Come撈

营业中

休息中

Found cheap eats in this friendly shop! $38 for takeaway rice box, with decent amount of vegetables and a free bowl of hot soup! Really good for the price. There are Vietnamese banh mi sandwiches, and marinated delicacies too. Gotta try them out next time. I got the $38 pork neck and spicy minced pork sauce on rice. Big slices of tasty pork neck, legit spicy minced pork sauce (could be a little less salty but it’s still good), a big portion of boiled crunchy lettuce, and some good plain rice. Yu

真係特登睇地圖去搵來食，去到個鋪頭，門口好細，屬小店。入到去真係相當細，我哋叫左兩個妹豬湯飯（雞、花膠、冬瓜湯飯），滿心期待食物的到來，可惜我地見人介紹得咁好食，但來到明顯有落差。湯飯的湯唔夠熱、味道還好，但食湯飯唔夠熱感覺真係有些唔知點咁，可能個湯係即滾，但放切雞時只係放雞無再刻意加熱，所以湯來到時已無（辣）嘴的感覺，菜脯野味。整體感覺一般，如果下次來食會刻意叫佢滾耐少少。店內只有三至四張枱，座位好迫，服務方面係無，樓面女士唔係好想郁…… 全店得一個牙簽筒，我請佢幫忙，佢面有難色，我諗我左到佢休息，btw當時只有我一枱客。大致上體驗一般，如果想試，可以考慮外賣。

小店地方不大, 一邊放了3張4人桌, 另一邊則放了雪櫃。蠔門不碎 $58蠔門不碎賣相頗一般, 飯如山般放在碗中, 面頭放上蔥蒜是小心思, 但湯水過多, 蓋過湯料, 令整件事很孤寡。把湯料集中在一邊, 其實湯料也不少, 有蠔仔, 冬瓜和冬菇。但肉碎呢? 實在少得沒有存在感。飯粒粒分明, 有咬口, 不會過軟和黏口。蠔仔脹卜卜, 飽滿肥美, 味道濃郁。唯湯底味道偏淡, 略為失色, 需自行加胡椒粉調味。菜脯味濃, 辣遍口腔, 沖擊味蕾, 與湯底造成頗大對比。

先起九龍城賣越式法包，近排開到嚟土瓜灣專賣湯飯同滷味小食 (滷味小食多到成個櫃都係）餐牌有九款湯飯選擇，雞牛豬羊海鮮都有，梗有款啱 佢啲名改得好搞笑，有個外賣叫鹹濕仔，跟住個姐姐同廚房講”喂，差個鹹濕仔啊”😂▶️ 海底奇兵 ($68)原來可以揀飯/米線/河粉，我就當然試湯飯啦🍲湯底用豬骨、上等老雞同瑤柱熬製，零味精👍🏻食完唔口渴，飲晒啲湯都仲得有老火湯嘅味道，海鮮料令佢偏鮮甜材料甚豐富：兩隻青口、兩隻海蝦、兩件魷魚、幾隻蜆、肉碎、冬瓜海鮮好無論口感定味道都唔覺似雪藏🦐兩隻蝦連殼要自己搣，證明新鮮，肉質爽口唔老尤其鍾意魷魚🦑食落爽彈唔難吞青口都唔錯🦪蜆肉就一般不過冬瓜太生硬，可能需要熬耐啲，肉碎份量亦少咗啲🤏🏻🍚白飯加咗些少紅米，飯質好食，浸起湯都唔會變爛飯，反而粒粒分明飽滿，保持到質感，仲好索湯面頭落咗蔥同蒜呢啲天然調味料，令湯飯味道豐富又惹味啲另外仲可以加店舖自家製嘅辣菜脯，食落辣喉嚨🌶️但係覺得佢菜脯切得太碎，欠缺脆卜卜嘅口感▶️ 還原妹豬湯 ($78)朋友叫嘅湯飯，材料係花膠、滑雞同姬松茸，養顏滋補之選🐔滑雞似白切雞，有皮有骨，味道正常，唔係特別滑嫩朋友話花膠太薄同偏軟，唔係太啱佢口味

蠔仔飽滿又新鮮，湯底同飯作為皇牌真係實至名歸，湯底清甜之餘帶好濃金華火腿香，鮮味之餘又唔會好鹹，泡飯用上珍珠米，拌入辣菜脯，帶有微微辣味之餘，菜脯同珍珠米爽脆煙韌口感並存，又係另一種風味。胡椒粉都唔係一般貨色，比起平時常見嘅更嗆辣刺激海鮮款式齊全，海蝦肉質好結實，蜆肉雖然唔算大隻但係品質同分量搭夠，魷魚爽甜飯餐可以優惠價配自家製冷泡茶，今次試菊花杞子決明子，入口真係只有天然菊花味， 冇乜甜味同冇任何添加劑嘅味道，成餐飯感覺都好清新

