Elephant Kitchen (已搬遷) 新店位置

話說不嬲都有食開太子嗰間”瑪麗蓮”餐廳，原來哩間餐廳就係老闆嗰前徒弟開嘅。。太子嗰間瑪麗蓮就不嬲出名好食，茶餐廳嘅價錢，酒店式嘅質素，仲要不定時開舖，即係唔係日日都有得食。今日咁岩黎到葵涌，又諗唔到食咩，梗係要試吓徒弟啲手勢。午飯時段入到黎都仲有位，因為呢間餐廳係同區嘅價錢來講算高，未必嗰個人會想試！我同朋友就帶嗌左個炭燒羊架配薯菜同埋手打安格斯牛肉漢堡伴蕃茄醬併雜菜薯泥🤤🤤🤤兩碟餸一上枱都超級巨型，羊架都有三大塊，徒弟煎得好好，唔會好老，入面仲好keep到juicy🤤🤤🤤嗰手打安格斯牛漢寶好有驚喜，成寸厚既漢寶，醒上蕃茄醬既意粉，不得了呀。。

繼每個星期日到永遠門口都有十多二十人的米線店後，最近先發現旁邊的西餐小店更令人驚喜。餐湯 周打蜆湯一小杯 (是的，是一小杯比起沙律碗還小)不得不說很足料，蜆肉當然少不得，還有薯仔，加上小塊帶蒜香麵包仔，入口濃厚，有淡淡的cream味，creamy得一口接一口。亦因如此濃厚，一小杯已滿足。若不喜歡湯，另有飲品選擇。主菜 三文魚扒伴青醬 拼 雜菜薯泥 三文魚扒比起我的手掌長，上方伴上少許青醬，底下是紫薯薯泥，還有茄子， 翠玉瓜，小紅蘿蔔，小椰菜。 連皮的三文魚扒完全加分，可以說是外脆内軟，鹽的調味剛好，重口咪的我伴上青醬，與三文魚的油香發揮化學作用，香而不膩。 膩了，吃一口什菜和紫薯薯泥，紫薯薯泥帶微甜，中和三文魚油味，比起普通薯泥更好。如果不喜歡薯泥，還可以還擇沙律，會更加清爽。總結埋單78蚊，包括餐湯主菜，另加10蚊凍飲。味道完全合我心意，這個午餐價錢性價比十分高，吃完可以讓心情好一整天。黑洞胃的我飽得差點吃不完，薯泥份量實再有點多(可能真的怕客人不夠伴那手掌大的三文魚扒)，食量細的應該吃一半就飽了。湯和三文魚看到出的細心，而且不時聽到店主與熟客交談(常客的話店主經常多送沙律)，是值得

琴晚特登去左試呢間elephant kitchen...佢既位置就唔係太易去到 係梨木道🤔搭的士既時候司機問我地好好食架？我地話唔知呀去試下😂😂餐牌就唔算太多款式選擇 但樣樣都想試！點左牛油煮硯⋯豬手⋯同埋美國prime牛肉忌廉意粉🍝一上菜 嘩 好大碟！！！餐湯超有驚喜 海鮮湯好creamy好滑🤩我平時好少飲哂個湯但今次飲到一滴都無😛跟住牛油煮硯好好食啊😍😍係唔會食到沙既 吐得好亁淨😋😋豬手最特別係配菜竟然係紫薯泥！🍠甜甜地 好好食😩意粉呢都唔錯 但如果再cream d會仲正正呢餐係我成個星期最飽食得最多既一餐 太正😖最離譜係價錢超超超值 成餐$325蚊仲要唔洗加一 好值得推介！！！！！！！好想試埋佢既私房菜 只要夠6個就可以打去訂啦👻

西冷薯菜呢個西冷係成個lunch menu最貴既，今日好肚餓，所以要叫呢個，相信定必飽足! 果然冇錯，佢嘅portion真係好大， 鍾意西冷原因係覺得佢有明顯的肉味，呢煎得唔錯，唔嚡又juicy。另外，放係下面既薯菜都有好多款式， 紫薯、茄子、瓜、蘿蔔樣樣有燒牛肉三文治沙律呢個係健康美味之選! 因為佢用麥包做三文治， 烘脆麵包再夾住燒牛肉，由於咁樣做法會比較乾，所以要配沙律。睇吓? 一大碟沙律菜，混埋一齊食真係中和咗三文治既口乾感

