Cocolo Tokyo Cake Factory (朗豪坊) (已結業)

My friend recommended me to try apple pie of this cake shop. This afternoon I passed by the basement of Langham Place to go to the MTR station and decided to buy my mother a treat to fend off the boredom of the bad weather.I bought her an apple pie (青森萍果批) and a piece of milk tea short cake (红茶奶油蛋糕).My mother praised the apple pie as one of the best she had tried. She particularly liked the pastry and the sour sweet apple filling.She also enjoyed the milk tea short cake. It was creamy, not t

/平時行過朗豪坊最底層都見到呢一間裝修非常之日系小清新既甜品店Cocolo Tokyo Cake Factory 今日終於有時間去試下啦.呢間店主打青森蘋果批係由日本製造再運送來香港 夠曬地道 難怪keep住都有唔少途人買外賣返屋企食.今次就試左佢地招牌青森蘋果批以及紅茶奶油蛋糕.🍎青森蘋果批($35)青森蘋果批外層酥皮非常鬆化 好有層次感 好彩店員細心提醒小心燙口 蘋果同埋custard 餡非常熱辣辣 食到最尾嗰啖都仲係熱既 蘋果粒好清甜 整體來講甜而不膩 值得推介 不過注意佢啲餡料唔算係多到爆嗰隻 但個人黎講覺得剛剛好.🍰紅茶奶油蛋糕($30)紅茶奶油蛋糕好有層次 份量唔算好大 食起黎比較輕盈 茶味都濃郁 口感幾鬆軟 唔會過甜.見到店舖不時都會做唔同優惠 今次就有堂食蘋果批可以半價選購咖啡或抹茶飲品一杯 可以留意一下.Cocolo Tokyo Cake Factory📍旺角亞皆老街8號朗豪坊B2層19號舖.#anygoodfood_hk#anygoodfood_mongkok

「時間別走，數著卡路里， 磅數都烙印心裡頭。。。」朋友表示很久沒有吃過厲害的糕餅了， 好的，今天福福郎就帶你來到朗豪坊看電影，順道讓你「放開」一下減肥戒囗的緊箍咒 。。。青森蘋果批 ($35)這個一直都是我的最愛，有留意開福福郎食評的朋友，一定記得我2021年1月也介紹過這款由日本直送的蘋果批 (回憶都烙印在心頭) 。嘩！今天很幸福，碰正蘋果批剛剛新鮮出爐！ 真係隔住口罩都聞到香噴噴！我會用「八個字」總括地品評這款蘋果批：「外脆內軟、 流心惹味亅。。。好！ 今天一於讓味覺重溫一下我對 my sweet apple pie 的回憶，LoL！梳乎厘芝士蛋糕 ($30)這款蛋糕，「心地」很好啊！！ 芝士很鬆軟 、味很濃，但吃起來沒有很甜，正合我的心意， 而且一嚿蛋糕兩個人分，份量剛剛好， 剛好足夠滿足味蕾的需要 ，good fit 啊！食完甜品、 睇完電影，是時候和我一起去跑跑步，做下運動，消耗返啲卡路里啦！Let's go ！「其實肥肥地也幾可愛呀！ 做人最緊要心情愉快 。。。你瘦夠了嗎？？？」P. S. 一路睇戲，一路吃芝士蛋糕，其實很有滿足感！！。。。🦉福福郎staycation食評系

朋友點名話要食呢一間嘅蘋果批，所以我就唯有捨命陪君子🤣🤣我哋下晝五六點去到嘅時候，啲三角切餅其實已經好似賣得7788（當然我唔知佢雪櫃會唔會係有貨但係未拎出嚟 最後揀咗朋友話要嘅蘋果批同埋一件Tiramisu, 拎走都怪我自己拎嘅時候唔小心，成日撞黎撞去，搞到件蛋糕係個盒入面反咗😭😭😭😭😭（差啲比暴龍朋友鬧死🙈不過好彩啲味道不受影響，佢嘅酒味唔太濃，蛋糕同cream嘅比例啱啱好，食落唔會膩蘋果批嘅表現更加出色，其實我放到食埋晚飯先食都已經隔咗幾個鐘，但係佢啲酥皮仲係咁脆，而且切開就見到裏面嗰個餡都幾足，可惜要同朋友share食，如果自己一個獨食應該會更滿足🤪我覺得佢蘋果批嘅價錢都抵食，一個批$35, 下次經過可以再幫襯，唔怪得朋友點樣要食

