Cocolo Tokyo Cake Factory (形點 I) (已結業)

經過元朗yoho商場，見到之前去朗豪坊都有既日本甜點鋪。店舖環境開揚，同樣有多個座位供堂食。今次暖烘廚櫃有好多款批點，比上次係朗豪坊見到既多，仲有新款期間限量添，所以冇揀蘋果批。而蛋糕類亦多左新項，口味、種類都多左。叫左日本栗子批($38)，朱古力樹莓蛋糕($30)。栗子批尼款係期間限量，外型同蘋果批一樣，都係脹卜卜，不過酥皮焗後膨脹得更大，令酥皮層更明顯。內餡栗子蓉一大舊被酥皮包裹住，栗子香滑，帶甘甜。仲有一粒甜心栗子係入面，軟軟的，口感更勝一籌。係另一個批類唔錯既選擇。樹莓蛋糕閃閃炩紅色外型，由紅、黑色相隔成層，夏天望住顏色鮮艷既食物都開胃d，何況係甜品，仲有另一個胃食添。第一啖食，樹莓味好突出，唔算好酸，甜味中和左，亦唔會甜膩。而朱古力味反而俾莓味遮蓋左，微微有d朱古力既甘味。但整體蛋糕味道唔錯，以樹莓製作甜品既效果值得讚。整體，除左蘋果批，其他批類一樣出色，唔係蘋果批獨大，不過第一次食就可以先叫蘋果批。蛋糕款式亦有唔少選擇。

元朗真係非常方便，有咗西鐵之後去多咗YOHO Mall蘋果批專門店好耐之前喺朗豪坊食過第一次，今日第一次喺元朗試，經過間舖頭真係無法抵擋蘋果批嘅香味😝元朗店比朗豪坊環境更加歡敞，舒適如果堂食仲可以有叉電線提供，職員非常細心，所有嘅蛋糕同埋食材都係由日本直送真係非常吸引疫情期間去唔到日本食咗蘋果批就當去咗日本了我點了一個日本 Tiramisu蛋糕，他以海綿蛋糕配cream的Tiramisu味道，食落有輕微咖啡味，而蛋糕相當輕盈食完都唔會太濟。我點了一個日本甜薯批，這間店舖除了主打蘋果批外，還有其他批類選擇，這款也是選取日本直送的甜薯，外層酥皮一樣酥脆，內裏的甜薯也很香甜，好鬆脆，好酥，但完全唔油膩，另外甜薯份量好多，好甜，但唔會覺得好膩，好吃程度是絕對想再食多一件，酥皮雖然變位略帶點黑，但口感仍然係鬆脆分明

You’re my apple pie😍😍😍最鍾意食蘋果批🍎次次經過Yoho呢間舖都覺得香噴噴有少量座位，今日放假得閒入去慢慢食堂食店員會翻熱蘋果批，翻熱完外皮仲係脆卜卜餡料酸甜度適中，入黎tea一tea都唔錯另外加左件Hojicha cream cake茶味非常rich，但蛋糕係比較軟身既口感Cake比Pie好似仲多選擇蛋糕唔算好大件，幾啖就食晒。堂食無咩人，都係Take away多行過可以買黎試下

元朗Yoho Mall有間日本餅舖出名青森蘋果批🍎日本🇯🇵直送，同埋人手製造所以都好特別👍🏻每次經過都聞到香噴噴嘅味道👅都好吸引💓舖頭除咗外賣，仲有堂食地方都好舒服👏🏻除咗出名蘋果批，仲有多款批和蛋糕選擇😍真係一次過滿足日本甜品😍今次買外賣好鍾意啲外賣盒💕非常colorful，同埋有日本feel賞心悅目😂蘋果批返到屋企，仍然熱辣辣😆酥皮非常香脆，好多層🥧蘋果粒🍎都好清甜超讚👏🏻👏🏻👏🏻培茶蛋糕🍰味道都好香，甜度啱啱好💕如果再大件啲就更加正了😂

