Flame at Towngas Avenue (已結業)

首先講下個環境，我地一行3人，坐左係一個好細好焗既室內地方，無咩空氣。好了，開始食野，頭盤<什錦意大利拼盤>$168，無咩特別，食唔出Parma ham既味道。<白酒煮青口>$138，無白酒味，得白汁味，D青口肉比想中細好多好多，食左好似無食過，同餐牌圖片出入好大，雖然我無要求同餐牌一樣，但最少要有一半卦，最後青口肉一半大都無。<凱撒沙律>$88，尚可以，可能係蔬菜關係，都唔會難食得去邊。<美國頂級肉眼扒>$368，最嬲係呢個，我同太太share，切都切唔開，咬又咬唔到，我太太直頭放棄左唔食，明知我地share食，但比得一把扒刀，請問想點，仲話係美國<頂級>? 甘既會價錢甘既質素，完全唔值。最後pack走左個<蕃茄吸管粉>$168，顏色紅噹噹，酸到一個點，蕃茄味好假，究竟落左幾多茄膏?埋單一千多元，真係唔知自己食左D咩，好彩減左四百蚊現金券，下次一定唔會幫襯!！

係媒氣公司買咗熱水爐同煮食爐，有現金券回贈到此餐廳用膳。由於2月14日前一定要用，所以我地拿拿聲搵日得閒去食先。餐券沒有拍定時段使用，我地揀咗下午茶時段過來試一試。我點了All Day Breakfast，味道唔錯呀，而且都好豐富，有抄蛋(幾嫩滑)、煙肉、德國豬肉腸、野菌、焗豆、蕃茄、薯仔及多士。肉眼叫了七成熟，廚師控制得好好，肉質好Juicy，有口感!配上一杯紅酒，這個下午極為寫意、享受加配這個番茄扁意粉有意外驚喜好濃郁番茄味，意粉有咬口，好回味不過下午茶時段冇得BOOK位，不過人唔多，應該都易有位嘅。雖然坐唔到窗口位置，但係日頭有陽光，望出去可以望到海景，感覺都好舒服。不過價錢真係比較貴，如果唔係有現金券都未必會嚟呀!因為有現金券，埋單比$11咋

之前在煤氣公司換了個熱水爐，拿了三張《Flame at Towngas Avenue》的一百元現金卷，昨天一看原來今天到期，所以今天早上就打電話訂位食晚餐，晚上我準時到了餐廳，這𥚃的環境真是不錯，海景也很靚，入座後服務員為我送上餐牌，我點了一客香煎鵝肝，鵝肝味道不錯，我還點了一個卡邦尼意大利粉闊麵，這個味道就淡了一點，埋單三百多才補了四十元，在這環境食真是很不錯！

因為手持三百大元煤氣禮券而且就快到期，所以我同友人就決定星期日既晚上去Flame at Towngas Avenue手持債券當然要先打去問一問洗唔洗預先講定/ book 檯啦！陣間去到無位就去黎都無謂加上餐廳位於中港城坐窗邊會望到海景，所以建議早d book 定靚檯另外餐廳有分室內同室外，不過依家夜晚都凍凍地無謂坐出去啦而且驚坐室外有人食煙d 煙味會吹到埋黎。食野聞到煙味真係幾倒胃口，一d 都唔夾晚市六點開始，我同友人因為無食lunch 所以好準時就去到了門外usher 話一小時要交檯問我地o 唔ok，我諗應該係當日有活動？？？因為晚餐一小時用饍時間真係有d 短不過因為我同友人都唔係dating 既心態（加上要用曬d voucher），所以無問題就入去啦！MENU 唔需要多講，因為openrice 都有齊曬menu。set dinner $368/pax ⋯⋯ a la carte main course 兩舊幾水一個 pasta 百幾蚊一碟前菜接近一百or over 一百都有呢度食物既價錢唔算特別貴，但係呢個price range我會想去海港城個邊多d而且要知道我手持三百大元禮券啊，

有幾張coupon月尾到期，終於記得過嚟食咗佢！之前睇過其他食評話晚餐好貴，又要預早訂位！所以選擇去食午餐，因為臨時決定所以冇book位，好彩嚟到都仲有位不過要坐室外，咁啱今日唔係好大風又有太陽幾舒服！服務員都好細心，走左幾次來問你使唔使開暖爐！海景景觀！不過咁岩有個大吊臂機，阻擋視線～忘記影餐牌啊！午餐都唔算貴，好似$88起，百零蚊都有！最貴嗰個都好似二百幾！個蘑菇湯散叫好似$58，味道不錯，好濃郁蘑菇味！個法包脆身！素肉漢堡包薯條好似$9x，漢堡包一般，素肉味道麻麻，得啲鹹味，薯條好食有薯仔味！大蝦菠菜意大利飯好似$13x，呢個幾好食啊！香濃忌廉味！飯身唔會太硬！香囗～而且份量都幾多！有兩大碗飯！*有加一服務費，最後埋單$301，補咗一蚊咋！*走嘅時候已經滿坐，而且出邊都有人排緊⋯估佢唔到，穩陣啲要去食就訂定位啦！

