FAMA (已結業)

這次再來這間FAMA，其實就是因為它方便得來 比較偏僻，不在大埔廣場、大埔超級城或新達這些大型商場，不過這次來到之後，就傳出了它就快要倒閉的消息，似乎工廠區食店真的很快就要收皮。不過這天星期六日去到，好像只有一兩台客人，生意都不見得特別好，而且，沒有乘客等位，食幾個餐就任你坐幾個鐘傾偈聊天，相信很難講得上是生意興隆。不過，他們還算是用心處理，看看它的漢堡包薯條，薯條份量夠多，外皮香脆；漢堡包亦都夠大，大到份量有點兒太多，我都幾乎吃不完，但是中間的肉，肉質鮮嫩，還保留少許肉汁，算是相當可口的。

餐廳轉手後員工態度非常無禮及惡劣，員工說法前後不一。首先，餐廳並無仼何條文規定入座時間，但今日光顧期間以及為由，要求我們立即離開。首當時有大量空枱，我地並無刻意霸佔座位。同時，有另一位顧客當時亦比我們更早入場，當時仍在用餐，但並無受同樣要求離場情況。另外，前後三次問不同員工有關4-5時休息嘅情況，第一位員工指，4-5時全店關閉需離場。當日亦有於4時即時離場。及後再光顧 ，第二位員工指，4-5時店員會休息，但店內位置可供繼續使用。再到今天第三位店員又指出4-5時不開放兼且每段用餐session會清場(毫無仼何標示或條文提及)。最後，轉手後衛生環境及食物質素嚴重下降。如大家考慮光顧，請留意好評數都是轉手前，請慎重考慮。

呢間係屋企附近真係好方便，而且位於工業區人流唔多，有好多大人小朋友都會搞party，依家出咗好多唔多款下午茶，輕食又有，飽肚又有，而且環境好舒服，休閒坐半日都好爽😍

這道是炸軟殼蟹意粉，旁邊甜品是富士山西多士，西多士上面還有雲呢嗱味雪糕，口感不錯。飲品是點了一杯荔枝梳打和玫瑰碟豆花梳打，味道還是不錯的。炸魚軟殼蟹漢堡，有原條炸朧脷柳，炸軟殼蟹，芝士片，牛油果，椰菜沙律，蕃茄，他他醬，漢堡套餐配薯條，附送是日餐湯，冷熱飲品/汽水/果汁，份量豐富，價格相宜，味道普通。餐單選擇種類多，味道普通，但可能因為地方在工業區，就算是假日不算太多人會來，如果想安靜休閒寫意的話，可以來這裡喔~先點餐付款，會有個提示燈給我們，有餐就會閃動，這是以自助形式，要自己動手動力去拿餐。地方闊，有夾公仔機、書籍及board game玩，與朋友待一整天還是不錯的選擇。

因為經常食的關係，大概7月中發現menu唔同咗，先知轉咗手，其實食物係ok，價錢亦合理，但衛生環境差咗！試過開門第一個入去，見到枱面同地下都有食物碎，仲有可能係前一晚開生日會嘅物資仲喺度冇執過，即係關舖前冇清潔？我會幻想到夜晚好多“小動物”黎開大食會！仲有餐具係自助取，發現唔只1次係有跡嘅！好彩我有帶食品級消毒濕紙巾抹乾淨晒，否則唔敢用！同埋d餐具可能無遮無掩就咁放喺度全晚。其實咁樣好難說服我你個廚房會保持整潔！

好耐之前來過一次，覺得幾好食最近兩家人一齊來食這係好差，D牛排衰過大家樂，仲要百幾蚊真係無一樣覺得真係好好食甘偏僻，無地方停車，又唔好食，下次真係唔會來可惜可惜。

Final季節冇得去自修室 就想搵cafe溫下書 但大部分都係油尖旺區 對住係新界既🐰好唔方便又遠(/ω＼)⭕️呃like全日早餐($98) 份量好大份 滿足到我呢排想食all day breakfast既慾望！仲有 FAMA牛漢堡(8oz)配薯條($98) 塊漢堡扒又厚又juicy 仲加埋半溶芝士食好正( ´▽｀)薯條都好食過金拱門好多 實啲又唔會太咸～仲有送左個洋蔥湯都好好飲好足料( ´▽｀)❌叫左杯凍mocha 覺得太甜(´･Д･)」不過latte就好好飲～環境幾悠閒～坐得舒服 仲有broad game可以借黎玩～野食又大份 係同朋友傾計聚下既一個好地方～▫️味道：3.5/5服務：4/5環境：4/5回頭率：3.5/5人均：$100-200▫️📍FAMA (大埔)大埔汀角路55號太平工業中心第2座10樓A室

✨黑松露炒蛋牛肉漢堡配薯條✨辣肉腸10吋pizza個漢堡好好食👍🏻佢個包好軟熟 黑松露炒蛋配合埋厚厚嘅牛扒 自己一個食晒可能會有少少膩 不過我哋叫咗兩款嘢食兩個人share啱啱好👍🏻 個Pizza就普普通通 餅底係厚批 都幾脆 不過辣肉腸就偏鹹🤏🏻依間Cafe好適合大家同朋友傾偈 對住好靚嘅山景同朋友傾吓計食吓小食好chill🙊 環境都算大都幾多座位 除咗傾偈之外佢都有擺放少少board game俾大家去玩😆另外佢餐牌加插咗好多mirror嘅歌詞🙊🙊呢間係類似快餐店自助形式嘅Cafe 一入到去搵咗位先 再去近門口位點餐 佢會比部機你 部機響就可以去攞餐啦～大家記得食完嘢要自己清垃圾！

