Freshness Burger (已結業)

今日同朋友出來銅鑼灣,行過這個商場見到有人派傳單~ (原來佢吔新出咗意粉呀)因為我之前提過來這兒食burger , 咁朋友仔又好想食喎...咁就嚟試下啦~佢叫咗佢特級burger(52) 連洋荵圈 & 汔水我就叫咗個龍利柳意粉 (39) 連 湯/ 汔水Burger嚟到．．．嘩～　咁細個既？我朋友仲話唔夠食添呀．．ｈａｈａ我既意粉就....個龍利柳超大件呀.... 味道OK既..但係意粉就超唔得呀~又唔彈又唔如味~ BAD BAD BAD AR因為做緊PROMOTOION, 送咗LEMON CC 比我吔飲~ 感覺無咁蝕掛..HAHA洋荵圈就麻麻啦~ 應該唔會有下次呀

上一次食Freshness Burger係2007年...果陣岩岩開, 拉埋幾位同學由Poly行去海港城試新野...行到好累…結果超失望...果陣發誓以後唔會再食的!!!牛肉又乾又薄, $46至$62一個餐, 實在唔值!! 多謝Openrice寄黎$50 coupon, 令我有機會對佢改觀雖然只係我一個人食, 但因為有coupon, 放肆地大叫特叫!!5樣野加埋, 只需$33, 哇哈哈太抵了>V< !!特級牛肉芝士鮮堡 $56=漢堡+小食+汽水拎上手熱辣辣, 但賣相較差, 包包扁扁的好樣衰, 亦食唔出南瓜味;但果塊彈牙牛肉juicy到爆汁!! 一咬好似飲左一啖汁咁!! 輕輕力擠壓, 肉汁bid晒出黎, 真係好食過上次十倍!!原來和風肉汁漢堡塊牛肉薄好多架...怪唔得上次咁乾啦`半溶芝士+洋蔥+新鮮蕃茄新鮮菜菜, 真係唔錯, 但漢堡扒牛肉味不濃, 不是我喜愛的漢堡扒類型`都差唔多成$60, 比我揀我都係鐘意TripleO多d芝士煙肉焗薯皮小食揀左薯皮, 因為上次食過薯格覺得太淡;薯皮烘得金黃, 香脆熱辣辣, 但薯肉太多了;煙肉好香, 但似白汁的芝士唔香而且好淡, 不推介

黎FRESHNESS一定要食0既..就係薯皮啦!!叫左set黎食, 小食跟薯皮~最鍾意就係有cheese係上面,入口又脆, 冇得彈!!!仲有d煙肉粒, 香到冇得頂~~

二月十八日(星期三)今日我有點不舒服,當然都仍然去做運動,本身在公司比較差,但是做完運動的感覺比較好了很多!我們想用openrice的coupon去吃freshness burger!上次已經是上上年的xmas了!當然剛剛hit的,還記得是那個南瓜包!沙田又開了分店,近排有意粉新出,我還以為此店也有,不過原來只是沙田店有供應,所以都是吃burger set了!我要了雪魚堡餐,老公要了燒牛肉堡!每個連飲品也要四十元多,不算便宜,幸好有openrice的50元coupon,分擔了一半的開支!寫食評除了分享生活點滴外,還可以有"免費餐"吃呢!!製作時間比率耐,15分鐘左右才有!有服務送上,不錯呢!而且薯條看得出是新鮮炸的,入口熱辣辣,十分厚,口感十足吧!包方面,南瓜包鬆軟!而且沙律醬也有兩種,十分醒胃!雪魚都不錯,雖則比較薄身,老公的牛肉堡都好味!不過四十多元的一個餐就比較貴了點,而且吃完不覺得飽肚!

年三十晚的下午,與老公到銅鑼灣行逛,在出門前已預先攜帶OR送給我的Freshness Burger贈券(在此特別多謝OR請吃這一餐),因為我倆巳預早計畫順道到銅鑼灣的Freshness Burger用餐。 快餐店巳綠色為主題,必定有其含意。綠色代表綠草原,優質牛想必定在綠草如原茵的牧場靠吃青草來飼養,結果再在互聯網尋找答案,果然給猜中了。再深入了解,原來不單是用天然青草飼養,而且絕不含激素催逼牛隻快速生長。不說可能大家還不知,因為有親人在外國農場工作的關係,私下告訴我香港人最愛的雪花肥牛,那些"所謂"甚麼脂肪分部平均,原來是靠打針造成這效果。因此,現今食物越是天然,越對身體少有傷害,吃得也自然安心。能夠在日本擴充營業,得到日本人的認同,想必與其集團崇上食物天然的宗旨有著物切的關係。嚐過Mos Burger的鱈魚堡,也想嚐嚐FB這個脆魚鮮堡,想也不用多想,便叫來一個脆魚鮮堡套餐($52);小食選擇了芝士煙肉焗薯皮;飲品升級加五元選擇了有機朱古力咖啡。套餐價$57。而老公被人氣NO.1的特級牛肉芝士鮮堡吸引著,於是便叫來嚐嚐看;小食選擇了和風薯角;飲品方面選擇了玉桂奶茶,由於升級及加大容量

