Fiat Caffé (已結業)

小小聚會，在openrice上找間可以訂位的餐廳，發現了這間fiat主題餐廳（不過原來同行的男士們對車沒有興趣）餐廳在美麗華商場地牢、好易找！餐廳中央對著門口位置擺了一架真的fiat汽車控望住呢架車食飯真係好開心架本以為餐廳好細，但原來入廚房嘅方向仲有一排卡位呢餐三個人食。選定一個二人餐、一個一人餐，後加一個pizza上菜，先上頭盤沙律同湯。二人餐-蘑菇湯：多左少少油，同埋菇打得唔夠碎、又大又細，不過味道okay；沙律：無咩特別；鵝肝慕絲多士：多士薄到薯片咁，成個多士組合一陣風就無左⋯蛋餅：一上台就食，好凍，食唔到有咩味⋯一人餐：南瓜湯呢度上菜都快，未食完頭盤已經上main⋯二人餐-龍蝦海鮮拼盤：有半隻蘑菇芝士焗龍蝦，蟹鉗好貼心地已經拆殼放埋喺芝士下面，另外仲有青口、蜆同一舊焗三文魚，底下薯蓉（好似無調味）龍蝦味道ok，三文魚有啲乾同鞋，貝殼類就似白灼加茄醬呢碟整體淡口二人餐：香草醬黃瓜露荀意粉食齋朋友指定，比想像中好味，份量正常，但略顯多油一人餐-焗黑松露蟹子波士頓龍蝦配寬條麵：賣相不錯，見到一整隻龍蝦，馬上覺得值回票價龍蝦基本上同二人餐拼盤嗰隻一樣，只係多左蟹子喺面⋯意粉相對失色，

預早經openrice訂檯為家人慶祝生日,  我地有6個人加1個小朋友, 服務員都好細心咁安排小朋友既坐位, 亦會主動加水比我地, 態度亦好好。我地叫左2個OPENRICE特惠2人餐, 再加1個PIZZA同手搓粉, 每樣食物都好滿意, 食得飽飽, 鵝肝醬好美味, 我連青瓜片都搽少少鵝肝醬食 ; 黑松露手搓粉唔錯, 好香, 第一次食依種意粉 ;  海鮮併盤有半隻龍蝦, 少少熟過龍, 不過都幾多膏, 尚算滿意 ; 牛柳牛味突出, 中間仲夾左隻蠔, 雖然D蠔味入唔到落牛柳度, 但咁仲好, 因為我地當中有人唔食蠔 ; 唯獨係沙律如果加少少醋就會更好。最後服務員提我點甜品, 為家人寫上生日祝福, 我就去蛋糕櫃揀左件芝士餅, 比家人一個驚喜, 真係唔該你地。

all day breakfast對於我來說，份量太多了。下午茶點個Egg Benedict 最合適。配菜有煙三文魚和沙拉菜。這個Egg benedict做到了要求了，滾水蛋白熟但蛋黃流心，蛋汁滲透入下層的包底，令本身較煙靭質感的包都容易入口咀嚼，略遜的是杯餐飲品細杯咗啲。朋友點的牛排三文治，他點全熟，肉質都不太老。但我都喺較喜歡清新點的Egg benedict!因為坐的位置近外面，如果商場有活動，會比較嘈吵一點

FIAT CAFFE食開一直水準都好高今日happy friday預先book定位今次坐左係車隔離,都幾有新鮮感 兩個人叫左個二人套餐前菜有個碎蛋沙律,幾有口感,雪凍左好食蘑菇忌廉湯亦都係再光顧既原因,,超濃蘑菇味,不過可能會有少少飽主菜叫左個豬肋骨,份量就唔算大,但都有肉,唔肥,味道無特別,不過就無任何雪味蟹肉意大利飯,好多蟹肉,配大大粒菇味重既菇,可能個汁醬關係,都係屬於比較飽既菜色Daily dessert,細細杯,另外打卡會送雪糕,好滿足總括fiat caffe 食物質素有保證,服務質素都好好,有時waiter waitress都會同你有講有笑環境亦都舒服,唔會趕人走,絕對物超所值

