CJ Cafe (已結業)

個個都話馬鞍山係美食沙漠，今日就同朋友去挑戰下呢個地方！我地特登唔揀商場入面d野食行遠少少搵食，經過停車場隔離見到有間餐廳係公園入面，環境都唔錯，可以坐下傾計就入左去啦！一入到去個格局好warm好大呀，d櫈係好靚好似設計師櫈咁。我就揀左個近玻璃窗既位坐喇 。我地就叫左4個唔同既set dinner嚟share，都幾抵啊，有埋湯同野飲送既西餐。係食扒、意粉、意大利飯個d，佢所有扒餐既份量都偏大，而意粉就岩岩好😘 第一個係2號既「黑毛豬薯仔沙律」， 仲有好多沙律菜，感覺都健康啲😍 個黑毛豬肉質好厚實，配埋個燒汁好野味，但最出色既係個薯仔沙律，真係好想不停再添食🙋🏻 因為佢有d煙肉同調味，又唔膩！ 第二樣就係「牛仔骨配天使麵」，你睇到個牛仔骨係多到咁 有2大塊，仲連骨，個汁都唔差，不過不失，但個牛仔骨就有點兒overcook左😟我自己本身好鍾意食牛，希望下次黎會有所改善啦！個天使麵一啲都唔吝嗇呀，仲比左好多菇我地，又係好貼心既健康之選！第三就係「羊腿排南瓜汁尖通粉，我朋友話唔鍾意食南瓜，但南瓜汁既野好好食喎🤔一於就比次機會佢啦！但個人覺得個南瓜汁唔係太夠味，羊腿排轉羊架就更正😋最後同個老

最近約左個朋友食飯，由於馬鞍山商場而家裝修，再加上好多餐廳都變哂做連鎖店，我地都搵唔到咩好野食。最後上網搵到呢間cafe，原來就係泳池附近！一直住係呢頭都無食過，所以就決定同朋友試下啦！餐廳位置係正泳池門口隔離，非常容易搵到，但係附近人流唔多（可能都無咩人發現到），所以唔洗等位就入得，正！餐廳入面座位好寛敞，座位之間都都有足夠空間。而且環境幾寧靜，岩哂同朋友一路食野一路傾計至於食物方面，其實都係大路西餐食物，有排、意粉同飯等。但係我強列推介以下呢個蒜容照燒炸雞味道一流，份量足夠，而且有多款選擇，完勝d快餐店呀！最重要係價錢抵食，一客炸雞大約夠3-4人食，都只係$58。建議可以每人叫一個餐之後再加個炸雞黎share

大假的最後一個工作天，來到馬鞍山公園，小朋友歡樂的笑聲，成了最佳的背景音樂。hea到有點餓，附近有間餐廳，自成一角。Cafe佈置舒適，以椅子的顏色、盤栽擺設，營造家的感覺。雖然旁邊的泳池暫停開放，景觀一般，但日光穿過落地玻璃透進來，餐廳內一片寧靜，是忙裡偷閒的好地方。典型的cafe餐牌，有意粉、沙律、漢堡、小食、飲品等。＄40餘元的午餐配餐湯或飲品，相當抵食。紅湯的蕃茄味超濃郁，不假不甜，內有大量配菜，洋蔥煮至入口即溶，蘿蔔和西芹尚帶口感。濃稠的湯有沙沙的口感，似是來自完全煮溶的薯仔。辣椒膏香茅豬扒飯＄48的午餐份量大得誇張，無論白飯還是餸菜都很多。豬扒已切成細塊，吃得方便，夠腍又夠味。豆角炒至爽口，還有紅椒、菇等，炒得很入味又十分香口。香茅味跟微辣很夾，要是加點鑊氣就完美。惹味的醬汁拌飯一流。白飯亦不遜色，軟硬度剛好，乾身，粒粒分明，飯香十足。吃得飽飽的，相當滿足，邊玩電話邊等人。hea到下午茶時間，友人終於出現，亦正好換了由3時開始供應的下午茶餐牌。豬扒漢堡包＄38的下午茶餐配熱飲，份量同樣超值，味道亦不馬虎。軟熟的漢堡表面輕脆，醃得入味的豬扒煎至金黃微脆，夠可口而不油膩，而且夾著

十年都唔黎一次馬鞍山，今次揀咗喺馬鞍山圖書館游泳池隔離嘅cj cafe食..............................其實由柯打到嘢食黎到，都等咗我諗都起碼等咗15分鐘到，如果可以快dd就好..............................-bbq醬西班牙黑毛豬鞍架；份量大得有啲驚人，仲有成碗飯咁多既薯仔沙津同沙津菜，有二大塊豬鞍架， 份量多，賣相超吸引~ HAHA..............................估唔到一刀切落去就可以將肉分離，咬落又唔韌，肉唔算滑，但唔鞋口，個bbq醬甜甜地，同個豬鞍架好夾..............................薯仔沙律味道正常，唔會話過多汁醬..............................-挪威煙三文魚牛菌汁意大利飯；首先三文魚份量較多，其次喺呢度嘅煙三文魚，吾會過咸，適中嘅~所以三文魚嘅味道唔會蓋過啲飯啲牛菌汁味道，兩者嘅配合好恰當..............................個飯份量都好足夠入面都有唔少其他配菜。 例如青椒，紅椒，菇等等...............