🤎Cocolo Tokyo Cake Factory (形點一期) 🧸元朗元龍街9號形點一期1樓1087號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️其實Yoho開咗咁耐我都冇認真行過，今日諗住睇吓消費券點樣用嘅時候就行咗一陣，發現開咗一間甜品店，其實我係俾佢新鮮滾熱辣出爐嘅香味吸引咗🫢細細間嘅店舖竟然有座位提供，所以客人可以即買即食而我都唔例外🤤呢度仲竟然有充電器💁🏻‍♀️實在太啱我啦如果下次行過路過冇晒電都可以入嚟買件蛋糕叉一陣👏🏻-青森蘋果批🍎 $35實不相瞞我係一個蘋果愛好者🍎，啱啱出爐嘅蘋果批真係好吸引我😋蘋果批有手掌咁大，酥皮仲好似有千層咁😍牛油味香到不得了，外脆內軟，簡直就係冇得頂‼️呢個蘋果批係用咗日本直送嘅青森蘋果加吉士達奶油製作而成。🤫偷偷地話俾你知咬落去仲有粒粒嘅蘋果肉🤭實在太正了😳-紅茶奶油蛋糕🍰 $28焙茶、抹茶就聽得多紅茶好似好少見，所以就買咗紅茶🫣首先食落去佢個cream真係好順滑😍蛋糕好鬆軟🤩唔算太甜我覺得幾好😋

Cocolo Tokyo cake factory 經過見到有蘋果批賣比佢吸引咗Poster話日本直送 而且全人手製作唔怪之得係店舖嘅人氣no.1😻行入去發現原來仲有其他三角cake賣，價錢唔貴，多數約$30一個，做飯後甜品就fit喇！舖頭設有堂食區，日式裝潢設計，簡約，後面用條子砌咗個山形出嚟🗻不過都係決定外賣拎返屋企食晚飯後食開心啲選擇困難症嘅我揀咗店舖嘅人氣之選，實有保證😉🔹青森蘋果批 $35 （人氣no.1‼️）蘋果批都大大舊，大過我隻手🤣 酥皮充滿牛油香而且多層，咬多啖蘋果蓉充滿濃濃嘅蘋果味，仲夾雜咗啲蘋果粒粒，甜甜地好食😋🔹焙茶蛋糕 $28 （人氣no.2❗️）我覺得裝cake個盒仔勁靚，好似手袋仔👜所以我影相就學啲人放側邊影埋個袋扮手袋仔🤣🤣🤣我哋眼闊肚窄，食完晚餐再食蘋果批後好飽飽喇😲所以呢個cake冇即日食留咗一日先食，估唔到海綿蛋糕位置都咁軟叫得焙茶蛋糕就預咗冇咁甜，想有少少苦苦地，食落焙茶cream位置帶甘香，配合海綿蛋糕中和返cream嘅油膩感，有三層cream都唔怕

#meloin @cocolohk.toykocake原來元朗都開咗coocolo❤️❤️唔使專登出去食環境優美，適合下午茶☕️，食一件甜品再加一杯嘢飲，完美享受😎今次叫外賣拎上車食，一樣新鮮🤩青森蘋果批$35🍎🍏即叫即焗日本🇯🇵青森蘋果批，最怕酥皮凍咗唔好食，現場即焗香噴噴，酥皮層次多口感足，外脆內軟，吉士蘋果新鮮，不會過甜，熱辣辣送上手中，果然係必點推介梳乎厘芝士🧀蛋糕🍰$28三角蛋糕款式多，性價比高，今次揀咗軟綿綿的梳乎厘芝士蛋糕，質感軟滑，芝士味濃郁😙空氣感十足，melody大愛☺️☺️