經過店舖，外賣了10盒小食回家加料。麻辣鴨舌🦆👅38麻辣汁好惹味，份量很多，有10枝，食不停口。👍👍麻辣爆膏魷魚🦑 58呢個係店舖熱賣，用上同一款麻辣汁，有4隻不同大小的魷魚，內裏真係有膏，但其中一隻未有處理沙膽，食到成口沙🥲薯仔絲🥔 20酸醋薯仔絲，開胃爽脆，非常解辣蔥油手撕雞🐔 38超好味，雞肉嫩滑，配上香葱，食到停唔到口醉鴨舌🦆👅 38醉鴨舌好入味，同麻辣汁截然不同，兩種口味各有捧場客醉雞翼🐔 38呢個同預期有啲出入，雞翼煮得過老，醉汁不入味，可以不試👎皮蛋🥚 25流心皮蛋配上醬汁，好好味魚皮🐟 48必食推介，魚皮係薄身但做得非常爽脆，微辣，配上雲耳，個個都讚👍沙薑豬手🐷🤚 38豬手處理得好乾，無毛，特別切到一口size，方便進食，沙薑味道不算太突出但都好味爽口辣滷鮑魚 58鮑魚非常軟稔，配上麻辣汁，非常好味，但一盒得兩細隻，有啲唔抵

店舖坐位不多，用膳期間一直外賣不斷，看來係街方之選還原妹豬湯（滑雞、姬松茸、花膠）$78飯入面加左少許糙米，好健康！上碟比餐牌相片仲要靚，雞有點像是新鮮走地雞，雞皮香嫩，雞皮香，仲要係雞脾，成碗湯都有陣陣雞香味金玉滿船（魚翅，鮑魚，海蔘、姬松茸）$88材料絕不吝嗇，特別想讚鮑魚，外表平凡，食落口似係另外滷過，好香，老闆推介加入自家製菜甫於湯飯中，畫龍點睛，將成個味調出黎醉鴨舌$38酒味香到不得了，連骨都有味，又大隻，好抵食，大愛蓮藕涼拌$25保持爽口嘅蓮藕片竟然都能做到入味，睇黎呢間舖嘅小吃全部都高質素自家製桂花烏龍$15桂花味同茶味都好出，但又唔會太濃自家製菊花杞子決明子茶$15有一種甘香嘅味道，好飲得黎少見小食非常驚喜，望住雪櫃花多眼亂，好似揀撈麵餸咁糾結～而湯飯嘅湯食落冇味精，食物好食得黎感覺好健康，感覺到店舖嘅用心，係一間良心小店回頭指數：⧭ ⧭ ⧭ ⧭ ⧬抵食指數：⧭ ⧭ ⧭ ⧭ ⧭環境指數：⧭ ⧭ ⧭ ⧭ ⧬

無乜幾何去土瓜灣咁緊係食埋個飯先走啦天氣開似轉涼見到湯飲即刻心心眼😍😍😍仲要有埋滷味涼拌今次仲唔爽！我地叫左2個湯飯同花螺花膠雞湯飯個花膠勁大塊😆😆😆望似平平無奇但係個湯底好好味而且飲得出佢冇落味精非常好👍🏻👍🏻👍🏻👍🏻個豬雜又出色而且佢哋將啲內臟洗得好乾淨唔使擔心個花螺整得好好味好香酒味又甜又香💜只不過係食係上黎有少少狼狽其實仲有好多涼拌都好想食只不過2個人食唔到咁多野下次一定會再食啊！唔講唔得！ 個辣菜舖好食到不得了！家樂個湯飯都食絕對係一流啊！

