Elephant Kitchen (已搬遷) 新店位置

試過呢間午市嘅扒餐同半熟牛肉三文治～好多人排隊想食一定要早啲黎🌝約八九十蚊仲連野飲 可以食到味道不錯又超級大份嘅野食！經過附近一定要再試可惜太大份黎咗兩次都食唔晒🤣🤣🤣🤣

地方雖小但坐得還舒服的。食物份量大但價錢非常合理，自家制蘑菇湯、海鮮湯、沙律醬都非常出色。雖然地點只係屋村的一條小街，但用心製作食物，係一間餐廳最重要的一環。我會帶更多朋友幫襯的。

男友有日帶我到石蔭一間小店食 覺得小店大份夾好食 大力推介！1. 海鮮🦞湯好濃郁既湯 同埋味道好厚 飲得出好多料 店主繼有誠意的 入面仲附加蜆 正！2. Salad 🥗 用芥末醬+芝士cover 住salad 好fresh 同開胃冇草青味 細細碟咁 都唔錯3. 三文魚🍣扒+紫薯蓉呢個主菜真不得不讚 帶我很多驚喜 首先它好大份 特別要讚既係外脆內軟既質感 廚師把它煎得剛好 所以𥚃面好juicy好鎖汁並且嫩滑 鮮味出哂嚟 食埋個紫薯蓉真不得了 大肚腩又出咗嚟4. 卡邦尼意粉可見擺設都好有心思 我地可自己把蛋殻入面的蛋黃倒出混合意粉 💕 於是非常creamy 又好大碟 亦好足料 加埋芝士粉就不得了 總結：CP 值幾高 我地2個人都食唔哂 環境雖唔大 但食物水準值回一票

同事farewell ,去咗食Lunch,前後腳入舖，一入到去就話仲欠兩個嘅，（相差三分鐘都冇）。嗰個侍應竟然話可能仲未‘冷’到嚟。我以為我聽錯，食完問吓同事有無聽到，都話有聽到咩事呀！我食lunch要受你氣架。幾好食都假。點都唔可以用咁嘅態度，可能嗰個喺老闆娘啩🙄

之前一直都有叫開，但自從佢地隔離間餐廳結業後，可能多客咗，之後就態度其差，完全唔憂做咁。講真，野食就真係唔係特別好食，啲雞肉係硬嘅，諗住話間野近近地，方便就脚，而且選擇少就食哩間。食雞硬就試食下其他，點知其他都係難食，btw態度差係最過份，唔知點解俾錢佢地仲要受佢地氣，姐係果位女士侍應，唔知佢係咪老板娘，所以可以咁串啦。不過如果keep住都咁樣嘅話，真係唯有祝你生意興隆啦👏🏻本人真係唔識欣賞，唔會再食。

之前成日去食，因為食物對得住價錢，都算抵食。但係，食多幾次，發現個金髮服務員串到爆。有次，串到我興興地，差d 拍桌走人。從此blacklist呢間餐廳，唔會再俾錢買難受😤😤。近排仲要大加價，連性價比都沒，更加唔會再去。

男朋友生日，佢屋企人介紹去呢間，地方細，可以容納20人左右，開放式廚房👍🏻有三個後生廚師。星期日午餐時段，最少一人一個餐。相信服務我哋嘅係老闆娘😂態度一般😂唔會特別有禮貌。但讚下嘅係佢啲食物，就算係配菜蘑菇湯，佢都會真係落足心機同材料去煮❤️❤️睇相都知佢啲食物又大碟又靚😋😋味道同相成正比，一個女仔食一個餐其實會食唔晒🤨有60幾蚊有100幾蚊嘅套餐👍🏻 全部食物都好好味，尤其想讚下佢嘅芝士👍🏻意粉嗰個芝士超濃郁😳份量好足😳😳第二就係佢嘅魷魚，魷魚超大條😍食得出佢嘅材料係靚嘅👍🏻👍🏻但服務就真心一半😟😟我哋問可唔可以喺度切蛋糕，老闆娘就咁講一句唔得就算，仲要係冇表情🤮🤮食物好但服務質素一般，可自行決定去唔去啦！！！(因為同男朋友屋企人食飯費事影餐牌同環境，可睇其他食評家的post🙏🏻)

食物水準再高， 也需要服務的配合， 才稱得上好餐廳， 餐廳開係葵涌， 應該走親民路線， 但我相信服務員應是老闆娘的服務， 就不敢恭維， 就算食物再好食， 我都不願睇面色食飯， 真係怕怕埋單你就比錢收舖你好走人就是elephant 待客之道

已經食過好幾次，之前一直都無寫食評，今次點都要寫下支持下之前食過他們的黑椒美國PRIME半熟牛肉餐，肉質剛好，唔難咬碎，完全可以keep到牛肉本身的鮮味，你最估唔到的是牛肉好多塊，包保食得飽飽，物超所值而我今次叫返我最中意的卡邦尼，卡邦尼醬汁剛剛好，完全夠食晒成碟意粉，超creamy 而我最中意的是他配扁意粉，非常match,意粉唔會太硬太軟，熟成度剛剛好，讚而最特別是可以自己選擇落唔落蛋我同事每一次黎都食香煎胡椒雞扒，她簡直愛上他，她話雖然睇他外表好乾身，但事實並非如此，肉質好滑好juicy,超入味，而且大大份，物超所值在葵涌都可以食到甘高質的西餐，值得一讚，點都要去寫返個食評支持支持

