Essence

营业中

休息中

其實之前已經幫襯過兩次, 但今次係第一次同家人一齊嚟食飯, 雖然冇咗生蠔, 又比起之前貴咗 $10, 不過以 $188 再加一呢個價錢嚟計, 仍然都算值食嚟幫襯既~魚生叫做合格, 仲有吞拿魚, 不過我戒咗冇食, 但其他人食過話個樣 OK, 不過冇乜味喎。另外個羊架都係緊緊合格, 味道夠蘇, 但肉唔夠腍。凱撒沙律啲菜好新鮮, 右下角既蕃薯咸牛肉沙律出奇地好好味!冷盤既凍蝦同青口都算OK, 青口細隻少少。熱盤菜色都唔錯, 其實好多嘢想食, 但個胃邊放到咁多嘢? 所以只係食咗呢幾樣菜,最鍾意前面嗰個忌廉焗薯仔, 好好味!呢次個餅燒得好靚仔呀~不過原來唔可以放咁耐, 最好一攞完就唔好再攞其他嘢返埋位食咗先,因為塊餅會黐住隻碟, 搞到爛晒架~當然唔少得嗰三粒朱古力泡芙, 依然好味! 其實好想食多幾粒, 但已經開始飽...呢度竟然有魚香茄子, 當然要試吓, 但可惜唔辣, 都係媽咪整既好食好多。朱古力噴泉啲朱古力都唔錯, 幾好味, 雪糕有三隻味, 朱古力、士多啤梨、雲呢拿,味道普通, 不過好在係有職員舀埋畀你, 唔會畀人搞到啲雪糕核核突突。

10月27日星期二平日;夜晚 buffet,198一位(未加一);7成滿左右先簡介o下食物,有 4 款刺身,2款海鮮,近20款熱盤;自拼沙律(2種 sauce);餐湯燒牛肉,羊架,互動式即煮意大利同即煮港式粉麵,10多款甜品;仲有雀巢雪糕,即制pancake 同 waffle;同埋黑,白朱古力噴泉;奶茶,咖啡,檸檬茶;也無限任取種類絶對符合價錢;但食物質素則普通及不穩定因為放工比較遲的關係,小第去到已是成枱人最後一個先問問他們有什麼推介,友人說燒牛肉,羊架為首選但自己得出的結論是牛肉'鞋",而且牛肉味不濃~~隨後配上醬汁去吃,也未能帶出牛的口味,羊架更是失敗之作,燒得過火,完全鞋口,可能友人的口味與我不同,又或我的運氣不滯,唯有信自己再出去搵食先從沙律及餐湯再重新起步,選了蔬菜湯,合格夠味,不會一味死番茄醬味道沙律配茶也合格,但一樣只是中等水準,沒有特別然後到刺身及海鮮,刺身預先切好,賣相已經不吸引,而且放於室溫較耐也令品質打了折扣;八爪魚及三文魚只是 neway buffet 的中下質素,絶對不是酒店應有的水準,差幸好青口及螺也合格,挽回一點面子熱盤方面:未有試過太多只吃了5,6款,

Located in Tung Chung, (considered as inconvenient for me!) I cant understand why it is always packed, even on weekdays.I suppose the dessert selection is quite good, and the salad has quite a variety too, it has my favourite butter lettuce, not many places serve that.As for sushi, it disappears very fast, the oysters are quite good.The noodle bar is good when there is no queue, you select your choice of pasta, and the guy cooks it, one of the guys was quite cheeky, as I went twice, he asked me

今日同成班Friend去左東涌食buffet，聽講依度星期六日既自助晚餐要成個月前book先有位，所以我地都係決定平日黎試又唔洗同人迫。咁橋Cherry又係機場做，機場員工星期一至四仲有九折，我地成班為食鬼仲唔乘機去試下係咪真係咁好食…我地準時6點30就黎到，一入到就見到依度好鬼多野食揀~~又有沙律、刺身、壽司、成7-8個熱盤，又有即煮意粉，連中式麵同燒味都有，你都咪話唔慕多眼亂~~不過以我地婆仔性格，梗係要食D貴野先至叫做值回票價!!!!!!!!!!!!!!!!!!所以我誠意推薦!!!!!! 壽司、刺身及海產出到去就見到切好一堆新鮮的魚生，刺身睇落非常新鮮，我就拎左少少三文魚、吞拿魚同八爪魚試下，食落果然新鮮而且一d雪味都冇，而且仲好大片呀~~~~又比我地任夾添呀，又有翡翠螺和藍青口，不過我唔食呀，所以冇影同相。但係佢地都話幾好味喎~~總之叫佢地食之前比我影下啦 >.< 可惜呀………而壽司飯又軟硬過適中，又有d醋味都幾好。 烤羊架嘩~~~~估唔到依度有羊架食呀，廚師仲問我地厚切定薄切添!! Nice!!!! 而且仲有黄芥辣醬及Mint jelly 給我地點添呀，食落