以前讀書嘅時候，成日都會去九龍城食飯食宵夜。畢業之後，就好少再去依頭。但屯馬開通後，黎土瓜灣方便左好多。土瓜灣依啲舊區就緊係多小店食。今次就食左呢間襟撈湯飯。佢鋪頭細細，自坐低已經見不停有人黎買外賣，可見受附近街坊歡迎🤗💋醉鴨舌平時我都有係屋企整下#鴨舌 。但鴨舌要浸得入味就好易變太淋。依間做到岀色嘅位係，香酒味得黎，食落唔會淋，仲係好有口感！而且三十八蚊有一大兜，嬴#老天禒 食條街。💋蠔門不碎湯飯啲#蠔仔 勁肥美，成隻咁大粒，而且一碗有好多！加上肉碎，厚身#冬菇 ，粒粒冬瓜，非常豐富。落少少佢地嘅#秘制菜脯 就更加香口惹味。大推！💋鹹濕仔湯飯鹹濕仔即係咸鴨腿。食落有啲似母親整嘅#客家鹹鴨 ，唔錯唔錯！湯亦都有住家的味道，飲落鮮甜。💋 麻辣花螺好少可係食泡飯嘅地方有得食依味野，通常都係係海鮮酒家先見到。個麻辣汁食頭幾粒唔覺得好辣，但愈食就愈辣，好過癮。#花螺 亦都好新鮮！係酒家嘅質素，小店嘅價錢😽💋沙薑豬手本來以為佢係用沙薑醬，但原來係用新鮮沙薑粒，誠意之作。豬手好爽口，而且佢幫你切到細細舊，食係上黎好方便。💋麻香海哲又係酒樓先會食到嘅海哲，但呢到三十幾蚊就食到🤣🤣好香麻油味同食落好爽

土瓜灣新開無味精湯飯🍚 抵食👏🏻但係聽聞原來喺九龍城都開咗一段日子而家搬過嚟土瓜灣可能因為新搬過嚟，未算好多人，不過我都有OpenRice訂座餐牌簡而精湯飯類別就有6款：「海底奇兵」 $68好多海鮮，包括蝦、青口、蜆肉「鹹濕仔」 $58有冬瓜同埋鹽水鴨對筷子好有特色，所以我特登擺好再影多張：清淡嘅湯，唔算好濃味枱面有小辣菜脯，幾滋味😋份量剛剛好的🍚 女仔來講男士可以再叫啲小食都得有更大胃口可以試吓佢哋嘅雞腎、醉雞翼其他喺雪櫃裏面啲食物都好吸引

見到呢間小店既湯飯主打無味精係由豬骨、上雞老雞、瑤柱等熬煮而成有6款招牌湯飯 $48~$88仲有好多款一盒盒既涼拌小食有辣 有唔辣 仲有醉香🤓揀左兩款海鮮為主既湯飯 每碗入面仲有冬瓜粒同雜菌做配料金玉滿船 $88鮑魚 魚翅 海參 姬松茸 真係勁足料條海參夠哂大條 翅都唔少架係用左磯煮鮑魚 好入味呢個價錢食到鮑參翅真係超值👍🏻海底奇兵 $68豆腐肉碎 海蝦 青口 魷魚 蜆 一樣咁足料 海鮮都好爽口仲嗌左幾款小食 真係好多選擇涼拌小食全部都可以另加辣🌶️醉鴨舌 $38一打開個蓋已經好香酒味😀個汁小小甜又有花雕香 鴨舌夠哂爽口薯仔絲 $20薯仔絲軟硬適中 食落索索聲👍🏻蔥油手撕雞 $38蔥油真係好香 配埋辣醬夠哂惹味麻香海哲 $38海哲都幾粗身 仲有埋雲耳抵食

呢排都好鍾意喺土瓜灣覓食，貪佢依度有地鐵搭仲要有好多唔同嘅小店，今次嚟到呢間襟撈，喺8度海逸酒店附近，地點非常易搵到，附近仲有好多街市買餸，岩晒我哋呢啲師奶仔！醉雞翼 $38醉雞翼一盒有五隻，用咗花雕酒黎醃製，真係勁入味，酒香味好濃！金王滿船 $88呢間舖頭主要係食湯飯，老闆娘介紹所有湯底不含味精，全由豬骨、上等老雞、瑤柱熬煮而成，聽落已經好吸引！今次揀咗金玉滿船，配料好名貴，有魚翅、姬松茸、鮑魚同埋海參🤤🤤。湯飯份量好多好大碗，黎到仲要熱辣辣，啱晒呢幾日凍凍地嘅天氣食🥰！湯底味道好好味，完全唔係味精湯食完唔會口渴。見到隔籬枱嗌嘅蠔門不碎同還原妹豬湯都好吸引，下次都想再黎試吓！ 😍😍麻辣滷水系列 成個凍櫃都係好多唔同嘅涼拌小食，令人眼花撩亂選擇困難呀真係！麻辣系列我哋揀咗牛脷$38同金錢肚$38，兩款都好入味，辣辣地好開胃。牛脷唔韌同埋都好厚身好大塊，食落啖啖肉！金錢肚就好爽口好開胃😍涼拌系列 我哋叫咗蔥油手撕雞 $38，已經拆晒骨可以啖啖肉咁食，唔辣都好好味，雖然只係$38但份量都好多，性價比高👍🏻桂圓紅棗冷泡茶 $15 冷泡茶都有好多唔同種類，例如有白桃烏龍、玫瑰花、菊花杞子決明子