今日約左兩個舊同學去尖沙咀Flame at Towngas Avenue 食飯，環境都唔錯，景都ok，服務員好有禮貌。我地叫左三個set lunch，Flame Breakfast Luxury好豐富，魚都好滑，夾餅等得耐D，但熱辣辣上枱！三個set lunch 剛好$400。

因為有卷至打去訂枱, 打去個女侍應接聽, 態度好差, 已經想唔食, 網上見到餐牌及其他食評, 睇完就更加唔想食。其實D卷唔算免費, 根本係買爐具包啲, 好心Town Gas做番平D仲好啦, 反正呢間店舖D員工服務態度咁差, 無卷根本唔會幫襯囉。

早一陣子，屋企換咗新的煤氣煮食爐和熱水爐，絕對唔平，不過，煤氣公司送番600蚊餐卷。好彩仲記得呢件事，否則餐卷過咗期就嘥咗600蚊。今日中午嚟到中港城嘅 “煤氣餐廳”，對住碼頭景食晏，都OK，如果天色好些會更好。雖然有600蚊餐卷，其實可以揀嘅嘢唔多，左度右度，都要over budget，最後，都食突廿幾蚊。叫咗龍蝦湯、西洋菜濃魚湯、鮮蝦菠菜燴飯、焗三文魚柳拌薯蓉、咖啡和焦糖燉蛋。餐湯跟咗一片麵包，脆脆地，拌湯OK。龍蝦湯幾鮮味，但係一粒仔龍蝦肉都無的。西洋菜濃魚湯好飲啲，因為較特別。焗三文魚柳幾大舊，焗得幾香，不過嫌油得滯。鮮蝦菠菜燴飯啲米都唔似係意大利米，整個飯一般般。焦糖燉蛋係好食嘅，有大酒店水準。埋單俾咗6張餐卷和100蚊個職員，等咗好耐都唔佢返嚟。揚手叫佢過嚟，同佢講未找錢，佢先至回魂 (唔係諗住我會俾七十幾蚊tips 你呀? 水都無斟多杯喎~) 結論: 要俾錢嚟食的話要三思。

位於中港城的餐廳，裝修的確非常優雅，維港風景亦十分宜人，是非常適合用來殺時間的地方人手/侍應數目不夠，態度也是呆呆的，點菜的話要很努力吸引侍應目光才可以成功叫喚他們午時套餐沒有包湯，只是主菜加餐飲，連服務費大部分套餐也已經過$100甚至$150，姑且看看質素如何食物方面叫了一個蘑菇湯，配了一個非常硬而且不太好吃的餐包： 蘑菇湯不是太濃，不覺得值$58（已是套餐加配價）主菜是一塊五成熟的牛扒，多筋，口感非常一般， 還好可以配燒汁吞下；但相反作為配菜的秋葵和番茄煮得很好吃想叫餐茶時，縱然餐廳入座率不到20%，但竟也花了五分鐘才能成功召喚侍應落單最後等了15分鐘也沒有送來，因為趕時間，再不能等了，埋單走！！

Towngas開既餐廳，難得有600蚊coupon，即管好試試！依家先知原來中港城有個咁既位置😂 門口好靚，仲有d戶外座位，感覺幾chill。不過室內就差d喇，樓底好矮，座位有少少迫，隔離傾偈都聽得好清楚🙉叫左蜆肉意粉，豬脾，同粗薯條。老老實實，賣相同味道都好一般，唔係唔好食，不過真係唔太吸引⋯⋯特色d既係火焰雪山，超大個，著哂火咁好勁🔥 不過味道都係一般。所有食物價錢真係幾貴🤑 無叫飲品都食左八百幾蚊😵😵 無coupon的話，都應該唔會再黎了🙇🏻

今日去到尖沙咀中港城呢間由towngas所開辦嘅西餐廳食lunch，初頭都唔知邊度係「平台」，原來係條長電梯直上。上到去個環境幾好，又通爽，又有海風，可惜有雨，如果唔係坐外面都幾舒服。餐廳嘅侍應都好有禮貌，係少有地咁有禮貌所以呢樣要加分今日嗌咗一份七成熟羊扒薯菜同五成熟肉眼扒薯菜，羊扒方面，羶味唔太重，肉質嫩，而且入味，相反肉眼扒就相對地比下去，牛肉味係有，不過可能食完羊再試件牛，覺得唔夠味。薯菜就係小薯仔加秋葵加蕃茄，感覺都幾新鮮！之後仲叫咗份心太軟，認真好甜，唔食得太甜嘅真係揀過第二份甜品好彩我都可以食得好甜，頂得順！