這間來自日本的burger店主力sell選用南瓜包對我而言, 面包非常有興趣的我一定要試試看!點了cheese burger另外仲有一個classic cheese burger, 分別就在於d芝士!cheese burger係日式,芝士係用芝士醬相反classic cheese burger係最基本,用芝士片既然成日都食到classic burger,就試下芝士醬啦!burger係即做的,所以夠fresh!番茄生菜有頗多的水份,所以都夠fresh!但就因為水份過多令個包變濕,影響口感。食食下仲會有d汁流黎流去,真係幾麻煩!牛肉不算好juicy, 夠牛味, 但嫌不夠鬆化。特別要講下個芝士醬,奉勸各位都唔好試啦!芝士醬只有好淡好淡的芝士味,搞到好唔似食burger。份量又唔夠多,好似淨食牛肉burger咁...我相信用普通的芝士片會好好多!南瓜包真係好軟熟,而且有少少甜味,幾好味!呢個特色之處都只不過係嘉頓批發,俾我見到真係幾失望。由於個包咁軟咁好味,芝士味又冇乜,唔多覺自己食緊burger。單一個包的價錢都唔平,餐set仲要成50蚊,唔抵!唯一係個炸洋蔥好味,一杯有好多,好味道!汽水冇

本來自己也覺得寫快餐店的機會很少, 不過前幾天食物的水準確實是令人有驚喜, 所以不得不寫!以往尖沙咀 Freshness Burger 俾我O既印象係幾差下, 因為牛肉是乾爭爭O既, 比起日本本土O既分店真是有天壤之別 (講得嚴重O的係幫日本拆招牌).但幾日前O係皇室堡分店O既質素卻令人驚喜, 按下麵包O既時候 (我叫O既係Cheese Burger) 肉汁立刻唧出o黎, 非常令人回味, 蕃茄亦無整凍個包(唔記得好似係MOS Burger定係尖咀Freshness有此經驗). 如此品質才值這個價錢嘛, 希望每間分店都繼續努力!

In Japan, this is one of my favourite burger chains.After some visits to the HK version, I must make the conclusion that it is by far the worst burger available in Hong Kong.Let's talk about the Freshness Burger itself, consisting of a thick piece of Tomato, some meat sauce, diced raw onions, meat pattie, mayonnaise, and the pumpkin bread, deconstruct it and see if others agree with me:1) Pumpkin Burger - overly compressed, overly sweet. 3/10.2) Thick Tomato - love the thick cut, but tomato has

因為好耐無去過食，所以專登去銅鑼灣食，咁啱又見到有免費山葵三文魚鮮堡送，只要買任何食品或飲品，就會送你一個永世難忘既回憶，註：優惠已完其實我都心裏有數，世間上邊會有咁便直既事情架～買任何食品或飲品，就送你一個包，仲要唔平！當我拿起個包時已經聞到一啲好強烈既味道，食第一口時先知道，原來我做左咁多年人，食篇世界各地既食物，但從未食過一個咁難既既漢堡包，塊炸魚簡直腥到難忘一世，雖然個包有山葵醬伴住，但山葵醬既味道再濃都掩蓋唔到呢塊炸魚既腥味。好彩個包係道既，如果要用錢買我一定會叫佢退錢，更好彩既係，食呢個包之前，我已經食哂其它既食物，咪食左呢個包一定食唔落其它野，雖然食左好少野，但係已經有飽既感覺，最後連果日既晚餐都無食到，只係覺得自己好黑仔，點解會俾我睇到果張免費送包既cupon　呀？睇唔到咪無事囉，呢餐真係我人生在世最難忘既一個下午茶。真係唔明白，一間咁況算有規模既漢堡包快餐店，既然會有一啲咁難食既食物。

