Cocolo Tokyo Cake Factory (形點 I) (已結業)

呢間分店都幾大，有十幾個坐位比客人可以坐係度嘆件pastry🛖裝修都好貫徹日本過江龍既小清新風格，簡約木系桌椅同埋布藝長椅，仲貼心地有埋藤製既籃放下袋出品標榜由日本新鮮製作後再空運直送香港😍係難得去旅行既呢兩年都可以比港人享受到最authentic既日本糕餅味道🍏青森蘋果批 | $35 | 7/10黎到當然唔可以錯過鎮店之寶青森蘋果批，單係材料已經贏在起跑線上，有青森縣蘋果、北海道牛油同埋和歌山既吉士醬製作🥚一咬就即刻有爆餡感覺，夠熱同酥脆🍰梳乎厘芝士蛋糕 | $30 | 7.5/10飯後食返件切件蛋糕都幾梳乎，由切面已經睇得出蛋糕幾夠濕潤度，食落口感超綿軟☺️焗既時候控制得好好爐温先做到，有小小檸檬清香幾正

呢度雖然品種不算很多，但每一樣嘢都10分精緻， 而且用了都好高檔。 見到佢既批係日本牛 更係要試一試佢～～ 包很鬆化， 餡料好juicy, 食得出係靚牛肉～ 食完好想食多個🥰 呢個cheese cake 甜度剛剛好～ 好喜歡！ 我可以一個人食幾個都不會覺得肥～ 芝士味清香， 入口軟化^ _ ^環境方面舒服自在， 服務員也很友善！如果平日下午來不算難搵位， 放學時間會有多媽媽帶小朋友來買外賣～ 見好多人來買蘋果批， 我未試， 下次可以買來試試

午餐後經過Cocolo Tokyo Cake Factory我聽到第二個胃呼喚緊我🤣🤣一於同小芙揀返件甜品做下午茶先🤭Cocolo Tokyo Cake Factory主打青森蘋果批皇牌就一定要試下啦🤩蘋果批嘅蘋果係嚟自青森縣，仲用埋和歌山雞蛋㗎‼️外皮酥脆可口，外型肥嘟嘟，好可愛❤️餡料配合吉士醬，口感外脆內軟，味道清甜除咗蘋果批，仲有蛋糕都好吸引👍🏻小芙揀咗件純朱古力蛋糕每層中間嘅cream好滑朱古力味甜中帶點苦，食落唔會太膩順道一提，外賣包裝盒好靚😆見到都好開心🫶🏼

在 Yoho Mall 行街食飯Takeaway 日式蛋榚返🏠 慢慢歎( 佢哋外賣盒好colorful 好cutie)店舖日係暖色佈置 木質傢俬 簡潔舒服😚主打青森蘋果批亦有新鮮出爐牛肉餡餅多款蛋糕 日式梳打飲品……堂食更有優惠套餐👍下次 Me time一於落嚟 chill 住 hea下~~#青森蘋果批 外型圓漲😚酥皮多層 入口非常鬆脆香口 好香牛油味👍🍏青蘋果蓉同吉士醬可口清甜😋榛子摩卡蛋糕 榛子味比咖啡味濃咗🤏🤏蛋榚入口軟綿濕潤 非常可口😍#純朱古力蛋糕香濃幼滑 朱古力醬味帶微苦 甜而不膩 朱古力迷不容錯過😋

經過Yoho Mall ，時常都聞到好香的酥皮味道，日日新鮮出爐，所以今日都幫襯下。舖頭主要買蘋果批、蛋糕、及飲品。蘋果批應該係主打食品，因為蘋果餡來自日本清森，諗起都好似特別好味😋店舖佈置係係日系風格，木系傢俬，都好簡潔舒服，可以好chill 食嘢傾偈，堂食都有套餐，都好優惠！另一個喜歡，就係外賣盒，好colorful，所以今次選擇買外賣，返屋企慢慢嘆😂食品款式實在好多，除咗出名嘅蘋果批，亦都有新鮮出爐的牛肉餡餅，都好吸引😋另外，亦有很多款式蛋糕、咖啡、日式梳打飲品，都幾多選擇👏🏻蘋果批返到屋企仍然熱辣辣，非常正👍🏻酥皮好多層，牛油味好香，最喜歡就係蘋果蓉，都好清甜，果然係主打😊焦糖蛋糕份量啱啱好，蛋糕軟身，甜度適中，Cream好少，啱晒又想食又想keep fit嘅人👏🏻

