Cupping Room

营业中

休息中

前排約咗閨蜜食下午茶，因為會喺附近睇戲，所以就揀咗附近嘅Cafe☕️ 依間Cafe比我想像中多人！因為當日係平日下午時間，竟然都差唔多全場爆滿！仲要都幾受外國人歡迎，有好多唔同國家嘅人，完全想像唔到-全日早餐🍳份量十足，令人感受到滿滿的幸福。每一樣配料都煮到恰到好處，特別係大啡菇🍄‍🟫食落口好Juicy-招牌忌廉雞肉意粉🍝濃郁既忌廉醬汁包著每一根意粉，口感滑順！而且佢落咗大量芝士～口感好豐富！不過依碟意粉，相對地比較重口味少少～不過之後有甜品可以中和下-金沙鹹蛋黃薯條🍟每一口都帶有鹹蛋黃，鹹蛋黃份量啱啱好！好適合同朋友分享同埋一路傾偈一路食～會不知不覺食晒成兜-開心果巴斯克蛋糕🎂 開心果提斯米拉兩款嘅蛋糕賣相都好吸引！而且係近期最Hit嘅開心果💚 2個帶有濃郁的開心果香氣，甜而不膩，如果開心果再重啲就完美😋-桃味冷泡茶🍵 熱茉莉茶兩杯茶都清新怡人，唔會太甜啱啱好！

Cupping room 係我連鎖咖啡店既首選，佢仲係得一間喺上環嘅時候，已經覺得佢啲嘢好好食。好少咖啡店除咗可以打卡之外嘢食可以令人覺得回頭嘅。 ☕️ 今日又係等人嘅時間中環呢間樓上咖啡店可以有窗冇出街道上面好多遊客，買咗兩杯咖啡45分鐘，真係好舒服本身好想幾多個甜品，但係其實已經五點。好快又要再食晚餐，所以冇得食。不過都成日嚟cupping room最鍾意食佢嘅cheese cake 🍰 通常熱飲都會揀black coffee，凍飲就梗係飲湯力 coffee 啦

☕Cupping Room於咖啡大賽中屢獲殊榮，愈開愈多分店並非無道理。新店進駐中環蘇豪，以簡約木系設計，玻璃窗景觀開揚、採光度高，無時限地慢活細味，好不愜意。🍳全日早餐 (Hk$148): 雙太陽蛋｜雙香腸｜雙煙肉｜牛油果｜大啡菇｜薯餅｜多士｜車厘茄｜沙律菜，清爽香甜的蔬果平衡咸香微燻風味的肉類，活力滿滿🍝煙肉粒卡邦尼意大利麵(Hk$138): 蛋黃醬汁柔滑豐盈，意粉Q彈掛汁，粒粒煙肉粒有咬口🍰3寸經典巴斯克芝士蛋糕(HK$52): 外焦香内濕潤，質地幼滑輕盈，芝士味鹹甜均衡☕冰椰香抹茶鮮奶咖啡 (Hk$55): 一杯齊椰香、抹茶和咖啡三種口味，咖啡較突出，整體香醇回甘🍊鮮榨橙汁($50)： 天然純鮮橙榨汁，甜香十足帶果肉，質地濃稠沒有添加📍Cupping Room中環蘇豪荷李活道49號鴻豐商業中心1樓 (港鐵香港站 C 出口, 步行約8分鐘)

相信各位咖啡迷對Cupping Room都不會陌生，品牌最近於中環蘇豪荷李活道開設了新分店。裝潢設計簡約，環境寧靜清幽，景觀十分開揚，一邊飽覽繁忙街景，一邊歎咖啡美食，好不愜意。羽衣甘藍凱撒沙律配煙燻雞肉 ($128)羽衣甘藍清爽不苦，煙燻雞肉嫩滑juicy ，伴上酸甜莓乾和可口松子仁再添風味，清新輕怡。班尼迪克蛋配煙燻三文魚 ($128)賣相鮮艷奪目，惹人食慾，一刀劃開班尼迪克蛋，蛋黃緩緩流出，相當吸引！誘人的水波蛋，搭配濃稠的荷蘭醬、煙燻三文魚和酸種吐司，飽肚感十足。Tiramisu cup ($58)Mascarpone cheese 幼滑，手指餅吸滿咖啡，入口散發陣陣咖啡香味，整體不會甜膩。藍莓芝士蛋糕 ($52)芝士軟滑，內層夾入酸爽藍莓果凍，清新酸甜與濃郁芝士完美平衡，莓味香濃而不膩，再加上消化餅底，味道層次豐富。椰香抹茶鮮奶咖啡(冰) ($55)咖啡口感綿密香醇，充滿馥郁茶香，清爽回甘。

