El Cerdo (大壩街) (已結業)

早前去灣仔店食過lunch set, 覺得幾高質一開返晚市堂食就約朋友去荃灣店，回味一下當年一齊窮遊西班牙嘅好時光我地3人行揀左Set A $888 2人套餐🎀沙律/餐湯 我地揀左餐湯，侍應好好人幫我地分好3碗南瓜忌廉湯味道濃郁，有少量南瓜蓉，好creamy 🎀60個月風乾火腿平時多數太咸唔好食呢個係我食過咁多唯一覺得好食嘅風乾火腿夠乾身 食落香口 咸度岩岩好🎀脆皮豬腩肉/青口/帶子/蝦 （4選2）我地揀左脆皮豬腩肉，塊皮十分香脆，腩肉肥瘦均勻，蘸埋蜂蜜蛋黃醬相當有驚喜！另外揀左燒帶子，原本只有兩隻，加錢要多左隻，侍應專業地提我地要配脆皮豬腩肉一齊食，兩樣一齊食果然好夾，口感、鮮味都一流🎀12安士肉眼扒影得唔係好吸引，但食落真係冇得彈3成熟煎得恰到好處，肉質味道都唔錯🎀特色西班牙海鮮炒飯（細份）足料海鮮，比例多過飯，味道亦非常似我地當年係Barcelona食嘅paella🎀香脆玉桂條配榛子朱古力醬美味的西班牙餐絕對需要呢個甜品作結尾玉桂條炸得脆卜卜，朱古力醬唔係Nutella，香濃幼滑，好感動食返當年係西班牙的味道飲品方面，另外order左傳統西班牙水果酒 Sangria $158/j

😌😌又黎荃灣搵好野食！原本係想食日本野既，奈何要等太耐😯所以去左隔離舖食西班牙菜！星期日既午餐唔洗等位即入，餐廳坐滿人，眼見樓面職員雖然只有一人，但依然保持友善良好態度👍🏻🚩西班牙黑毛豬扒伴肉桂蘋果配迷迭香醬 激厚黑毛豬扒😳😳可惜比較乾身而且有啲啲韌，反而焦點放左係原個肉桂蘋果到😋肉桂扮椗所以果陣香味充斥係整個蘋果到🥰令蘋果非常入味好濃郁好稔！🚩傳統西班牙海鮮炒飯 🧑🏽‍🦱曾經係西班牙食過一個非常出色既西班牙炒飯，所以每次見到有都會嗌黎試下，但都係搵唔返果種味道🤨鐵鍋上夠誠意🤭另一款招牌西班牙炒飯係微辣，唔岩我🤣🤣而呢款係帶酸甜既，海鮮都幾豐富有青口、蝦、魷魚😚食落都爽口彈牙，絕無雪味！炒得粒粒分明夠乾身，🧑🏽‍🦱表示呢個係偏港式西班牙炒飯～不過不失喇！🚩燒帶子配脆皮豬腩肉及粟米蓉 三樣看似無關既食材，原來可以咁夾😳😳我至愛既豬腩肉燒至微燶邊😍既香脆又鹹香！大大隻帶子真係好鮮嫩彈牙，燒得岩岩好👍🏻最意想不到係粟米蓉，香甜清新，好好食呀呢個前菜❤️❤️❤️🚩車厘茄青瓜杏仁沙律配西班牙烤紅椒堅果醬 作為一個沙律真係好稱職好fresh😆新鮮既車厘茄青瓜杏仁粒，配以酸酸咪咪既汁醬😌開胃得黎口感夠晒豐

新年後放寬晚市堂食，即刻約朋友食飯。直接用OpenRice app訂枱，非常方便，仲送咗25 Asia Miles 。一行三人叫咗$880晚市二人套餐。侍應好細心，將二人份量嘅湯分咗三碗俾我哋。味道非常好！我哋仲叫咗西班牙菜必備嘅 Sangria，味道唔錯，但係好似好難喺香港飲得返西班牙嘅味道。跟住有60個月嘅火腿，食落非常香口，份量好大，淨係食火腿都已經有六成飽。侍應好細心，按住我哋食完嘅 Course ，先再慢慢上菜。Pork Belly相當有驚喜，每一片都烤到非常脆口，但食落又唔太油膩。原味薯仔蛋餅好足料，呢一個味道非常接近係西班牙食到嘅。另一個主菜揀咗帶子，侍應提醒我哋要一次過將帶子同 Pork Belly放入口食，完全冇諗過兩樣嘢會咁夾。牛扒配沙律同埋炸薯仔粒。炸薯仔粒有香料，食落好特別。牛扒煎得啱啱好，好軟熟。西班牙菜必備嘅西班牙炒飯。真係落足海鮮去炒嘅飯，每一啖都有豐富嘅材料。最後，有甜品結尾。西班牙炸油條配朱古力醬，呢一個朱古力醬同係西班牙食嗰一種一樣咁濃，相當回味！

