食過好幾次，呢間太古城分店就第一次食。星期日預先訂左位，佢分兩個時段，12點同1點半，我哋食1點半。黎到好快有位。星期六日都有午餐，叫Leisure Lunch Menu。兩道菜$238，三道菜$268，唔包茶或咖啡，另加一，真心唔平。今日為左薄餅而黎，我哋叫左兩個三道菜午餐，包頭盤，主菜，同甜品，另外加個大薄餅分享。先黎一個麵包籃，真心嗰句，個樣好似拎去掉嘅麵包咁，放到亂七八糟，不過食落少少脆皮，都可以嘅，枱上面有黑醋同橄欖油俾你點麵包。頭盤三選一，湯係甘荀湯，我地麻麻就揀左另外兩個頭盤。傳統凱撒沙律配慢煮雞胸（跟餐）傳統凱撒沙律配慢煮雞胸份量唔少。慢煮雞胸三塊，質感算嫩口。羅馬菜新鮮爽脆，沙律醬啱啱好，上面再灑上煙肉碎同芝士片，可惜啲麵包粒係腍嘅。煙三文魚配醃紅菜頭，九芽菜及刁草乳酪汁 （跟餐加$40）煙三文魚三大片，味道正常，鹹香煙三文魚配下底幾塊甜甜哋紅菜頭平衡啲。刁草乳酪汁好味，配煙三文魚係絕配。九芽菜味道麻麻哋。呢款前菜要加$40好似貴左啲，性價比麻麻。主菜5選1，一定要試試薄餅！自選雙拼組合薄餅7吋（跟餐）口味五選二，我哋揀左Prosciutto For

今日真係嬲到特登為咗呢間餐廳開個account寫食評首先去到門口向店內waiter示以兩位 waiter只係眼望一望之後就開 佢又唔係忙緊之後企係到之後去到餐廳問可唔可以坐梳化位個阿姐話"你睇到喇我間舖得三張梳化 要做十幾日前訂" 咁我都算心諗算啦又唔係成日嚟阿姐再問我要咩水我答佢"2杯水唔該其中一杯要暖水"佢之後又話等齊人先我心諗唔係你問我要咩水？ 唔係而家畀㗎好啦 點餐嗰陣時問佢牛扒你哋間餐廳medium係七成熟定五成熟佢又串串貢話所有medium即係七成熟 講到好似我唔識咁 意思話係人都知 我都係問句啫問佢牛扒喺鐵板上定係碟上 又話鐵板唔係叫依啲餐 咁你答我碟上咪得囉order甜品時我2款要晒佢自己講錯話同一款我糾正佢時佢又話佢自己冇錯最後仲搞笑行開咗之後唔知係咪條氣唔順又走返嚟講medium係幾多成熟 medium rare medium well 話佢喺加拿大人人都係咁叫牛扒 總之呀姐啲態度真係令人嬲到爆其實個話題一早完咗喇 阿姐洗乜咁在意食物方便可以唔使再去食啦 碟 risotto 2個人都因太鹹食唔曬

每次經過太古城中心二樓，見到這間意大利餐廳都有很多人排龍，心想它的水準應該不錯，可以一試。今天便來試試，原來set lunch都有很多選擇。先來麵包，估不到是暖呼呼的，外脆內軟，充滿麥香，配合橄欖油和黑醋汁，十分醒胃。前菜方面，我點了蘑菇湯，每一口都是蘑菇味，很有質感，不是水汪汪的。友人點了火箭菜很清香，豬腩卷竟然十分香滑，不是平日吃的火腿質感，友人說好吃到停不了口。主菜方面，我點了「香煎紅立魚」，魚肉十分嫩滑，魚皮煎得十分香脆，唯一美中不足是分量太少了。友人點了「炭燒西班牙黑毛豬」，他說外皮燒得十分香脆，豬肉肉味香濃，唯一美中不足也是分量太少了。甜品方面，我點了「檸檬忌廉蛋糕」，檸檬醬清新怡人，配合蜜糖雪糕，完全沒有負擔。友人點了「雙重朱古力蛋糕」，朱古力味特別香濃幼滑，配合香草雪糕，滑上加滑。如果這份set lunch能包埋餐茶就完美了！