小店食晚飯，之前嚟過幾次，唔係撞正無開就是無位，超好生意，今晚終於食到〜叫咗炭燒安格斯牛西冷Set dinner，送沙律、餐湯同飲品。海鮮湯幾好飲，不過味道偏濃，飲咗幾啖就停口。而且個碗好細，似咖啡杯size，飲嘅時候好困難。沙律個醬好好味，份量好多，不過又是器皿太細，食嘅時候係必定會跌哂出來，要特登叫店員畀個碟仔倒出來食。主菜牛西冷，好大一塊，賣相幾好。肉質偏實，有點可惜，不過呢個價錢都收貨〜估唔到最好味係個紫薯蓉，好滑好香，好闊綽畀好大份

朋友帶小朋友來，我們話食西餐廳。唔想成日飲茶大家都叫左3文魚扒刺身級。我地睇左個餐牌好耐，都係叫番上次最好味架三文魚。塊三文魚扒真係厚同大塊好扺食。紫薯真材實料。好正。份量好好2個人食，如果你地食，可叫兩款唔同餐，一人試d, 咁就可以食到唔同架wn3,又唔使食死1樣咁大份量。朋友帶仔來食得慢些，但被追住走，小朋友食野點會快到。追到柸野都未飲就想收走。此點真的要改善，雖然午市係最緊張時間，但都要理下客人感受，不可只顧追人走。

到朋友家探訪後，他誠意推薦他家樓下的這間西餐廳，說平靚正。大約7時左右，餐廳只有一枱的空位，被安排入座後，就看看Menu。看到Dinner set的價格不算是好貴，而且套餐已經包了餐湯、沙律和餐飲。餐湯和沙律是每人一小碗。沙律好像是柚子dressing，甜甜酸酸，很開胃。這次點了美式燒豬背骨、烤胡椒雞扒、燒刺身級三文魚扒。份量超級足夠。驚喜是餐廳採用紫薯蓉，比一般薯蓉更有心思，豬背骨之間的肉好多，絕對不會是只有骨而已。意想不到，雞扒的表皮是脆的，肉質嫩滑juicy，比平常的雞扒好吃得多。這個跟餐配上原個烤薯仔，火喉剛好，薯皮脆，入面薯仔lum，妙絕。而這個三文魚香煎了外圍，鎖住了內在三文魚汁，煎得不老但又入面全熟，廚師功架十足！屋邨中有這西餐真是令人羨慕！下次會再來試試其他！

因為住係附近，中午屋企無人煮飯，所以落樓下食呢間啦～叫左個Lunch, 安格斯牛肉漢堡蕃薯意粉，漢堡好大舊好厚身，但好多筋，每啖都咬到筋咁😅個蕃茄意粉就唔錯，酸酸地夠醒胃，但塊扒食左幾啖已經搞到好滯，所以我食左一半就食唔落值得一讚既係佢個餐湯，我呢日係周打蜆湯，好濃好足料好好味，但勁細杯😅係迷你size埋單$77蚊，呢到免加一～我已經係第4次黎食，唔係因為好食，係附近無咩好食😅之前就食晚飯時段，成日都好多人，幾好生意，其實我覺得野食味道一般，只係份量好多，價錢唔算太貴，同埋係呢區黎講好少少既西餐選擇唔多。同埋樓面個姐姐服務態度好一般，串串貢咁🤦🏻‍♀️

正所謂工作辛苦得來至在食今間餐廳環境小小，午市時時非常多人等位，十二點半來到就比較理想今次點了紅酒牛肋肉配薄餅，唔好睇好似一個飯都無，夠唔夠食嫁，一個人係食唔晒嫁。另外 朋友亦點了胡椒雞扒配薯泥。真係好想食餐廳係邊到入貨，食過幾次都佢地嘅雞扒都大塊到不得了，大過我塊面。而且...每次食個雞扒都好脆嫁 OMG仲有佢地嘅咖啡，一般餐飲係唔洗加錢的，但咖啡就要加6蚊咁就試下佢啦，原來佢唔係普西餐廳咖啡黎，佢係即磨咖啡，有奶泡個隻除左以上兩道菜，我仲會推介半熟牛肉沙律、半熟牛肉三文治、三文魚扒⋯⋯都好好味嫁。全部都大大份。午餐又無加一，價錢一般六十五至一百零幾元不等。

相處了5年多的同事，真有點不舍。他請我們吃午餐回禮。我們每人都叫了不同餐食。卡拜尼意粉：好大碟，老闆話越食越多，好似5餅2魚咁食。三文魚刺身扒配紫薯球：煎得好香，個皮勁脆，好好味，中間還是幼嫩粉紅色，所以不會煎到好乾，魚皮好香脆。紫薯球好足料，好好味。深海鱈魚扒配紫薯球： 皮煎得好香。但肉很厚但唔算油份很高，一般般。燒豬鞍扒配沙津：豬鞍很厚，雖然不鞋，但沒有配醬汁，所以有點乾！海蝦龍蝦汁意粉： 海蝦都好彈牙，意粉味道中規中矩。咖哩豬軟骨飯： 豬軟骨好淋，味也不錯。香煎胡椒雞扒配沙津：好大塊同香脆。需要改善地方：湯太細柸的但好足料，但叫左湯就要加錢加飲品，因為落餐時要同時要落埋湯或飲品先可加$6-7，如食食下先追加飲品要加$2x/柸。我地話咁貴， 問佢沒有水提供她說沒有，落單個個似老闆娘話叫我地過去隔離飲珍珠奶茶播！有生意都唔做，唔知這樣做她的用意何在？？？？？