EAT ME Bar & Restaurant (已結業)

Happy Thursday，仲有一日先放得假。今晚去邊食？每晚都好似考試咁，要諗好耐。雖然香港有好多野食，但對住我呢種餐餐係街食，食到唔知可以食咩既人黎講，呢條問題同折磨係冇咩分別。所以，而家搵食都係留意個環境比較多。今晚，試咗間叫Eat Me Bar & Restaurant既餐廳，餐廳環境唔差，座位之間唔會好逼。如果係吐下苦水，呢個地方可以選擇，但會更加岩用黎慶祝，例如慶祝生日。今晚就已經有三枱客人係慶祝生日。點解我知？因為間餐廳仲有播生日歌服務。我地叫咗份2人套餐，包左好多野。有餐湯、沙律、粉或飯、主菜、野飲同雪糕。首先，沙律同忌廉湯，都好正常，食住少少用黎開胃。之後黎個「溫泉蛋煙肉野菌卡邦尼意大行麵」，味道唔錯，唔會太濕或者太乾。😋😋再嚟，當然係重頭戲，主食「威靈頓牛柳」。無論賣相、味道同樣吸引，牛柳超級juicy，用酥皮包住。只可惜我食到太飽，唔係叫多份黎食都好。野飲當然唔少得，叫左壺「藍花皇家伯爵荔枝紅茶」，味道唔錯，都幾大壺。最後，就用杯雪糕結束呢個晚餐。😝食完，第一個感受係太飽喇，下次要約個大食既人黎食先得喇。😂😂

要係旺角揀一間岩食又抵食既餐廳，都好靠彩數。。。幸好，今晚有啲運，去左間幾滿意既餐廳，就係♥EAT ME Bar & Restaurant♥環境稍微有點間，同埋空間有點窄，還可以接受的。室內裝修都幾外國FEEL，食得都幾舒服。仲有啲BAR台位可以選擇，對住窗直望出面既街道。餐牌選擇都幾多，有各色各樣既PIZZA、薯條，仲有牛扒、意粉，款款都好想食～除左單點，選擇困難症既朋友可以叫二人套餐，咁就唔洗諗咁多啦～最後我地叫左呢個二人套餐($298)，套餐價錢比較抵食！是日餐湯及沙律餐湯係南瓜湯，屬於比較濃同杰身，帶有南瓜甜甜的味道，仲會飲到少少南瓜溶！沙律沒什麼特別，配上沙律醬汁特別令人開胃～慢煮頂級安格斯肉眼扒配海膽及帶子 +$38套餐中想食呢款慢煮頂級安格斯肉眼扒，需要加少少錢的，還可以接受。點左7成熟，厚薄剛剛好，不會太難咬，但又不會太薄，依然有口感，仲可以自選升級配菜，我就選擇左海膽同帶子。雖然作為配菜，但是選材一點也不馬虎， 海膽鮮甜可口，帶子雖然份量少，但勝在有咬口～溫泉蛋煙肉野菌卡邦尼意大利麵呢個意粉既汁比較濃厚，帶點杰身，如果好似我咁鐘意濃味啲，呢個一定好岩你口味！配料很多很

今日同男朋友喺旺角睇完戲就搵下附近有咩好食上網見到依間西餐廳評價唔錯 於是就決定去試啦 安排左窗邊高枱二人套餐 $298加左$138配威靈頓牛柳套餐包齊餐湯、沙律、飲品同甜品是日餐湯：忌廉南瓜湯唔會太濃太淡 味道岩岩好南瓜香甜 忌廉細滑是日沙律：芝麻醬和風沙律芝麻醬配搭新鮮蔬菜醬汁酸酸地好開胃 芝士野菌沙巴翁忌廉意大利飯一上枱就傳來陣陣好香既芝士忌廉野菌味意大利飯軟硬度岩岩好 粒粒沾滿忌廉野菌汁內有洋蔥粒同紅椒粒 食落更多重口味覺享受依款連素食人士都岩威靈頓牛柳依款係一款幾有創意既配搭牛柳被酥皮裹著 而且酥皮夾上菌菇牛扒叫左七成熟 肉味香濃 內口軟綿配上黑椒汁 估唔到都幾夾凍檸水凍咖啡甜品選用Movenpick既雪糕 為依一餐劃上完美既句號