新店裝修簡約, 弧形玻璃窗有格調而且明亮舒適, 配搭不同綠色植物, 感覺寧靜悠閒。𓆹 香辣手撕豬肉扁意粉 $𝟷𝟸𝟾𓆹 北歐式三文治 - 無花果榛果吐司配里考塔芝士及楓糖 & 香煎帶子配牛油果 $𝟷𝟸𝟾𓆹 House Black $𝟺𝟻𓆹 Dirty $𝟺𝟻手撕豬肉扁意粉份量都幾多, 非常惹味, 手撕豬肉口感偏結實。三文治可以選擇2款Topping, 無花果榛果配里考塔芝士及楓糖, 味道恰到好處, 清新怡人; 帶子配牛油果, 味道香濃而且有口感。House Black 咖啡油脂濃厚順滑, 帶咖啡豆香, 風味清爽。Dirty 嘅凍奶同Expresso 巧妙地分層, 由濃至淡, 每口都有唔同感受。

Cupping Room 不嬲都係好出名嘅連鎖咖啡店，佢哋喺中環搬咗新店，位於2樓，平日或者週末下午嚟到都可以chill下，而家好似仲有會員制，食夠$500就可以作現金點數💰Egg Benedict with smoked salmon🍳經典班尼迪蛋，水波蛋配酸種麵包一定冇得輸，餡料可以揀煙三文魚、煙肉或者香腸🥓Satsuma chicken spaghetti🍝呢個係佢哋嘅招牌雞肉意粉，入面有好多雞肉，都幾嫩滑，意粉用咗忌廉肉醬，食落味道都幾濃Hojicha Latte☕️焙茶味幾濃郁，飲落唔會太甜啱啱好

Cupping Room 是一家香港屢獲殊榮的精品咖啡烘焙所,有不少分店.位於擺花街店處於一樓,裝潢以木系為主,加上柔和燈光及半邊落地大玻璃,看著旺中帶靜街景,慵懶又舒坦～🔸招牌忌廉雞肉意粉($158)整碟金金黃黃,顏色吸引.醬汁惹味,帶忌廉香濃.雞肉嫩滑,醬汁不算多,趁熱食更滋味🔸封門柳雙層芝士漢堡包·脆漿薯條($148)麵包脹卜卜,脆身咬落軟熟.漢堡帶肉味,中間更夾雜著濃厚芝士及醬汁🔸煙燻三文魚(+$35)加配三文魚,新鮮又帶煙燻味,份量不少🔹焙茶鮮奶($55)🔹椰香抺茶鮮奶咖啡($55)焙茶味香濃,奶滑;抺茶鮮奶咖啡加上椰香更有層次

**全日早餐**必叫推選💕搭配多樣嘅食材，份量超級大✨由香腸到雞蛋，仲有沙律菜、牛油果、車厘茄、大啡菇、薯餅同多士完全可以吸收唔同營養與唔同食物味道嘅滿足感🥓🍳**Squid Ink With Prawn (spicy) ($148.0)**，非常有蒜香味墨魚汁搭配鮮蝦✨，色澤誘人，口感滑順意粉好彈牙**Basque Burnt Cheesecake **呢款chesscake焦香風味有驚喜外層微焦的奶香與內部柔滑的口感形成絕妙的對比，甜而不膩，好食🍰**Coconut Matcha Latte ($55.0)**椰子的香甜搭配濃郁的抹茶感受到夏日的清爽☕️

✨中環呢間Cafe窗口位曾經風靡一時，一位難求，而家裝修完再返嚟食坐得更加舒適😍落地玻璃位採光都一流！超鍾意食佢哋嘅全日早餐，有好多款式之餘有兩粒燶邊太陽蛋，又脆又香口，配埋酸種多士食勁快就清晒成個🥰仲有招牌嘅Creamy Chicken Pasta，醬料包裹住每一條意粉，整體偏向重口味，啲雞肉滑到傻咗🤯仲有飲品都冇得輸，超鍾意佢哋嘅椰子抹茶latte，見到台台都有一杯，椰子味唔算好重輕輕喺最後滲出，層次超豐富呀🙌🏼

