EAT ME Bar & Restaurant (已結業)

六點半已到達，基本全場都係吉位，但竟要我哋坐吧枱，講咗兩句先俾張二人枱我哋坐。點咗一個二人餐，點餐時服務員態度惡劣，講嘢都唔知講咩，好快就走咗。沙律菜都算正常，但係是日餐湯竟然好似一Pat BB食嘅米糊咁，又杰撻撻有無味，味道好怪勁想嘔。再來肉眼扒，睇落都冇乜嘢，食落似冇煎過就咁搵水煮熟咁，叫五成熟，竟然完全唔見有血水，仲勁多肥根。意大利飯真係勁難食，直情無味。就連凍檸檬茶又冇落糖又唔俾糖漿，勁淡味。再補充其實啲食物根本上只是溫暖，我唔覺得係啱啱煮起，似返熱俾返啲客食。啲員工行過就咁隨手就收碟連問都冇問，望都唔望，勁冇禮貌。埋單差唔多$400完全唔值，真係大家樂鋸個扒都冇咁嬲！真係以後唔再幫襯。從未食過咁差仲要唔平的食物，大家千祈唔好俾佢啲食評呃咗！

譽發廣場入面既食肆愈開愈多要搵有水準既西餐真係要花D心思見佢二人套餐價錢唔駛三百平過單點好多咁就試下啦仲有沙律餐湯阿根廷紅蝦龍蝦汁扁意粉 隻蝦好大隻！意粉好有咬口味道都好好！慢煮美國法式豬鞍扒配蘋果醬慢煮豬扒，好處就係唔會鞋保能到豬肉味道個蘋果醬都好得意甜甜地一粒粒透明既蘋果蘆薈同塊扒好match效果都幾意想不到另加$18加粒帶子還可以啦 我哋另外再加個 美式海鮮盤配香蒜龍蝦醬178有大蝦、青口、蜆、元貝粒、魚柳等味道不錯，有少量蘿白等蔬菜好似健康D估唔到呢度都有手工啤我就揀左比利時啤酒Lindemans 感覺似香檳 陣陣蘋果香氣，睇返材料，原來有30%蘋果汁結合了蘋果酒的甜味和蘭比酒的酸味特性味道甜美而獨特酒精濃度3.5%一試無妨～特濃朱古力 仲送movenpick 雪糕 我揀左士多啤梨同瑞士朱古力以佢作結真係perfect

新年之後都冇食過西餐，見今晚冇飯食，就約咗朋友一齊嚟旺角食飯。 朋友介紹咗間樓上嘅西餐廳，見地點方便就去左食。雖然係樓上餐廳，但係裝修都好有格調。職員安排咗我哋坐一張望街景嘅吧枱，食落好有旺角風味。見二人套餐幾豐富，就揀咗黎食，又唔駛諗咁多。水龍捲首先嚟到嘅，係呢杯叫水龍捲嘅特飲。其實佢係藍糖荔枝梳打配忌廉，賣相一流，飲落好重荔枝味。Oreo脆脆特濃朱古力與其話呢杯係特濃朱古力，我會話呢杯係特濃oreo，飲落幾乎啖啖都係Oreo，非常豐富。是日餐湯+是日沙律雖然係跟餐嘅沙律同湯，但都絕對唔差。湯係忌廉蜆湯，算係幾足料。阿根廷紅蝦龍蝦汁扁意粉真係要特別講下意粉個汁，真係好香濃，同意粉配合得非常惹味。呢兩隻紅蝦亦都非常厚肉，食落好有口感。慢煮美國法式豬鞍扒 配 蘋果醬豬鞍扒肉質鮮嫩，烹調上亦唔會太煮得太老。 豬鞍扒配以蘋果醬，大大減低豬鞍排嘅油膩感。伴碟配上煙肉薯蓉，令菜式更有風味。另外都追加左伴碟，分別嗌左一客菠菜芝士焗蠔同帶子。Movenpick雪糕相信都唔使點介紹，雪糕為晚餐畫上完美嘅句號。

