Dijaya (已搬遷) 新店位置

貓貓約左朋友宿醉。貓貓已經幾年無去bar識男仔，勁期待。貓貓其實好矜持，唔係成日飲酒。貓貓入左間酒吧就愛上左佢。氣氛真係超級好，而且音樂唔大聲。吹水唔洗好大聲咁講野，無話題又唔會dead air，呢個音樂加環境真係啱啱好。perfect池。貓貓order左cocktail，叫good sex。希望今晚有著落。味道調得好，飲得出骨子裡豪放既性格。cocktail唔會調到有陣藥水味，飲得順口，酒精又夠，係完美既。貓貓見到個靚仔坐係隔離，即刻order杯johnny walker gold label壯一壯膽。呢間真係乜酒都有，價錢又合理。貓貓飲完個Johnny walker，醉意開始沖上頭，股起勇氣同隔離靚仔吹左陣水，估唔到貓貓仲有魅力，佢話貓貓好靚，多謝呢間酒吧既燈光調得好，自拍勁靚囉。貓貓食左個安格斯牛肉漢堡。好豐富既漢堡包。芝士味好香，貓貓食到停唔到口，點解酒吧野食都可以咁高質數。真係好有心既一間高級酒吧。貓貓今日好醉，呢間係貓貓識到男仔既酒吧，貓貓下次會再好好把握。

最近喜歡上棉登徑附近一帶的酒吧，酒吧食物水準堪稱優質，格調大多行中高端路綫并且各有特色，坐的地方也很舒服悠閑。這晚下班以後就約了閨蜜到尖沙咀的Dijaya酒吧對飲閒談。衹見紅色窗簾垂簾，靠窗的座位是榻榻米和小茶几，可以想像幾個朋友盤坐著，敲敲酒杯底，開懷暢飲，好生愜意。甫坐下，薯片($20)隨即奉上，非常貼心。餐牌上食物的選擇不多，大抵都是佐酒小食：沙律，漢堡包，芝士，小食拼盤。Black Cat ($80) 和 Bailey'sDaiquiri($98)爲今夜Lady's Night打開序幕。Black Cat Vodka Cocktail 果味重，後勁凌厲；Bailey's Daiquiri 是Creamy，濃密泡泡醇滑。在淺淺酒精微醺下，我倆輕聲細語聊得起勁，邊聊邊等待小食果腹。Caesar Salad($90)先上桌，爽脆清甜的沙律菜本來孤寡，得到芝士與麵包乾陪伴，立刻豐富起來。小食拼盤($160)隨後上桌，厚切薯角和鷄翼炸的酥脆，串燒肉滑,其醬汁更是令整體味道錦上添花。小食拼盤是必選佐酒佳物，小食鹹加脆的口感，與沁涼甜苦交雜的酒精相遇，來一個水火交融的奇妙體驗，Angus B

情為何物呢！每個人都總會有不快既時候！多數都離唔開“金錢，愛情，家庭！最近一個“情字令我好迷惘好煩惱，唔知點去處理！“所謂一醉解千愁，有時候一個人靜靜地飲下酒諗下野未嘗係一種舒緩情緒既做法！依間dijaya環境幾好，用上紫色做主調，燈光柔和偏暗，比到人一種好舒服既感覺...Guinness, 黑啤，有一種甘苦味，係我唔開心既時候最鐘意飲既啤酒！酥炸雞翼配蜜糖芥末汁，雞翼既醃制調味好入味好好味，炸得又岩岩好，不過如果個d舖係面既蜜糖芥末汁可以另外分開放會好d，咁沾幾多食可以自己行量番！凱撒沙律，沙律菜新鮮食落爽脆！餐牌既野食全部同酒都好夾又唔貴，整體依間野都唔錯！