We had a dinner at weekend here.The risotto is chef recommended so we tried, and glad we did! It was not so creamy and glutinous, and cooked seafood making it a worth-the-price dish.The ribs are my favourite and the barbecue source was a good favouring too.hashakerLastly the waiter recommended Craft Beer instead of Cocktail—— he frankly told us their bar was not specialised in cocktails, I think I should give credit to his honesty.I would recommend this restaurant to everyone who like to have a

今個星期eat me又出新嘅午餐, 有日式野食,一於再去食,呢個叫做東京極黑牛丼飯,雖然唔係好明點解叫極黑,不過食落去幾好食,飯上面有肥牛, 仲有啲飄下飄下好似章魚小丸子上面嗰啲咁嘅嘢 , 另外仲有半隻糖心雞蛋,撈埋啲燒汁非常之好食,跟餐叫咗杯棉花糖朱古力,朱古力味好濃,亦都非常之重奶,上面仲有超級多嘅棉花糖, 淨係個賣相已經非常正,飲嘅時候仲有啲半溶左嘅棉花糖係朱古力入面, 要強烈推介畀大家陣間仲有個多士同埋餐湯, 亦都非常之好味

忽然想食牛扒上網搵到呢間好多好評既餐廳,就去試下啦!! 喺openrice book左6:30pm..準時到達準時入座!!Order咗個2人餐,套餐包括餐湯,沙律,Main Course,$22以下既飲品&雪糕!!好快趣餐湯沙律就送到,湯係南瓜湯,味道偏淡,沙律係粟米生菜配千島醬,同一般餐廳無異。主菜揀咗紅蝦龍蝦汁扁意粉,另一個加咗錢揀咗呢度出名嘅慢煮牛扒。紅蝦好大隻,肉係實嘅,意粉有啲硬,味道一般。至於預期待已久嘅慢煮牛扒,我哋叫咗六成熟,切落去好明顯係八成以上,有啲嚡口,唔Juicy, 失望。另外仲加咗2隻菠菜焗蠔, 熱辣辣好香好味! 餐飲我哋揀咗一杯提子梳打, 一杯熱紫薯latte, 估唔到紫薯latte有驚喜,好香好味,d奶泡好滑,奶味濃,值得一試 食咗90鐘,店員提我哋要埋單,全場已經爆滿外面仲有好多人等位, 總括嚟講紫薯係推介嘅, 但對於一心諗住嚟食牛扒嘅我就有啲失望。

openrice 見到其他人都話呢度的食物好好食和環境一流，一早預約，可以坐窗邊位，滿心歡喜。叫了2人餐加錢轉一份牛扒餐再一份水牛城雞翼，不夠10分鐘，全部食品都上餐，十分驚嚇。我地叫牛扒是5成熟，上黎牛扒是全熟，又硬又難食，完全沒口感沙律，沙律醬十分咸。水牛城炸雞翼，個6隻雞翼係炸完再炸，d肉好乾。紅蝦蝦龍蝦汁意粉，完全係已經煮咗好耐，上菜已經係凍晒全道菜不足十分鐘都已經上菜十分十分失望味道很差成個餐連加雞翼都要4百幾蚊，真係吾值呀建議大家吾好去!浪費時間和錢呀

放假同女朋友去旺角拍拖，上open rice搵食見到位於譽發廣場既Eat Me bar & restaurant，決定上去試下假日既午餐時段接近滿座，店員安排左坐窗口位可以睇街景睇睇餐牌，午餐同下午茶小食等選擇都非常之多，重點係價錢非常親民！厚切香草豬扒意粉配百里香燒汁，大大件豬扒煎得恰到好處，唔會硬崩崩，另外個汁濃度適中，正！千島蟹子鰻魚拉絲水牛芝士手工薄餅，味道唔似傳統pizza，偏向日式既口味，蟹子鰻魚配上水牛芝士，味道出奇地夾，值得一試焗蜜糖黑松露拉絲蕃薯條，新鮮炸起外脆內軟，黑松露醬好足料，確保每條蕃薯條食到黑松露味！南瓜湯為本日餐湯叫左杯焦糖咖啡醒一醒神藍花皇家伯爵荔枝紅茶成壺茶上，仲有個座點住火，甘就可以成程都飲到熱茶，茶味清新帶有荔枝淡香味總括，依餐食到飽哂，又慢慢嘆住茶chill下都只係200蚊，抵食！

