City Dancer Grill & Live Music Bar

营业中

休息中

本著中午也要好好吃飯的原則～這家真的沒有讓我失望～環境真的不錯，彩光度很好，選擇了靠窗的位置，窗外的景色真的很Nice，室內採光度很好，而樓上天台的位置的景色更是絶了，被重重的大廈和維港包圍著，定時還有樂隊表演 氣氛超好👏👉鴨油焗薯仔完全不會膩～而且有濃郁的土豆的味道，搭配了肉類的濃香，真的是吃上根本停不下來👉波士頓龍蝦西班牙海鮮焗飯海鮮給得很足，滿滿的一盤，而且海鮮焗飯很入味，碳水化物帶來的滿足😌這裏還設有卡拉OK派對，房間可以容納20多人，最低消費10,000港幣左右，太化算了吧～

今日朋友帶來這間酒吧餐廳有band可以聽入到嚟餐廳非常有氣氛九點就有樂隊表演未到九點之前會播音樂坐低就揀定食物先等表演朋友就話這間餐廳的食物出品不錯，所以今日晚餐都係係呢度食今日就叫咗1.三文魚子牛油果西班牙火腿蕃茄莎莎多士2.慢煮雞胸牛油果藜麥沙律3.香煎帶子野菌意大利飯4.芝士焗薯條飲品我就揀咗1664，朋友揸車就要咗杯咖啡三文魚子牛油果西班牙火腿蕃茄莎莎多士每個 每款有兩件，一人一件啱啱好牛油果份量多，淡淡都食得到牛油果，多士脆另一款口味西班牙火腿鹹香味濃鬱慢煮雞胸牛油果藜麥沙律我覺得呢一個係有少少似主菜， 有蔬菜,有藜麥非常健康,雞胸非常嫩滑香煎帶子野菌意大利飯我覺得超級超級好食佢同平時嗰啲意大利飯有啲唔同有少少似半湯飯咁樣好多汁啲汁好濃鬱充滿海鮮味上面帶子煎得面脆身， 裏面就嫩滑食得咁上下大約九點鐘就有band出場唱了一啲民歌同埋啲經典歌曲食完飯一路聽歌又叫多份芝士焗薯條 滿滿芝士 粗薯條略嫌明天要返工，今晚不能聽盡所有音樂才離開 ，下次星期五嚟應該會爽皮一啲

今日搵朋友放工，佢近銅鑼灣，所以經佢介食野，我負責跟住佢，餐廳2100就會last order，之後就係live music時間，只會有小食提供，餐廳仲會見到馬場，景觀一流經典蟹肉龍蝦湯濃濃嘅龍蝦味，質感剛剛好，唔會好稀，面頭有龍蝦肉，撈勻尼飲更有口感意式茄汁海鮮意粉有青口，帶子，蝦，蜆意粉質感唔錯，唔會太軟身，仲帶有點口感的，茄醬份量令到每條意粉都有茄醬，唔會好稀亦唔酸蝦彈牙，帶子唔韌唔腥不過反而個蜆有少少腥牛油香煎澳洲和牛，牛板腱 （7成熟）右邊一塊塊係澳洲和牛，唔韌，唔需要點醬都好夠味，邊邊位煎到焦焦地有啲脆口左邊牛板腱，味道都重，口感唔韌，但相比下和牛當然更勝一籌黑松露薯蓉黑松露味好濃！薯蓉口感滑身，夠creamy，但食完唔膩可以配和牛一齊食，味道挺夾的

帶女朋友去威威食好西🤣，經朋友推介揀左呢間位於近銅鑼灣新商業大廈頂樓既餐廳，一開Lift門就已經係間舖，環境氣氛一流👍🏻，最特別係佢既Live Band同超開揚既馬場景觀，咁岩我係星期三晚去，仲睇到啲馬仔跑，難得係呢間餐廳仲有天台座位，好天既時候可以慢慢嘆住個View同朋友吹水，我自己就非常鍾意呢間野喇，因為佢唔單只環境氣氛好，連食物質素都冇得彈，日頭黎可以平嘆高質素食物同景觀😎，夜晚黎就慢慢享受，再夜啲仲可以同朋友摸住酒杯底傾偈，好寫意又有FEEL慢煮雞胸牛油果藜麥沙律牛油果既成熟度岩岩好🥑，味道一絕，配合沙律菜一齊入口，好好味😍，雞胸係靚料，慢煮烹調出黎配合蔬菜好健康法式鮮蠔湯+香葱牛油麵包粒個湯好似用足料每隻蠔打出黎咁，杰身濃味但完全唔膩😋，配合牛油既酸種包片+沾湯既蕃茄麵包片，前菜黎講我非常滿意慢煮澳洲和牛面肉、牛根忌廉濶條麵不得不提既係件和牛面肉充滿牛味同口感，鮮嫩好味，配合高水準既濶條麵，唔好睇佢細細碟，食完都幾飽肚日式醬燒煙燻白鱔上枱用原隻木盒，一打開，賣相常但果浸香味四溢🥰，令人口水都流埋出黎，個汁係葱油，點同唔點係兩個不同的好味道，條鱔肉質奇好，彈牙厚實，唔點葱既味道