今日閨密聚會當然就想搵間坐得舒服，而且嘢食嘢飲都唔錯嘅地方。 最後喺openrice搵到一間係棉登徑的酒吧。今日我哋大約八點半左右去到，見到門口有一個梳化位都幾舒服相我哋就咗我坐喺嗰度 。之後我哋就睇menu 最後決定飲cocktail 同香檳 ，再加一個小食拼盤 。之後後join 嘅另外一位朋友就叫左swimming pool，最後結帳486/3人，傾左2個幾鐘頭先走。snack platter $160…有雞翼，薯角，腸仔，雞肉串 依個價錢嚟講份量都算唔少， 而我哋覺得最好食嘅係薯角好脆又夠熱 ，而且薯仔都好香。 腸仔係脆皮腸所以加上番茄醬味道都唔錯 ，雞肉串就比較一般 ，雞翼都有少少 脆口同埋味道都唔錯。peachchamagne $102… 桃味都幾濃郁，所以勁易口入好適合女仔飲。朋友叫了pina colda $90… 味道偏椰子味嘅感覺為主，有少少椰子味同埋有菠蘿比較熱帶生果感覺，所以飲落去十分清新同帶少少酒，味道好味。最後黎朋友叫了swimming pool $90…味道不錯，但朋友覺得酒味偏淡。

平時去開灣仔飲嘢，今晚就去咗尖沙咀嗰度食嘢兼飲酒，知道棉登徑嗰度都有酒吧，而且會唔會咁多人，所以我哋喺嗰度就隨便入咗一間嗰度試吓。Hoegaarden$58朋友向來都鍾意飲啤酒所以佢都係點返呢隻酒，佢話哥飲的不是酒，係氣氛，咁我都明嘅啤酒配薯角，再加薯片，又真係一個唔錯嘅組合。strawberry punch$68因為聽日要返早，所以之後揀咗呢一款，士多啤梨加橙汁，飲得到士多啤梨嘅味道，好Fresh。小食拼盤＄160齋飲酒有悶咗啲 ，所以就帶咗個小食拼盤，我個人幾鍾意個雞肉串，雞肉夠滑又juicy,同埋個雞翼都炸得幾好食，唔會太油。酒吧嘅座位都幾舒服，係一個大嘅U型沙發位，私隱都夠高，大家一班朋友傾計都唔會怕嘈到人。

平日約了朋友晚上聚餐，不過總有幾位大忙人老是 OT到天荒地老，係中間的 gap位就和其他朋友到酒吧 happy hour 🍻 坐低飲下野慢慢等。附近番工的朋友介紹我地黎棉登徑呢間 Dijaya 飲番杯呢到 Happy Hour 好抵飲買一送一入面幾 cozy，氣氛幾好，播嘅歌都好岩taste哈哈朋友點了杯 Red Wine我就貪得意叫了杯 Dijaya Cocktail，係 design by bartender。店員會問下有無咩preference，多酒定小酒，或姐全部交比 bartender 諗亦得調岀黎的呢杯味道幾特別清新，有果香好易入口。飲野都要食小小野打番個底，叫了一碟酥炸海蝦配蕃茄汁。食物新鮮炸岀黎，咬落熱騰騰脆卜卜，配合蕃茄醬很可口送酒都一流！

Happy Friday 想跟女朋友飲返杯，想選一個氣氛好較適合聊天的地方。平時已經有留意棉登徑這家酒吧，逛 K11 經過覺得頗有格調，不是嘈吵那種風格。跟女朋友坐榻榻米，女孩子都比較喜歡這種特別的座位吧！不過我也覺得很好坐很舒適，而且在內街不會太多路人，在窗邊都好有 privacy，坐着好有 feel！甫坐低，店員很快就奉上 Menu 和 Nuts，服務不錯。薯片夠脆，好配下酒。這裏的 Champagne 有不同的果味，好有新鮮感。經店員介紹，為女朋友選了荔枝口味。荔枝香檳 cocktail 充滿綿綿不絕的氣泡，視覺效果一流。荔枝為香檳加添一點甜度，更易入口，相當適合女友。紅酒的份量足，酸度適中，入口帶少少澀味，甚是不俗。難得的是食物水準也甚佳，我們點了一客小食拼盤 share，有數款小食，非常豐富。雞翼尤其香脆好食！Bar 還有些圓形梳化，下次可以跟朋友再來。