雖然平日lunch 不算太多人，訂咗枱好啲食過幾次都keep住水準，食物同 service 都不錯。Set lunch 份量比較細，似前菜portion, 每位可揀兩款，包飲品或甜品。

以前同朋友都黎食過Dinner, 上openrice見到呢間早幾日都仲有得book位好方便就決定黎食下lunch set 一入到餐廳, 裝修都好有格調，坐位唔算多, 想黎就最好book定位啦坐低叫左2個set lunch 可以試足咁多樣西班牙特色野食前菜我同朋友都簡左南瓜忌廉湯，黎到都好大碗，南瓜味好出同好甜，湯身都傑呢個細多士上面有D蕃茄沙律一齊，食落酸酸地好開胃!豬腩仔燒到個皮好脆身，配埋少少sauce中和返，唔會太滯!跟住就係西班牙蛋餅，比較厚身，味道正常西型牙炒飯非常多海觧，成個炒飯都好香，好入味!有興趣嘗試西班牙菜既，不妨試下呢間小店! 

疲情關係, 公司今年冇christmas dinner , 唯有同同事自己食餐好既christmas lunch 啦一份百零蚊既lunch set頭盤, 有2個主菜, 有飲品. 一定要試過先知呢百幾蚊係非常抵食黑毛豬火腿拼盤: 其中有一款係60個月既黑毛豬, 油香味好正. 另一款好似係24個月, 同埋有莎樂美腸. 但淨係個60個月都抵返哂啦煙三文魚配俄羅斯雜菜沙律: 三文魚新鮮, 沙律都好味蟹肉西理牙奄列 : 足料蟹肉, 好creamy. 脆皮豬腩肉配蜂蜜蛋黃醬 : 待應哥哥推薦, 果然冇介紹錯. 真係好脆皮, 又唔會太咸. 配埋個自家制蜂蜜蛋黃醬, 絕配玉桂條配榛子朱古力醬 :  跟餐既只可以選飲品或甜品, 待應哥哥好好人請埋我地食甜品. 即炸熱辣辣, 好鬆軟. 好彩請左我地食 ^^ 因為本身我係好鐘意食CHURROS 既人. 想讚一讚待應哥哥既服務態度, 就算lunch time full house  得佢一個人, 佢都做得好有條理, 仲好優雅咁介紹返菜式比你. 絕無一腳踢既感覺一間餐廳無論食物做到幾好都好, 服務態度都非常重要絕對值得返轉頭再食既西班牙餐廳, 非常好

星期一至日都有set lunch , 78蚊起4 courses ,好抵呀！我哋兩大一細叫咗兩份sets, 分別係$108同埋$138。服務不錯我推薦食南瓜湯、西班牙炒飯同埋豬腩仔。

今上星期平日放半日假同男友去左呢間西班牙餐廳食lunch我地點左$108嘅套餐可以選沙律或湯我地每人叫左各一湯 好濃蕃茄味👍🏻主菜我地之前黎食過 記得豬腩肉好好味所以每人叫左一份一樣 同之前嘅味道依舊脆卜卜 好好味另外再叫左一份mini burger初初覺得樣樣野都好細份都怕唔飽不過可能加埋個西班牙奄列都唔會唔夠飽仲有西班牙奄列好鐘意間餐廳味道唔錯 價錢又唔太貴環境又坐得舒服

荃灣區最正的西班牙菜，鐵板辣椒蝦熱辣辣，配上麵包片一齊食好惹味。sangria 調得很好。黑毛豬扒幾乎係完美，烤得香而裡面充滿肉汁。甜品配朱古力醬及千層酥，為晚餐畫上完美的句號。極度推介！

未夠時間同朋友食晚飯 中間特登Book咗去坐陣輕食一下但係真係意想不到咁好食 豬肉個質地好正而且出邊好趣蘆筍係超級超級無敵爆炸好食鎖晒啲汁係入邊 好juicy 絕對可以在encore

