Deluxe Bakery (已結業)

平時較少經過上環，今日行開呢區，喺無限極廣場對面見到一間睇落有幾多款式嘅麵包舖，就行入去打算買幾件蛋糕同朋友慶祝生日。見到雪櫃入面有咁多款蛋糕，款款都幾精緻，而且價錢喺上環嘅價位來講算係ok，心大心細唔知揀邊款，店主見我忙咁耐，推薦左幾款蛋糕。第一款係藍莓芝士條，體積比係一般連鎖店買到嘅芝士條細，但又整得幾有心機喎，係藍莓醬上面有塊細細地嘅白朱古力同埋少少金粉，芝士條七感幾實在，食得出真材實料，用咗好多cream cheese。另外一款係熱情果朱古力慕絲蛋糕，最鍾意啲款，朱古力外皮好脆，裏面嘅朱古力慕絲打得好滑好香濃，濃度起碼有70%，中間嘅熱情jam酸酸甜甜，同朱古力味幾夾。白朱古力杏仁桃撻就較為遜色，大部份體積係忌廉，不過忌廉冇乜鮮奶味，其實係冇咩味，不過牛油餅底好香脆！店主推介迷你蝴蝶酥，順便買一盒返去同朋友分享，雖然價錢唔平，但係真係有質素，每一件蝴蝶酥都細細件，一啖一件，幾啱一大班朋友share。特別欣賞牛油同砂糖嘅比例恰當，牛油香味突出而不油膩，表面的砂糖粒有少少點綴作用，而且口感好鬆脆，整體不錯😎👍🏽順道買埋個麵包做早餐，呢個番茄雙重芝士軟包比想像中軟熟，芝士旁邊嘅麵包好

Happy Friday 放工想買啲特別嘢食同屋企人享受下，經過呢間細細地嘅餅店，決定買啲蛋糕同蝴蝶酥慰勞下屋企人💕蝴蝶酥包裝好典雅，用嚟送禮都得喎，過時過節可以考慮吓。唔好睇佢細細盒，原來都幾重手，一打開，見到裏面竟然有足足三層蝴蝶酥。蝴蝶酥細細件夠輕巧，幾乎可以一口一件，做得非常精緻。咬落去竟然係咁脆口！真係有驚喜，多層酥皮好鬆脆，特別係鍾意佢牛油味同酥皮香平衡得剛剛好，完全冇油膩嘅味道，蝴蝶酥邊位加咗適量砂糖粒，甜味剛剛好。合桃芝士包望落幾飽滿，幾重手👍🏽芝士控出動！！裏面勁多芝士粒，麵包質地幾鬆軟，不過合桃粒就比較少⋯個睌仲買咗幾件蛋糕。熱情果朱古力慕絲蛋糕💕朱古力慕絲打得幾滑，朱古力濃度都幾高，起碼有65%，熱情果醬酸酸甜甜，配合朱古力味道幾豐富。藍莓芝士條👌🏽體積比一般餅店買嘅芝士條細d，不過細細條幾精緻，上面鋪上了不少藍莓醬，下面芝士條嘅芝士味就唔太突出，牛油餅底可以更加鬆脆。白朱古力杏仁桃撻賣相幾好，不過忌廉口感一般，不是太重奶味，勝在牛油餅底幾鬆脆，幾有牛油曲奇餅底嘅甘香😊

近排男朋友投訴話我肥左, 唯有定立一個3個月既減肥計劃啦但平日返office日日都坐, 有時返工仲要ot, 返到屋企都無咩時間做到運動咁唯有從飲食入手啦, 比我發現公司樓下呢間麵包舗出左個亞麻籽提子包比起平日食開既菠蘿包腸仔包絕對係健康低卡之選 本來以為食落會好淡, 但原來唔係! 亞麻籽食落脆脆地好有口感, 加埋提子乾有淡淡既酸酸甜甜味好清新雖然唔算好平, 但個包勝在都大個同幾飽肚, 食完去到頂到去lunch time都唔會feel到好肚餓呢個包應該會成為我呢三個月既早餐首選!

