FAMA (已結業)

—環境好耐之前見到人哋分享FAMA 已經好想試，加埋自己本身又係大埔友，難得得閒就約咗朋友仔去，嚟到幾驚喜係空間真係好大，餐桌擺位都幾多元化，有梳化配矮枱近窗邊有高嘅木枱，好闊而且照到日光好舒適，影相都靚啲﹗—特色喜歡你全日早餐我哋今次咩都叫啲，食全日早餐，炒蛋、蕃茄、南瓜薯餅，賣相同份量都整體唔錯，個人就覺得南瓜薯餅味道可以做得更好～ 富士山下西多士（ 小編推介﹗⭐）估唔到西多士係咁多樣入面最驚艷嘅﹗我平時都鍾意食肥仔嘢，但呢個冰火溝埋嘅口感，冰凍Creamy嘅雪糕配香口嘅厚西多，裡面仲幾重花生醬﹗超好食﹗我會畀110分﹗🥰🤩巴馬火腿10吋 Pizza 呢個Pizza 睇賣相就知道行超薄脆路線，佢真係做到唔會油，好薄，不過我自己鍾意酥軟少少嘅pizza，如果大家鍾意脆卜卜嘅口感就啱你﹗黑牛 （小編推介﹗）雖然佢嘅製作同材料都好簡單，就係朱古力雪糕加可樂，但平時市面上比較少見呢款飲品，而且呢到嘅朱古力雪糕都好食﹗泡沫咖啡泡沫咖啡有簡單拉花，味道中性唔會太澀，容易入口帶咖啡甘香，咖啡水平都可以﹗

本身好少去工廈區飲食嘅今次嚟到呢度大埔離市區唔遠嘅一個工業區嘗試下啲嘢食啦真係有驚喜喎首先佢啲嘢食比出面平好多你可以坐好耐位置寬敞有好多board game玩咁樣最啱啲同學仔嚟溫書 玩足一日 野食比起市價真係平一半呀 仲係有驚喜 食物 有質素 仲好抵食 所以一路玩住幾或者睇住書一邊慢慢食嘢 可以 消磨一日時間 我今次就點咗黑松露炒蛋牛肉漢堡配薯條黑松露炒蛋好香牛肉排都好厚非常好味 粗薯甜點茄汁好正 加三蚊就有個凍檸茶啦 另外朋友嗌咗個芝士焗忌廉汁吞拿魚肉意粉 凹凸通粉都沾上吞拿魚肉同埋幾呢熱辣辣 好正 簡直係 冬天 恩物呀跟他配即磨咖啡 另外就嘢飲都有好多款式今日點咗個薰衣草梳打 同埋玫瑰花香草茶呀都係呢啲好樣生嘅飲品呢度風景幾好望住山景 環境唔錯值得一試

是咁的平時都好少去火炭覺得無野玩無野食而今次就有朋友叫一齊去工廈食野但去到就覺得有驚喜😆雖然朋友帶去但位置唔難搵既———我地未到1145左右到左發現竟然係第一台客個下都有諗會唔會中伏😂咁我地就簡左個窗邊靚位可以望下山景又大大張枱佢地方都幾大幾舒服仲有得借board game玩 借漫畫睇———之後我地就簡野食啦選擇都多價錢都唔貴好多都係6-80蚊就有我地簡左春雞同羊扒一個配薯條一個配意粉既春雞有半隻 羊扒有兩件份量都正常唔會好細份味道都幾好食羊好淋 唔會酥由於都幾抵食就叫多個小食簡左瑞士雞翼8隻+薯條（$58）雞翼唔會好細隻，夠味之後仲叫左個富士山下西多士（$48）正野飲方面原本想要爆谷朱古力打下卡但原來已經無左所以就簡左焦糖朱古力都夠味 食到1點個時都坐滿得7788所以一開始擔心無人會覺得伏伏地原來係多餘😂總結：可再去 抵食

今日落雨天，冇得去室外地方，我地就去左室FAMA玩board games 和食tea ，同一班朋友傾下計，玩下Board Games都唔錯選擇。餐廳自助形式，餐牌有all day Breakfast 、意粉、漢堡、小食，價錢合理，不收加一。我地點了三款食物、芝士焗忌廉汁吞拿魚蜆肉通粉，即叫即焗，我覺得唔加吞拿魚，味道會更好。另外點了瑞士雞翼、薯條和巴馬火腿10吋pizza ，pizza 餅底食落似餅乾，味道唔錯，熱飲飲品都夠大杯。

難得長假期前，約到仔仔的好朋友一齊去玩，揾咗好耐，最終決定黎FAMA,又可以食下嘢，小朋友又有嘢玩，媽媽們就可以輕鬆咁傾下計。FAMA 係太和運動場附近，由火車站行過去大約10分鐘，十分方便易揾。上到去就見到幾個打卡位，最岩我地一齊影相留念。食物方面，所有食物都係即叫即製，十分好食。FAMA 入面提供好多桌上遊戲俾客人租借，仲有3部夾公仔機，小朋友見到就最開心，FAMA 有得食，又有得玩，仲可以夾到公仔先走，小朋友開心死。