經過上次經驗，再沒少看這 lunch set的份量。今日只配餐湯，還要少薯蓉。今日是海鮮湯。 其外貌比周打魚湯更吸引( 顏色)。顔色、質感(厚忌廉)和食具(haagxx dax雪糕柸一般大和“雪糕匙”)彷如在吃一柸溶掉但十分軟滑的牛奶古力雪糕〔誤〕。放進口卻滲出香濃龍蝦味~重申: 別看輕湯的份量，食埋主菜很滿足的。主菜“pizza 雞”，可配薯蓉(紫)、田園沙律或意粉。選了薯蓉，要求減份量還很豐富。薯蓉、小椰菜、小紅蘿蔔、冬菇和zucchini作底。上面一塊Hi 5 手般大的雞扒。然後一層茄蓉再舖芝士。最後放火箭菜作裝飾。上菜雞扒下噴出熱腾腾的煙(似有乾冰)。各位，小心燙嘴。芝士一拉~~~~相信配意粉也不錯。真的吃光了，滿足得放不下一柸咖啡。這午餐$68(包主莱+湯或田園沙律或熱飲，免加一)。

之前已經食過幾次 是間質素不錯的餐廳質素可媲美一般西餐廳但價錢相對低啲約左朋友6點食飯 由於時間尚早 所以不用等位 餐廳位置工廠區及住宅區 人流不算太多 只有Set Dinner Menu 有牛 豬 羊 雞 魚 意粉只有卡邦尼 以前menu有小食同好多唔同既意粉 可惜而家無左 晚餐比較多肉類 不過就岩哂食肉獸呢間既湯好飲 味道濃郁羊架有3隻 烤得唔錯 好香口 調味亦足夠 而且肉質好林 又Juicy 可惜有一隻較厚肉烤得唔夠熟牛扒叫左五成 肉質不會un 而且味道好香 不過有4分1都系脂肪 切左兩大舊脂肪出黎呢間餐廳既配菜薯泥同外面既餐廳好唔同 佢系用紫薯泥 好味配菜仲有燒烤蔬菜 有茄子 瓜 甘荀 用左香草去烤

咁耐以黎,第一間迫到我出食評....我叫肉眼排 ~ 5成熟, friend 要西泠 ~ 7成, 黎到2塊排一樣都係差唔多well done......好聲好氣同類似老闆娘既阿姐講, 竟然答我塊排自己吸熱熟咗😒 阿姐你碟嘢黎到時只係暖, 又點樣可以焗得熟自己呀.....衰咗咪認, 咁多借口.... 算, 唔同你嘈, 那那臨食晒佢埋單走人, 垃能圾, 無下次老闆如果你見到尼段評論, 歡迎討論下我住附近, 下次食排會去返上少少果間 TOSCANA

Elephant kitchen 🐘 白酒煮蜆 忌廉意粉 $80 好多蜆 有成半碟蜆咁多隻隻蜆都係有肉的而且意粉都好大碟 好味略嫌咸左少少整體不錯包沙律 或 湯 或茶如果想加多款 加$6

這店今年三月開張。聽聞食物質素不錯。這個下午有機會試試~午餐主菜由$40至$88不等。湯(+$6)、沙律(+$6)、飲品(+$6-12)自行加配。 頗喜歡這彈性。 選了檸檬香草烤雞扒作主菜。加配湯、沙律和飲品。周打魚湯一上枱有點驚訝。 驚訝它的size只有小咖啡杯般大；驚訝匙是雪糕匙。但嚐一口，味道不錯。 湯頗有“厚道”, 內有薯粒和蜆肉。重質不重量，飲完覺得份量剛好。否則吃不下主菜。沙律份量比湯多少少。雖份量不大，但內有幾種沙律菜。而且也算新鮮。Dressing 是醋和油。檸檬香草烤雞扒上枱時已聞到香草味和檸檬香味。 因酷愛檸檬，食之前壓出檸檬汁和切下少少迷迭香與雞扒進食。清新~ 雞扒皮脆肉滑，調味恰到好處。 雞扒下面是紫番薯蓉，香甜。 這個主菜的分量不少，吃到大半已足夠。基於尊重食物和㕑師的心意，慢慢把它完成。 下次可能少配餐湯或與朋友分享~這個時候選凍檸檬茶是首選。

七十幾蚊一個lunch, 價錢尚算ok, 味道亦不錯，雖然CP 值唔算高，但是值得一試，不過環境太細，我d五個人坐一張六人檯，都仲要加多個人搭檯，如果唔夠位就唔好接啦，我d 兩個人先到，過了五分鐘就好差態度咁問"你地幾時先到？". 如果驚我地霸位，你可以限定用餐時間，唔駛用趕客既態度問我地幾時先到囉。*不供茶水。如果叫外賣可能會好好多，不過里個價錢又好似唔值外賣。

這裡大厨係太子運動場道“瑪琍蓮”(以前)老闆嘅徒弟，佢哋嘅周打魚湯仲攞過奬，所以徒弟功夫都有番咁上近。百幾蚊一set dinner 有周打魚湯(生招牌嘛)，沙律(醬汁係自家調，正!)，主菜(份量連洪金寶都夠飽，當然味道係唔錯啦)，㗎啡茶(加多幾蚊飲即磨，超級濃，㗎啡精啱晒)。最好早d 去啦，仲有bonus 呀老闆肥嘟嘟塞在小厨房內…幾趣緻。雖然地鐵不能直達，要轉坐巴士，但是值得㗎!