大埔一間位置偏僻的餐廳，見到好多好評，點知係伏。窗邊位可以望到山景， 但夜晚去是漆黑一片，建議日頭去😫😫餐廳面積較大，適合一大班人聚會，客人比較少， 都適合溫書或工作。餐廳沒有侍應服務，全程需要自己到counter點餐、付費、拎餐、用餐後清理垃圾，比較麻煩。。。一心想到餐廳玩board game，點知每隻 game都要畀一百蚊按金先可以借嚟玩，而且種類都好少，很失望👎👎價錢算平，但食物質素一般，擺盤賣相都一般，絕對不會再光顧了，尤其是位置不方便😅 特別一提，是日甜品完全不值得叫，只有一塊切得好薄嘅cheese cake加一球雪糕，連影都唔想影唔明點解咁多好評🙄

去開迷你倉順路幫襯下工廠食肆依間cafe環境夠寬敞又靜，有唔少人自修，亦都有一大班朋友相聚今次叫左份原隻軟殼蟹炸魚漢堡配薯條，一份美國西冷牛扒拼豬肉眼扒配意粉漢堡的份量十分大，炸魚大大塊，軟殼蟹味道最好，唯醬汁較淡，而且個包太大，食落唔係咁方便，有支竹簽就更好啦豬肉眼扒香且嫩，夠大塊失望位是5成熟西冷牛扒變9成熟，味道較淡意粉又冇咩味，需自行調味（cafe 設有自助吧）最後，杯即磨咖啡不錯，夠香濃👍

跟住大埔人搵食，今日走到工廈既Cafe，一入餐廳可以先搵位，坐好、揀好食咩、就出返門口order， 少少快餐形式，之後食完都記住執返好張枱先走。但食物好食，環境舒適就夠晒😌單睇環境，因為係工廈入面，地方好大，唔洗好迫咁坐，等疫情過後，好合適一大班朋友聚會。而且重有漫畫、board game俾客人自己拎黎睇同玩，佢d漫畫有幽遊白書、漂流教室等等，好有回到童年🫢「富士山下西多士」係雪糕西多士，先講西多士，有返一定厚度，中間搽有花生醬，新鮮炸出黎熱辣辣好挺身，唔會淋咗，再加埋凍冰冰既雲呢拿雪糕，已經可以唔需要糖漿或者煉奶。「瑞士雞翼拼薯條」呢個就正常發揮，唯一就係好大份…足足8隻雞翼，煮得啱啱好，入味但又唔會煮到爛晒。「蒜香軟殼蟹意粉」意粉煮得啱啱好，有口感唔會太堅或太淋，應該係用橄欖油炒香，唔鍾意好汁既就啱，軟殼蟹有肉地，少少脆身！我個人最鍾意會係呢個意粉。另外叫左兩杯梳打，一個係荔枝爆珠，另一個係西柚，兩個黎講我會偏好荔枝，但我會走爆珠 >o<

本身同朋友放假約好咗一齊去上水嗰邊玩.但係天公不造美.落勁大雨.所以臨時臨急改咗去大埔.即興搵到工廈哩間cafe!!🔎食物- All day breakfast - 魚堡配薯條- 蜜桃茶- 凍朱古力叫左2個set lunch!味道正正常常.ok!🔎整體如果唔係落雨唔會揀去大埔.因為大埔始終對我來講交通都比較遠.同埋工廈同火車站距離都有成10分鐘.地點唔算方便.如果喺呢邊返工可以一試.專登去嘅可以自己諗吓.參考下我post既相.其實餐廳選擇類型比較少.不過都叫揀到岩食既.係勝左價錢平.性價比高.而且都有打卡位.可以影下相📸️平日下午去無咩人.同朋友傾吓計影吓相輕鬆吓都幾好👭

本身想去大西北嘅靚靚Cafe 但係落雨室外好難搞咁唯有轉場 搵吓搵吓 見到FAMA呢間餐廳 室內！就唔洗怕影唔到靚相 我朋友搵餐廳真係好出色💛榛子朱古力朋友叫嘅 佢話整得幾好 試咗一啖 唔係好甜 都幾好飲嘅😉💛英國蜜桃茶無落糖 但好搞笑地落咗半個罐頭蜜桃 幾好飲嘅🤣💛呃Like全日早餐嚟到都係想呃Like啫 呢味啱哂我 需要叫😏肥妹仔表示堆草可唔可以落多少少醬料？💛進擊炸魚漢堡配薯條呢個唔係講笑 炸魚一大塊 長過我手掌加手指 超抵食粗薯都係重點 點解可以咁好食㗎薯條

今日同朋友喺大埔做完嘢 經過一番搜尋之後見到呢間Fama餐廳環境好似幾好 而且價錢大眾化 質素又有番咁上下就決定去食飯首先叫咗一個希臘風情雞肉漢堡餐 有一個蕃茄菜湯 用料豐富 鮮紅嘅湯酸酸甜甜幾開胃漢堡包材料有一片大菠蘿同埋雞肉 雞肉鮮嫩無比 肉汁豐富 菠蘿酸酸甜甜 正好解咗雞肉嘅油份 配上香脆嘅薯條 令人食指大動忌廉白酒鮮蜆扁意粉 忌廉汁同埋白酒配上新鮮嘅白蜆 鮮甜味十分突出 加上扁意粉嘅彈牙口感 成個配搭更上一層樓燒羊扒唔太酥 朋友唔多食羊都好鍾意食

首先食物種類好多，漢堡包、全日早餐、意粉或者意大利飯都有，最常試佢個黑松露意大利飯都好香黑松露味、而且啲意大利飯做到外軟內硬，整得好有心思。但係要注意佢啲餐飲偏淡，可能要自己另外加糖，但係套餐加配嘅餐湯有驚喜，味道雖然淡但係啱啱好可以中和返白汁嘅濃膩感