突然間有得放早😆即刻同Honey趕去happy hour, 揀左荃灣呢間西班牙菜餐廳，因為想食黑毛豬火腿🥓加上Tapas 份量都比較細，最適合happy hour🥂Jamon de bellota 60 months🥓🐷📍賣相 ⭐️ ⭐️ ⭐️⭐️📍味道 ⭐️ ⭐️ ⭐️ ⭐️ ⭐️💬 其實menu上都有其他20個月黑毛豬火腿，我建議大家都係食60個月，因為真係好食好多，火腿充滿油光澤，是新鮮一片片切開，厚薄大小適中，肉味香濃，唔會鹹，非常好食😋Scallops , pork belly & sweetcorn puree🌽📍賣相 ⭐️ ⭐️ ⭐️ ⭐️ 📍味道 ⭐️ ⭐️ ⭐️ ⭐️ ⭐️ 💬一客有2隻帶子，三樣完全無關係的食材一齊食竟然出奇地夾同好味😍帶子煎得剛好5成熟，豬腩夠鹹脆，配上特濃粟米汁，無論分開食，一齊食，都好味👍🏼西班牙青椒🌱（chef recommendation)📍賣相 ⭐️ ⭐️ ⭐️📍味道 ⭐️ ⭐️ ⭐️💬第一次食，原來西班牙青椒是小小的，一口一個，烤得很香加上少少🤏海鹽，就是這樣簡單沒什麼花巧，主角就是青椒，我本身對青椒無特別鍾情，所以覺得一般！荃灣地區的西餐廳大部分較為港式，這間餐廳仍然是外國人廚師👨

地理位置方便 荃灣西A1出口行幾分鐘就到咁岩食既時候人唔多 環境清靜黑毛豬扒非常之有驚喜 燒得岩岩好 加上蘋果一齊入口 個味係意想不到 估唔到呢個價錢有呢個質素 下次會再黎幫襯知道有人生日 最後上甜品仲有專門刻上生日快樂

第一次來食午餐，睇過食評就決定叫以下食物，原本想食脆皮豬腩肉，落order時告知今日沒有供應，所以兩人都選擇了$78餐，可以食齊四個款式。甘筍湯、炸火腿球、傳統番茄醬煮肉丸、秘製鵪鶉腿配黑松露醬、蘑菇西班牙奄列及玉桂條配榛子朱古力醬全部都好好味，不過感覺都係平時食開嘅味道，不知道是就返港式，還是真正西班牙菜是這樣。甘筍湯好味道濃郁香滑，如果配埋麵包就完美了炸火腿球是薯蓉及煙肉蘑菇西班牙奄列是薯仔粒及小量蘑菇粒其實呢嗰份量，真係太少喇，不過兩個女仔跟住又會有下午茶，叫做有啲嘢食吓，呢個選擇係非常唔錯。

今日終於有假放😜去睇戲前先食個hea lunch，又去荃灣El Cerdo🤣因為個lunch 太抵喇!😜仲要次次🤣都會選個78蚊的set, 因為有我鍾意食既鵪鶉🤣其實business lunch 個西班牙炒飯都正，不過吾想食甘full，同埋我鍾意食tapas多d🤤😆疫情餐廳都用板隔住，本來餐廳裝修幾靚，現在少少失色😅lunch set包埋湯或沙律，我的甘筍蕃茄湯正呀，好濃👍118蚊個set本來叫左蟹肉西班牙奄列，但吾知係我英文差定點🤣，外籍侍應姐姐攪錯左黑毛豬火腿拼盆麵包😵，費事改，將錯就錯喇🤣，黑毛豬油份都幾多，而且切得夠薄👍不過我都係鍾意食西班牙奄列多d😆炸火腿球係我次次都選的tapas😆我鍾意他夠creamy🤤脆皮🐽腩肉配蜂蜜蛋黃醬😆皮非常脆，豬腩豬肉太厚，把刀吾利，切起有d un但食落又ok，個sauce幾好味!又係次次都叫的秘制鵪鶉腿配黑松露醬，鵪鶉細細腳但好滑😆，個黑松露醬連下面的chestnut mushroom好好食，只係略咸，呢度個chef喜歡灑好多鹽粒在食物面，究竟傳統西班牙食物係咪甘呢?? 🤣lunch set包咖啡或churros with nutella🤣甜黨

估唔到係荃灣行行街發現一間西班牙餐廳，累累地入去坐低食個下午茶。餐廳播放著輕慢的音樂，非常relax。叫左個二人tea set，非常豐富，配上果酒，又有玉桂條配榛子醬，非常滿意。