從餐廳外望入去就已經俾人一種好寧靜嘅感覺， 喺一個適合靜靜地食甜品嘅地方。 🍀🍃🌿餐廳裡面餐桌的擺設亦都好細心， 空間感好好， 相信揀堂食嘅食客唔會覺得擠迫。蘋果批:簡單黎講就係牛角包家裡面有蘋果餡， 批好香好脆， 刀切落去嘅時候係沙沙聲， 裡面嘅餡亦有香嘅果肉味， 絕對唔藥水味， 依樣亦都係我覺得俾其他街邊嘅蘋果批出色既地方。 👅👅👅火腿芝士批:如果蘋果批嘅皮係牛角包皮， 咁火煺芝士批就係蛋撻皮， 好香嘅牛油味加上火腿芝士， 會係一個好好既早餐或者下午茶， 不過重點係一定要熱食， 如果加一杯茶會更加正。Tiramisu:相信喜歡咖啡嘅人會好鍾意， 蛋糕好鬆軟而且咖啡味好濃， 唯一少少扣分位係蛋糕太多， 有d飽肚， 不過整體上係一件出色嘅蛋糕！！

食完個Brunch時間尚早，就行下街消化下，行行下聞到好香，原來呢度都有間專賣青森蘋果批。好耐之前經過灣仔分店，呢度比灣仔分店大一倍有多，和風cafe設計，坐位闊落，堂食都坐得舒服。呢度有最出名既青森蘋果批，蛋糕甜品之外，仲新出左咸批，有芝士火腿酥，菠菜酥（素菜），行到攰可以坐低食個下午茶飲杯咖啡或者日本直送既果汁碳酸飲料。睇住佢個青森蘋果批剛剛新鮮熱辣出爐，我就叫左一個，再加多個日本Tiramisu蛋糕，青森蘋果批-黎自日本既人手製作青森蘋果批，即場烤焗，望落一層層，好似酥皮咁鬆脆既批面，青森蘋果切到細細粒，清甜爽口，再加吉士奶油。我雪凍左黎食，都一樣好味。日本Tiramisu蛋糕-望落只係一件普通既三層三角件裝蛋糕，不過隊友話想食Tiramisu，所以就買左件返屋企食，估唔到又好味幾驚喜，蛋糕同忌廉好香好滑，香味久久不散。

口痕想食野，依間小食就fit 哂日本麵包蛋糕西餅出哂名依間都唔例外其實好多cake 都好吸引可以人嘅胃有限德式杏仁朱古力蛋糕紅茶蛋糕朱古力味重，杏仁香口紅茶蛋糕就正正常常，落太特別主角青森蘋果pie唔係m 記果d, 係日本正宗嘅蘋果pie足料，勁香嘅蘋果味都算大個，d 皮夠脆

趁一田大特價梗係要去掃一掃貨行到好攰 見到呢間蛋糕店仲要有位坐 位置都寬敞梗係試一試蘋果批 順便唞一唞蛋糕店有好多唔同嘅選擇包括有批又或者蛋糕至於批亦都有鹹味嘅批例如和牛批一場嚟到梗係要試一試佢哋嘅招牌批青森蘋果批批嘅唔會話好細女仔下午茶食一個啱啱好一咬落去淡淡蘋果嘅清新香味唔會太甜好好食食完亦都會想再叫多個！但一場嚟到梗係要試吓其他特別野啦另外叫咗個朱古力蛋糕同埋紅茶蛋糕朱古力蛋糕有杏仁喺面佢並唔係成個都係朱古力而係加咗朱古力喺入邊如果鍾意食德龍朱古力嘅朋友就未必啱但呢個蛋糕都好好食至於紅茶蛋糕比較有奶茶嘅味道亦都係唔會太甜 用嚟送菜岩岩好下次再嚟元朗想試一試鹹嘅批有機會再嚟食啦

香噴噴嘅蘋果批🫔，每次行過都好想食😋。 今日得償所願～外賣🥡2個🫔🫔，連個盒都好靚🍏🍎。蘋果批外層係一層層嘅酥皮，好香脆，酥皮包住蘋果粒、蘋果蓉同吉士醬，香甜可口，個餡真係好正，唔會甜得滯😋

每次經過這間鋪頭，都會望多幾眼，店裡的甜品非常吸引，因為怕肥的原因，不敢放肆地食甜品。這裡主打日本糕點，最出名是青森萍果批，還有其他日本農產品制糕點，如和歌山檸檬批，日式抹茶蛋糕，栗子蛋糕，草莓🍓蛋糕，芝士蛋糕，北海道牛🐮奶蛋糕，不勝其數，最特別是新上市的檜木酒糟清酒鮮芝士蛋糕，用特制的檜木盒子，裝住新鮮特制的清酒芝士蛋糕，食完可以留番個檜木盒做紀念。😘今次我試下最想食的青森萍果批和提拉米蘇蛋糕先。萍果批好大個，焗得鬆香，萍果餡酸酸甜甜 ，配搭鬆脆的酥皮，咬落有無限的滿足感，唔怪得甘多人鐘意食。😋怕肥的代價太大了，都是放棄吧。🙃適當放縱下，食下甜品減下壓，心情好D，身體都好D，所以，甜品是人生不可或缺的一部分，下次試清酒芝士蛋糕。✌️