My Order:山葵吞拿魚牛油果他他 ($98)愛爾蘭藍芝士瘋薯 ($72)燒烤汁單骨雞翼 ($68)巴馬火腿火箭菜薄餅 ($168)黑松露野菌忌簾汁手搓粉 ($138)山葵吞拿魚牛油果他他喜歡這個沙拉~牛油果的量很多!滿足滿足!!吞拿魚蓉入口即溶=]只是一整個份量有點少T^T愛爾蘭藍芝士瘋薯一般般，不知是否預早焗了芝士都不太溶。燒烤汁單骨雞翼 燒烤汁做得不錯，配的也是火箭菜，這店的火箭菜都不太會苦!巴馬火腿火箭菜薄餅薄餅餅底夠薄，芝士的部份也夠溶入味。巴馬火腿很香，為整個薄餅加了分!黑松露野菌忌簾汁手搓粉很少店有手搓粉，所以特意點了一試。吃手搓粉一定要夠醬汁，不然會只吃到粉糰味，這個忌簾汁很足每一條粉都被醬汁包圍了，可是黑松露味不突出。

同朋友食飯，最緊要地點方便就腳，如果可以再逛埋街就更好. 以前曾來過Fiat Caffe晚飯，食物質素不俗，價格也合理，最緊要是位於美麗華商場，飯後可購物，最啱行街精~ 一行三人，選了一客($388) 2人套餐，再加1款($158) 1人套餐即可~ 精選沙律 (2人套餐) 沙律菜再加上碎蛋沙律，冰凍又新鮮，作開前菜剛剛好. 龍蝦湯 (upgrade+ $5) 本是雜菌湯，見到只需加$5 即可轉為龍蝦湯，沒有不轉的理由吧! 龍蝦湯熱度夠又濃稠，鹹香鮮味，個人幾喜歡. 藍芝士汁鮮蝦扁意粉 扁意粉幾有咬口，再加上數隻爽口大蝦，也不錯. 慢煮牛面肉配紅酒汁 牛面肉肉質軟稔，也有紅酒的香氣，頗有水準. 單人套餐則於沙律/ 餐湯當中2選1，雜菜沙律份量幾多亦夠嫩綠. 香草醬雞肉鮮蘆筍扁意粉 ($158) 香草醬意粉都幾惹味，不過略嫌油了一點. Iced Fruit Tea 跟餐果茶酸甜又解喝，好好飲!! 奶凍 套餐中的甜品是奶凍，小小一瓶，可以過下甜品癮也不錯呢! 我們於舒適的環境下坐了2個多小時，離開時已經9時多，很久也沒有與sisters閒談如此久，下次聚會會是何時呢?

經過Fiat caffee 好多次，不過都冇入過去，因為覺得價錢都幾貴，而且所賣嘅都係一啲普通嘅意粉薄餅，西式小食之類，冇咩特別，相信都係用佢哋品牌汽車作招徠，唔實際。碰啱今次有半價優惠，就即管試吓佢，估唔到佢哋嘅服務相當出色，地方清靜又寬敞，食物方面亦一啲都唔行貨，一開始叫嘅單骨雞翼，令我眼前一亮，食指大動，就算牛扒三文治都做得好細心，侍應會問客人塊牛扒要幾成熟，以環境同食物，再加埋半價優惠，絕對超值，值得一試。