自從上次偶爾放縱下自己後，發現其實適當的放鬆真是必須的，所以縱使今天只是星期一，我們還是想喝喝酒解解壓。我們在OpenRice 找到家Bar and restaurant，名叫Eat me bar，好評不少，當然要試試，打算可以晚餐後直落飲酒。 餐廳位置還好找，樓上鋪，裝潢簡潔時尚，有一台高象素的投影機，正播放著歐美MV，我們坐在吧台，隔著玻璃窗看著街外的景色，別有一番風味。 我們點了2人套餐，主菜分別是阿根廷紅蝦龍蝦汁扁意粉、慢煮美國法式豬鞍排配蘋果醬，套餐包2份沙律、餐湯，餐飲和movenpick 雪糕，盛惠298，我們還追加了菠菜芝士焗蠔、及帶子；價錢吸引，但食物質素要吃過才知。 食物没有等很久就上枱了，龍蝦汁扁意粉，大蝦烤焗得剛剛好，鬆脆爽甜，扁意粉也煮得適中，没有過硬或過軟，唯一美中不足是龍蝦汁味道不太突出。 法式豬鞍排，份量十足，擇碟簡潔漂亮，豬排味道適中，不會太喊太淡，配上蘋果醬，更具滋味，但有別於龍蝦汁意粉，味道是有的，但肉質略乾身，可能煎煮得過久。 其他如沙律、餐湯、菠菜芝士焗蠔等都有驚喜，美美的吃完大餐後，我們就一邊喝著啤酒一邊談天，為這忙碌的一天畫上完美句號。

Eat Me 選址就腳，裝潢又好chill，最岩同friend黎呢到聚舊食好嘢。首先推介佢嘅招牌狂牛溫泉蛋芝麻漢堡配薯條，安格斯牛肉好juicy，配埋溫泉蛋嘅蛋汁，味道超夾。如果可以再大份少少就好啦，不過好在薯條嘅份量都幾多下，咁就唔怕唔夠食。另外我地仲嗌咗兩款Pizza，唔係好記得叫咩名，但係兩款Pizza都超級足料， Pizza嘅皮唔會太厚又夠脆。最好就同多啲friend一齊嚟，咁就可以試到多啲唔同味嘅Pizza。喺餐牌見到佢啲嘢飲都幾特別，希望下次嚟可以試吓啦。

旺角食咩好？今晚又同男朋友黎eat me bar啦❤每次諗唔到黎旺角食咩，都會黎番呢間餐廳，有夜景睇之外，食物質素唔差而且價錢相宜。前幾次都係黎食lunch，今次一於試下佢既晚市二人餐😉我地叫左二人dinner set，另外加左黑松露蜜糖番薯條🍟🥗餐湯沙律不過不失的餐湯和沙律，忌廉湯有蕃茄粒感覺怪怪的🙈🍟黑松露蜜糖番薯條近排愛上了番薯條，menu一見到就忍唔住點番份解饞😋黑松露的鹹味配甜甜的蜜糖感覺好夾，加上番薯條自身的甜味，味道幾豐富👍🍝阿根廷紅蝦龍蝦汁意粉有兩隻鮮甜的大蝦，意粉烹調得啱啱好，醬汁唔會太濃或太稀🐖慢煮美國法式豬鞍扒配蘋果醬豬鞍扒肉質鮮嫩，加上微甜的蘋果醬，令味道更加有層次，而且好開胃😆 🍫熱棉花糖朱古力滿杯的棉花糖😍🍫 凍焦糖朱古力🍨🍦Movenpick雪糕有唔同既口味可以選擇。士多啤梨🍓，意式鮮奶凍🥛。

星期日同男朋友想搵間cafe hea下，旺角的選擇真係多到眼花撩亂。今次決定黎試呢間EAT ME BAR餐廳位於彌敦道，十分就腳方便，食物都好有多國色彩。餐湯&餐包餐湯係忌廉南瓜湯，味道濃郁又香滑。面包亦十分香脆，搽埋牛油認真香口美味。是日沙津沙津好新鮮，裏面仲有蟹柳。中間更伴有柚子汁，好香甜，入口好清新。慢煮澳洲牛肉眼扒塊扒勁大份！大塊大遮得晒啲白飯，仲好厚身添。配上黑椒汁，非常入味。海鮮甜辣椒醬墨西哥卷平時好少食墨西哥卷，不過聽個名又幾吸引咁，就叫左黎試下。又幾OK喎！墨西哥卷住厚厚嘅醬汁同海鮮料，幾特別，最正係啲甜辣醬，令到成個口感層次更豐富。另外仲配上薯條同沙律，食完好飽肚！紫薯拿鐵紫薯生薑拿鐵我同男朋友一人叫左一杯飲品。餐牌中的紫薯系列勁吸引，我揀左紫薯拿鐵，男朋友嗰杯就加埋生薑。超級推介！我嗰杯紫薯味道超濃，甜味恰到好處。重點連個賣相都好正，有種浪漫的感覺。男朋友話佢嗰杯都唔錯，除左紫薯味外更有薑辣味，冬天飲番杯真係又驅寒又好飲