Since my last visit, there are more new cakes in the cabinet so decided to give it another go!!!!!!Deluxe Bakery is a one stop for everything, they have cookies, cakes, artisan cakes and bakery.I have been here quite a few times so decided to sum it up in one go.On the first visit, I got some bakery for breakfast.The walnut cheese bread was quite nice and the bread had a nice texture.The sesame matcha bread with red beans was a nice sweet bread with starchy red beans which made it a great aftern

今年中秋節撞正老豆50大壽,想特別d唔想買返d大牌餅店蛋糕咁普通, 放工經過見到呢間餅店既蛋糕賣相都唔錯又唔算太貴就決定一試! 我老豆唔中意食太甜既野而呢個朱古力蛋糕係岩岩好! 美中不足係d cream會有少少漏, 一次唔可以食太多, 但蛋糕面既擺設好華麗, 睇得又食得, 下次要買蛋糕都會考慮買返呢間

番去上環舊公司探同事！聽佢地講公司附近有d 好鬼死靚既蛋糕重要聽講好食bro!😮 OMg! 我已經去到就target 左幾個公主風既蛋糕🤤🤤🤤🤤（我準備好影相呃like)由於我太興奮係到講想買lee 樣個樣😹😹😹店主本人同我吹左幾句水👀推介左佢地既麵包同蛋糕比我，重話比我知原來佢開鋪本身係因為想整好食既麵包蛋糕比佢屋企人👀so sweet!入正題！！！（為食妹以探同事由買曬我想試既野😂） 送禮緊係要體面🤣🤣🤣白朱古力杏仁桃橽 $28 (右）同事話好有聖誕感覺👀 白朱古力偏甜但係入面既桃😎中和番好正！配埋佢地既餅底！餅底真係超級正！係外脆內鬆重要勁香牛油味！！！藍莓芝士條$16(左）大大粒既藍莓！脆脆幾層既餅底。岩喜歡食酸酸mimi 的😆草莓慕絲檸檬乳酪蛋糕 $28每個女同事見到佢都有影相or 自拍一番😽抵我買咁多件lee 個公主蛋糕♥️☺️因為我自己都比佢既公主外表同埋有實力既內心，完完全全咁征服了♥️上面係白朱古力係食得既！因為白朱古力係無可否認既甜！所以配士多啤梨同檸檬乳酪中和番岩岩好！！！！ Lee 個蛋糕底係牛油曲奇🤤（喂呀！佢地個個蛋糕既餅底都超出我想像地好食！！新鮮！脆！牛油味！

Last Day去左office附近間Deluxe買散水餅，平日喺上環收工都成日見到但係好少行入去，地點幾近地鐵站。廿幾蚊一件cake有啲貴，但係賣相好精緻，同食得出用料新鮮。紅桑子士多啤梨唔會好似藥水味，好清甜；同事一般都中意朱古力，唔會太甜；芒果亦都唔酸。

之前都聽過朋友介紹話Deluxe啲面包蛋糕幾好食，咁岩前幾日行經過，就買左佢地既蛋捲試下，我媽平時都好鍾意食，所以我就買左番去孝敬下佢，佢都話好食。我買左綠茶口味，叫“綠茶寒天青蘋果卷”，隻味幾特別，估唔到都幾夾，青蘋果加綠茶，口感豐富，有啲啫喱係入面，夾埋一齊食，都幾夾，唔會話太多cream，又唔會話太甜，我覺得岩岩好，蛋糕鬆軟，價錢唔貴，又大個，都幾抵。佢仲有其他味，例如芒果同朱古力味，等我下次試下芒果味先。

之前有食過佢D蛋糕覺得水準唔錯所以今日就買埋蝴蝶酥($105)番去試!佢有兩個SIZE我特登揀咗迷你版因為貪佢可以一啖一舊, 最重要係MINI版平D 正常版成$140幾, 費事買完食唔晒試完發現佢好鬆脆, 又夠香,真係一啖一舊食到停唔到口,分咗少少俾同事食佢地都話唔錯.呢個味道對得住個價錢不過一次過真係唔可以食得太多 我食咗7-8舊之後都開始覺得濟同甜喇