今日返工去咗太和開會，就順路同同事喺附近食個午餐😀見到有間cafe好似唔錯~一於試吓先。入到去餐廳空間好大、好空曠，窗外望山景，感覺好舒服。而且價錢都好抵食，所以我哋叫左超多嘢食🤗雞扒意粉 $70超大塊雞扒，仲連埋雞髀骨，啖啖肉，而且雞肉夠滑😜🍗份量足。意粉🍝硬度適中，有咬口，抵食。烤羊扒 $80有2隻大大件，羊架出去食一向比較貴，呢到大大件，好看羊味，側面有少少焦脆，上面有好多香草，配薯條🍟脆卜卜。瑞士雞翼 $58有8隻，真心好抵食，仲配薯條。雞翼煮得好淋，易咬😜卡邦尼長通粉 $58芝士好多☺️中規中矩，份量都ok富士山下西多士 $48雪糕本身雪得超凍，所以放上熱辣辣西多士後，都唔會溶得太快，可以享受凍冰冰雪糕🙂🍦糖漿另上，有得控制份量，唔驚太甜。

夜晚嚟工業區搵食，係遠離塵囂嘅好渠道，但諗都冇諗過冇雷公咁遠嘅大埔工業區都有樓上餐廳，地方幾大，自助形式，仲有board game玩𠻹見呢度嘅人好多都嗌包點，大胃就嗌吓佢地嘅牛漢堡漢堡扒激厚，又夠juicy，芝士黐住菠蘿，剛好中和膩感全日早餐點呃like法？上面包咗咁多款嘢食，又三文魚又牛角包又黑松露炒蛋又番茄又盛，樣樣都幾足料吓㗎跟餐有麵包同羅宋湯送，麵包大大隻仲烘到暖笠笠，搽牛油即溶羅宋湯甜酸平衡，又夠暖胃見menu用Mirror啲歌詞介紹小食，睇嚟老細係鏡粉大胃揀咗西多士，拼雪糕真係唔常見而且超厚身，切落花生醬味湧出嚟佢地嘅梳打雖然色彩繽紛，又好IGable但其實一啲都唔死甜，拿捏得宜

今日跟朋友去位於大埔汀角路FAMA 聚聚，聊聊天😗FAMA地方很寛躺，景觀又開揚👍🏻還有打咭佈置位和三部夾公仔機，每局都只是$2-$5🤪而且FAMA 還有很多經典的漫畫可以借閲😍邊聊邊看邊吃感覺很寫意🤗扒春雞扒跟薯條，半隻春雞，燒得夠香夠惹味，雞肉肉質鮮嫩多汁。忌廉青醬珍珠帶子雜菌偏意粉，忌廉青醬汁夠濃稠，珍珠帶子份量不少，偏意粉軟硬適中，夠入味。富士山下西多士，西多士厚底，和估唔原來雲呢拿雪糕跟西多士和蜜糖咁夾🙊好食過用牛油🤪瑞士雞翼八隻加薯條，雞翼夠大隻，而個瑞士汁夠濃夠香，不會過鹹！

老朋友約聚會，傾傾心事，玩玩game 等…朋友建議去大埔FAMA..感覺有點遠，但朋友強烈推介，於是就讓他一次🤪😂FAMA 位於大埔工業區，但竟然有一邊單邊大窗是望住樹林🤩感覺很chill 很寫意…而且地方很闊落，有高枱或梳化位任君選擇🤗🤗果然冇介紹錯🥰🥰進擊炸魚漢堡薯條，條炸魚真係好進擊🙈很大條，炸得剛剛好，不會太乾，配一片芝士蕃茄等一齊吃，很惹味！呃like 全日早餐，有香脆鬆軟的牛角包，早餐腸，味道不錯，皮脆肉嫩！黑松露炒蛋很香又惹味！又有美味茄汁豆，香脆炸薯餅等..！$70 很抵👍🏻逛宇宙；玩不夠的小食拼盤有，炸蝦，咖喱角和春卷薯條和沙律都只是$58🙈每款有三件，炸得香脆美味，跟沙律菜一齊食，可以減少油膩感🤪😂

早幾日約咗個朋友食飯佢住大埔我真係已經好耐冇入過大埔決定直接入去探佢..佢住大元邨對面啲工業大廈原來都有餐廳見到呢間 FAMA 有嘢食又有board games玩..我哋叫咗個 Parma ham pizza ($98) 又薄又脆，Parma ham配芝士～一流～..牛肉漢堡配薯條 ($108) 係餐嚟嘅，有餐湯餐包同餐飲，加咗 $15 要熱cappuccino。個牛都幾juicy同嫩，唔柴唔乾 ; 杯cappuccino 好大杯 好抵飲～..地方夠晒大又有好多款 board games連夾公仔機都有喺度chill一日都有問題..

