EAT ME Bar & Restaurant (已結業)

😢呢晚同同事食farewell dinner 🍴 挑選係旺角都係方便大家揀到呢間餐廳地方滿意 食物滿意 環境滿意真係一舉幾得😂😂😂呢間餐廳小驚喜係角位落地玻璃 好多feel~太多人決定要嗌2 set dinner +小食<豬鞍扒配蘋果醬>蘋果醬有蘋果肉 將肉配醬一齊食味道特別又幾夾👍🏻<肉眼扒>因為叫左5成熟 一上餐職員叫我地盡快食<卡邦尼意大利粉>Creamy ~<水牛城雞翼>有少少辣 可以話都係餐廳推介😬<雙重芝士大啡菇>中間一切先知有溫泉蛋 蛋漿都流晒出嚟😂<大男人薄餅>由於名有趣 所以叫左黎試有溫泉蛋又有煙肉 仲要係薄Pizza皮😬

今日約咗friend子慶祝生日，雖然已經過咗一個禮拜，不過唔緊要啦！志在見吓面傾吓計，揀 Eat me 因為地點方便而且燈光又有啲情調。散叫同二人餐都同樣抵食，可以食多啲款式開心share。最緊要留肚食最後嘅驚喜！套餐有沙律 & 餐湯一啲都唔會求其，house salad 粟米同埋麻醬味道配搭得很好。蕃茄雜菜湯帶酸味好開胃。溫泉蛋煙肉野菌卡邦尼朋友係卡邦尼 fans，無論怎樣配搭她都會很喜歡！溫泉蛋汁充滿幸福感覺，煙肉野菌令意粉更加有口感。水牛城雞翼亦係朋友每一次見到雞翼都會點算嘅菜式，皮脆肉嫩又多汁，再加上水牛城醬汁的香辣口味，大家食得好滋味！肉醬芝士薯條另一位朋友係薯條怪，尤其是喜歡食粗薯條，肉醬芝士令薯條食起嚟味道更豐富，面層鋪滿芝士仲有拉絲感覺添！比利時生日窩夫配雪糕 可以話係今晚嘅高潮，服務真係貼心到不得了。除咗幫我地喺碟度寫名之外，最驚喜就係出場嘅時候，投影機同步播放 生日快樂 嘅卡拉OK歌曲，全場氣氛立即熱鬧起來！窩夫熱辣辣又軟熟，配曲奇雪糕 口味獨特，令人回味再回味！Oreo 脆脆朱古力冰沙最後飲多杯冰凍嘅 smoothie ，濃郁嘅朱古力口味，讚一個！

又去左人氣集中地旺角開飯，最啱約埋一班人來開飯夠方便，就去左呢間餐廳品嚐美食，餐牌上已有一系列菜式，由小食、沙律以至主食、漢堡、薄餅及意大利粉麵同小食拼盤啱晒我囗味唔怪得有咁多後生仔女來開飯，而且晚餐仲有二人套餐組合夠晒抵食，我地都點左一個套餐，再點埋其他美食一同品嚐，先來有套餐是日餐湯入口香濃同沙律食落夠晒清爽再來有千島海鮮薄餅配料十足，有帆立貝、帶子、蟹柳、水牛芝士、千島醬等，趁熱辣辣先食番件入口好香脆又同時食到芝士香軟海鮮嘅鮮味食得滋味，隨後到套餐有温泉蛋煙肉野菌卡邦尼意大利麺係食之前先將温泉蛋攪勻係意大利麵，咁食會更加香滑，又食到煙肉肥美野菌香甜，而另一款係慢煮美國法式豬鞍扒配蘋果醬，估唔到豬鞍扒肉質咁豐厚真係急不及待想品嚐，切開已見肉質細嫩又帶點油脂，入口啖啖肉特別滋味，因為係慢煮關係所以肉更嫰汁又多最後當然有甜品movenpick 雪糕享用，咁先至係一個完美晚餐。

雖然Eat me restaurant位置於旺角鬧市區，但係商業大廈入面，冇咩廣告牌宣傳，可能令到好多食客錯失左呢間樓上cafe！呢間野啲set lunch真係好抵食！好吸引乜都好想試！最後同友人一齊嗌左三個set lunch食！每個set都有餐湯同多士條送！我地揀左15號嘅牛肉漢堡，17號號夏威夷薄餅同埋24號嘅黑椒肉眼扒飯！三樣野食都幾好食！特別係個漢堡，好juicy，一啲都唔乾，菜嘅份量都算多，所以好fresh！薯條又有啲辣粉，好惹味！而pizza其實都出色嘅！真係拉絲好足料，熱辣辣，一啲都唔馬虎交行貨！野飲我地揀左花茶，可以免費加蜜糖！我覺得蘋果玫瑰普洱好飲，而洛神甜莓莓乾茶就有些少藥水味，我就麻麻地喇，但友人愈飲愈覺得好飲！我真心會推介呢間cafe俾朋友！set lunch真係好抵食！性價比高！餐廳如果肯賣下廣告，宣傳下，應該勁忙唔休做！