其實都食過好幾次啦,但好耐無食過,所以就諗住係度慶中秋,不過今次有點兒失望,水準大不如前,熱食其實都幾好味0既,刺身就唔夠肥美了,好似D魚生無營養咁,上次都話有D螺食下呀,今次得D 蜆仔,真係CHEAP左D ,又無PANCAKE 食wo,得0個D 爛鬼窩夫,一D 蛋味都無,離晒大譜,最慘連D雪糕都有D "SO" 味,好難頂,唔知搞咩,甜品亦都係無以前咁好食啦,大失所望,你見我無咩相POST 出嚟就知啦,我地諗過啦,如其$ 188一位,未計加一,搭車來回又要$50,我寧願去金田食日本放題啦,仲食得更放,更暢懷呢！

侍應生態度惡劣！侍應生態度惡劣！侍應生態度惡劣！Book咗四位吃buffet，因有兩張vip card，所以要將兩張枱分開，都無問題，早已知道有此規矩。因有小朋友，吃嘢時必須將枱拉前，所以就自行將張枱移前到小朋友面前。點知在同一時間有位高瘦女侍應生走來就即時大聲話“唔好將兩張枱拍埋，咁我就當你哋一張枱，只可以用一張vip card! 兩張枱的距離最少要有一隻手掌位!” 說罷就作狀推一推張枱。其實兩張枱早已分開，只不過係就小朋友坐的方向向前移。我覺得如果這侍應生態度好d，我都可以接受，但這位侍應生姐姐就態度極惡劣，今時今日咁ge服務態度早應叮出局啦，留下盏影響酒店餐廳聲譽!!!!!

上星期六的中午, 相約了兩個舊同學結伴到東涌食"捕飛"去到東涌咁遠, 其一係一位同學最近才搬了去東涌住, 其二係食完順便想行行東會城的 outlet捕飛十二點已經開始, 食物的種類幾多, 先到了中間的沙律枱夾了一點沙律, 再畢一碗鱆魚節瓜湯飲, 哈, 自助餐的中湯都幾夠火喉的, 正接著第二輪就掃魚生, 壽司同凍青口, 大蝦... 魚生有吞拿魚, 油甘魚同八爪魚, 新鮮度一般, 雖然無蠔, 但青口的數量很多, 唔怕無, 而且隻隻好肉, 不錯熱食比較喜歡印度咖哩雞, 好有水準, 仲有薄脆餅送咖哩, 好食! 排隊要了一塊切的牛排, 味道一般, 個燒汁唔香, 普通, 所以無encore! 甜品就好多, 芝士餅, 蛋糕, 果tart最少廿幾款, 但個人最鍾意係一口芒果糯米飯, 好得意又幾好味餐茶的黑咖啡估不到幾香, 有水準, 呢餐自助餐其實唔算差, 主要係多選擇, 只係要我去東涌食實在太遠了..

經過了三個月的泡菜洗禮終於 我又回到了美食天堂一直都知道Essence是受歡迎的也聽聞過這裡需要三個月前訂座(當然現在不用了=D)來一次是早晚的事剛好友人們也推薦這裡 便訂了位為我慶生 真好東涌說不上是近市區但從旺角坐地鐵過去也不過40分鐘左右環境舒適 座位也算寬敞 不錯食物選擇的確不算多刺身只有四款 三文魚尚可 吞拿魚又吃到雪粒了熱盤約十款 較欣賞羊脾與忌廉薯仔也有即煮意粉 試了一點朋友點的白汁闊麵 算可以的另外還有羊架, 牛, 青口, 凍蝦等也是小妹的心頭好不過因為咳嗽要戒口~就放棄了進入甜品環節大概是我們聊天聊太久了?_?很多蛋糕已經不似糕形只好選那些一小件的芝士餅很好吃 對比起韓國那些忌廉橫行的蛋糕 好太多了 v_v窩夫跟pancake我也沒吃=p 聽說也還不錯服務OK 有定時為客人添水整體來說不是最滿意的不過以酒店自助餐而言 這個價錢算是不俗一試無妨感謝友人的祝福和禮物我二十歲了

8月30日約左一班朋友一行十二人到諾富特東薈城酒店食 Buffet, 入到去是6:30pm, 已經開始有人排隊取食物,我地好開心地搵好位座好去排隊啦, 我先去取魚生,魚生只有4款,有三文魚,吞拿魚, 八爪魚同油甘魚,三文魚幾肥美同好新鮮,沒有我至愛北寄貝,好普通的北寄貝都無好失望,但我囡話佢見到有北寄貝壽司,不過好少佢只看見幾件,一出已經比人攞左,之後我去搵生蠔,搵左成個場行左幾個圈.....係無生蠔,之前有朋友食過話有長腳蟹, 個晚真係諗都唔使諗,當然都係無, 我只係見到青口同蝦,好無耐攞左2隻蝦食, 到牛肉,我見到一大舊燒得個樣好似好美味的牛肉,因為牛肉係我細囡至愛,我當然要比我囡試下啦,但我細囡食左一啖就同我講,我唔要呀媽咪,好奇怪下,我細囡係食肉獸,佢見到肉係發癲咁食,我好奇地咬左一啖,無味牛肉,又真係唔多好食喎,熟的食物個樣唔多吸引,麵檔叫做好少少,有4款麵食, 至於甜品都算幾好.