今晚boss竟然話請我食飯！嚟到呢間旺角嘅樓上餐廳，環境氣氛都唔錯，播住流行曲仲有projector可以睇MV。如果唔係同boss黎應該會仲有feel嘅...我地叫左美式海鮮盤、威靈頓牛柳、白雪公主同oero朱古力美式海鮮盤好足料又豐富，有蝦、帶子、青口、魷魚，全部都好鮮甜。個底仲有沙律菜，啱哂我個(懶)健康boss。而我果份威靈頓牛柳賣相好吸引食落都好滿足！酥皮香、牛柳嫩，加上蘑菇多，口感豐富，正啊！杯白雪公主口感好新奇，望住佢不斷冒出嘅氣都感到好舒暢，就好似將我番工受過嘅氣一次過Er出黎！

家人曾經提及在譽發廣場5樓>>>EAT ME Bar & Restaurant<<<食物不錯。趁這天傍晚時分在油麻地，一於一試。 餐廳內有大型投射屏幕，大概可以用作觀賞體育賽事，或者私人包場要播點什麼，也有良好設備。 這夜剛巧坐在窗旁位置，可享彌敦道街景。 晚市提供二人套餐，若然一人用膳或者同枱人數是單數，就得要散叫。散叫了以下幾款：前菜是香煎松露牛油帶子(HKD98)。份量不多，用料矜貴，帶子在牛油與黑松露配搭下，香氣四溢，配上番茄他他，更加開胃。 主菜是德國鹹豬手芝麻漢堡配薯條(KD138) 。平日少吃鹹豬手，主因是懶得切件。要麼會在有代切件的地方購買；要麼會等先生在場，由他代勞，才會吃鹹豬手。在餐牌見到鹹豬手漢堡，心想不會原隻鹹豬手夾在漢堡包吧，所以點了一客。結果如我所料，大廚以切片的鹹豬手放在漢堡包內，而且厚度相當，用料十足；內裡配菜亦很豐富，包括車打芝士、蕃茄及萵苣，芝麻外層令漢堡更加香口。薯條當然香脆，調味也恰到好處，不會太咸；個人喜歡加些茄汁，所以和侍應取了一些。此外，漢堡旁還配上沙律，份量很多，差點吃不完；沙律醬是芝麻醬，

上星期跟朋友去了旺角近油麻地的譽發廣場搵食，發現個到開左不少餐廳，我地揀左五樓既 🍴🍴🍽室內環境不大，我地被安排坐係窗邊高枱，景觀剛剛好望到繁忙既彌敦道。二人套餐$298，包了餐湯、沙律、主菜、意粉、甜品、飲品，定價不高。除左套餐之外，仲有不少菜式選擇，飲品仲有清新既花茶添！最後，我地揀左二人餐。忌廉餐湯，不夠滑阿根廷紅蝦龍蝦汁扁意粉 喜歡食蝦既朋友點了這個意粉，紅蝦大隻鮮甜，肉質彈牙意粉味道濃郁，充滿龍蝦香氣，如果加少量龍蝦肉會更吸引。慢煮頂級安格斯肉眼扒 另外加$38點了肉眼扒，伴碟選了虎蝦和海膽，少見的配搭，幾新鮮既嘗試。虎蝦冇紅蝦咁鮮甜，但咬落都好彈牙！海膽份量偏少。肉眼扒要了七成熟，煮得剛剛好，外面香口內裡帶點粉嫩，肉質軟腍易咬，亦充滿濃郁牛肉味道。兩個人分享岩岩好夠食。抹茶牛奶焦糖朱古力 叫熱飲就可以見到可愛的卡通人物最期待的甜品，每人一杯movenpick雪糕

