GOTTHARD BASE Restaurant & Lounge

营业中

休息中

最近肺炎肆虐，好多食店都無奈要關。政府限制人群聚集措施升級，由「禁酒令」演變成停止酒吧營業14日，適逢今日又係小女生日。趁呢段時間就簡簡單單食個lunch，慶祝一下。平時好少會入北角食飯，想不到竟然有間隠世高質服務好嘅餐廳👍👍👍表示好滿意。衛生方面其實都做得很足，入到餐廳首先要探熱，確保客人無發燒；座位之間都會有塊白色版間隔，不單提高安全更加多了私隱度。午餐set 有多款選擇，有沙律或湯揀，仲有飲品。揀咗紅酒汁燉雞肉配法包，買相好吸引，鷄肉頗入味, 而且啲汁真係食得出有紅酒味、唔會太咸又唔會太杰，配菜都好多，食完之後好飽肚。另外，再試紐西蘭牛扒配紅酒汁，上枱牛扒好靚又大份，鮮紅嘅肉汁，肉脂分配平均，店員好細心會預先放黑胡椒同鹽等客人可以自行加上，如果食塊扒$200都唔使有呢個質素我覺得有所值，食一個開心嘅午餐，可以令你一日都滿足而且又精力充沛咁去工作，咩都抵啦～🥰🥰食飽再來一杯Latte, 可以慢慢回味，而且我真係估唔到拉花拉得幾好。❤️是日甜品： 不多說，嗰2條Churros 簡直係精粹，外脆內軟，肉桂味好香呀！而蛋糕酸甜層次都特別，濕濕地又唔會太creamy...整個食飯過程都頗舒服

-知道我電話沒有電，老闆還借叉電器給我🙏《帶子蟹肉香草醬闊條麵》一上桌便香氣撲鼻～～大大粒帶子，新鮮又多汁🤤煎得金黃飽滿，非常吸引～香草醬軟滑，份量我就剛好🤓不過整體味道和份量都不錯～少少蟹殼，小心點就可以了🌟♥《香蒜辣椒炒蜆意大利粉》挺惹味，微辣剛好😋炒蜆比想像中多，滿意～而意大利粉的質感也適中🥰不過比較起來，我還是喜歡帶子麵xd♥《精選甜品Set》太貪心了，我吃不完🙈擺盤好美，吃起來okay～

堡壘街很少經過，因為要上一條小斜路，但如果在巿區要大街大巷食野，都好難坐得舒服，畢竟租金太高.....所以能吸引我的，大多都比較隱世😳我寧願付出多一點，坐得舒服一點，狼吞虎嚥急住走，食龍肉都無味，做野都咁忙了....（當然，黃店我都係會試下）午巿，可能因為附近有學校，有一些是學生家長，反而OL少一點。一點半來到，不用等位，坐得舒服，坐係我左邊正好是律師&醫生媽媽。她們都對食物讚不絕口。廚房非常貼心，為她們兒子送甜品，好識留客。我一坐下，待應笑著過來，非常禮貌，自運動以來，總覺得黃店的服務態度大多比較好。 餐湯麵包是高水準之作，會想添食。 香口，但因為餐湯已用完，成份深炸物咁上菜就比較乾....可能少少overcook, 但以呢個價錢，我覺得已算值回票價有餘，有人share就更好。

媽媽住在堡壘街的山上。 我成日坐肀經過都會見到這歐陸小餐廳！ 今天去投票順道帶媽媽去食午餐。 媽媽叫了慢煎曹魚，我叫了炸魚薯條。 材料新鮮， 賣相吸引。 份量夠，而且味道好。 誠意推介大家去試一試， 支持本土小生意！😘🌟

第三次去光顧。第一次有一個週末，盲摸摸去了吃一個brunch,，點了一個all day breakfast，食完好大滿足。第二次係同我朋友晚上慶祝生日。今次又帶左兩個朋友去試試呢間北角少有有質素有情調嘅餐廳。☺️我哋用咗openrice訂枱優惠，正價有八折，所以冇叫set dinner。我哋今次叫咗個crab cake做appetitizer，主菜叫了牛扒，sea bass，同scallop with mash potato，另外叫咗個甜品拼盤有三款不同口味。我哋帶咗枝紅酒去，開瓶費$150。啲staff服務ok，幾好傾，最好係佢地唔趕我地走，係朋友們catch up一個不錯的選擇，總括而言都很滿意。

