G.A.C. Home Cafe & Restaurant (已結業)

下晝約左朋友一齊健身，去之前食個靚靚午餐，今次就黎到朋友推介嘅GAC Home。店內擺滿好多唔同嘅手辦同模型，中間仲特登擺左個玻璃櫃展示至愛。餐牌簡單易睇，只有食物同飲品各一張。1. 慢煮加拿大無激素法式豬鞍配日本珍珠米朋友點嘅法式豬鞍珍珠飯，擺盤好整齊，好似分好左四個格仔咁。主菜豬鞍大大塊，煮得啱啱好，實肉肉嫩有肉汁；唐生菜配沙律醬，爽口酸甜好開胃；珍珠飯粒粒分明有咬口；焗蕃茄令我印象最深刻，又甜又多汁，超好食。2. 香煎菲力鯛魚排配日本珍珠米我點嘅煎魚排珍珠飯，主菜魚排煎得好香，魚肉唔會好鬆散，配蕃茄芝士汁，多一層咸芝士味，幾唔錯。除左主菜，其他配菜同以上一樣，所以唔多講，提多次大家，焗蕃茄真係好好好好食。埋單每人110蚊左右免加一，個人覺得呢個價錢做到呢個質素係十分出色。因為係all day menu嘅關係，如果想約朋友食個簡單又好食嘅晚餐，呢間絕對係一個好好嘅選擇。

同朋友做完運動 饑腸寸斷嘅我地又係時候補充能量冇乜idea嘅我地又黎到天后嘅GAC Home主要都係因為我忘不了佢嘅配菜 又甜又多汁嘅焗蕃茄因為佢嘅menu不常更新 所以我都唔再影多次了1. 是日餐湯第一次飲呢隻味嘅餐湯所以都唔識點形容唔算好味 但都唔難飲有少少油 結結地 中規中矩2.手工鬆餅朋友推介嘅鬆餅 食落口好鬆脆 温温熱熱 唔黐牙配上紅莓醬 又香又甜 幾好食3. 慢煮豬鞍 配香烤蜜糖 配珍珠飯有兩個醬汁可供選擇分別係 青蘋果燒汁 同 香烤蜜糖我揀左後者 但係唔覺好香蜜糖味先講下件豬鞍冧身易咬口又有肉汁 冇得頂生菜配沙律醬 酸酸甜甜 好開胃珍珠飯粒粒分明 又有少少糯米feel最後個焗蕃茄真係超正又甜又多汁 充滿成個口腔連我呢D對蕃茄麻麻嘅人都一食愛上4. 橙汁正常發揮 感覺係D比較高級嘅鮮榨果汁好健康嘅感覺最後埋單 簡單D講All day menu 抵食 好食 唔乜挑剔

G.A.C. Home Cafe & Restaurant 地址: 銅鑼灣摩頓臺25號地舖作為小店嘅佢， @gachomecafe 啲野食一啲都唔差㗎，而且仲坐得幾舒適，裝修好有家嘅感覺，白色牆身加上雲石紋枱面，真係打卡一流。 竹炭多士 🥖（跟餐）竹炭多士，好香脆🤤 上面仲加咗少少herb，再配上自家製檸檬果醬好flesh，好開胃。煙肉薯蓉湯 🥣（跟餐）質感好濃，保持到薯蓉的口感，一飲就知道唔係用罐頭麵粉開成，係睇得出係用心烹調。慢煮加拿大無激素法式朱安配薯菜 🍖$118豬鞍肉質鮮嫩多汁，切開時仲會見到有少少肉汁滴下滴下，生熟度真係岩岩好，而且無咩太多多餘嘅筋和肥膏，再配上自家製焦糖蘋果醬，味道好Match呀，越食越開胃，真係性價比幾高。慢煮美國黑安格斯牛柳配薯菜 🥩 $268牛柳肉質鮮嫩，唔會overcook，口感都好好，好入味juicy。檸檬刁草忌廉汁香煎菲力鯛魚排配薯菜 🐟 $108鯖魚煮得岩岩好，都幾滑，味道正常。日式海膽忌廉扁意粉 🍝 $78意粉份量大，賣相睇落簡單，但忌廉汁味道好濃好香，唔會太鹹；意粉麵質煮得啱啱好，口感厚身帶點彈性，感覺有啲似食沾麵。#nicefoodie