今晚慶祝屋企人生日，想特別少少，揀了這間樓上酒巴西餐廳。我們選了一款二人套餐，包括有餐湯、沙律菜、主菜、飲品及甜品。沒想過二百幾蚊嘅價錢可以食到咁高質素的食物。由於我係健身人士，所以選擇了含高蛋白質的 慢煮頂級安格斯肉眼扒。塊扒超大塊又厚身，最重要肉質好juicy， 配以荷蘭醬汁，感覺不油膩，非常有牛味，真是大滿足。媽媽選擇了芝士野菌沙巴翁忌廉意大利飯。芝士忌廉醬汁加了野菌，口感出奇地不太油膩！而意大利飯的飯粒質感剛剛好,不會太濕太軟。餐飲方面我選擇了熱 Hazelnut coffee, 咖啡上拉了一個立體嘅啤啤熊拉花，好可愛！咖啡香濃且充滿了榛子味道！媽媽選了棉花糖特濃朱古力。熱朱古力上鋪滿了棉花糖，實在很吸引！我想，不論老人家小朋友，都會心花怒放！最後甜品是Movenpick 雪糕，有四款味道可選擇。我們選擇了意大利奶凍味和雲呢拿味。要知道這品牌雪糕是很頂級的，外面的零售價也不便宜。套餐上居然包括了這款貴價品牌雪糕，真係物超所值！整體來說，餐廳食物質素一流，環境舒服寧靜。最值得一讚，係侍應生殷勤的服務態度，他們不時上前向我們了解對餐品的質素感覺如何。所以有機會我會再上來這餐廳，試下

朋友食過呢間餐廳兩次 佢話價錢合理而且味道唔錯所以我地就黎左。去到嘅時候好多人喺度等位，因為今日星期五，最後等左一陣先入到去，早知記得早d 訂檯！😂餐廳走工廠風型格路線，全場幾乎滿座，裏面有個大mon，播電影，有普通檯，有bar 檯位，直對落地大玻璃，見到成條繁華嘅彌敦道。😆我哋揀咗個二人餐，$298，好想食威靈頓牛柳 所以加左$ 138🙈 先黎個餐湯，超濃郁菠菜味，好多菠菜蓉，好清新嘅感覺🤤👍🏻芝麻醬和風沙律 醬汁酸酸地超開胃，上面仲有健康嘅藜麥同埋粟米粒。叫左兩個小食，水牛城雞翼，炸到好香脆，少少微辣，點埋酸酸甜甜甜嘅醬汁，好滿意呢個味道！🤤芝士肉醬焗薯條 面上鋪滿芝士肉醬，多到可以拉絲! 薯條係粗薯條 入面厚厚嘅薯蓉😆 天使野菌沙巴翁忌廉意大利飯 好香嘅忌廉芝士味 呢個係素食朋友點嘅，粒粒沾滿忌廉汁，配合好清香嘅野菌。威靈頓牛柳 脆脆嘅酥皮包住五成熟嘅牛柳，肉質鬆軟，咬落超級juicy，牛肉味超香濃，點上旁邊嘅汁，配合簡直一流。而且酥皮與牛柳中間有層野菌，令口感更為豐富，一食外皮酥脆，內裏鬆軟，唸翻起都流哂口水😭❤️另外，亦加了一份慢煮頂級安格斯肉眼排，味道當然不及威靈頓牛柳，但尚

見Openrice 有6xx個讚好，所以就尼試下。上菜快，但只得微溫不熱，坦白說有點失望🤔🤔🤔阿根廷紅蝦龍蝦汁扁意粉擺碟係靚既，幾香，但食落就發現意粉沒煮熟硬硬的，不是熱的，意粉也沒有入味.....招牌狂牛溫泉蛋芝麻漢堡也是幾靚擺得，但一切隻的流心蛋卻是全熟和冰的...牛肉也因為涼了很油😣吃了1/3實在是吃不下去了，餓著埋單走人！以後也不會再來了！！仲有餐具有食物殘渣🤢🤢🤢🤢🤢衛生情況一般

前幾天到lee間餐廳食野 餐廳氣氛幾好 歌曲可以揀多啲hyper歌 例the chainsmoker 而當日揀左二人套餐黎食 野食質素唔錯 但另外點選的水牛城雞翼嘅汁比較奇怪 但整體的質素很好 更值得一讚嘅係待應嘅服務態度良好 上菜速度快 雖然我不停煩住待應😂 但佢地當日好有耐性咁一一解答 最有印象就係jason 值得再食！

