Futago HK大阪燒肉 (已結業)

朋友推介這家著名的連鎖燒烤肉店，我們約了午後時間前往。點了兩個烤肉套餐，包含不同部位的牛肉外，還有前菜及沙律。店員還會詳細介紹烹飪次序。他們使用的是牛肉的質量和價格不是很貴，以銅鑼灣地段來說，算是性價比不俗的選擇。環境方面，普通的裝飾,但是有隔間的座位底下放行李和衣服，可以避免衣服吸了燒肉的氣味。總的來說： 美味的食物和服務都很好,不能要求更多了。 我們對這頓飯吃的非常滿意,強烈推介這家烤肉店，不過週末的時候都是很難找到桌子，所以記得要提前預定。

最近個個都話食烤肉，我都趕上熱潮，搵左間係銅鑼灣既日式燒肉食晚餐～呢間餐廳係openrice 好多人食過都讚，仲話一定要預訂大牛扒，所以我book 位時都預留了一塊～大牛扒名副其實真係好大塊，完全遮蓋個爐面！店員一路幫你燒會一路嗌一句日文，仲會叫你一齊嗌🤣🤣幾funny呢塊牛扒好香，好重牛肉味！$178 真係好抵！跟住仲叫左牛舌今次自己燒，爽口，不錯👍🏻仲叫左蟹味噌甲羅燒😋 我係大阪時最愛食！蟹膏+蟹肉撈混，燒到沸騰，就可以用紫菜包住食！yummy~打算去食既朋友記得要訂塊大牛扒啊！😉

因為一早訂左位，所以一行四人準時到達便立刻可安排入坐。一坐低，店員就好細心問我地使唔使要電話套包一包個電話，不過好似無咩需要，所以好意心領了！主角之一，牛小排（需預訂）！如果佢唔係叫排我都唔會失望，因為我心目中排係有厚度，尼塊小排唔止無厚度而亦只比肥手厚少少，雖然面積好大，就尼度扣左分！雖然尼塊排無一般牛排嚼口，但可能佢夠薄，經店員有技巧甘燒一燒，牛脂肪既香味已經四散，入口更加牛油味十足！不過我覺得牛小排試一次影過相就夠，因為尼度仲好更多更好味既肉款可以叫！

買完嘢就要食嘢，我地又食第二餐喇，老婆提議食大阪燒肉，好在當時2點未last order，仲食得切午餐。（last order時間：14:30）特上牛肋肉御膳（$128）每個餐都有白飯、湯、沙律、韓式野菜、泡菜、韓國紫菜同湯，一定夠飽啦。但我嫌呢度調味比較重手，而且衛生情況亦一般，個檯面有d水漬，個爐都有d污糟。牛胸腹肉（上），牛肋肉（下）牛胸腹肉御膳（$128）我比較prefer牛肋肉，因為肉味濃d肥d，呢個同樣調味過濃。套餐加$5有杯凍烏龍茶，再加$28散叫左個迷你futago特製薯仔沙律，同樣個沙律都幾重味，沙律醬落得比較多呢。未食過呢度嘅lunch set，食過之後覺得一般啦，一試無妨。

哩間焼肉店係好體贴嘅！除有專人係你隔離燒比你食之餘。仲為你而設之防彈三寶、恐防啲油同火屎彈來彈去。彈到你周身都係嘅⋯⋯圍裙仔彈到你手機油淋淋嘅⋯⋯透明手機袋彈到手袋一點點污跡同燒肉味⋯⋯嘅疏化儲物櫃仲有仲有廁所備有充足嗽口水、牙線、牙縫刷及衣服氣味清潔噴霧。貼心到呢⋯⋯一應俱全。牛肉、牛舌、牛內臟、種類真夠多又新鮮！我最愛厚切牛舌、牛腹肉。就這兩款一定是要再來的。厚切牛舌及頂級牛肉最好先預訂啊、很快估清的。吃満了十個印花還有自家金筴子一個放在店子內。

With all the Korean BBQ, boyfriend and I decided to change it up and do it Japanese style as we hadn't done it in a while.Yakiniku Futago is from Japan. Originating from Tokyo, with shops in various area around the world including Hong Kong, they offer small table top grilling stoves so you can do the grilling yourself. The chain offers quality meat for an inexpensive price.As we were there for lunch, they offer lunch sets featuring one type of meat for grilling. Good for individuals. They also

初五午餐，午市已經訂位滿座，需要walk in 好彩12點半去到就有位（只剩下一張）建議如果想午餐去食早一天訂位五個人選了五款不同的午餐set，額外加多一碟牛加＄5有嘢飲，不過飲品選擇唔多。☺環境舒服、出餐速度快。落單後5分鐘內就上👍🏻選了12345號餐，可以share 食 烤肉爐火大小自行控制，肉汁豐富、肉味十足珍珠米好好味沙律、酸蘿蔔酸酸地好開胃👍🏻芝麻醬豆腐👍🏻👍🏻👍🏻反而個湯唔夠熱