波兒成家人今日去到東涌食自助餐呀, 去到咁遠, 原因係, 有朋友介紹好好食wor入到間酒店入面個咖啡室食buffet, 第一個感覺係: 地方好闊落, 好新, 好乾淨, 環境幾好, 相信喺度食野會幾舒服架今以食, 食物選擇唔算多, 沒有最愛的生蠔, 只有青口同白蛤蝦, 壽司有吞拿魚, 八爪魚同油甘魚, 新鮮度就麻麻, 打開件吞拿魚, 血染上壽司飯呈啡色的, 令我沒有胃口, 但對刺身的要求, 在這裡都不可太高了主要都係食熟的食物比較穩陣, 味道過得去, 炒飯, 意粉, 焗薯味道尚可, 肉類都幾好味, 特別係咖哩, 有水準架這間自助餐的水準可以講係ok啦, 不過不失

我係因為睇左雜誌介紹有新野食~個名叫"奇冰 妙果自助晚餐"咁雜誌介紹左4樣甜品其中一樣係飲品黎~~咁我都係俾個幾樣野吸引先去~估唔到~我去到我見唔到個d~~只有其中2樣~~就係款飲品~~但雜誌介紹的"雪裡紅莓"同"龍珠果冰"都係冇的.....咁我覺得好奇怪~~我就問個經理~~~係咪冇得食??佢竟然答我只係"擺設"............我真係o晒咀......咁本雜誌話食得喎....咁即係點呀?????呢d算唔算呃人......而且冇人收碟又冇人加水.......雖然有得入熱飲~~但唔係個個都飲熱水.....而其他食物都ok的~~~食物種類係呢個價錢計都算多~~甜品都幾好食~~~杯咖啡幾好飲~~~但就係唯一冇左個兩樣野食....

呢日同朋友去東薈城outlet行街，原本睇過食評覺得呢間餐廳麻麻，但大家都無乜好主意，就試一試啦。自助餐6:30-9:30，我地7:30去到，人好多，但食物充足，通常剩返2-3成已經refill。頭盤有幾種沙律同火腿，麵包不俗。另刺身大量供應，三文魚又大又厚，仲有我最鍾意的八爪魚。熱盤以羊架最好，燒牛肉頗韌，另外燒腩仔檸檬雞燒秋刀魚味道都不錯，而我最鍾意係cheap嘢忌廉薯仔。甜品種類ok，最好食係黑森林蛋糕同cheese cake，其他一般。另外一提服務很好，收碟加水勤力，我老公睇中枱上鹽瓶，侍應索取電話後話會遲啲回覆，覆唔覆唔知，但起碼態度殷勤。唔明點解食評不太好，我覺得以每人$200來說物超所值，較有生蠔但收$300-400的酒店更好。

We were at the restaurant around 6:30pm, the starting time of the dinner buffet according to their signage. (were surprised there was already a roomful of people eating.) We were told by the staff they needed to place us in a dining room a bit farther from the serving area because they were fully booked and we did not have a reservation. We were fine with that. Actually, we became pleased with our seat location later on as the noise level in the main dining area kept going up.The number of d

唔知點解, 要入到東涌食自助餐, 雖然有車, 但係都要九個字先入到去, 全因細佬話同事食過大讚另一原因, 係價錢唔貴, 一個人一百廿八, 連加一都係百四蚊, 但係款式就幾多, 刺身有吞拿魚, 八爪魚, 甜蝦任食, 仲有田螺, 青口 (可惜無生蠔)肉眼扒, 豬脾一齊供應, 熱盤都十二款, 午餐嚟講, 沒有欺場, 加埋甜品的款式好多, 論陣容, 都不失禮只係最重要的味道, 不是太好, 首先食刺身的豉油味道古怪, 得個咸字, 熱盆之中, 炒麵炒飯都比較淡, 咖哩都一般甜品反而幾好食, 芝士餅味道唔錯, 個迷你芒果黑糯米更逗得媽媽開懷大笑, 因為賣相好cute!價錢唔貴, 但味道一般, 我俾個ok佢!

先在東涌行完晒Outlet6:30入到去環境 : 好多人 、好糟、D人好亂、隊就亂咁排、不過無任何waiter去理咁情況。 不過換碟算快、但斟水就可以搞到張濕晒,,,,,,食物: 有三文魚生，八爪魚，吞那魚 等 海鮮: 螺 、蜆 都有沙！係好多沙！ 肉類: Lamb rack(推介) 、牛扒、西式的 雞 鴨 、煙三文魚 (太油) 沙律: 種類不多，無特別。 甜品; 有不同味的mousse cake 、有cheese cake 其他都無咩特別 ice cream吾掂。 ＊ 價錢就200蚊到，食物當然差吾多啦。吾好以為有 生蠔 ，係無既！ 吾會再黎，一次就夠。