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯講到高質嘅coffee，Cupping house都算數一數二。最近我就到訪位於中環荷李活道嘅分店，cafe位於一樓可以飽覽中環嘅街景。Full Breakky基本上每次去親Cafe都會必要ADB。有兩隻燶邊煎蛋、大啡菇、牛油果、香腸、薯餅和沙律菜。啱晒鍾意乜都食下嘅人士。Smorrebrod 可以自選兩款toppings, 我就選擇咗人氣香煎帶子配牛油果和無花果榛果吐司配里考塔芝士及楓糖。帶子爽口又鮮甜，配搭芝士和楓糖營造一咸一甜。嚟到一定要試吓咖啡，我今次就叫咗椰子抹茶拿鐵和摩卡，兩款都有香濃嘅堅果味，值得一試啊。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯ Cupping Room (中環)中環蘇豪荷李活道49號鴻豐商業中心1樓 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯

中環嘅cupping room真係小編幾中意啲一cafe 間唔中都會去下🤩 小編中意佢地環境夠靚又好服務 野食又正😍最中意一路食野一路睇住樓下嘅眾生相🤣🤣有人黎打卡影相 有人趕住返工喺到係咁跑 有人送緊外賣 揸住架電單車🛵喺到為生活努力緊 有老人家拖住另一半施施然咁慢慢行條斜路 真係喺到睇到人生百態 而小編就喺上面靜靜地享受住美食😏🐷香辣手撕豬肉扁意粉呢個香辣手撕豬肉扁意粉真係好正！有驚喜呀 手撕雞食得多 手撕豬肉第一次食🤩 手撕豬肉好嫩 而且辣味啱啱好 唔會過辣 小編食到仲好中意 正正好襯返意粉嘅味道 扁意粉口感滑滑地 每一啖都包住濃濃嘅醬汁同埋好多豬肉 份量上真係好滿足🐷 鍾意重口味嘅朋友一定要試呢個😂 真係唔會失望又夠特別🐷意大利青醬扁意粉呢碗意大利青醬扁意粉清新得嚟又好味 青醬香氣十足 上菜就聞到好香 食落去有種清新嘅感覺🤩🤩意粉有咗唔同嘅層次感 扁意粉吸收咗青醬嘅味道 每一啖都充滿咗香氣 真係好掛汁架🐷香蕉配榛果醬法式西多熱香餅呢個甜品真係意外驚喜！😋😋 開頭以為普通pancake 點人人地係fusion菜…法式西多熱香餅外脆內軟 香味四溢 外面睇係pancake 裡面係西多

今日難得瞓到自然醒，約埋朋友去Cupping Room到食Brunch 🍳好鍾意店鋪簡約舒適嘅裝修風格，無繁雜嘅鮮艷色系，一大片玻璃設計，陽光可以灑滿室內每個角落☀️坐喺靠窗位置，望住熙來攘往嘅行人同埋車輛，令我感到一份忙裏偷閑嘅寫意。Full Breakky $148 - 一日嘅好開始當然唔少得一份豐富又美味嘅早餐！燶邊煎雙蛋🍳香脆煙肉🥓Juicy大啡菇🍄‍🟫卜卜脆薯餅同香草腸仔，幸福滋味滿載。北歐式三文治🥪$148 - 口感扎實嘅Buttered Rye Bread可以選配兩款toppings。香煎帶子配牛油果🥑 - 翠綠嘅牛油果上面有4粒新鮮嘅帶子同魚子。真材實料，感受到廚師嘅用心。紅蝦🦐 - 蝦肉堆得滿滿，沙律醬汁加𠻹咗香草🌿上面仲有鹹香嘅蝦乾，由創意合併美食嚟整出呢份三文治。喺Cupping Room一定要試吓佢哋獲獎無數嘅咖啡師🥇所調製嘅咖啡☕️🥥椰香抹茶🍵鮮奶咖啡☕️$55 - 杯入面有三層顏色，非常吸引眼球👀攪勻飲品之後，我覺得成杯咖啡好似帶有斑蘭味！好特別😍🍫Iced Mocha ☕️ 濃郁嘅朱古力醬同埋香醇嘅咖啡絕對係一個完美嘅組合，咖啡控同朱古力紅都會同時愛上呢一杯飲品。