夜晚黎到小人啲嘅天后食飯💛係中央圖書館附近 旺中帶靜 小店一間坐得幾舒服好岩同朋友傾計💛香煎菲力鯛魚排配日式珍珠米 ($98) 蕃茄芝士汁配呢個魚好似有啲唔夾🤔鯛魚有啲雪味 整體怪怪地😖珍珠米似普通飯唔係珍珠米慢煮加拿大無激素法式🐷鞍配薯菜($118)青蘋果燒汁同🐷鞍好夾✨肉質嫩滑多汁又大塊👍🏻薯條新鮮炸起夠粗 唔錯✨✨為整體表現加返好多分😂為食指數: 2.6/5性價比指數: 2.6/5推介指數:2.6/5

星期日銅鑼灣既晚市無book位都要好夜先有飯食，好好彩俾我哋搵到呢間地舖cafe，係中央圖書館附近，食到好滿足又寧靜既一餐飯➡️前菜: 菠菜湯 vs Parma Ham salad ✔️前者口感綿密，應該真係菠菜打岀黎，無太多調味✔️後者沙律菜鮮甜爽脆，醬汁份量適中➡️餐包+$10轉左做鬆餅 (原味 vs 岩鹽花生醬味)鬆餅好香牛油味，口感偏實’正’，唔太似食開既英式鬆餅，岩鹽味亦唔夠突出，個人還是偏好傳統scone配clotted cream，不過整體來講都值得試試➡️主菜一:香煎鴨胸配珍珠米係我見過最足料既鴨胸🙈男仔食完都一定飽，用蜜糖去煎，好似食緊bbq燒岀黎既鴨胸，好好味，另外配菜個番茄都醃得好好食，好juicy，友人平時唔食🍅都食哂➡️主菜二: 慢煮豬胺配薯菜揀咗配青蘋果燒汁，無得輸，啲肉好腍，一啲都唔’鞋’，又好大塊，薯條都炸得好乾身無燶，份量多另外跟餐配咗杯Earl grey tea都好香！港島區呢個價錢食到甘大份又用心煮既晚餐(本人好怕啲只可以打卡但唔好食既cafe菜式🤦🏻‍♀️)，cp值好高！下次都會再去試吓其他菜式🤣

喺星期五夜晚walk in可能都有機會嘅cafe😬誤打誤撞星期五要搵一間小店都唔容易， 難得喺中央圖書館呢邊就即管去試試。估唔到又真係咁岩有位😍😍重點1: menu吸引睇個menu已經有好多食物想試，又有魚又有鴨胸！最想試就係佢嘅麵包類😍 cafe唔大 但啲service似足西餐廳🍴 由一開始上麵包餐湯，到之後上主菜都會慢慢上，仲會介紹點食最好😜 重點2: 分量夠多 味道不錯睇到相都見到啲飯同薯條都知道分量唔少！ 女仔一定好夠🤓 佢哋嘅scone 都唔錯 叫咗花生🥜同原味😍 個人覺得花生味突出啲 值得一試😃因為地方唔大， 冷氣嘅分布唔太平均，坐得入會有啲焗😄

引言 ◽️市面的cafe 多得難以選擇，不過風格有更多是環境非常精美，因此平凡設計的風格cafe 已逐漸被淘汰,不過只要食物水準高，加上若是黃店，仍有值得支持的地方。今次寫的GAC , 就是以上所提及的風格，其實相對那些網紅cafe , 或大排長龍的黃店，有時候寧可多幫襯這些低調，默默耕耘而有水準的黃店去支持，那才可以令黃圈生態平衡。▫️背景及環境🔹2019年9月開的的cafe , 正值反送中時期最熾熱的時候，這間店除了文宣，也真的有良心行動，從GAC social media 所見，此店雖不太有名氣但絕對勝任黃店之名。座位上，只有一張2張2人吧枱，3-4張4人枱，員工好像好累的樣子，但感覺很用心服務，一男一女一伯伯，有種家人的感覺。環境上，現場一看便知80-90後的最愛，例如無數的Figure , 有Marvel , 新世紀福音戰士，和Kobe Bryant 😢等。現場有一張”抬頭吧,黑暗過後是晨曦” ,(陳奕迅<今日>歌詞，可惜唱那個就”不知你是我敵友　已沒法望透”)。可見店主仍在失望中抱著積極希望的心態。不要緊，2021，是”避不過，就一齊捱”。還有就離開門口前，發現