呢間喺土瓜灣嘅小店主打湯飯，有六款湯飯可以選擇，啱晒鍾意清淡健康嘅人。打開餐牌，見到仲有幾多好吸引嘅小食。今次點左呢兩個湯飯分別係叫「金玉滿船」同埋「蠔門不碎」。金玉滿船入面有好多名貴海鮮，包括鮑魚、海參、魚翅同埋姬松茸，非常養生，都只係賣$88，好抵食。蠔門不碎入面就有冬瓜、蠔仔同埋肉碎。除咗湯飯之外，呢度嘅小食都好正。今次點咗清酒花螺、麻辣鴨舌同埋麻辣雞軟骨。最鍾意就係呢個清酒花螺，花螺彈牙而且充滿充滿酒香味。鴨舌麻麻辣辣，好惹味。

其中一個最喜歡土瓜灣的地方就是有很多自家小店，食物出品有誠意而且有特色價錢又很合理。見到這間很有趣的名字襟撈。.側面望過去以為是外賣店，但原來有數十個座位；裝修帶點文青feel。.在餐廳的一邊是一牌雪櫃，上面放了很多冷盤、麻辣滷味等等，標明價錢及餐牌，想加餸可以grab and go快捷方便；亦都可以開盒現場馬上食，十分過癮呢。.麻辣滷水類有雞中翼$38，雞翼飽滿而且多汁，麻辣是一個點一點散發出來的，越食越想食又慢慢開始辣，吃辣就是要這種態度！另外也叫了木耳，爽脆可口。醉雞類叫了花雕醉雞$38，十分清香的酒味，完美深入度雞肉當中；雞肉嫩滑而且份量多好抵食。.這間餐廳的另一種菜系是湯飯，鹹濕仔 $58有個鴨髀，而且又有不少冬瓜粒，開胃惹味。原妹豬湯 $78適合女士，有一大片花膠及雞件，湯底青得來又很香甜，食完之後很滿足呢！.飲品有自家製的花茶：菊花杞子決明子茶 - 功效：舒緩壓力，清肝退火，通便排毒玫瑰花茶 - 功效：化痰止咳、順氣潤肺、調理美顏.值得一題餐廳很有心思，筷子一對會配上兩種不同的顏色，是傳統中國食物得來又帶點創新的小店。

土瓜灣必食良心小店，絕對有驚喜！餐廳乾淨企理，有堂食有外賣，食物擺放衛生，店員服務態度很好。提供各款豐富湯飯、麻辣滷水、無辣涼拌、醉酒小食、冷泡茶、甜品，滿足到不同口味需要😚 好受街坊歡迎，一到夜晚大量外賣訂單，質素絕對有保證🥰 價格偏低，食物質素高，性價比高 標榜所有湯底不含味精，由豬骨、上等老雞及瑤柱熬煮而成，十分健康有營養總消費：$322 🫧不設加一費用🫧食評💖💖💖湯飯 金玉滿船 ($88)✨豬骨湯底味道清甜滋潤，米飯混有紅米，配料有海蔘、鮑魚、魚翅、姬松茸、勝瓜，十分豐富大大條海蔘 煙韌有咬口 鮮味十足，鮑魚爽口彈牙，魚翅份量多十分爽口 店員建議加上胡椒粉或辣菜脯，更加惹味，適合愛辣或重口味人士湯飯 蠔門不碎 ($58)✨豬骨湯底味道清甜滋潤，米飯混有紅米，配料有蠔仔、肉碎、冬菇蠔仔份量好多 好足料，味道鮮甜店員建議加上胡椒粉或辣菜脯，更加惹味，適合愛辣或重口味人士麻辣滷水聖子 ($58/8隻)✨每隻都好肥美 滋味十足，配上麻辣汁一流麻辣滷水爆膏魷魚 ($58/2隻)✨好大條魷魚，咬下墨汁溢出，真材實料 麻辣滷水雞軟骨 ($30)✨大大粒 份量多，好抵食，口感爽脆 軟硬適中，配