今次嚟到喺大埔工業中心對面嘅一間小餐廳，環境寬敞，坐得幾舒服，仲有山景望。除咗食嘢之外仲可以喺非凡忙時段免費玩餐廳提供嘅board game ，絕對係假期休閒之選。食物方便，首先係豪華炸雞拼盤，有雞鎚，雞塊，雞粒，半骨雞翼，絕對係party小食，再嚟有黑松露炒蛋安格斯burger，蛋或黑松露味足，特別之處係用咗巴馬臣芝士，比其他地方嘅burger更為濃味，仲有帶子青醬扁意粉，意粉有咬口，仲有啲蘑菇幾夾，最後就係all day breakfast 應有則有，尚算豐富，飲品叫咗凍焦糖朱古力，焦糖味足，可以再重少少朱古力味。整體而言呢間餐廳適合約埋一班朋友邊食邊玩消磨時間附近嘅汀麗路亦有錶位方便泊車。

今晚同朋友去了個唔錯嘅地方，但唔係朋友帶都真係未必知道這裡有這樣嘅選擇！平時去觀塘就有好多工廈餐廳，但估不到大埔亦有，剛好在汀角路旁嘅太平工業中心，行過去大元邨旁嘅中學就見到工業中心，乘升降機出去轉個灣就見到，門面唔算起眼，但內裡闊落，門口旁就係落單位置，枱就向前入去，座位充足，有兩邊，一邊係高身嘅枱椅，另一邊就係矮枱同椅，人少可自己選擇，人多就由店員按排！今晚就點了份呃LIKE全日早餐內有香滑嘅黑松露炒蛋，入口黑松露味道濃郁、大大片嘅煙三文魚、煎得香脆嘅早餐腸、漢堡扒、茄汁豆、炸得香脆薯餅、鬆化嘅牛角包、健康嘅沙律菜，整體十分足料！另跟餐還有餐湯及熱飲選擇！另加埋個巴馬火腿10寸PIZZA，香脆餅底上用上了巴馬火腿混埋蕃茄醬、車厘茄、芝士等材料，入口有拉絲感覺，味道十足！這裡食飯確實係一個唔錯嘅選擇，食物質素，份量足同價錢都合理抵食！如果一班朋友近近地搵個地方一聚又係另一個可以考慮嘅地方！

平日晚餐時間唔使等位，入門左手邊點餐右邊自助水吧，點完餐後搵位坐定定等無線牌響機就攞得。呢度岩晒一家大細，三兩個傾下計睇下書玩夾公仔都唔錯。我叫左原隻軟殼蟹炸魚漢堡配薯條，10吋巴馬火腿pizza，粉紅西柚梳打。炸魚漢堡仲長過我手掌，入面有白醬同生菜平衡返炸魚既油膩，原隻軟殼蟹非常香口，薯條都唔錯唔會硬掘掘。而pizza採用薄脆底，就算得2個人share 食都唔驚會濟住濟住。粉紅西柚梳打唔止樣靚，飲落酸酸地好開胃。總括今餐幾好唔錯，之後會再去試埋其他菜式，而環境舒適加左唔少分，因為工廈關係地方大唔使坐到迫一迫。

好耐無約朋友出去食飯啦！今次聚會有大有小，總共六個人，朋友就介紹我哋去fama 。Cafe外面其實無乜裝修，但一入到餐廳，氣氛就截然不同！呢度係用自助形式，要自己先去收銀位置點餐，然後自己拎餐具，食完之後亦都要自己收拾。我同小朋友點咗幾樣菜式：1。雞翼薯條（瑞士汁雞翼超好味，好入味！小朋友至愛！薯條新鮮炸起，熱辣辣脆卜卜！）2。焦糖朱古力、朱古力咖啡（飲品好大杯，好抵飲！）3。牛扒拼豬排（就個人口味嚟講，兩款扒略嫌煮耐咗少少，熟透，但小朋友食既話就岩岩好！）4。pizza（小朋友超級喜歡呢個pizza，個底好薄又脆）呢度仲有夾夾機、boardgame、圖書、漫畫⋯食完飯，大人可以慢慢傾計，而細路就自己搵娛樂。好耐未試過咁悠閑食晚餐啦！

其實時不時中午都會上黎食個lunch, 鍾意佢呢度夠闊落，而且有個大玻璃睇山既風景今次時隔幾個月再上黎, 發現佢轉左新menu, 覺得開心!!!因為之前都食過好幾款其他餐喇1️⃣呃like全日早餐 – 朋友話夠熱, 而且夠飽, 三文魚係煙燻過, 淡淡香味2️⃣黑松露炒蛋牛肉漢堡 – 漢堡好厚好大舊呀, 徒手拎起食會食到成手都係, 建議用紙巾包起再食, 咁D汁就吾會整到成手都係。中間既漢堡扒目測都有1.5CM厚, 食落又多汁又美味!!3️⃣烤羊扒 – 朋友點的, 一開始時我都好擔心會有羊羶味(因為我怕), 之後我試食左一舊, 發覺吾會羶, 而且肉質鬆軟, 整體味道不錯