🔵🔻◾️🟨💭🗯🌁🗽🪝⚓️🎷🤹🏻‍♀️🤹🏻‍♂️🎼🎪🎺🍪🍧🍨🍦🥧🧁🍬🍭🍮🎂🍰🍫🍿🍩🍵🌰 🍰🍰 Cocolo Tokyo Cake Factory 🧁🧁 元朗元龍街9號形點一期1樓1087號舖 🤫喺元朗YOHO裏面地點方便又好行😏Shopping戰鬥員最好搵個休閒又舒服嘅地方食件cake嘆返個pie🍭雖然佢係主力買甜品🍫但係裏面坐嘅位置都唔細 🥧呢個估佢唔到 寬敞 舒服🍦Carefree 👍😳😳食左件青森蘋果批🍫以及朱古力布朗尼蛋糕🤪來自日本直送人氣商品 蘋果批嘅餡好多🤭油香比較重 脆香 起酥油少番啲效果會更好😼整體感覺都唔錯👀朱古力布朗尼蛋糕 朱古力味重💁🏻‍♀️夠creamy 細細粒 味道豐富

今日同朋友去咗元朗形點食晏，走嘅時候就順便試一試呢一間cocolo Tokyo 嘅蘋果批。一直都知道佢係日本過江龍，喺香港都有好多分店，今日終於有機會試一試店舖環境好簡單乾淨，主打蘋果批，亦都有其他甜品選擇，咁梗係要試佢嘅主打蘋果批，另外我再揀咗朱古力三角蛋糕。疫情關係，雖然舖頭冇咩人，但都係屋企食比較安心，佢哋嘅外賣包裝都幾得意。因為食飽咗野先返屋企，所以都隔咗成四五個鐘先再有空位食，蘋果批一早就已經凍咗，但咬落去仍然好鬆脆！頭先買咗個朱古力蛋糕，cream唔多，忌廉同海綿比例ok，平時食蛋糕怕忌廉好漏嘅人都可以試一試。埋單盛惠$63，我相信如果蘋果批係熱食一定會更加好味，有機會要再試一次佢新鮮出爐嘅蘋果批。

本身去Yoho係諗住去Lifstatic到買$25彩虹蛋糕，點知經過呢間啲蘋果批同我打招呼😂所以就決定買一件黎試下。🐒青森蘋果批💰$35 佢呢個係好似蘋果酥多啲，因為佢好似一個盒咁裝住啲蘋果，個皮勁鬆化餡料方面除左有蘋果之外仲有吉士醬，呢下Surprised左，因為估唔到會有呢個combination個批用左青森蘋果，食落偏酸，配埋吉士醬既甜幾match, 不過$35黎講可以試到日本過江龍黎講，都值得一試既🙆🏻‍♀️

真係好掛住日本，記得對上一次去日本旅行係去青森，當時食了無數青森蘋果的製成品，返到香港後一直念念不忘，但可惜都唔知幾時先可以再去旅行。今日放工路過YOHO MALL，竟然比我見到COCOLO的青森蘋果批，而且仲要新鮮滾熱辣出爐，當然第一時間買黎品嚐下啦。店內有座位提供，所以客人可以即買即食，另外店員的態度殷勤友善，最貼心的是提供叉電位置，實在方便我呢類經常用爆手機電又唔願帶充電寶的麻煩友，咁就可以一邊慢慢食，一邊等充足電喇。 青森蘋果批 – 剛出爐的蘋果批真係無得輸，鬆脆的外皮 + 甜度適中的青森蘋果肉，非常好食。梳乎厘芝士蛋糕 – 口感Creamy，芝士味濃厚，也很不錯。

Cocolo tokyo cake factory🍰｜元朗 空運到港 日本原汁原味既甜品｜🍎前個排好興蘋果批，但唔係某連鎖快餐店個隻。而今日我終於買黎試下。見到佢金黃色，勁多層酥皮就好吸引😚！即刻買返個黎試下！其實元朗尼見間都有堂食，所以我地為左可以係最佳品味時間內食到，我地都係選擇堂食😛。🍎蘋果批好似手掌咁既大小，見到佢真係好多層🥺，一咬落去，超級酥脆！佢既酥皮無得頂，比我地既時候仲暖暖地。入面除左有軟綿綿既蘋果粒粒，仲有吉士醬，酸酸甜甜咁，真係好好味！味道都好平衡😚🍰抹茶切件蛋糕尼款蛋糕就比較適合鍾意飲抹茶latte吉既朋友仔，唔鍾意抹茶味太濃既人🙈。佢食落蛋糕比想像中鬆軟，抹茶就好似飲左一杯抹茶latte咁，作為下午茶，都係唔錯既選擇🤣