有點掛住呢度既英式鬆餅，今日收工專登約朋友嚟食大餐。餐廳位於維園對面，中央圖書館隔離，地點都幾方便。竹炭多士 + 手工英式鬆餅 + 玫瑰士多啤梨果醬一直都好鐘意呢度既前菜，全部自家製，非常有心思。竹炭多士夠哂香脆，連果醬都係自家調製。另外加$10會有手工英式鬆餅，有多款口味，今次試原味，口感香甜而且外脆內軟，真係做得好出色。沙律上面有片煙三文魚，連埋少少沙律醬同脆米一齊食，爽脆得嚟夠哂fresh。菠菜忌廉湯賣相都唔錯，飲落相當creamy。慢煮加拿大無激素法式豬鞍配薯菜厚切既豬鞍真係好大份，肉質好有嚼勁但又唔會太韌，最好沾少少醬汁再放入口，幾個人share食都差啲食唔哂。蔬菜既份量都唔少，烤焗過既番茄好juicy，薯菜亦好香脆。慢煮三文魚配檸檬刁草義大利飯義大利飯夠哂creamy，而三文魚肥美得嚟又唔會煮得太鹹。青咖喱慢煮雞胸扁意粉雞胸肉則略嫌鞋左少少，但份量都幾多；扁意粉係偏硬身既質感，伴埋青咖喱汁同埋切成顆粒既雞脾菇一齊食，口味夠哂特別。凍棗蜜滋潤得嚟唔會太凍，甜度亦控制得幾好，幾適合女仔飲。

在大坑很多小店都滿座了，想走出銅鑼灣覓食之際發現了這間小店，座位挺舒適的，價錢也很ok（$68-百多元），就和朋友去吃了。由於當日只剩bar 台，所以對著這些superhero食飯😆就連前菜和湯都非常有心思，麵包是黑炭麵包配酸甜蘋果醬，別有特色！當晚點了個大蝦龍蝦湯意大利飯，最impressive的是每一口飯都非常香龍蝦湯味，好滋味。另外大蝦幾新鮮，而且是煎香過的，從細節見心思！朋友點了個斧頭扒都好出色，下次一定再來😊😊😊

因為太肚餓是但入咗一間餐廳非常之有驚喜〔 是日餐湯+包 〕 +$20 .嚟咗個黑蚊蚊嘅食物，以個包係黑色既, 真係覺得好意外, 但非常之有驚喜, 外脆內軟, 配搭上果醬更好味. 是日餐湯係菠菜湯, 非常濃郁嘅菠菜味, 稍為加多少少咸味會更好.〔 香煎鴨胸配薯菜 〕 $98 .然後再嚟一個驚喜, 完全冇諗過份量會咁多, 樹角炸得外脆內軟不會太油, 沙律菜也很清新, 鴨胸肉質香嫩,十分出色👍🏻.(好味指數: 9/10)

話說我已經係舊年11月嘅時候黎幫襯㗎喇，但係就到今時今日先的起心肝寫食評😌之前有個週末響果邊上堂，放lunch嘅時候行經過見到間舖靚靚地就入去試下喇～跟餐嘅湯+包：上菜的時候見到碗湯隔離有碟黑咪蚊的包/蛋糕，一開始仲以為係咪隔離檯叫左個brownies, 點知原來係我嘅餐包！😲😲個包黑到成舊碳咁，但係非常之有驚喜！包香脆，有蒜蓉味，果醬配搭好特別🤩🤩湯：蘑菇湯好滑，味道剛好，不錯黑松露蘑菇炒扁意粉：對我黎講意粉有啲偏硬，可能配烏冬會好味啲😛 但係味道香濃，好有中西合壁的感覺，食到最後見到碟底都幾多油😅，但係食嘅時候都未至於覺得好膩嘅😌熱咖啡：味道偏苦，帶果酸味，對我黎講要加多啲奶先OK😅應該好多食客都提過，哩間餐廳就咁睇佢啲餐具同裝修係走型格文青/北歐風，家庭小店感覺，但係我果日自己一枝公坐吧檯就對住超多figures，有眾多avengers 陪我食嘢超正！！😆😆😆 雖然我唔係figure控，但係見到咁多（相信係）店主珍藏都真係大開眼界😃😃