今日中午跟老公試新餐廳，睇openrice介紹這裡有馬場景睇，又有空中花園，好像挺CHILL的樣子。LUNCH有SET可選，我們點了羊架及牛扒後，還加選了很多小食。加選小食比單點的要小一點，但也會便宜一點，最適合第一次吃每樣都想試一點的人。餐湯我們加錢轉了法式蠔湯及蟹肉龍蝦湯，口感香滑飽滿，蠔湯中更有蠔肉，非常足料。餐包香草味突出，我們沒有點牛油，點湯已經很好吃。加配的沙律份量剛好，已落適量黑醋很開胃。餐廳職員說唐揚炸雞跟泰式炸蟹餅都非常受歡迎，我們當然要一試。前者炸漿很薄，雞肉滑嫰。後者將蟹肉混和泰式香料，再配泰式醬汁，食得出是心機之作。主菜羊架香料味很入味，羊SO味不會很大，羊肉滑身。牛扒煎得香口，牛味濃郁，配菜薯仔令人眼前一亮。我點了medium rare，我覺得下次可以點rare一試。餐飲我加錢轉了洋甘菊茶，這個決定做得非常正確。吃濃味的食物後，真的很需要一杯清新解膩的茶。最後加配的甜品可以一次試均三款口味的蛋糕，分別是栗子合桃慕絲、焦糖蘋果和比利時脆朱古力慕絲。蛋糕不會很甜，吃完很滿足呢。這裡晚上九時開始有LIVE BAND，望著如此美景，相信是另一番醉人體會。

放工做到鬼咁餓，同事提意去食餐好，話附近有間餐廳食過lunch, 知道晚上食飯好有氣氛，就即刻嚟試下😄位於灣仔和銅鑼灣中間，置身頂層三十樓，可飽覽周邊城市景，另天台花園亦提供座位，可欣賞跑馬地馬場和維港美景店內設有巨型屏幕播放流行MV，晚上9點後會有live band, 適合一班朋友來聽歌傾偈👍煙三文魚凱撒沙律 | $128厚厚嘅煙三文魚，新鮮沙律菜配搭麵包粒和芝士粉，好味波士頓龍蝦西班牙海鮮焗飯 | $328超級大一份，用料新鮮，裡面有超級多海鮮，包括龍蝦肉、帶子、青口和蝦等。吃完真的太滿足了慢煮西班牙豬架配蘋果醬 | $238豬肉厚切，火喉控制剛剛好，一口咬下，肉質嫩滑爽彈，絕不塞牙，配埋蘋果醬味道更佳帝女花之庵遇 | $128採用伏特加、大吉嶺茶和紹興酒調配嘅Cocktail, 再加上桂花同蜜糖帶點甜味，容易入口。賣相真心好看，有月光寶盒嘅感覺，非常吸睛

今午因先要到灣仔辧些事務，然後趕著農曆新年前去鵝頸橋底打走身邊小人。沿內街朝銅鑼灣緩慢步行時，無意中見到此店在地下的廣告牌，就是這樣便被吸引去渡過一愉快晚上。甫走進這酒吧，才知道它原來分開兩層：頂層（室內座位及晚上有樂隊表演），無遮蔽的天台露天雅座。我個人比較怕太強勁的音樂，於是便選擇天台雅座。一抵達天台，便被眼前的視野所吸引：一邊能俯瞰跑馬地馬場、另一邊能看到部份維港景。以這個價格定位來說，實屬超值。在未品嚐食物質素之前，心裡已經暗想:絕對會再來。隨便點了兩杯飲品，另加多款小食佐酒。豈料它每款份量都較一般酒吧為多及美味（可能是它日間有正常優質西餐供應的緣故，廚房出品都比較嚴謹所致。）個人點了以下小食:唐揚炸雞墨西哥粟米片炒蒜香日本魷魚羊架牛肉串單看相片便見其份量是足以當作晚餐＋飲酒宵夜啦！總括來說，有一個飽足又愉快的把酒聊天的晚上。