今日同男朋友喺旺角睇完戲就搵下附近有咩好食上網見到依間西餐廳評價唔錯 於是就決定去試啦 安排左窗邊高枱二人套餐 $298加左$138配威靈頓牛柳套餐包齊餐湯、沙律、飲品同甜品是日餐湯：忌廉南瓜湯唔會太濃太淡 味道岩岩好南瓜香甜 忌廉細滑是日沙律：芝麻醬和風沙律芝麻醬配搭新鮮蔬菜醬汁酸酸地好開胃 芝士野菌沙巴翁忌廉意大利飯一上枱就傳來陣陣好香既芝士忌廉野菌味意大利飯軟硬度岩岩好 粒粒沾滿忌廉野菌汁內有洋蔥粒同紅椒粒 食落更多重口味覺享受依款連素食人士都岩威靈頓牛柳依款係一款幾有創意既配搭牛柳被酥皮裹著 而且酥皮夾上菌菇牛扒叫左七成熟 肉味香濃 內口軟綿配上黑椒汁 估唔到都幾夾凍檸水凍咖啡甜品選用Movenpick既雪糕 為依一餐劃上完美既句號

今日又嚟呢度食飯, 每個星期都有驚喜, 因為eat me個個星期轉餐牌, 包保唔會食到悶 今日叫咗一個青醬翠玉瓜慢煮雞柳意大利麵, 在意大利麵一啲都唔油, 青醬味道好濃郁, 配合一啲青椒同翠玉瓜, 有口感得嚟又健康, 而佢個雞柳亦都有好多, 因為係慢煮嘅關係, 所以每一件都好滑, 這個意粉好簡單但係非常之有口感層次 , 而且唔貴, 連埋一碗餐湯一杯飲品同埋一件脆多士都只係55蚊, 而叫咖啡的話仍然可以免費升級泡沫咖啡, 淨係杯咖啡已經值回票價

呢間eat me bar 新開嘅時候我已經收到傳單上嚟食過 當時嘅感覺係抵食夾大件味道又唔錯 今日再訪 not disappointed! 😛呢度都幾旺架 座位唔算太闊落 不過裝條都幾有style又有好大個projector播MV 感覺幾young🤣二人餐只係$298 有齊沙律餐湯主菜同甜品 真係算抵🙊🙊🙊首先係是日餐湯 我見好似台台都有唔同既餐湯 唔多介紹啦 等大家自己探索下 沙律配芝麻醬都幾開胃然後就有一份意粉/飯同一份主食我地揀左嘅Carbonara 個汁有好濃蛋黃味 岩哂我口味 煙肉粒少少脆又幾有口感 加埋隻溫泉蛋係面頭 無甩拖之選😆主食有慢煮豬鞍扒配蘋果醬 豬鞍扒煮得好淋好入味 配上清新嘅蘋果醬 意想不到咁夾 配埋薯蓉一齊食都唔會膩😛我仲貪得意加咗20幾蚊加多左隻芝士菠菜焗蠔 蠔唔算大隻但用芝士同菠菜焗都幾滋味😛飲品有兩杯 我地就要左特飲 Oreo脆脆特濃朱古力果然有好濃既朱古力味 加埋oreo碎 一定係小朋友至愛😘😘水龍卷係特色既梳打飲品 藍色既飲品真係好eye catching 上面仲有一層cream 好睇又好飲 甜品竟然有movenpick既雪糕 非常驚喜 我地揀左朱古

Eat me bar 位置方便，價錢合理，食物質素唔錯，所以今次又再去捧場～ 之前都係叫dinner set, 今次試吓單點先～溫泉蛋大男人薄餅$148溫泉蛋放喺正中間，賣相吸引～ 薄餅焗好香、好薄、好趣，有辣肉腸、煙肉、溫泉蛋、水牛芝士等，整體好夾，味道好好～ 招牌狂牛溫泉蛋芝麻漢堡配薯條$108賣相亦係非常吸引，溫泉蛋配埋醬汁，好似egg Benedict~ 漢堡係黑色嘅, 因為係黑芝麻做嘅~ 牛肉漢堡又厚，又好味，整體味道好好～ 薯條亦唔錯～芝士野菌沙巴翁忌廉意大利飯$88野菌好清新，芝士香滑，忌廉汁包滿意大利飯，香濃又好味～ 兩個人都係食咗$400，抵食又好食，晚飯之選～