朋友買了煤氣爐，贈送了現金卷，知我公司在附近，送上現金卷，借花敬佛換了蛋糕。初時以為現金卷必須要到食店消費，後來發現可買其貨品，決定試試。蛋糕價錢由$130-$180 ，價錢非常大衆化。四種口味選擇，只是沒有生日牌和蠟燭，當然更加沒有寫名服務，但以這個價錢，作買回家作甜品，相當合理還有其他產品選擇，大部分都是外國貨。Jamie Oliver 產品都有。最後選擇了 Tiramisu $130，慶幸回家找到生日牌和蠟燭，粗粗哋，開心食蛋糕蛋糕雖然冇款，但以$130的確唔差，筆者喜歡淡淡的酒香和甜度剛剛好，依個價位，相當超值

聽說這間餐廳擁有無敵海景，於是我慕名而提早兩星期電話預約，並要求訂一個近窗的位置，可惜接電話的職員，說客人不可以要求座位，座位要由當天職員安排。我心想這餐廳居然具有這種性格，可能她會有意想不到的賣點。於是，我提早一小時到達，真的可惜，近窗的位置很少，已一早給人坐滿了，而在門外近海景的座位，不遠處已有幾部「吊雞」在旁，完全大剎風景，不坐也罷。雖然服務有點商榷餘地，可是食物還算不錯。頭盤我點了一客西班牙火腿蜜瓜，餐湯是蟹肉龍蝦湯，主菜是海陸拼盤。西班牙火腿蜜瓜一客難忘的前菜，parma ham未入口已濃香四溢，入口有即溶感覺，配以蜜瓜，鹹與甜，乾拼濕，口感配合得天衣無縫，即時胃口大增。蟹肉龍蝦湯龍蝦湯滑而香，把前菜火腿的香味更昇華至極點海陸拼盤賣相使人食慾大增，可惜早前忘記跟侍應交待牛扒幾多成熟，而侍應也沒詢問，送過來時，已經擔心不如理想，結果西冷稍覺硬和熟了一些，兩隻大蝦也很普通，反而蘆筍較為清甜，十分吸引。總括來說，海陸拼盤，外表好看，但味道一般，不過價錢十分昂貴。燻焗三文魚柳賣相好，味道更好。這道主菜是同座朋友給我試吃的。放在木板上，加上蜜糖汁燻焗，十分惹味，鮮味之中，滲出點點蜜汁甜

屋企買左新煮食爐, 送左3張共300蚊COUPON, 食之前睇到D食評都冇咩期望為左用左呢3張COUPON 先去食約左3位朋友一齊去食啦, 原來BOOK 位都唔易BOOK, 又話呢日俾人包場, 又話個日FULL 左要WALK IN, 結果去到既時候只可坐外面, 好彩WALK IN 都有位友人一睇MENU 嚇親左, SET DINNER 好貴, 咁就睇散叫的MENU 啦, 價錢都唔平, 唯有是但叫幾樣野夠食就算Order左一個濃菌湯, 白酒忌廉青口做前菜, 再叫多一個卡邦尼意粉同意大利飯份量唔大架, 好彩大家唔大食都勉強夠飽啦朋友覺得青口比較細隻, 我覺得味道只是一般, 稱唔上好食卡邦尼意粉大家都覺得算唔錯意大利飯朋友覺得唔好食, 普通野, 冇特別, 我同意買單後當然大家都仲要補錢, 如果真係好食, 補錢都冇所謂, 但唔係好食囉呢度, 總結黎講, 同其他食評講既一樣, 都係因為有COUPON 先去食, 冇COUPON 就唔會去食

今天和兩位朋友聚舊，選了這間餐廳，因地點方便大家，又有靚景及美食，到8pm時還看到幻彩詠香江😅我們三人點了一份寛帶麵，真的很寬闊的麵😆，一個好似是野菌意大利飯，不會太硬，幾好，一個小食，一個甜品拼盤，哈，其實這才是我們的主菜呢，包括有法式焦糖燉蛋，心太軟伴雪糕，soufflé ，cheesecake。全部食物都很有水準，服務亦不錯，加上環境優美又有靚靚夜景，可以安坐看幻彩詠香江，實在是一個和朋友聚會談天說地的好地方。