今晚去City Dancer 食晚飯，聽歌及唱K, 非常滿意。環境一流，天台景色比山頂更好。食物質素很好，各款菜色極豐富及味美。VIP 房間唱K, 音響及設備很好，洗手間也舒適，價錢是不太貴，服務一流。值得推介！

朋友約食飯，一入到呢間餐廳好有驚喜。餐廳中闁有大屏幕，播住大家耳熟能詳既音樂，好有feel，背靠大玻璃窗，風景一流，就算出面幾凍都好，又唔怕，室內一樣有靚景睇🙌🏻Btw, 樓上有空中花園，係室外座位，因為太凍無上去坐，等天氣回暖可以試樓上，睇景更正。呢間餐廳性價比好高，㤋量好足，價格合理👍🏻 前菜﹕三文魚凱撒沙律好多好多三文魚😂😂好滿足湯﹕龍蝦蟹肉湯一飲就知好足料，鮮味十足，一飲就停唔到。面包點喝個湯更正，完全冇用啲牛油😂主菜﹕豬手😍超大份，已經好貼心起左肉，拼左5條腸👍🏻豬手皮脆卜卜，勁脆口😏雖然好邪惡，但忍唔到口，肉質淋滑，唔會干柴，好味🤤腸都有唔同口味，牛肉腸好好味，鐘意食腸既可以一次過試唔同口味。主菜﹕蠔汁蠔肉芝士焗意粉蠔汁係重點，好重蠔味，鮮味十足，鐘意食蠔既必試😍呢間另一重點係有好多酒可以點，但今次冇試，因為食得太飽了😂另外冇點限時，同朋友飲聚飲酒真係一流👍🏻

灣仔有一間好正嘅西餐廳，除咗有空中花園，可以一邊飽覽夜景，一邊享用美味的晚餐，大家也可以選擇室內享用，因為晚上會有live Band，可以邊聽歌邊食飯。空中花園給人的感覺很 chill，同朋友傾計吹水一流。Slow-cooked chicken breast avocado quinoa salad 慢煮雞胸牛油果藜麥沙律 $128慢煮雞胸滑，牛油果香，藜麥健康，加上蕃茄仔沙律菜沙律醋，為這頓美味的晚餐打開帳幕。Slow-cooked Red Wine Beef Cheeks, Cream Sauce $198慢煮牛面頰嫩滑，紅酒的酸甜度，豐富了牛肉嘅香味，白汁闊條麵，口感煙煙韌韌，又creamy 。Soy Sauce Smoked Three Yellows Chicken香草燒三黃雞 $268煙燻香味撲鼻，三黃雞雞味濃郁，甜甜嘅外皮，淨食已經夠晒味。Latte $68奶香滑咖啡味濃。Guinness $108

在元宵節那天，我們去了可欣賞灣仔及跑馬地美麗景色嘅餐廳😊食一個開心愉快嘅午餐沙律菜很新鮮，火腿嘅鹹香配上沙律菜感覺很配合，係一個好好嘅開胃前菜南瓜湯好香滑，足料，配上嘅蕃茄包點湯好好味；而另外嘅一款包-香草餐包拼牛油都好香口薯蓉批外邊脆脆，裏面係軟滑嘅薯蓉，加上龍蝦汁十分之好味幼滑；批裏面嘅海鮮有好多，有青口、魚、蝦等等，非常豐富牛扒五成熟，恰到好處，炭燒香氣配上牛肉可以品嚐到肉質原汁原味；而旁邊嘅配菜薯仔粒亦很好蒜蓉炒西蘭花苗炒得好香口， 菜亦很新鮮爽口廚師精選甜品-我哋可以食到三個味道嘅小蛋糕：首先我哋食焦糖蘋果蛋糕，一粒一粒新鮮嘅蘋果蓉口感豐富清新，焦糖味道有微微嘅苦香，連同忌廉配合得好好之後再食栗子合桃慕絲蛋糕，栗子及堅果係一對好好嘅組合，綿密嘅栗子蓉配合埋脆口嘅堅果底層，口感豐富，味道亦很配合而最後一粒係朱古力蛋糕，好食到我哋再加嗌一件😊朱古力味道非常之濃郁，底層係榛子和朱古力溶嘅組合，香甜美味。最後嘅飲品我哋叫咗熱嘅鮮奶咖啡，味道香濃；另一杯是玫瑰花茶，感覺清香總括而言，無論食物質素同埋環境，呢度都係一間很好的西餐廳😊

