Das Gute (已結業)

頭食左個日式蛋白梳乎厘芝士蛋糕，可能因為有蛋白，so冇咩cheese味。佢果面頭係一般嫁蛋糕皮，中間係蛋白。其實都幾細果下，但係果心都幾軟，唔洗咬囉仲有就係貴啦！一個要$16，買2個先有得平，$26兩個。佢個包裝真係幾靚，好得意，不過就好唔環保囉，食完又要唔要張包裝紙同果膠底。間唔中試下就ok，冇咩特別囉~

又到荃新天地間Das Gute & Gelato Gute 買午餐,今次買左:紅茶合桃直燒麵包軟得黎又有質感,內裡滿布大大小小的合桃,包身一D都唔油,但茶味略淡,不過非常健康,正!德國吞拿魚包:內裡有好多吞拿魚餡,而且無加沙律醬,味道原始而濃烈,好好食呀

2010年8月5日 荃灣 ( Das Gute & Gelato Gute - 4)太座很喜歡吃這裡的麵包，也許這裡麵包款式夠特別。今天又賣了一個合桃芝士軟包回來，即時分甘同味，一人一半，包的外皮比較韌，包心亦算軟熟，包內釀入粒粒細少的芝士，但並不多，如芝士粒多些會更為滿意了，這個包算ok的...

13-11-2010(Sat)因夜晚同男友去食buffet,所以要留肚,咁朝早就要食得輕型啲,男友提議食麵包,唔…..好吖,落荃灣荃新天地呢間買啦,食完順便去街市買餸.o黎到,見有唔同味o既麻糬星星,係紅豆同藍莓,於是買五個啦,因為平啲,$14.00五個,買兩種味.然後買$8.00o既芝士雞蛋多士同$9.50o既吉士號角.我o地行去隔離大家樂買o野飲就可以坐o係o個o度食啦.好,開餐lu,男友第一個食芝士雞蛋多士,即刻大讚好食,佢外表係沾o左蛋汁,成金黃色,並由三片都係半塊o既方包夾成,咁呢個當然係凍o左,我又食先,食到有芝士,之後原來有烚熟o既雞蛋夾o係o度,口感豐富好味.味道: 4.75分麻糬星星,我先揀紅豆o既o黎食,口感依然係外脆內煙韌咁得意,而內裡o既紅豆呢,唔係咁多.之後揀藍莓,咬落去.咦?!都係紅豆o黎o既?藍莓呢?我睇睇張單,啊,全部都係紅豆麻糬星星,唔該,冇晒藍莓味就拎走個牌啦.味道: 4分最後係吉士號角,佢面上有朱古力,內裡有吉士忌廉,唔太甜o既吉士忌廉好滑,面上o既朱古力都唔太甜但好濃,麵包夠軟,都唔錯.不過男友話佢o既吉士過甜.味道: 3.5分

2010年9月22日 荃灣 ( Das Gute & Gelato Gute - 3 )中秋團聚夜，晚飯之後，繼續賞月吃月餅，而其中一款月餅，就是來自Das Gute & Gelato Gute的月餅。每盒有兩款月餅(138元)，每款月餅各四個，總共是八個，分別是糯米宇治金時和月餅及朱古力杏仁冧酒杏桃布朗尼洋月餅，這裡的月餅跟普通月餅是有分別的，形狀似蛋撻，內藏的卻是蛋糕。糯米宇治金時和月餅：外皮腍脆，內藏的綠茶糯米蛋糕，綠茶味濃，蛋糕軟中帶韌，上面有些黑芝麻及甜美的紅豆，整體味道屬好味的。杏仁冧酒杏桃布朗尼洋月餅：外皮亦屬腍脆，內藏的是朱古力蛋糕，當中杏桃是帶酒味的，還加上不少的杏仁片，味道也幾特別及好味。

尋日(24-7-2010 Sat)同男友o黎到荃新天地去KFC前,睇睇呢間吸引佢o既麵包,我o地決定買o左至去食o野,唔知係咪肚餓,所以揀o左好多o野食,有:1.$3.50o既朱古力麻糬波波球同黑芝麻麻糬波波球各一佢外表幾硬淨同乾,我用手掰開一半同男友share,至發覺原來內裡煙韌同幾油,似中式豆沙燒餅o既餅皮,食落口感好得意,而味道唔太甜,朱古力o既有朱古力粒o係出面,味道唔錯,而黑芝麻味亦都幾濃,不過我諗我鍾意朱古力味多啲.味道: 4分2.$10.00o既蛋糕酥餅被佢o既外表吸引,因有大大件蛋糕o係裡面,我切o左一半o黎食,覺得甜甜地,但唔夠鬆軟,面上面有椰絲.男友就惡攪,掰散晒同分開o黎食,佢竟然話咁食好味啲.不過掰散晒都好,見到原來有酥皮.味道: 3.5分3.$13.00o既法式牛油軟包我o地都飽飽地,呢啲開始要分時段食喇.呢個男友話味道係層層遞增,外面好油,牛油味濃又鹹香,但幾韌,見佢食到咬唔開.味道: 3.5分4.$10.00o既杏桃酥呢個又係被佢外表吸引,有差唔多半個罐頭桃,個酥都有好多層同分明,男友話係有心機之作.味道就係甜甜啦.味道: 4分5.$10.00o既蘋果酥我