昨晚和老公看29+1，今午和爸爸兩父女出外撐枱腳，份外有感觸。本來爸爸想試試報紙介紹石蔭商場附近的一間酒吧午膳(所以才刻意山長水遠來石蔭)，惟獨抵達時見到裡面幾乎沒有人影，而且餐牌又唔多啱佢口味。只是大熱天時唔想再周圍慢慢找食市，剛巧鄰店餐牌有爸爸想吃的魚，而且都有些食客，所以決定一試。由於打算同爸爸share,所以我揀佢都啱食的紅酒牛肋條，佢揀比目魚。由於餐廳不供應水，我們都選了餐湯。是日餐湯是蕃茄蟹肉湯。聽下去伏伏哋，估計是紅湯加幾絲人造蟹柳。反之爸爸卻十分期待，因為他喜歡蕃茄湯。上湯時我眼都突埋，原本打算靠佢解吓渴，但原來佢⋯⋯咁⋯⋯䄂⋯⋯珍⋯⋯嘅😅彷佛可以一口喝完。阿爸話見佢咁細就知係好嘢。果然，原來係超級濃湯嚟，想不到呢個份量是剛剛好，太多就太飽了。佢有舊breadcrumb香香哋都幾夾，喜出望外！好有水準！值得推介！👍🏻爸爸點了凍奶茶，佢話不過不失啦。紅酒燉牛肋配雜菜薯泥沒想到賣相會如此好，味道也很好。牛肋夠淋夠入味，又唔韌(個人最怕咬唔爛）。配菜有燒蕃茄丶翠玉瓜丶小蘿蔔丶仲有椰菜仔(我最愛，但爸爸最怕)，正呀～薯泥在底，個份量OK～比目魚配雜果沙律阿爸選雜果沙律，因他不喜

其他餐廳平時成日食已經無咩新意，見開左間新既就試下，大概晏就兩點幾去食，唔算太多人牛油果意粉，個餐可以揀沙律，湯或者野飲。今次我揀左湯，蟹肉濃湯，用杯仔裝，細細杯，但好好飲!!!!意粉幾好食，都食到好多牛油果粒依個係朋友既豬肉扒，好厚，原本以為啲肉會好老，但食落幾好食，岩岩好，仲有紫薯蓉，我好鐘意食紫薯，所以好多紫薯蓉幾乎都係我食漢堡扒意粉，係員工介紹既，上面係漢堡扒，下面係蕃茄意粉，味道都ok，但個人覺得無咩特別。最好都係個湯！!，下次再試下Dinner~

餐牌上食物價錢吸引，抱著一試無妨心態試試，確實有驚喜也有失望。3人點了3份午餐share吃，食物質素不錯，但服務實在不能接受。當想要多一支叉，女侍應卻說：「你這樣，我地會唔叉夠用！」真教人傻眼。之後，吃了一半左右，侍應又催促說：「你地食快啲，外面有客等緊。」我們唯有快快吃完離開。我們絕對明白午餐時間比較短，價錢平，店員想做多一兩轉客，但這種服務態度實在很趕客，希望日後有改善。其實附近有很多餐廳都是細舖，但態度友善的。

今日晚餐好好味，可惜服務態度失敗！👎 係依D 地區開西餐廳，本以為做想街坊生意，食出一點人情味，可惜...我們 8:15pm 入座，落單時叫左兩個意粉，一個芝士焗大東菇。10分後左右，意粉到了，幾有特色，味道唔錯喎！正！我地食到未夠一半，當時 8:45pm ，店員居然話：“你地可唔可以食快D？外面有人等緊位！如還要加點些什麼，請快D 落單。“我心稔：“你無野呀麻？我入左黎半粒鐘，你就想趕我走？你地咁既態度，幾好味都假啦！“我細細聲講：“算啦，食完即走，無下次！“😠但我都叫左杯即磨咖啡。之後去個廁所，嘩！衛生情況極之惡劣，又污糟又臭，衰過公廁！（商場廁所）如廁後咖啡來到了... 杯咖啡好苦澀，完全沒有咖啡香味，好難飲下！“😫 最後我地 9pm 走人，出門口見巳再沒有人等位！依餐飯真係火都黎埋，咁既態度，點做生意呀？