經Facebook馬鞍山群組介紹，美食沙漠原來都有D好野食！一於就黎試下啦！餐廳位處於馬鞍山游泳池旁，所以店內其中一邊窗可以望到室內池，其實與泳客對望亦有點怪。。。晚飯時段都有七八成滿，後來的人都要等位了。我點了燒牛肉凱撒沙律。他們點了羊架和野菌炒意粉~ 先講講我知燒牛肉沙律老實講有D失望個牛冇咩味，除左冇牛肉應有既味，亦都冇乜醃料既味。。。我都算食得辣，佢個酸辣醬汁真係over左，再加上乾蔥／洋蔥本身既辣味。。。我真係未試過食咁激烈既沙律。。。冇辦法之下，再嗌杯野飲：藍蝶水晶系列紫藍色既，其實我都唔知係咩黎，味道OK，但唔太凍。或者我辣到連溫度都感覺唔到

之前經過泳池，見到隔離有間餐廳覺得好特別，今日終於黎左試！入黎環境好舒服，睇下menu都好多花款，有burger, 意粉，飯，我就點了蟹肉黑松露risotto，加了$12有餐湯同牛角包。餐湯是羅宋湯，入面好足料，有好多紅蘿蔔，蕃茄湯唔會稀，好飲！配埋牛角包👍🏻之後上正餐，黑松露味好香！啲sauce好rich，入面有甜椒同蘑菇，蟹肉好甜，值得一試!小食叫了水牛城雞翼，外皮香脆，甜甜的辣辣的，加埋沙律菜好似無咁重罪惡感哈哈。飲品是圓肉薏米綠茶，好好飲！唔會太甜，仲可以消濟！整體來說好滿意，侍應服務態度亦值得一讚！會再黎！

馬鞍山真係好少專登走入去，就係有日走去搵馬鞍山既朋友拎電腦野，佢就話我入得黎就兜多陣，帶我去個外邊人未必邊既地方食野真心講個個都知馬鞍山係美食荒漠，住宅區又咁僻，佢唔帶路我都唔識去。我地7點幾就準備去醫肚，朋友話間餐廳係游池側邊既，平平地又可以鋸下扒既Café，其實一試又無妨一入餐廳員工就好熱情咁招待我地係近遊池既窗口位坐低，睇睇佢個餐牌，以西餐為主，價錢方面都幾實惠，於是我地一人揀左一個扒餐黎食。成個餐除左有主菜，仲有餐包同湯，咁今日既餐湯就係雜菜湯而餐包係蒜茸包，餐湯既除左有蕃茄既酸味之外，仲帶有少少甜味，好開胃，同埋D菜煮得唔算太爛，食落幾爽。蒜茸包佢都落得幾多，成個包面都係蒜茸，仲好脆架。食完餐湯同包，當然緊係食主菜啦，我叫左個炭燒美國菲力豬柳配薯菜，加蒜茸汁，佢用既唔係某大型連鎖快餐店或者街邊小食店既薯條，而用左好似Fish & Chipsr咁粗既薯條，食落熱辣辣脆卜卜，証明真係岩岩炸起而個豬柳夠厚，咬起黎有少少過熟，但係都無影響到佢整體既味道，而且D肉質唔鞋，啖啖肉呢咁唔少得緊係一杯涼浸浸既飲品啦，我嗌左一杯蘆薈水晶利賓納，一粒粒爽口既蘆薈加埋利賓納，好解渴。

一個人去左馬鞍山做野，但是又想不到食邊間餐廳，突然想起游泳池旁邊有間餐廳好似不錯，都頗多好評，就平平地食餐好。餐廳有提供不同套餐，但因為好想食漢堡，所以就直接單點，再加$18包餐湯加一杯飲品。是日餐湯...是紅湯，用一個草莓湯碗裝着，好可愛，入面有不少菜湯料，味道清甜，是一個開胃之選。烤雞芝士漢堡$58... 比相像中大份，漢堡非常足料，雞肉微微煎香，肉質滑，口感不錯，夾理番茄，黃瓜，青菜。薯條是厚切，外硬內軟，炸到剛剛好。