今日去朗豪坊行街，見到呢間日式甜品店忍唔住行前睇睇，店内有一個熱批櫃同一個蛋糕櫃，行簡約日式裝修風。熱心嘅店員同我地講蘋果批新鮮出爐，咁一定要試下啦~青森蘋果批 $35因為係新鮮出爐，拿上手時仲熱辣辣。酥皮香脆鬆化，有牛油香味。蘋果批選用青森蘋果粒製作，切到一粒粒，幾有咬口，甜度適中有鮮味，咬到中間有吉士達奶油，加上豐富嘅蘋果粒，食到好滿足日本Tiramisu蛋糕 $30見到d蛋糕都好靚，就叫左個Tiramisu味試試，有驚喜係雙層嘅忌廉蛋糕，蛋糕好鬆軟，cream 口感好軟滑，甜度都岩岩好，食落一d都唔膩。Tiramisu都唔會好苦，呢個細cake高質，下次想試埋其他cake鮮奶咖啡 (半價加配)鮮奶咖啡味道香濃，表面奶泡少，入口舒暢，半價加配都幾抵，配埋兩個好味既甜品，係飯後甜品好選擇

每一次喺朗豪坊底層行去搭地鐵🚇經過呢間日本甜品店 都聞到好香！見到佢哋嘅蘋果批新鮮出爐 就買咗嚟試😈熱辣辣脆卜卜嘅酥皮 咬開入面包滿軟滑嘅吉士醬同清甜爽口嘅蘋果粒🍎好足料！

今日偷走放低細路出去食野，食飽飽番屋企經過旺角mtr ，行過見到呢間蛋糕店，cocolo Tokyo cake factory,之前係網上話係日本池袋黎既過江龍，全部產品都係日本做完，再空運黎香港。被新鮮出爐蘋果批既香味所吸引，結果抵受唔住，外賣左一件批，一件蛋糕番去俾小朋友試下，止下去唔到日本癮。包裝係靚靚日底包裝。先講青森蘋果批，$35， 作為招牌貨，回到家仲暖暖地，果然無令我地失望。一啖咬落去，外皮非常鬆脆，入面既粒粒蘋果鮮甜可口，一d都唔係死甜，係清甜，好好味。再黎紅莓朱古力蛋糕，整件蛋糕都係紅莓味，連唔食朱古力既妹妹都話妹味。蛋糕亦非常鬆軟。順帶一提，入面都有堂食坐位，下次行完街街可以考慮坐定定再試埋檸檬批。

🍎 #旺角 #Cocolo同朋友喺朗豪坊行街，行到有啲攰想揾個位置坐低食吓嘢，就嚟到B2樓呢間Cocolo食件蛋糕🥰 呢度有各款批、切件蛋糕、蒙布朗等，仲有少量飲品，滿足你多個願望😆🍎 青森蘋果批 （$35）呢個係必食推介！我同朋友都好鍾意😋 蘋果肉酸酸甜甜，加上吉士奶油，好香好creamy，個批仲係現烤嘅，暖之餘仲又香又脆🥰🍰 日式朱古力蛋糕 （$30）呢個係新出嘅三角切件蛋糕，由多層朱古力蛋糕同朱古力慕絲組成，啱晒朱古力控呀～

係朗豪坊行街嘅時候，路過呢間蘋果批嘅門口就會聞到好香嘅烘焙牛油香。今次食完晏晝唔算飽，終於有機會試下！第一次黎一定要試下佢嘅皇牌蘋果批，相信個香味係從個批傳出黎嘅。青森蘋果批🍎見到有位坐就堂食蘋果批，一拎上手仲好暖，咬落去個批有好多層次好鬆化，仲有陣陣牛油香，批入面有吉士醬同埋好多蘋果餡，落足材料，食落味道唔會太甜，好好味！日式培茶蛋糕🍰見到佢嘅蛋糕係東京直送，所以買一舊番屋企做飯後甜品。個蛋餅焙茶味夠晒濃，食落去每一啖都充滿着茶香，甜甜地好滿足。舖頭好貼心枱側邊有充電線比客人充電，行街攰可以坐低同朋友抖下，幫個人同部電話一齊充電。走先發現佢嘅熔岩朱古力蛋糕連飲品做緊promotion，下次有機會想試埋佢！

喺旺角朗豪坊食完飯行完街知道樓下B2有好多嘢食決定買個甜品外賣返屋企食見到Cocolo都幾多人食裝修都幾靚 座椅都係用木黎整好友日本和風嘅感覺甜品方面有tart又有蛋糕 仲有飲品選擇好多記得之前喺灣仔都食過一次但灣仔店就冇座位但印象中質素非常唔錯於是決定再買多一次叫咗青森蘋果批$35人氣No. 1名副其實雖然我返屋企都有一段路程但絲毫冇改變佢嘅美味外脆內嫩 酥皮非常正入面蘋果蓉亦好豐富 咬落去湧晒出來另外叫咗日式焙茶蛋糕$30雖然返到去發現佢訓低左xd培茶味道香濃中間忌廉唔會過甜而且打卡一流試過同味覺都非常滿足而家買三個蘋果批仲有嘢送可以揀牛角酥、芝士酥好正呀！🤩如果唔係午餐食得飽 就會買三件返去食😛而且仲新推出咗熔岩蛋糕有朱古力同朱古力抹茶兩種口味下次要再返嚟試吓！！