今日冇食早餐就過咗嚟呢度食一個早啲嘅晏晝！餐廳職員介紹呢度星期一至六晚21:00~01:00有Live band駐場精緻美食+無敵靚景=City Dancer Gill：呢間餐廳仲睇到煙花添，而且仲有天台！法式鮮蜆肉湯：它以新鮮的蜆肉和豐富的湯汁為特色，味道鮮美濃郁！南瓜湯：南瓜味道濃郁、滑順的湯品。它的口感絲滑，味道濃郁，是冬季暖心的美食選擇。泰式蟹餅：以新鮮的蟹肉為主，加上泰式香料和調味料，製成酥脆外皮和柔軟內餡的美味蟹餅。炭燒紐西蘭肉眼：紐西蘭肉眼好厚肉，經過炭火燒烤處理，肉質鮮嫩多汁，外層炭燒的烤痕增添了獨特的風味！日式和牛芝士漢堡：漢堡以頂級和牛肉配上融化的芝士，製成多汁、濃郁的漢堡。一啖咬落去爆曬汁。呢度仲有包房夠晒私隱包房價$8800

星期五嚟到人頭湧湧有人唱歌，有人打鼓，非常熱鬧，而且氣氛鼎盛樂隊會柏可唱既歌，包括流行歌愛情歌你就可以現場即時點歌一定有你鍾意嘅嘢呢度仲會有七款唔同嘅Cocktail 各有特色Bad Girl $128壞女孩JW Gold Scotch Whisky, Green Charteuse, Earl Grey Liqueur,Suntory Sakura, Cherry Heering, Antica Formula,Choco bitter, Orange biWhen Grapes Turn Ripe葡萄成熟時Bacardi Rum Blanco, Mate Liqueur, SuntaMonin Kiwi Puree, LilletContradictory Life$138矛盾一生Don Julio Tequila Blanc, Wasabi, Tomato,Peach, Cranberry之後再嗌咗洋蔥圈同埋豬手洋蔥圈幾好味，唔會話好厚粉底另外因為唔想再叫熱氣嘢，所以就叫咗醬汁豬手呢個醬汁豬手都幾多肉 炆咗好多日好腍田，而且啲肉都好肥膩可以增加骨膠原

係恆豐中心頂樓連天台嘅呢間餐廳真係係一個好休閒嘅地方。環境好舒適，你可以揀坐室內或者天台，俾人一個輕鬆relax嘅感覺。而且仲有live band music，令食飯嘅氣氛更加添情調。除左飲番兩杯，佢嘅食物都好值得食！首先係炸黑松露薯條，啲薯條炸到金黃酥脆，再配上香濃嘅黑松露醬，啲香味真係令人回味無窮。墨西哥粟米片配蕃茄沙莎同牛油果醬，再撒上墨西哥辣椒同馬蘇羅拉芝士，味道鮮甜辣香，脆口食唔停。嘅意式茄汁海鮮意粉，啲海鮮新鮮彈牙，意粉煮得恰到好處，配上濃郁嘅茄汁，酸酸地幾開胃。慢煮澳洲和牛面肉，牛根忌廉闊條麵，口感嫩滑多汁，啲肉質好軟，好入味，絕對係肉食者嘅最愛。最後，唔可以錯過三文魚子牛油果多士同西班牙火腿番茄莎莎多士。啲多士烘烤得香脆，三文魚子同牛油果組合得恰到好處，西班牙火腿同番茄沙莎令味蕾大開。總括嚟講，呢間餐廳唔單止係食物美味，環境亦都一流。如果你想搵一個地方放鬆心情，同埋享受美食同音樂嘅話，呢度絕對係一個唔錯嘅選擇！

朋友約我去呢度食lunch話性價比超高😄果然朋友無介紹錯👍超讚餐廳位於天樂里、集成附近的一幢新商場大廈頂層，一上到去就見到呢個無敵景，飽覽跑馬地、灣仔一帶——確實是surprise!!!平時夜晚會有live band表演鍾情alcohol的朋友真係必去之選上一層樓梯直達天台相信夜晚黎一定好靚好靚我哋都係order 兩個lunch set我加左$38轉黑松露野菌湯好香好好味😋朋友就要左個蕃茄湯朋友話非常之濃郁的蕃茄味😃午餐配麵包個麵包超好食😋推介👍👍👍西京燒比目魚配白飯$138魚肉好滑好香👍炭燒紐西蘭肉眼薯菜配特製的法式芥末醬$198份量大大碟好食好食肉質鮮嫩多汁我哋再額外加左個煙三文魚Caesar salad$128依然水準一流👍用料新鮮講究朋友真係無介紹錯呢個價錢加呢個環境性價比真係高我哋今次平日lunch hour 黎其實都多人book枱Surprise 大家都知道有呢個好地方推介推介👍