行行下街覺得攰，想食甜品。經過呢一間蘋果批店，記得佢嘅蘋果批好出名。青森蘋果批$35蘋果批啲吉士醬同蘋果粒撈埋一齊食。蘋果粒煮得好好，啲時間掌握得好準。所以啲蘋果煮完出嚟仲係一粒粒，唔會變咗一坺嘢。呢間店舖蘋果都好講究揀左清森蘋果。所以啲蘋果煮完出嚟仲係有浸清香味。蘋果批嘅酥皮好酥脆，同埋好香牛油味。酥皮同餡料嘅比例好好唔會淨係食到酥皮。徳式朱古力杏仁蛋糕$30食出嚟感覺係重海綿蛋糕。食落去唔會好似海綿蛋糕咁多空氣咁，而係firm 啲嘅口感。朱古力同杏仁味嘅比例好好，朱古力唔會搶咗杏仁啲味。蛋糕上面加咗杏仁片，增加咬口。個蛋糕好香同埋唔會太甜。咬落去會食到蛋味、雲呢拿味同埋牛奶味。可能因為冇忌廉所以食完之後唔會覺得好漏。店員仲好nice 同細心咁問我地洗唔洗加熱。

前排蘋果批大熱， 已經食過佢朗豪坊間分店已經喺朗豪坊間分店食過今次見佢喺yoho mall又開咗分店，就入去睇睇今次係畀佢嘅栗子批吸引咗，所以就試一試栗子批。另外買多嚿紅卜卜 嘅蛋糕返去同屋企人食栗子批買到出嚟熱辣辣放喺紙袋入面，蛋糕就放喺盒入面，分開放栗子批酥皮鬆脆 ，裏面栗子蓉好多， 而且可以而且有啲一粒粒嘅栗子問過店員朱古力樹莓蛋糕與士多啤梨蛋糕嘅分別，店員話樹莓朱古力蛋糕會偏酸一點，所以就選了這一個, 我阿媽就對蛋糕感到非常滿意蘋果批與栗子批各有各好食，下次經過再買

今日去咗元朗行街,原來十分之方便,喺荃灣搭西鐵過嚟都係10分鐘　，喺元朗站YOHO商場基本上做晒想買嘅嘢，仲有好多好嘢食。俾我發現咗一間平時要去朗豪坊先至買到嘅日本蛋糕店，見到一定要支持下，因為屋企人同我都好鍾意食。Cocolo Tokyo Cake Factory 蛋糕店設有堂食，而且座位簡約舒適，有時行街行到攰，可以坐下休息吓，飲杯嘢食少少嘢。今日我就選擇買返屋企同佢屋企人分享。因為之前去旺角食過真係好好味，同埋呢間蛋糕店有好多選擇，之前試過主打嘅清心蘋果批，入口香脆鬆軟，真係好正。今次就試吓其他蛋糕，買咗個栗子蓉批，同朱古力蛋糕。因為栗子蓉批唔係成日有得食，呢個係期間限定所以一定要試吓，栗子批做到非常之香，外面一層酥皮好香脆，入口鬆軟，栗子蓉餡味道清新香甜，栗子味道非常香濃，又唔會太甜，真係好好食。朱古力蛋糕味道好香濃，而且蛋糕嘅質地非常軟，本身自己唔鍾意食太甜，呢個朱古力蛋糕味道做到啱啱好，好值得推介。

今次到訪位於元朗Yoho一期嘅過江龍甜品店，再一次食令人念念不忘嘅青森蘋果批。尼間店鋪嘅環境較大，位置亦多d，所以慢慢嘆批嘆蛋糕都冇問題。青森蘋果批($35)，今次同樣都有食蘋果批，蘋果批邊焗邊膨漲，就變到圓漲，每件都好得意。酥批咬落有層層口感，拎上手要小心d，因為d酥皮會跌落，食個陣都會不經意跌出～熱烘烘食d酥皮仲脆脆添～酥皮唔會膩，而蘋果餡甜酸，好適合夏天清爽感覺。除咗有蓉狀，仲有少少粒狀，令口感更豐富。日式焙茶蛋糕($30)，廚櫃有多款賣相一流嘅切餅，每件都好精緻，而尼一款焙茶口味屬於熱賣款，一於叫黎食下。蛋糕嘅層次分明，焙茶cream、蛋糕層相隔。第一啖食非常驚喜，冇諗過焙茶味咁濃郁，因此唔會覺得好甜。外賣番屋企食，個紙袋同蛋糕盒一樣，都印有可愛蘋果叢林圖案。堂食或外賣一樣有風味。