是晚為朋友慶祝生日，因見餐廳名字和朋友的名字相似，而且評語都ok, 特別揀呢度攪笑下。一行3人共吃了$650+跟餐磨菇湯和包磨菇味不夠濃，很水了了的感覺，和一般creamy的磨菇湯不同，可能煮法不同🙈包：本來挺期待的，但卻是凍的⋯ 原以為我地掛住影相攪到佢凍左，但友人說上湯時已經是這樣😞另外點的：truffle fries其實係個醬有黑松露，薯條只有少少芝士片Again... 可能同出面嘅煮法不同, 攪到佢冇乜特別好食藍青口（另外點的）青口s細過粒擦紙膠，有啲仲要係吉嘅殼⋯汁的味道還可以， 不過冇乜肉食。跟餐點的 Rib eye點了七成熟，不過從下圖應該都睇得出⋯唔只七成⋯最後 手搓粉最好味的一道菜。手搓粉比較特別跟餐還有一個甜品的我們訂座及到埗時都有查詢可否上甜品時加上生日字句，獲告知可以的。但最後因爲跟餐甜品是一個用小牛奶樽裝的啫喱，店員說辦不到。其實他放牛奶樽在大碟，寫朱古力字再加上蠟燭都已經ok la. 不過算了⋯ 因爲友人提議去上面so Thai so good再吃甜品 (詳見本人在該餐廳的食評）總括來說，可能我地叫錯食物，所有食物都冇特別會推薦，應該呢幾年內都唔會再黎🙈

用餐環境安靜，食物不錯。因是和朋友剛做完運動，所以三個人只點了pizza 魷魚和大蝦意粉，份量剛剛好。特別推薦魷魚，就算涼掉了還是很美味！大蝦意粉因爲太餓一上來就吃掉沒有拍照Pizza的邊太脆了。雪糕是like 餐廳facebook每人送一客，有薄荷朱古力和草莓味道，免費的飯後甜點不錯在openrice訂位，以為有6折，原來是二人set dinner才有6折。埋單時每人約HKD120，在尖沙咀這個地方，價格算合理。

假日逛街，必定喜歡到商務看看圖書，發現美麗華地庫都頗多 特色餐廳 或者 Cafe然而，甚喜愛食早餐的我決定係下午4點黎個 全日早餐於是 在 Fiat Caffé 同隔壁的餐廳糾結了很久，基於隔壁餐廳曾經給我的印象一般也被 Fiat Caffé 門面的【大大大大黃色車】吸引，就中伏了，😂哈哈1. 蛋份量太多了，太油膩！！2. 煙肉製作時間太長，過硬3. 香草腸不錯，夠Juice，厚實，香脆4. 菇and焗豆都不錯，入味的5. 多士唔夠熱會係敗筆之處店內裝潢，小朋友會很喜歡，因為有一大架黃色車，但價格以下午茶來說比較昂貴合適工作長時間傾談，朋友聚一聚的地方，地庫關係人流少，很安靜，環境不錯店員服務態度好，也好快手，不會懶於清潔👍

今日去到尖沙咀搵嘢食, 搵咗個主題餐廳食嘢。 點解揀依一間？因為有個賣背包嘅銷售員話依度啲意粉好好食，所以特地去試下呢到啲意粉。 我今日食嘅係三文魚Wasabi汁扁意粉。 個汁食不到日本芥辣味道但係好重芝士味。 總體口感同味道也算好。但係其他嘅食物，除咗鱸魚好味之外全部都係中等。 最失望就係個蟹餅不但止冇蟹味，食落去仲好梅好軟。 最有趣嘅就係件牛扒有半邊是全熟，另一半是4成熟。 我哋點嘅係六成熟，唔知佢地係咪張十加四除二等於七咁計?這一間總體上坐得舒服， 飲品好好飲，但係我唔會再嚟食午餐，但係飲嘢都可以嘅。

好耐冇見一班中學同學，大家決定去尖沙咀食有一個朋友介紹去美麗華廣場地下嗰間餐廳原來就係呢間侍應安排左一張大枱俾我哋我哋一行六人叫咗兩個二人餐同埋一啲小食同沙律二人餐當中，牛面肉口感好軟熟！非常入味另外一豬柳，酸酸甜甜，10分醒胃二人餐餸嘅沙律中，其中蛋沙律比較漏另外叫了個意大利飯，米飯口感OK再煮林啲會比較好我另一朋友叫咗個意粉，但係味道麻麻，有一點失望期間朋友看到枱面上有一宣傳，只要在餐廳Facebook Check-in & Like，就會有免費雪糕一客我哋打咗卡，然後叫咗一個年紀較大嘅高級侍應先生（佢負責跟門口嘅樓面）來看看。他的說話態度認真麻麻，說了一句「咦你好似打錯卡喎」，然後就突然消失。我確定我沒有打錯卡，就再叫他來確定，怎知他什麼都沒有說，又再走咗去！到我們的聚餐中段，看到雪糕還沒有來，就禮貌地問了一問他（其實我們想問其他人，但系他負責我們這一邊）。他竟然什麼都沒有回答，然後又再一次走咗去！😨😤😤😤😠到最後大家都吃完了，雪糕還沒有來，我們便再問一問是否有雪糕送然後那高級侍應再沒有回答！！😡😡😡😡😱😤約3分鐘後，我身後就突然伸出了一手，匆匆地放下雪糕！我們感到那高級男侍應十