一個人的晚餐都要食得豐富架😾行開附近取野， 見網上食評唔錯😻於是便去試吓😼叫左個南瓜大蝦意大利飯🎃大蝦好味又彈牙👍不過意大利飯會有點漏🥴佢又好味😋 故都食晒佢😬

性價比不高的西餐—Gotthard Base Restaurant & Lounge 一向喜歡試新餐廳既我，上星期六同屋企人黎左食呢間西餐！我地叫左午市套餐香煎紐西蘭西冷扒 配紅酒汁 ($148) 及黑松露菌意大利飯配鮮蝦($128) 今日的餐湯是雜菌忌廉湯！唔熱既湯，我真係可以俾好低分，餐湯仲要加$10，菌味是有的！旁邊還放了兩隻手指大細既蒜蓉包，不但止蒜味唔夠，還是淋的！不合格😅😅😅兩份主菜份量都唔算多！牛扒生熟度剛好，係五至六成！但可改善的是汁可以另上，因為汁淋上去後，蓋過牛既味道，上面還加了mustard! 雖知道有人是不喜歡mustard的！不喜歡mustard的人，記得叫佢走醬哦！飯唔合格，要改善，Rissotto食落應該係有嚼勁，米煮到仍保留米芯，但不是不熟哦！但今日呢個飯都得太軟身，完全唔似食緊risotto, 仲要無咩味，要自己落塩，但蝦食落係新鮮彈牙的！餐飲叫了凍檸茶，正常發揮！值得一讚的是，糖漿另上！👍🏾總結係價錢略貴，呢個價錢有更好既選擇！味道合格，環境okay! 整體來說ok，可以一試！但我會不會回頭？就未必了！

近幾年開始堡壘街有多間唔同類型既餐廳進駐有除左做左好多年既麥記小食，仲有茶餐廳、素食、中菜、火鍋、咖啡店同埋呢間 Gotthard Base，真係好似一條小小既食街咁見間餐廳寫住瑞士同意大利菜，咁到底同平時食到既西餐有乜嘢分別呢？睇下個menu，有啲食物好似all day breakfast 咁，好多西餐廳都有，但亦都有啲嘢好少喺其他餐廳見到，例如煙燻牛肉包我食左香煎盲曹魚柳—魚既份量比一般餐廳食到既大，煎過既魚皮好香口，配菜都好好味傳統烤瑞士軟芝士—一開頭只睇價錢覺得食呢啲嘢好似好唔抵，睇返menu佢係同炸鱈魚同意大利飯同價，但一場黎到都要試下啲新奇嘢。個人覺得上菜既時候有驚喜—首先賣相吸引，份量亦足，濃味烤芝士配薯仔由其他味淡既配菜平衡返呢間餐廳食物有水準，服務亦相當有禮唔怪得之有咁多人幫襯

餐館半新不舊，星期日供應午市套餐，無仿一試。先來例湯（加十元），今天是意式雜菜湯，蕃茄底，材料有薯粒、西芹條、椰菜等，味道清新，微酸有咬口。主菜是熱溶芝士薯仔粒，配2種火腿片及醋醃蕎頭小粟米沙律;蔬菜新鮮，附送的麵包片加了些少橄欖油，有意式感覺，但太乾太硬，可以放棄；火腿片味道適中，有回甘；熱溶芝士夠奶味，軟糯滋味，與薯仔好匹配，可惜是熱度不足，略爲溫吐。最後附上咖啡，質量高，不必加糖和奶，保留原有苦瀝甘香特質。

經openrice 訂枱有8折優惠🤩-煙鴨胸鵝肝黑松露意大利飯 $188 (8折後$150)煙鴨胸有好多塊，都幾香，但係有啲靭。鵝肝好大塊，但係唔係入口即溶果種，偏硬，但都好好食。意大利飯好有西班牙feel，姐係生生地硬硬硬地的🤣-西班牙黑毛豬 $248 (8折後 $198)塊扒好大塊，食落都幾腍有黑毛豬味。要讚一讚啲薯菜🤣好香好好食。-2個人食呢2樣野都好飽🤣因爲啲野都真係好大份，都算抵食。👍🏻

位於北角到炮台山中間嘅小巷，有間親民價又高級嘅西餐！今次兩個人食得唔多，就冇叫set, 散叫都係性價比過👍。 服務都係一流。Dutch Mussels with Baguette $155評分：4.2/5個source 唔係好Creamy,但勝在夠多，配法包食好正，佢唔係好脆好硬，軟身少少嘅，但好香！有點可惜嘅係有小量青口有沙...Eel Salad $128評分：3.5/5好鐘意個Baby Eel ，Salad 菜都好新鮮，如果個醋再多D 就perfect。Spaghetti Clams $138評分：3.9/5微辣意粉，口感岩岩好！蜆都有同一個問題,有D沙,有D靭 。

難得兩位老人家主動話想試呢間餐廳，襯今日放假馬上book位同佢地試一試。餐廳座位唔多，不過出奇地佢地翻枱都幾快，似乎做街坊生意多。Menu 選擇唔算多，加埋少過20款食物。我地一行5個人幾乎叫咗menu 入面三份一嘅食物。整體嚟講算唔錯，期待佢地轉menu 時再encore!