做嘢到一個點，身體會叫去放鬆下同朋友係附近食完晚飯，去飲番一杯先。通常都係去諾士佛臺或者寶勒巷，之前路過去棉登徑已經經過呢個，今次可以去lu！餐廳環境比想像中大，有bar枱，有一排椅，職員帶左我地去一個獨立梳化位，有自己area可以勁講！我叫左杯good sex，vodka味勁濃，好啱我口味。朋友分別揀左bailey's daiquiri 同berry berry，佢地個杯果味濃啲，會易入口啲。叫埋雞翼，有驚喜，煮得幾好食，不過唔好太快放入口，好熱。之後再叫咗杯look for star and green garden，我個人就好鍾意look for star，有啲似long island，不過再苦啲，而朋友就好喜歡green garden。雖然係星期四，一直都有好多人入黎，無停過。走個陣見到門口旁有啲位係可以除鞋hea係度，下次request呢個位先，見啲人勁relax。咁樣都係200元一個人，唔錯啦😌

• Dijaya• 尖沙咀棉登徑3-4號地下• 將飲完的berryberry cocktails上的水果擺設放在白酒内，射燈照射下異常有一番韻味！紅白酒，這裏的白酒只有一款，味不酸不甜較易入口！• berryberry: vodka. cassis. strawberry. blueberry. lime juice. cranberry juice. passion fruit. • berryberry, 梅味好濃郁，vodka比例剛好，剛柔並重的一杯cocktails，很適合女生品嘗！• 意式風乾腿配蜜瓜，兩種食材十分配搭，口感清新，佐酒一流！• 餐牌列出飲品内的成份，很清晰，這點不錯！

酒吧座位好靚好舒服，梳化咁多又好坐，真係好適合一班人黎飲野傾計。Berry Berry 充滿草莓、蔓越莓同藍莓個種甜中帶酸的味覺，莓味濃郁真係好適合女仔飲。當中仲有打蓉左既莓粒係入面，口感依然好順滑。除左甜甜酸酸既莓味同酒味外，仲有一股熱情果既味道，好好飲。安格斯牛肉漢堡牛肉味超級香濃，一咬落去仲有好多汁爆出，而且好厚身。最正係牛肉上面既芝士，白芝士呈半溶既狀態，應該係煎牛肉時一齊煎，已經同牛肉融合埋一齊。麵包色澤好靚，有少少甜，烤得香脆。成個漢堡整體都不錯！

同朋友係尖沙咀食完飯，但係大家又唔想去食糖水，有朋友就提議去酒吧吹下水，行左一陣，就入咗間酒吧。我自己就點左杯sea breeze$80，每次我都會點呢杯飲品，但係好得意嘅係每一間週出來嘅味道都不一樣，我幾鍾意呢一間嘅style ,水果嘅味道酸酸甜甜好開胃。para ham melon$160，飲酒配呢一款火腿，真係絕配，哈密瓜爽甜，配上火腿兩個嘅味道互相配合，味道幾清爽。炸雞翼配蜜糖芥末醬$90，炸雞翼配芥末醬向來都係我嘅最愛，雞翼炸到外表脆但係入邊仲保留到肉汁，非常好食。Fish and chips$150，都幾大份，而且魚柳有少少辣，薯條係細size ,平時好少機會食到，感覺不會油膩。雖然大家都食咗飯，大家都點左唔少小食，睇來女人真係有第二個胃，呢間酒吧嘅氣氛都唔錯，下次會再嚟飲野。