龍貓紫薯latte☕️嘢飲未黎嘅時候都冇諗過佢拉花係點，佢一嚟我就覺得好驚喜🥳トトロ トトロ トトロ トトロ to to ro totoro to to ro totoro 首龍貓嘅主題曲即刻上腦🤣🤣佢嘅味道係點，我都唔係好記得清楚今次真係外觀勝於一切👍🤟🏻三重蝦風味pizza🦐🍕不得不讚呢一個Pizza真係整得幾好味👍大大隻蝦再加埋啲芝士，我都食得幾享受😋不過隻溫泉蛋就好奇怪，都唔知點分😂仲有隻大蝦都分唔到🤯唯有俾我食😝比利時生日窩夫配雪糕🍦係咪唔係生日唔叫得？🤣🤣呢個甜品名真有趣🍭我俾10個趣🤡全場好似係唯一一個甜品🍮本應都幾期待嘅，睇個樣都幾精緻但係，一食落去勁大陣煤氣味臭味😲😲😲其實都想走㗎啦想cut單！？但個經理隔硬一定要我哋食多個新嘅😪一開始講到明話要我地個半鐘走，中途催咗我哋三次，要我哋落雪糕單😂😂依家真係好呀俾我哋食多半個鐘☺️☺️不過甜品呢啲，都係去返有多啲甜品選擇嘅地方食會比較好😘p.s. 知呢間Cafe多人幫襯，服務態度有待改善：）

一早聽聞過呢度嘅lunch性價比高，所以專登約frd來食。一到下午呢度基本上已經滿座，真係非常受歡迎。$50幾60蚊一個set lunch真係好抵！我order左個黑松露帆立貝野菌天使麵，朋友就叫左個漢堡配薯條。前菜系南瓜湯配意式手工多士條南瓜湯稠身，味道好濃，甜甜地咁，好好飲！多士條口感好脆，比起普通做前菜嘅餐包好味！天使麵份量幾大碟，帆立貝同埋雜菇都好多粒，好香忌廉奶味，兼帶有淡淡黑松露味，食落都幾好食，蘑菇帆立貝同個醬好match！天使麵比一般嘅幼細，食落個口感好特別。朋友切左少少個漢堡比我食，漢堡扒幾厚，個漢堡扒整得幾好，d肉食落唔會好散，味道方面亦唔會醃得過鹹，配埋塊芝士就剛剛好！薯條炸得都唔錯，熱辣辣又脆！另外我地盡叫左野飲，分別係oreo脆脆特濃朱古力同檸檬薄荷茶。杯朱古力除左甜之餘仲苦苦地，好濃可可味，唔會好似有d餐廳加好多糖，整到好似飲糖漿咁。試左啖朋友嘅薄荷茶，好fresh、好清新，好好飲！呢度嘅Lunch又抵又好食，性價比真係好高，難怪咁多人！諗住下次約朋友來食晚餐！

昨晚跟朋友第1次食，不過都不會再有下次。叫了白酒蜆意粉，等了45分鐘，我朋友食完，都仲未來。中間催過幾次單，又話整緊俾你，中途都有幾次侍應來“裝下”意粉來左未。眼見隔枱食完走埋再來新一枱客，而我都未有野食，於是就放棄不等，去第2間食。見我地惱爆爆，佢俾左discount同雪糕我地，但我地惱到雪糕都無要。discount係俾我朋友的，個幾蚊真係無人恨。無下次，我人生第1次等超過45分鐘無野食，亦都係因為咁來openrice寫第1次食評。咁簡單既白酒蜆意粉都等45分鐘，我都不知是不要是還在海上捉緊d蜆運緊過來餐廳。

今日陪朋友一起慶祝生日。三個人叫二人餐其實都夠飽，另外額外加的菜式例如虎蝦都加左幾次幾轉，不過慢煮牛柳之類的汁淋落返肉扒度。都好有質感~人均其實計算不貴~位置在油麻地附近。