呢間餐廳可能好多人都聽過或者試過。今次選擇試呢間餐廳嘅下午茶餐，因為我見佢價錢真係好抵。一份雞翼薯條三文治都係講緊40蚊左右。好值得去呢間餐廳嘅原因就係呢度個環境幾好，除咗裝修掂，最過癮嘅地方就係佢有一個大型投影幕，有時候播下歌睇下MV都幾有氣氛。遲啲會再番黎試下佢嘅晚餐，因為有一路都想試嘅威靈頓牛柳。好期待呀。

因為上次食過午餐覺得ok，所以今晚又帶個朋友來試吓晚餐尋食一番先上到去見到坐滿晒人，差一、兩張枱就爆滿夜晚既氣氛和燈光都幾好，而且坐近窗口可以一路食一路望吓街外夜景睇餐牌見有：主食、薄餅漢堡、小食沙律、意大利麵飯、拼盤和二人套餐，最終覺得二人套餐經濟實惠d，就選左呢個粟米雞粒忌廉湯，好多粟米和雞粒，忌廉湯入囗幾creamy，沙律菜幾新鮮幾爽。阿根廷紅蝦龍蝦汁扁意粉，份量和味道都可以，意粉口感硬度適中，紅蝦幾大隻爽囗彈牙主食就加$48轉左慢煮頂級安格斯肉眼扒配荷蘭醬，塊扒都幾大塊，肉質幾腍，味道幾好另外加左$22追加一隻菠菜芝士焗蠔，芝士味幾惹味，食落都有d蠔味餐飲就叫左杯凍檸茶和榛子特濃朱古力食完還有Movenpick雪糕送

其實一向都知旺角既cafe都麻麻地但搵既時候見倒呢間好多食評 睇啲相個賣相又唔差諗住應該唔會伏啦佢啲食物既賣相係同啲圖相似但係味道一般之餘而且唔夠熱 只係微熱 我同我的啲朋友都表示一般個西班牙海鮮焗飯食到我腸胃炎左兩日青口啲肉係林 隻蝦啲肉係莓 海鮮完全唔新鮮之後睇番其他人既comment先知呢間野煮野食唔夠熱 真係唔係好掂感覺仲差過家樂坊對面既cafe好失望本身諗住終於可以搵倒間好既黎食其實以咁既價位黎講大家仲有大把選擇唔一定揀去呢間唔會再去

餐廳無set 要單叫都無問題。 因我地坐左係邊邊位，無人serve 過，d人服務態度又差。想要杯熱水沖左成15分鐘都未沖到 仲話要係廚房沖。隻春雞細到咩感。 旺角cafe 咁多選擇，唔需要黎呢到

生日飯，地點友人選的，當然揾一個方便既地點，呢座大廈，坐車經常經過，都唔知原來有咁多選擇，友人揀咗間西式餐廳，環境唔錯，有街景望下，地方寬敞唔會坐得好逼既感覺，裝潢一般，簡潔，正中間有一部投射大電視，可能for包場，Party 使用Menu種類選擇都適中叫咗一個小食肉醬芝士薯條：一般味道，大同小異，冇乜驚喜千島海鮮pizza : 唔會覺得好“乾爭爭”既感覺，好足料，個餅唔會好厚實，食落脆卜卜豬仔脾：烤得剛好，皮脆內軟，唔會太乾，內裡仲好juice, 仲有三款醬汁配，總有一款啱心水慶祝點可以缺少，一點點既酒精即慶每人揀咗杯Cocktail, 賣相都Ok吸引可惜飲品…等了又等…要吹先到味道…因人而異…not my faver

夜晚去叫咗二人套餐價錢算可接受 但真心唔好食下次唔會再黎比多少少錢可以食好d好多人等位地方比較細坐得唔係好舒服食物冇乜特別環境冇乜特別平平無奇冇加分位諗唔到理由再去

星期日兩公婆諗住出旺角食飯拍下拖，真是有D難度，是但搵普通一間食店都會排滿人龍！老婆今日話想食西餐，唯有搵間樓上舖食，朋友介紹係譽發廣場樓上有一間舒舒服服，野食唔錯又靜靜地！一上到去，裝修都幾有特色！地方不是很大，但環境好舒服，七點鐘去到已經坐滿，好彩之前打去訂左位~打開MENUMENU，小食、薄餅、漢堡、意粉、飯、主食乜都有，非常齊全，種類非常多。我就好懶咁唔想揀，擇個二人餐。方便又快捷，仲好豐富!套餐有沙律同湯無肉不歡既我就揀左慢煮頂級安格斯肉眼扒我地仲加左兩隻虎蝦（$58）手掌咁大隻，都幾彈牙。我request七成熟，肉質腍滑，好香牛味。阿根廷紅蝦龍蝦汁扁意粉 個龍蝦汁幾好味，整體感覺喜出望外。我地另加香煎松露牛油帶子 $98比想像中細粒D，松露份量多，不錯。棉花糖特濃朱古力最後仲有movenpick! 老婆超開心！