今日難得入去馬鞍山搵朋友，本來諗住土馬鞍山廣場食飯，但周圍都好多人，朋友提議去間私藏既餐廳。餐廳係馬鞍山游泳池旁邊，主要食西餐既，環境唔錯。餐廳好大，好有空間感，好岩我地呢d吹水友，坐得好舒服。我地一人叫左一個餐，食到勁飽墨魚汁海鮮意大利飯$98非常足料，蝦大大隻，好爽口，除左蝦，重有蜆，墨魚，飯粒粒分別，煮得唔錯，墨魚汁淡淡吸在飯粒入面。飯量好足，食到勁飽。羊腿排配南瓜汁尖通粉$98上菜個陣真係嘩聲，兩塊手掌甘大既羊排係碟入面，心諗餐廳真係好落本，平時一舊水都得幾舊細羊排，今次$100唔洗 有兩大塊。羊肉夠羶，岩晒鐘意食羊既我，肉質唔錯，夠軟諗。紐約芝士蛋糕$25女仔食飯當然要有個甜品啦，餐廳有兩款甜品選擇。芝士蛋糕有淡淡芝士味，細細件兩個人分岩岩好。

再次來到CJ Cafe,價錢相宜，坐位又寬敞舒適，配上有泳池畔在旁，望著泳客們在池央嬉戲，溫馨氣氛，頗令人感動。我地今次點了沙律、蕃茄牛肉雜菜沙+西冷牛扒配薯菜。沙律：好fresh的味道，雜菜酸酸甜甜辣辣既醬汁，頗開胃的前菜。蕃茄牛肉雜菜湯配飯：有牛肉配上蕃茄雜菜既鮮味可口的一道開胃湯，配上白飯，佢地個白飯好得意口感，而是心形獨立上的。西冷牛扒配薯菜：今次我點了6-7成熟的西冷牛扒，軟硬適中，亦保留牛肉鮮味又可口。

好耐冇去馬𩣑山喇。我朋友住馬𩣑山，介紹哩間CJ Cafe,都幾特別，被圖書館、體育館及泳池圍繞著。進入餐廳柔和燈光再配上泳池景色，幾寫意。坐位又寬敞舒適，一看餐牌價錢相宜，我們點了牛油果沙律,雜菜湯再加黑毛豬配薯菜及西冷牛扒。1. 牛油果沙律：牛油果加新鮮沙律菜配上芥辣香草醬，刺激味蕾，既開胃又好fresh味道。2. 雜菜湯：足料又開胃的一道湯。3. 黑毛豬配薯菜：肉質鮮美多汁，薯條是新鮮炸的，卜卜脆香口的😋4. 西冷牛扒：我同朋友都唔鐘意食見紅既牛扒，所以我地要全熟既西冷牛扒，出乎意料，咬下韌硬適中仍好juice，都不錯的。

一年一度的生日飯，今年選擇了位於馬鞍山泳池旁的餐廳裡進食。最初查地圖時，以為這裡很接近馬鐵站，應該很容易找到吧，怎知原來這餐廳的位置頗特別，它被圖書館、體育館及游泳池包圍，不熟悉馬鞍山的人可能需要多些時間去尋找它的正確位置。進入餐廳裡發現內裡燈光柔和，地方都頗寬敞，平日晚上不算多人，所以可以隨意找舒服的座位。坐下後看一看餐牌，發現有很多選擇，我們決定吃沙律、牛扒、黑毛豬及雜菜湯。先上沙律。附上的醬汁帶有少許辣味，刺激味蕾，感覺頗新鮮。接着是牛扒及黑毛豬。牛扒我們要了全熟，但咬下去軟硬適中，味道不錯。而黑毛豬的肉質也挺豐富。不得不提的的是肉旁的薯條，那些薯條外面香脆，內裡鬆軟，再配上洋蔥汁，十分美味。雜菜湯配螺絲粉，看圖好像份量不大但很足料吃了會很飽肚，所以最好2-3人一起分享。

第二次食，不過大部份食物的水準，都差咗。。唔知係唔係多人食咗嘅關係。。。粉碎的天使麵配一邊燶到苦的牛仔骨。。。三文魚牛肝菌意大利飯。。一般。。。無牛肝菌味的。。好彩有另外的都還好，精選羊架。。是唯一最好的。。。跟餐的羅宋湯ok。。咕嚕味的水牛雞翼

努力游水後當然要奬勵自己，享受一餐豐富的晚餐紅湯很香，十分濃味，湯內更有粒粒牛肉朋友點的這個水牛城豬肘也不錯，因為是炭烤方式，所以也頗香口，完全沒有油膩感覺！牛扒熟度剛剛好，咬落很鬆軟，而牛味很濃郁，配上黑椒汁，辣辣的，非常好味再加上配有薯條控最愛的薯條，加分加分！！而環境方面都值得一讚，餐廳有落地大玻璃對著泳池，可以一邊進食，一邊欣賞泳池裏面游泳人士的各種姿態另外，地方寛敞，每枱桌相距都有一段距離，坐得非常舒服

放工後一個人慢慢行到運動場俾門外帶卡通feel既字體吸引就入左cj cafe入面位置幾闊 唔同平時西餐既座位令人感覺自在檸檬茶不過不失啦 味道有茶記感覺不過個西班牙黑毛豬鞍就好好味！佢個汁帶到紅酒味 襯番豬鞍個口感 正肉質唔老得黎仲係juicy 而且好大件tim200頭既價錢好抵食 下次應該會帶friend黎