今日提早happy friday!睇個門口就覺得間野好正。二話不說入左去，環境好靚，有圓檯疏發，亦有得盤坐。好舒服好大既環境。酒吧音樂唔算好大聲，飲野吹水最適合。叫左個dijaya cocktail。bar tender決定既cocktail，正呀！叫左杯酒味濃既cocktail。bar tender整左杯蘋果味既cocktail。cocktail易入口，同酒味夾得好，唔會有苦味，越飲越覺得易入口，好好味。酒精夠，飲左一半就開始有少少醉意，真材實料呀！叫左個fish n chips。餐都好大份量，唔會求其。平時食開酒吧，野食都求其，呢間明顯野食都俾心機，值得黎。魚柳新鮮，重魚既鮮甜味，呢啲先係炸魚柳，平時食開無味既魚柳真係食到厭。呢個好味。叫左個小食拼盤。有香腸，串燒，薯角同雞翼。雞翼葉得好夠味，少辣但開胃，而且炸得好有水份，好快就ko曬雞翼。串燒都燒得唔錯，叉燒味濃。有時真係覺得酒吧既酒真係要捨得攞足料，間酒吧野食同酒都咁好飲，抵佢發達。

今晚放假 約左班舊同學食飯，約左八點係海港城等。咁岩我同另外個friend 都放假，一於早d出去行下，順便黎個happy hour!係K11後面有間幾有feel既酒吧，之前經過有興趣，今日就揀呢度chill下！裝修好華麗 格調一流。落地玻璃旁既地台位好特別。因為一陣要去食火鍋，都係留下肚穩陣！我同朋友一人點左杯酒，加一個parma ham. 朋友點既Yang Gui Fei 楊貴妃，聽個名就覺得好得意。本來對綠色飲品都係有恐懼，通常都中伏。點知呢杯既味道又幾好飲喎！荔枝味濃，加上Vodka,Rum酒等調較，好夾。我就簡簡單單整左杯House red wine. 味道較淡，口感較薄。唔係我最喜歡既厚身濃味型，不過都唔錯。Parma Ham比想象中大件，好抵食！！好香既火腿咸味適中，配爽口鮮甜既哈蜜瓜，真係完美配搭！聽住音樂 ...有美酒 有佳餚 ...仲有良朋細說當年情。。想起年少多好！

Dijaya 尖沙咀棉登徑3至4 號地下尖沙咀棉登徑一間地鋪bar , 入面環境算大舒服 主要係一d sofa櫈枱 私隱度都幾高 燈光偏暗 同一般酒吧差唔多 . 有好多唔同既紅白酒 啤酒 同埋cocktail都好似幾靚甘Happy hour 830pm前買一送一Green garden 原價90 蚊Rum, lychee , fresh mint leaf, apple juice外表綠色既cocktail用左薄荷葉做裝飾， 上面一層薄荷葉蓉好有口感， 飲落去rum酒味唔重 有淡淡荔枝香 同蘋果汁味 又靚又好味Beach love原價 90 蚊Vodka, apple , strawberry, apple. Juice用左martini杯放cocktail外表紅紅黃黃幾鮮色 vodka味比較多 飲落有點士多啤梨既渣 同蘋果片 酸甜開胃好有口感Deep fried fish & chips 炸魚柳配薯條 150蚊薯條比較幼身 炸得好香脆 點左少少胡椒粉幾惹味， 而炸魚長身 炸得比薯條更香脆 入面都keep到肉汁 魚肉都算有咬口 點埋沙律醬唔錯酥炸雞翼配蜜糖芥末汁 90 蚊雞翼

今日係尖沙咀食完飯又未想番屋企，我同朋友就搵個地方喝下野傾下計咁，係棉登徑行左一圈之後。見呢間都幾有情調又好似幾舒服咁就入左坐低。一打開本menu發覺呢度都唔小酒嘅種類。晚餐我地食得太飽喇，所以就叫左兩杯cocktail 喝下就算。PASSION HOLIDAY呢杯野聽落就好有夏日嘅感覺，而且喝落都係，因為佢真係好鬼似芒果沙冰，酒味並唔明顯，岩晒啲唔喝得酒嘅人，淺嘗一下。BAILEY’S DALQUIRI呢杯酒味相對地酒味有點重，但係入口都唔算太濃，都算清新，飯後喝一杯令人都好舒服。不過餐廳都算貼心，我地叫左兩杯COCKTAIL跟住餐廳就送左碗薯片俾我地。另外仲有扑克牌提供俾我地玩真係超級ENJOYABLE.