牛牛牛牛牛，除了魚生壽司、涮涮鍋，最喜歡吃的就是燒肉了。第二次吃Futago，味道跟上次差不多，仍算抵吃，大塊牛肉$178，肉汁偏甜，牛味不重。其他肉類不如尖沙咀 「數字Nikuya」，味噌湯僅屬一般，抽煙系統不夠強，店有濃濃的燒肉煙味。但整體性價比仍不錯喔，酒精飲品抵飲，日後仍會encore 呢！牛肉色澤不錯，脂肪如可更均勻就好了！燒烤鐵網跟一般燒肉店不同，是個小烤箱（大阪style?)。牛肋肉肥肉略多，肉香不明顯。定食不錯喔，挺豐富的，飯粒飽滿，有米香。味噌湯一般，沒鮮味。整體仍算不錯服務周到，店務員幫忙燒大塊肉，很貼心呢

很多時吃日式燒肉午餐，也是靠多吃兩口飯來頂肚，因跟餐的肉很多時得五、六片，幾靚的肉都冇用！掃埋D芽菜加泡菜也未夠送飯，凄凄涼涼！這間Futago午餐選擇不是太多，但我必唔揀這兒自己燒的餐，因看上去的肉的份量也是五、六片，真的不夠我這個食肉獸攝牙罅，故揀了一個廚師在內弄好的燒肉飯餐。這個set跟一個中size沙律，泡菜兩款，兩片角切甜蛋，數片鹽味紫茶，湯，另加$5，可點大大杯汽水或熱飲。每款食品的味道不比傳統韓式/日式料理餐廳失色，例如泡菜青瓜蘿蔔粒是十分爽脆，沙律的柚子醋汁感覺是自家調過，因味道跟外面一般的有輕微分别，蔬菜也新鮮，另外湯也有不少餸料，加加埋埋已夠送飯。不過主盤燒肉飯也沒有讓我失望，上面鋪滿八片薄切半肥瘦牛肉，加上生菜片，再淋上沙律醬沙及七味粉，惹味又滋味，米飯是軟糯的珍珠米，加點芽菜，再用紫菜包着吃，又是一種吃法。飲埋杯大可樂，暢快滿足！不過，肉可不煮至十成熟，因稍稍有點兒鞋，若能煮至粉紅或七八成熟就更好！

有朋友黎過所以推薦左新雷橋比我，所以朋友聚舊黎左呢度。 店面都幾大，都有唔少人，但好快就有位坐啦。呢度暗暗地，岩曬我地班老友傾計。侍應人唔多，但服務都算周到，會有侍應推薦我地食咩好。 坐低既時候就比左杯野我地，話係Welcome drink，每人只有一杯，唔知咩嘅黎，但飲起黎甜甜地，又幾清新。 我地最鍾意食刺身，呢度既刺身都唔錯，幾新鮮。炸物脆而不油膩，食多幾個都無罪惡感。芝士年糕有流心唔錯，海老天婦羅外面脆脆，裡面蝦肉有咬口，幾好。我們幾人食左好多燒肉同刺身，燒肉有好多種可以揀，都幾新鮮惹味，肉燒過都唔會好「UN」，我比較鐘意蔥醬肉類好入味。喜愛食水果既話可以試試菠蘿，夠甜又多汁。整體上都幾滿意，以後聚餐會考慮再去。

終於黎到「大阪」食燒肉 呢到嘅Lunch Set 有各種肉類.. 一行六人都異口同聲咁揀左牛胸內膜黎試最愛呢到嘅肉子同沙律（好新鮮同有啲芥茉嘅一粒粒）我杯烏龍茶 顏色好似啤酒-主角黎喇～～ 火力充足～ 好快就有得食！真係肉味濃郁～～用紫菜夾埋仲正！

第二次黎Futago。今次主要係食牛。大得驚牛小扒依舊好味、鮮甜！期間限定嘅牛舌都好好味！而我最仲意嘅都係隻蟹蓋配埋杯靚女啤酒，簡直係人間極品。朋友平時好少食燒肉(因為佢老公唔好)，今次可以令佢大滿足，飽到上喉嚨，我都好開心好想快d再去食過

這間大阪燒肉店本身我已經幫襯了很多次， 所以點都要為佢寫返一次openrice好評， 我覺得這間燒肉店是我在香港見過最好食的 唯一日本燒肉店價錢有幾十蚊一碟燒肉至百幾蚊一碟燒肉， 都一樣有水準質素好食而且服務很好，如果點貴價燒肉會有專人服務幫忙。 不過這間燒肉店每天都full booking。而且每次限食兩小時， 所以一定要預早訂枱。

When we got to the restaurant, one of the employees had a really bad attitude when serving us. She said even we came half an hour earlier, we still only had two hours to eat but the price there is not reasonable for a two hour dinner. The staff need to improve their service and the restaurant has to lower the price. If not they are not getting recurring business.

放工解放自己的最好方法之一是與好友大吃燒肉,大喝啤酒,煩腦暫時拋開一邊!爽! 這裏氣氛不錯,食物質素也不俗,有些肉會有專人代燒,每碟食物的份量可跟人數作出調整(只可加不可減),是一個很適合與幾位知己大吃大喝的地方。海膽牛肉及黑毛和牛壽喜燒牛肋肉最好吃，訂位時記得最小訂一份大得驚人牛小扒，燒之前會一齊叫口號，很好氣氛的