朗豪坊地庫真係一個好邪惡嘅地方，太多間甜品店，太多誘惑。一路行人哋忍住唔食，直至經過呢間門口，出面個女仔同我講新鮮出爐嘅蘋果批。就真係忍唔住啦！同埋出面啲舖位冇得坐低慢慢食，呢度裝修有日系，係坐得好舒服。.行入去見到除咗批類，仲有蛋糕添。好過份最後我一個人揀咗一個蘋果批，同埋焙茶蛋糕。.個蘋果批好好食，就咁望落個樣已經見到佢好多層酥皮。咬開入面有清心蘋果，同埋吉士醬，外脆內軟。.焙茶蛋糕都唔錯，係香港人成日講唔係好甜嘅甜品。

今日放工同朋友來到朗豪坊 見到呢間好吸引的甜品店 之前係西貢都見過分店但一直冇試到店鋪設計係主打日系木調 有幾個甜品櫃 有至少十多款甜品可以選擇 有熱有凍另外仲有飲品可以點 主打輕食 仲有座位讓人可以慢慢歎今次見到熱辣辣出爐的招牌青森蘋果批 真係心動好想試 $35唔算太貴外層酥皮口感好脆好有層次 餡料有用心調配過 甜中帶少少酸的青森蘋果 粒粒分明另外再點左一款 德式杏仁朱古力蛋糕 $30/件因為仲有2個鐘先返到屋企 所以沒有試好吸引的忌廉款式 天氣炎熱怕佢會熔左不過呢款德式杏仁朱古力蛋糕 好有驚喜甜品上全層都不吝嗇的杏仁片 好濃郁的杏仁味加上甜而不膩的朱古力蛋糕好正真係好滿足 下次會再介紹朋友一齊來食

呢間餅店主打青森蘋果批，之前食過覺得幾好味，今日再encore!😋1. 青森蘋果批既外面係酥皮黎，牛油味好香，又酥脆😋😋😋入面有吉士，亦都有青森蘋果果肉，口感層次豐富，幾清甜，回味無窮😋😋2. 另外買左個芝麻豆漿蒙布朗，有3個層次口感，表面係豆漿味既蓉，中間係好creamy、好滑、甜而不膩既cream texture豆漿味，最下層係好香芝麻味既蛋糕😋😋😋其他甜品都好吸引，下次可以買😋😋

疫情關係，好耐都冇行過去朗豪坊啦，今日去basement本身諗住去pacific coffee買咖啡，但係原來已經冇咗，見到呢一間Cocolo Tokyo Cafe啲蘋果批好靚，試下啦。自己本身唔係咁鍾意食蘋果批，所以平時都唔會留意，我對蘋果批嘅印象只係麥當勞嗰隻長方形嘅，佢哋喺櫥櫃呢一隻，望落去好鬆脆，好似有好多層酥皮咁樣，我同朋友一人一個叫咗：招牌青森蘋果批$35同埋日式焙茶蛋糕$30。招牌青森蘋果批🍎: 第一啖咬落去嘅時候好鬆化，淨係食到啲脆脆，雖然係酥皮但唔會太油膩，食到第二啖先食到少少蘋果肉，真係同平時日本玻璃樽蘋果汁一樣，感覺清甜而唔係死甜，蘋果蓉唔會太爛，仲見到一粒粒同埋有之𡁻口。蘋果蓉集中喺批嘅中間，所以可以平均咁食就會每一啖都食到酥皮同蘋果蓉。日式焙茶蛋糕☕️：朋友係焙茶控，順理成章叫咗呢款。第一啖食落去有茶味，不過隨之就係甜味，唔算得上香濃不過鐘意甜嘅可以一試。cream 都滑嘅，易入口好快就可以食哂☺️總結：酥皮以價錢來講算係出色，同場仲有A5松板和牛批同甜薯批，不過㧗面好似唔一樣。堂食嘅話職員會比一個紙盆，上邊有小蘋果嘅樣，好可愛☺️❤️

放工等朋友睇戲個陣，行左黎朗豪方又想食d野，見呢間個蘋果批好似好吸引，試下先～ 有好多唔同口味既批原來仲有好多唔同款蛋糕我最初以為凍既，原來熱咖～入口脆卜卜，第一啖食到吉士味重d，之後第二啖就咬到蘋果，香甜得黎又唔太甜，GOOD! 之後朋友黎左，佢叫左個hojicha cake，我最初以為呢度係出名蘋果批，點知個hojicha cake仲驚喜～佢茶味香濃，我仲好驚好甜點知又唔會，very good! 我地唔夠喉，仲叫左杯抹茶脆脆，個脆脆比客人自己倒上去～抹茶鮮奶呢個配搭一定好味，不過我地略嫌多冰左d，下次我地會叫少冰。呢間店出品既野食同野飲都係少甜，我覺得好岩我口味～ 雖然舖頭小小，但都幾多人食。會放紙巾比客人，好細心。