話說係日本返泥之後一直好忙，食飯都離不開屋企附近，冇咩好食有晚屋企人提議泥呢間西餐試試，見近近地就泥左，點知甘驚喜既細細間，係堡壘街住宅區。第一碟係青口，我本身唔係好鍾意食貝殼類，但係幾甜喎，d汁好香配埋法包，有d橄欖油係上面。帶子我本身超鍾意，大隻又嫩口，醬汁好creamy，但係稀左少少，蟹肉唔覺有，不過整體味道份量唔算多，但係牛肉幾香，生熟程度剛剛好，出乎意料之外既係蔬菜同薯仔都好食，調味冇乜但勝在夠新鮮豬肉幾嫩，乾左少少，但算軟熟，點醬汁食睇到鱸魚好嫩滑，一夾就散，幾鮮味美中不足係皮唔脆，煎兩煎就會好好味飯唔合格，要改善。蝦好大隻彈牙，汁都有南瓜味總結係性價比不錯，味道第一，份量同價錢第二，環境一般，整體ok值得一試，會回頭最後送上您最喜愛既餐牌。如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

呢餐原本食咗一段時間，可惜身體唔好，工作又忙，搞到而家先寫到。因工作關係，有日經過北角堡壘街，因地處偏僻，唔多知呢度有幾間食肆開咗。有中有西有素食有咖啡店有茶記有街邊檔，好不熱鬧。因我同女朋友都鍾意食西餐，因此我同佢講搵日上去試下。由於早到咗嘅關係，餐廳未開門，我打電話去扮訂枱，順便問下開門時間。原來下午開6點。未夠鐘喎，行下囉。據我所知緊連住西餐廳嘅賣進口食材嘅舖頭係同一個老闆開，我諗開得間食材舖唔多唔少都會睇到一陣個餐牌嘅菜色用料啩。入到餐廳，望望餐牌，既失望又歡喜。頭先我嘅諗法錯晒，原本以為可以試嘅菜式唔見而要試其他。咁代表乜嘢？代表老闆嘅誠意。我哋照舊開咗支酒，聽聞係佢哋自家品牌。其實普通一千幾百一餐嘅餐廳都願意做自家品牌嘅餐酒頗難得。因為至少要過到老闆關、佢覺得值得推介先會入。因直接入酒關係，出面普通餐廳賣3-400一支嘅餐酒一般來貨都只係數十蚊，賺你十倍八倍都只係等閒事。而入口嘅一般都係連鎖超市貨色。自家品牌就可以將中間人直接剔除，將同樣嘅價錢去入比較優質嘅貨添。嗰晚我叫咗支意大利酒，意大利屬於舊世界酒，同法國一樣，佢哋都會溝提子釀酒，因此入口豐富複雜而厚身，配上紅肉就極之

行過經過發現一間新嘅西餐廳開咗冇幾耐，裝修新淨，呢日帶埋阿媽黎試吓😁。👆🏻午餐牌 多款式揀，海鮮、羊、牛、豬都有👍🏻🍲周打忌廉湯本身我覺得好奇怪，因為見到餐牌上面跟餐湯要加$10，但係佢拎咗過嚟，以為會收錢，最後尾都冇，可能因為新開張送餐湯俾我哋😁呢個周打忌廉湯唔同平時嗰啲周打忌廉湯咁杰撻撻，同埋會搵到好多蜆😍😂，落足料👍🏻。🍝🦐香蒜辣椒炒扁意粉配鮮蝦及蜆 ($98)意粉唔會好辣，煮得好香，份量足夠同埋好多海鮮👍🏻👍🏻意粉唔會煮到腍晒，有D Al dente 嘅質感😮。🥩香煎紐西蘭西冷扒  配紅酒汁 ($118)係靚嘅牛扒唔係平嗰啲，中間係紅色算係medium well，好好味同埋大件🤤👍🏻。唯一可以改善嘅係汁可以分開上，因為淋晒上去蓋晒啲味，上面仲有幾多嘅蛋黃醬😓（口味因人而異）。最後餐飲叫咗兩杯熱檸檬茶🍋☕️，餐飲係細杯左少少嘅。最後睇返係冇收我哋餐湯嘅錢😅。午餐冇加一，價錢合理因為食物質素好唔錯。希望可以保持水準💪🏻下次可能下次會再嚟👍🏻