今日放學同朋友諗住搵間安安靜靜既餐廳傾下計，於是見到呢間餐廳set lunch 幾平就簡左呢間餐廳🙈🙈呢到既set lunch係包左餐湯，餐包條，同飲品今日餐湯係用洋蔥同蔬菜打成既忌廉湯，飲落都幾creamy，加埋餐包條點黎食好正😋😋慢煮澳洲牛肉眼排配紅酒黑椒汁意粉呢個餐好抵食，牛排好大份，而且意粉量都好多，大到一個人根本都食唔曬🙈🙈地中海魚柳蟹肉漢堡配薯條 🍔 🍟呢個餐既漢堡又係好大個！！！薯條份量都好多，而且蟹肉都好鮮甜，以性價比黎講真係好高！！精選蛋糕配雪糕🍦呢一個餐只係$29，但竟然仲包左雪糕、蛋糕同埋一杯飲品，作為一個tea搵個地方同朋友吹下水黎講，真係好抵🥰🥰雪糕仲有唔同既味簡😋😋棉花糖特濃朱古力呢杯飲品係好岩用黎打卡🙈而且朱古力味真係好濃藍花皇家伯爵荔枝紅茶呢一壺茶份量好多，而且用住火黎確保啲茶係熱既，冬天飲呢啲花茶真係好正愈飲愈暖，而且甜甜地清清地飲落口都好舒服蜂蜜蘋果茶一杯蜂蜜蘋果茶入面真係唔少既蘋果肉，而且加咗蜂蜜甜甜地酸酸地咁，係好開胃而且飲落好fresh🥰🥰

個湯好似加左好多粟粉咁 飲落去好厚咁 跟本飲唔落去 無咩味道，試左幾口就無飲！ 得個沙拉食落去係滿意！個意粉得隻蝦係好食 個d意粉淋左 其實味道好一般，都唔係好好食！但好多人排隊 如果想吹水耐小小 可以選擇其他餐廳 。

之前中午去過呢間餐廳Eat Me，價錢非常之抵食，食物也非常之美味。 所以今次同朋友嚟試試他們的晚餐。打開食物menu有太多選擇，所以選擇了二人套餐，二人套餐$298 有餐湯 沙律，意粉及主菜，意粉三選一，我揀了阿根廷紅蝦龍蝦汁扁意粉。到了主菜四選一，我選了慢煮頂級安格斯肉眼扒配荷蘭汁。最尾還有甜品及兩杯飲品㖭，單compare價錢同單點餐牌都望落好似幾抵，咁就試試呢一個Dinner set。餐湯今晚是忌廉蘑菇，尚算不過不失 可以接受，是日沙律係雜沙律菜加藜麥再配上芝麻沙律醬汁， 沙律菜非常新鮮，醬汁配常非常可口。阿根廷紅蝦龍蝦汁扁意粉，我在出面餐廳都有試過類似的意粉，而呢一間餐廳所選取的阿根廷紅蝦非常鮮味，蝦頭蝦膏裏面香濃的蝦味也走出嚟，配上特製龍蝦汁扁意閣期出色，他們還加上很多不同的海鮮入意粉內，例如魷魚，小青口，青椒黃椒，蜆肉，今意粉變得更加鮮味。慢煮頂級安格斯肉眼扒配荷蘭醬，食西餐點少得安格斯肉眼呢，呢一件安格斯肉眼我叫咗七成，嚟到睇過面積應該都有10到11安士，牛扒的底部放上嫩滑的薯蓉，及幾粒烤過的車厘茄， 這件安格斯肉眼成數做得非常好，肉質比出面的更濃味，compare出面

今日想食西餐，所以上網搵附近有咩好食，見到呢間個名好特別，eat me 食我啦，所以就去試一下。餐廳外觀好靚，門外有位置可以坐向到等安排入坐，等一陣就有位了👍🏻👍🏻入面燈光暗少少，好有情調，有吧枱及正常餐枱，吧枱上有蠟燭外型的燈，好靚的設計。坐底後，立即睇下有咩好食。可以散叫，有好多選擇，但我地選了2人餐，因為價錢好吸引，$298兩位，重包飲品兩杯及甜品🥰🥰2人餐頭盤，係沙律及雜菜湯。由於我好鍾意食沙律，所以我對沙律醬味道特別重視。佢用既沙律醋配沙律醬好好味，醋度適中，唔會太甜，非常好食。頭盤之後就係主菜，主菜係阿根廷紅蝦龍蝦汁扁意粉，個汁有微酸嘅味道，食起來特別開胃。兩隻紅蝦size都算大，基本上一上菜，就會聞到好香嘅燒蝦味道。第三道菜係慢煮美國法式豬鞍排配蘋果醬。呢道菜我覺得最好食，當豬扒加上蘋果醬，豬肉嘅味道同蘋果嘅清新味道加埋一齊，有一個好豐富嘅口感好鮮味。我地重加左兩隻帶子，加上蘋果醬一齊食，都係好鮮味。👍🏻👍🏻👍🏻飲品方面，我叫左凍朱古力咖啡同凍朱古力，加埋個雪糕，食飽晒。二人餐份量剛剛好，店員服務也很好，開心的一餐😊