買第2杯平價!! $39 = 2杯 , 抵食Gelato Gute 綠茶紅豆味只得小小紅豆, 因為佢 '不' 果盒雪糕都係得面頭有姐...不過綠茶味好香好濃.原會太甜佢應該冇落更多的糖中和綠茶就苦! 我鐘意!!甘薯味相比起綠茶紅豆味就伕較味喇, 不過都好香番薯味(有一點點像香苧味)Gelato Gute 的雪糕都吾太易容的 可以慢慢享受!不過個脆筒就冇咩特別喇, 都係GELATO好味~

2010年3月31日 ( 3-3 ) ( Das Gute & Gelato Gute - 2 ) 今天飲食行程：( 財記餐廳 - 阿蘇火山拉麵 - Das Gute & Gelato Gute )阿蘇火山拉麵下午茶後，來到這店，選購了一件合桃哥欣脆餅。合桃哥欣：餅身鬆脆，合桃香脆，餅面還有少量沙糖，甜脆可口，很好吃。

今日行過荃新就掛住gelato既雪糕啦 ..行到去見到買第二球半價 ..咁抵 ..即買 ..買左咖啡同tiramisu味 ..咖啡味好香,唔太咁甜 ..我鍾意tiramisu我就覺得甜左d ..

前晚凌晨探完肥媽返屋企,細妹送咗條大大嘅提子合桃包俾我!切開三份帶返工,分開三日食,今日食第二份,真係好好好好好好味!但睇返其他人D食評,先知道原來條包咁貴!真係從來未食過咁嘅包!成30蚊1條!!!平時我買到6條喇!!!細妹,好多謝妳!不過下次真係唔駛買喇!太貴喇!!!!

屋企人生日~負責買蛋糕的我~搞搞新意~過往生日時~食飽飯先食蛋糕~又飽~又麻煩~今次嶄新買了紅豆黑芝麻卷充當蛋糕~(都一百蚊一條嫁~絶無慳皮之嫌~)圓圓的卷~切開一人一件~唔洗用碟同叉~環保呀~咬落去很不錯~唔似一般蛋卷咁一陣風~紅豆加cream加黑芝麻~感覺居然唔算好甜~而是很香~一百蚊抵唔抵見仁見智~但算是很好味的呀~同場加映口痕叫了低脂意大利限定雪糕...曲奇香蕉味香蕉係用2片香蕉乾放面...冇誠意奶味少之餘~很淡...一點都不討好~要筒仲要加4蚊...絶對不用試~為免俾個咁差的雪糕~拉低了評分~~以下的評分只計芝麻卷~

這麵包店有不少特別的麵包感覺頻有新意墨魚汁煙肉芝士法包 , $14麵包上面有些黃色的芝士 , 是普通麵包店的芝士 , 沒有特別整個麵包裡裡外外都是黑色的 , 裡面有些煙肉 , 口感不錯 , 味道一般咖哩批 , $9熱辣辣的三角形的咖哩批 , 似加大碼的咖哩角 , 這個朋友說一般

2010年1月12日 ( 1 ) 早餐 Das Gute & Gelato Gute荃新天地Das Gute開業已一段時間了，太太很喜歡吃這裡的包，昨晚她又賣回來了，今早大家共分享。德國黑麥提子合桃包，半個售15元，包內充滿提子與合桃，而提子、合桃的質量也不差呢！吃起來時，但口感比較乾嚡，要加飲品同吃比較好，味道也只是一般的。

十一月下旬心情超不爽說，聽朋友的話，將褲袋內僅餘下來的零錢都拿出來，跟跟隊去「掃貨」，在林羅滿目但注目度卻不很高的櫥櫃內買了四款包，分別是大麥包、芝士多士、甜薯包還有麻薯包。四款包皆不著佳處，腍而不香的芝士多士、甜薯包粉糜不堪、麻薯亦是舊粉糰，還是大麥包粗得來味道最平實，沒加分位亦難找到扣分嚴重的地方。吃完更加不爽，掃包可減壓，完全是老點！

以前成日o係Sogo買現成蛋糕粉,蒸日式蛋糕仔。今日見到咁綠的「自家製蒸綠茶蜜豆蛋糕」,即刻買黎回味。綠茶味好勁!如果唔係靠那煮得極甜的蜜豆,正常人口味,會覺得件蛋糕都幾寡。而蛋糕密度太高,唔夠鬆,很黏喉。紅茶合桃直燒,即買即食,好硬,同埋只有外皮的燶味,無茶味。以為蒸吓佢,茶葉先會出味,點知都係蒸熱,打開蓋那刻,聞到茶味,但係食又完全無。純粹攪綽頭。取捨左蘋果哥欣,揀左合桃哥欣。因為後者應該會香口D。果然係好食!合桃夠脆,合桃與麵包隙之間,有黃糖的甘香。正!