I was captivated by the Swiss Rolls in the fridge.Got the Earl Grey and Pandan.Both rolls had a lovely soft and fluffy texture but the cream was nasty.It left a film of thick grease over my tongue.Although I didn't like that salted sweet buttercream, the overall taste of these rolls reminded me of cakes in China Town.Also got the Mini Apple Crumbles which looked like mini cupcakes but then they could be mini muffins.They tasted like a hybrid of cake and muffin because it wasn't too soft or crumb

上環終於出現一間唔係連鎖又好食嘅餅舖呢間餅舖雖然冇連鎖店出名，但Quality好過多多聲我亦幫襯咗幾次呢日特登訂蛋糕for Father’s Day 同賣西餅同同事share我個人喜歡椰絲包呢個椰絲包特別在中間唔係牛油+椰絲咁簡單中間反而有類似果jam嘅物體食落1d都唔dry芒果拿破輪中間吉士好食wor 可能我擺耐咗 餅皮冇咁脆卜卜Cheesecake 配Oreo 底都好食粉紅色，慕士酸酸地好有心機地件西餅都有🌹Tiramisu 西餅size比蛋糕size冇咁出色都有好食所以之前之後都有訂tiramisu做慶祝蛋糕家人話好食，好食過x心/東xx/xx na我又有好推介俾啲親朋好友Cake size tiramisu 堅好食咖啡+酒香剛剛好

果日等緊朋友食飯，佢加班所以要等佢，見悶悶地咪系附近個商場行下，平時比較少行所以無留意有間咁靚嘅bakery。曾經聽過同事介紹話佢地d曲奇蛋糕好好味，而且比較健康，啱曬老豆同我呢類要減肥但系又想食嘅女仔，周圍睇緊之際，有個店員好nice走埋來問我洗唔洗幫手，順便介紹左呢包咁五顏六色嘅蛋白餅，包裝系粉綠同粉紫色，好夢幻。再加蛋白餅粒粒都唔同顏色，睇得又食得。佢比一般嘅大少少，唔算甜，淡淡地好好味。

最近新開的cake shop,行過見到佢個餅櫃都會被佢吸引住,今日午餐食得唔夠飽,就買件試下啦!款款都好吸引,都唔知揀邊款店入面仲有其他蛋糕麵包最後揀左以下幾款:麵包好新鮮軟熟,蛋沙律同埋醬嘅比例均勻。食完整件都唔會覺得膩, 朱古力脆而不太甜, 玫瑰花並不是一舊糖膠,藍莓新鮮,最底嗰嚿餅底不夠脆,不過有好香嘅朱古力味。Cream 唔會太膩,而它中間部分好似有啲餅碎 混埋一齊,泡芙很脆口。蛋糕款式劃一價錢都只係賣24蚊。茶餘飯後買一件食實在不錯。

自從今年1月尾，在上環德輔道中富邦銀行附近的太子餅店結業後， 最近經過這裏， 見到開了一間新餅店 <Deluxe Bakery>！眼看門面的甜品琳瑯滿目， 令人花多眼亂嘞！店子供應：麵包、甜品、蛋糕、曲奇， 另有紙包飲品及蒸餾水。井井有條地放置在陳列柜裡！星期六早上前來幫襯，當時是 9:00後，小店的麵包只有芝士條及叉燒包兩款選擇，認真少到無人有(朋友) 呀！ 至於，包裝蛋糕亦寥寥可數，我問女店員有無其他款？她回答：師傅做唔切咁多！星期六少人返工，自然少生意！相對減少供應量，這方面可以理解！攪到我每個星期六都要返工，都是老闆的錯！ 同事想請假在星期六可多些時間陪女女，老闆建議她帶埋個女返嚟！公司變成託兒所！(我掩嘴笑)碎蛋沙律北海道鱈場蟹肉竹炭熱狗 $18墨黑色的竹炭熱狗滿載碎蛋沙律，夾雜一點蟹肉 包質鬆軟，份量剛好，整體口味清怡！班蘭蛋卷 $6打開包裝袋，隨即散發班蘭的芳香，質感鬆軟，輕滲班蘭的清香，剛剛夠甜，加入幼滑的奶油，整體過得去！韮菜包 $9好可能我在家間中都食到蒸包做早餐，先入為主的關係！總覺得這個西式韮菜包差咁啲嘢！包身夠大個，對比我隻手都略知一二！尚算餡