今日約左朋友係尖沙咀行街，但因為朋友有事要推遲到下就先得，於是就自己去食lunch先。呢間fiat caffe次次經過都想試，今日終於有機會試下啦。因為我太早到噶關係，成間餐廳好似我包左場甘。lunch set望落都幾吸引，最後揀左個紐西蘭肉眼牛扒，五成熟。湯是番茄湯，番茄味道極濃，而且有番茄蓉，好好飲。肉眼扒一上檯，賣相唔錯，伴菜比我想象中多。但塊肉令到我有小小失望，order時要五成熟，但完全over左，食左3分一都見到差唔多全熟。食到中間，都只有少量粉紅色，似九成熟。好彩是肉眼，本身脂肪多d，所以未算太鞋。不過塊肉眼係無麼味道噶，唔知係咪因為個番茄湯夠濃味。不過伴菜就相當出色，薯仔脆口，粟米粒同瓜是炒過噶，味道唔錯。最後噶餐茶同甜品。餐茶係熱檸水，而甜品食士多啤利奶凍，牛奶味好濃，又滑，呢個甜品唔錯。

同朋友叫咗一個Dinner Set for Two，有沙律、餐湯、2個主菜、甜品+餐飲。沙律ok，驚喜不大磨菇湯，比想像中濃得多，飲完已經半飽蟹肉啡菇意大利飯，飯質俾一般意大利飯「杰」得多⋯⋯食2啖已經覺得好漏，同埋食完睇到碟底好多油三文魚扒，呢個其實好好食，不過由於飲完湯同食埋個意大利飯已經飽到上心口，只係食咗舊魚扒，配菜都無咩點郁過～甜品係一杯奶凍，但唔知係咪我太少食正宗意大利餐，杯奶凍又係好「杰」，食完有少少張住個口嘅感覺⋯⋯總括嚟講，啲嘢食味道係唔錯，不過太「杰」嘅關係，食到一半令人感覺好漏，個人會無意欲繼續食落去⋯⋯

今晚約左朋友食餐好，為自已辛苦工作後打氣。他們想食西式，所以我揀了呢間，因為我中意。坐落先知，用openrice 訂位，惠顧指定四人餐有六折優惠。咁就揀Openrice四人餐啦。頭盤1) 龍蝦湯 味道濃郁，加入些忌廉，令口味更滑2) 沙律一有兩款巴哈馬火腿 蜜瓜火箭菜/芝麻燒吞拿魚卷(choose ONE) 我地揀左巴哈馬火腿蜜瓜沙律二：凱撒沙律主菜有三款意大利飯，薄餅，意粉1) 意大利海鮮燴飯，有三隻青口，兩隻顯，兩隻蝦，一件帶子。意大利飯(似是珍珠米) 燴忌廉汁，及香草。2) 薄餅：夏威夷薄餅/ 黑松露芝士雜菌薄餅 (choose ONE). 我地揀左黑松露薄餅，topping 黑松露醬一點都不吝嗇，落足份量，芝士雜菌，加薄餅底3)意粉：馬沙拉魷魚意大利粉/ 扁意粉魷魚足量，配馬沙拉香草的意大行粉，真係好味4) 燒春雞炸脆蒜蓉鋪在燒雞上，喜歡蒜蓉的朋友會喜愛。餐茶及甜品總結，食材新鮮，好味，環境坐得舒服，服務好。讚！似賽道的走廊