之前經過已經好想試下，店舖座位都幾舒適，好有木系小屋cafe既感覺，好寬敞～除左有招牌蘋果批蘋果酥之外，仲有mont blanc、macaron、三角切件蛋糕同埋飲品等等…🍰三層抹茶蛋糕 $28呢隻抹茶蛋糕唔同平時食開好香濃好深色果隻，佢有淡淡既抹茶小清新味道，完全唔會有好甘好苦澀好濃味，又唔會好甜，直情可以用pure黎形容，簡簡單單又清新清純😙係食多件都唔會覺得滯既蛋糕🤪簡直係0負擔🥳🍏青森蘋果批 $35見到佢話人氣NO.1就好想試下啦，一切開已經聽到酥皮清脆既聲，食落口係超級脆，入面有吉士達奶油，再加埋粒粒蘋果果肉，唔會好甜好漏，好好食🤤🤤同埋咬落去果陣係feel到酥皮好有層次感😋

Cocolo Tokyo Cake Factory原來開到過嚟元朗，記得之前喺西貢海傍同埋灣仔利東街食過，對於佢嘅蘋果批念念不忘。估唔到佢嘅擴張速度越嚟越快，直情殺到入嚟新界西😱呢日咁啱要喺Yoho買啲嘢上去探朋友一齊，呢間會係一個唔錯嘅選擇😃最出名嘅青森蘋果批，幾乎係必食之選，聽到前面幾個客都係Order蘋果批🤪凍櫃仲有好多唔同口味嘅蛋糕/切餅😃青森蘋果批($35)鎮店之寶蘋果批，外層金黃色，酥皮鬆化、層次分明，望到已經好誘人。餡料裡面有好多蘋果粒粒，真才實料無得呃人。吉士醬令蘋果批錦上添花，味道更香甜🤩紅茶奶油蛋糕($28)呢件蛋糕主要係朋友食，我淺嚐咗兩啖。食到清新嘅紅茶味，做到甜而不膩🥳外賣盒仔包裝好精緻，個袋設計得好靚添！拎上門探朋友完全不失禮，相當得體！蘋果批、三角蛋糕出品有保證，呢個Size作為飯後甜點係幾好嘅選擇👏呢排仲做緊買4送1優惠，好似已經做咗一段時間，幾星期之前經過灣仔分店已經見到～

🍏青森蘋果批🍀🍀🍀🍀🍀🍀🍀🍀🍀🍀由於其他批售罄🤣頭大揀左no.1既青森蘋果批，超級外脆內鬆軟，好香牛油🧈香味，口感似牛角包🥐，而入面有粒粒蘋果肉🍏，比較帶甜味既蘋果肉，如果餡再多啲就好🤤🍰北海道忌廉芒果蛋糕🍀🍀🍀🍀🍀🍀🍀🍀🍀 新產品其中之一係北海道忌廉芒果蛋糕🥭面層係芒果啫喱，鮮艷嘅顏色望落好夏天✨味道好清新有啲似羅拔臣啫喱🤣，成個味道唔係好甜🍰紅茶奶油蛋糕🍀🍀🍀🍀🍀🍀🍀🍀🍀 鍾意食唔甜既蛋糕，可以揀紅茶奶油蛋糕🍰，好重紅茶味帶微甜，雖然有cream 但都唔會好膩，海綿蛋糕好軟熟🌼🌼🌼🌼🌼🌼🌼🌼🌼🌼☀️整體而言，由於疫情關係，頭大揀外賣，買返去同屋企人食，外賣盒好可愛，另外店員態度好有善，店鋪既燈光同佈置都好日式，而蘋果批🍏同蛋糕🍰都唔會太甜，最岩配埋杯熱茶🍵