今日去咗位於中環擺花街附近嘅cupping Room，真係一間好靚嘅餐廳！環境優雅舒適，坐喺度食嘢真係好放鬆。佢哋曾經獲得多項咖啡獎項，仲培育過多位得獎咖啡師，真係唔可以小覷！🍝 首先，我試咗佢哋嘅蒜香墨魚汁大蝦意粉。呢碗意粉嘅墨魚汁味道濃郁，蝦肉新鮮又彈牙，蒜香味十足，食落去真係好開胃！意粉煮得剛好，唔會過軟，整體味道非常出色。🍳 接住，我叫咗All Day Breakfast。呢個早餐真係好豐富！入面有煎蛋、煙肉、牛油果、香草腸同埋特色麵包，每一樣都好好味。特別係嗰個香草腸，味道香濃，配埋煎蛋真係一流！🥞 仲有一樣我特別鍾意嘅係即做嘅French Toast Pancake。我叫咗香蕉榛子味嘅，外脆內軟，香蕉味好香，榛子嘅香脆感又加添咗層次，真係食到停唔到口！🍵 飲品方面，我叫咗Matcha Latte同埋Masala Tea。Matcha Latte嘅味道清新，唔會太甜，正好配合我啲食物。而Masala Tea就有種香料嘅濃郁感，飲落去好暖心。總括來講，Cupping Room真係一個值得一試嘅地方，無論係環境、食物定係飲品都好有水準！下次一定會再返嚟試其他嘢！

黎到上環，有時唔知食咩好，想飲杯靚咖啡，又想食到好食既cafe food。見cupping room 搬左鋪，經開附近，就一於試試～今次叫左一個大蝦墨魚汁意粉、一份無花果拼紅蝦酸種麵包多士、一杯Columbia anaerobic washed手沖咖啡同一杯flat white 大蝦墨汁意粉口感Al Dente，而且大蝦爽口，配上蒜香及微辣的味道，口感更為清爽，不會過分油膩。Flat White 咖啡底以堅果味為主，牛奶香濃。最為深刻的是無花果酸種麵包多士，無花果味道甜而不膩，配上中間有特調的cream，加上酸種麵包，配搭得非常之好。另一款紅蝦酸種麵包多士，紅蝦爽口彈牙，絕對是輕食之選。最後是手沖咖啡，不得不讚的是咖啡是非常專業，當我提出自己可以接受較廣的咖啡味道時，咖啡師提議我選哥倫比亞的厭氧水洗豆，整體花香為主，配以香橙、中調有伯爵茶味，亦有一點佛手柑的味道，整體層次可見，非常適合夏天☀️非常推薦，下一次經過上環可以試一試！

Cupping Room相信喜愛咖啡店既朋友都試過, 最近係中環荷李活道開左間新店, 便同友人黎Chill吓, 入到去感覺空間感十足, 光線柔和, 又有落地玻璃透光, 特別喜愛這扇弧形的玻璃窗設計, 可以看到出面的中環市景, 很舒服, 這裡也十分適合一個人享受me time。*全日早餐 (Full breakky) 煙肉、雙蛋雙腸，沙律菜、牛油果、車厘茄、大啡菇、薯餅和多士，份量都多, 各款材料新鮮, 都製作相當唔錯, 很美味~*Egg Benedict with smoked salmon煙燻三文魚很香口，流心蛋做到半生熟, 一切開蛋汁漏出, 加埋三文魚、菠菜和酸感麵包, 口感層次豐富, 推介!*比賽手沖咖啡我也是愛啡之人, 近年都很喜愛飲手沖咖啡, 喜歡佢既純滑, 像紅酒一樣, 需要慢慢去品嚐當中的味道, 呢杯手沖咖啡不會有苦澀和酸味, 入口香濃順滑, 喜歡~*Mocha Coffee朋友就點了他最愛的Mocha Coffee, 巧克力味的咖啡, Espresso 濃縮咖啡的味道小小苦澀，加入巧克力之後則增加了甜味，口感絲滑, 味道香濃。