之前成日聽朋友介紹，今日終於有機會黎到呢間位於摩頓臺既小店：GAC Home❗️❗️先叫左個提子乾鬆餅🥞，好鬆脆，好好食👍🏻如果叫套餐既話加$10 就有得食，有機會一定要食😍😍日本忌廉蟹肉可樂餅 入面好creamy，又多蟹肉，好食❗️❗️❗️加拿大豬鞍，今次簡左青蘋果醬，豬鞍好juicy 又多肉汁，又入味，個人覺得黎到一定要食❗️❗️呢個又係另一亮點，雖然比較流，但好creamy 同好濃，烏冬又好滑好煙un，唔好錯過😍😍依加仲難得地有外賣自取有折，有機會一定要黎食👍🏻👍🏻

純粹路過附近搵搵食，見到呢間小店食物幾好，幫襯過2次，店員都好nice好helpful，想支持一下佢地鋪裡面有好多貴價figures Marvel、Eva之類，有興趣可以黎觀賞下，不過唔係重點，重點係比較特色既 自製鬆餅&果醬上次喺鋪頭食過一次海鹽花生味鬆餅，覺得面又鬆又脆，鬆餅係好特別，比平時啲鬆餅既特別扁但脆香，令我好難忘。(我平時麻麻地花生味，但呢個令我覺得好好味)三個鬆餅@$58味道: 海鹽花生、提子 & 抹茶紅豆(連 自製果醬+creamcheese)今次我買左返屋企食，買左3個，一樣好味，但店員建議喺食之前輕輕焗烘一陣，會更香更好味。始終鍾意海鹽花生味心太軟 $50 仲有喺店舖食過 心太軟都正。正餐都唔錯嫁，食過all-day-breadfast👍&晚餐 黑松露野菌忌廉意大利飯都好味。希望下次經過繼續食到呢間鋪既食物，支持一下。

每次相約朋友在銅鑼灣區晚餐都很頭痛，雖然選擇不少，但要找到高質而價格相宜的餐廳是十分困難。友人特意推介這家小店予我，果然令我甚有驚喜。這家店不是位於鬧市，而是在中央圖書館附近的摩頓臺，可能有些朋友覺得不方便，但我則不介意為了美食前來。雖說是小店，但也坐得十分舒適，裝修亦很有家的感覺，白色牆身加上雲石紋枱面，令店舖十分光鮮，打卡亦同樣一流。我們點了兩個晚餐，香煎大蝦配龍蝦忌廉汁意大利飯和慢煮加拿大豬鞍配薯菜。餐湯是南瓜湯跟竹炭多士，其實加$10可以轉鬆餅，強烈建議大家加配，鬆餅夠熱非常可口，甜度適中，配上奶油和自家果醬，是一道極佳的前菜。餐湯都十分creamy香滑，同樣美味。主菜的意大利飯質感偏硬，每粒都沾上濃濃的龍蝦忌廉汁，蝦有三隻，屬正常份量，每次吃意大利飯都建議是分享用，因為多吃會較膩。而慢煮豬鞍便是最令我驚喜的一道菜，首先切的時候非常嫩滑，沒有多餘的筋和肥膏。炭燒的味道吸引我們一口接一扣的吃。薯菜除了薯角外，還有燒蕃茄和油醋沙律菜，而且舖滿整個餐碟，份量很充夠，加上自家焦糖蘋果醬，非常匹配且有心思，質素亦可媲美高級餐廳，屬性價比超高之選。餐飲我們點了紅棗茶和柚子茶，雖然是即沖的，

個賣相唔差，頭盤有包同湯，味道唔錯。不過西式燉飯啲米未熟，嘢飲味好淡。不過係感覺到有用心整嘢食。希望將來會有改善。餐廳位置寬敞，又唔會太凍，燈光悠和，用餐體驗舒適。