早前和好友行銅鑼灣, 在皇室堡附近有人派coupon, 只要在Freshness Burger 買任何食品或飲品, 便可免費換取一個山葵三文魚鮮堡。我將coupon 交給老公, 待他放工後可外賣她們的漢堡包作晚餐。我吃了那個免費的山葵三文魚鮮堡, 真的不太喜歡山葵醬的味道, 略嫌山葵味道太強烈霸道, 山葵辣味完全蓋過三文魚扒的鮮味。而且仲覺得她們的麵包味道總是怪怪的, 頗難接受。還是欣賞Mos Burger 的麵包多些。老公則吃了照燒牛肉和照燒雞肉漢堡, 兩款味道不俗, 照燒醬汁很易入口, 照燒牛肉和照燒雞肉味道正常, 但亦是給那個麵包拖垮了, 令整個包的味道變得怪怪的。生菜好像不合比例的多了些, 蔬菜味道和肉類味道取不了平衡。雖然Freshness Burger 同是來自於日本, 但我還是會選取Mos Burger, 因為Mos Burger的味道比較合我心意。

頭先同朋友黎食野我地點左個ｃｌａｓｓｉｃ　ｂｕｒｇｅｒ同和風肉汁鮮堡芝士煙肉焗薯皮同埋薯角先講下果２個包　和風果個．．ｄ菜仲多過ｄ肉　塊肉食落同老麥冇咩分別值得一鑽既係ｃｌａｓｓｉｃ果個塊肉～厚得黎多汁　幾好味另外薯皮同薯角都係一般　唔夠熱．．去吉ｘ島買既薯角仲好味過呢度最令我驚訝既係一位員工（阿姐），佢執完ｄ台面上面既野食掉入垃圾筒之後隨即又走去送食物比客人．．我自己就覺得唔係咁衛生　總括黎講．．真係食ｍ記好過

Freshness Burger就腳，未試過就試下囉...二人都要最基本的餐 : Classic Cheese Burger + 薯條 + corn cream soup賣相很好，可惜並沒有驚喜！價錢與食品味度不相乎... 很普通的餐廳。

辦完正經事，下午三點坐低食個包，以前食過三幾款，今次要個Classic burger $29，顧客又不多，等左十五分鐘重未黎，差些想起哄，可能慢工出細貨，千呼萬喚始出來。侍應用隻盤送埋黎，個包用紙包到實保溫，封埋條，跟埋三幾張餐紙，服務好周到。成個包都幾大個，差不多有三吋高，件牛肉有半吋厚，上面有蕃茄片，生洋蔥圈、生菜葉等，呢個配搭最好，我要張到個口大一大才勉強咬到，蕃茄好新鮮，應是入口貨，洋蔥、菜都很脆，咬一啖，肉汁、新鮮蕃茄汁流晒出黎，件肉好香，好夠熱，等十五分鐘都係值。食完感到好滿足。經過上次去〈時新〉一役，以後食漢堡包都會帶濕紙巾，真係會食到一手都係。市面的漢堡包有平有貴，各有千秋，我覺得Freshness Burger 已給我很大滿足感，不過也不可以經常吃，$29個包，幾貴下。Burgeroom賣最平$48個包，暫時唔會去試，唔係怕唔好食，係怕自己去到咁既層次，返唔倒轉頭。知足常樂！

其實一路都好想黎試佢既burger, 不過一路都無咁既機會. 今日係公司開完party約兩個舊同事吹水. 大家係公司食得好飽, 只係想搵個地方坐下. 結果就黎左呢到. 同事話呢到既野飲都幾特別, 唔似其他fast food咁大路, 睇吓menu 又真係喎. 最後我就點左杯玉桂奶茶. 我好鐘意玉桂既味道, 估唔到佢同奶茶走埋一齊又唔錯喎. 兩者既味道都比較平均, 唔會話邊種搶左邊種味道.另外, 唔知係我哋去嗰時間咁啱唔係食飯時間定係因為地點唔好既關係呢? 我哋可以坐係到吹左成個下晏既水.. 而且呢到既環境都唔錯, 無starbuck咁多人, 比廿幾蚊可以坐係到傾咁耐都唔錯喎.

口淡淡經過皇室煲，還是未裝修完畢，想起很久沒有吃過FRESHNESS BURGER，於是再來試試，環境沒有甚麼大的改變，但係餐牌改了，多了些食物，如日本布丁、焗薯皮等等，叫了，極品牛肉芝士漢堡、芝士煙肉焗薯皮、一杯可樂($56)，算貴價，但是那一塊牛肉充滿肉汁，與吃極上牛扒一樣，充滿牛肉味，還有那些新鮮蕃茄、生菜和醫汁，一流的享受，價錢與質素成正比，很好，那個焗薯皮雖然SIZE很少，但係很好味，芝士焗得剛剛好，薯皮也很好味，我就覺得物有所值了。http://icuteee.mysinablog.com/index.php?op=ViewArticle&articleId=1358861