GOTTHARD BASE Restaurant & Lounge

营业中

休息中

星期日 Family Day, 同屋企人去搵下好嘢食係北角堡壘街有一間小店，三百幾可以食到個威靈頓牛扒，仲有好多款唔同煮法嘅海鮮重點係前洲際酒店廚師打理，質素一定有啲水準，咁要試一試佢是日餐湯係白菌湯，菇味一般，偏淡味，口感都麻麻地，有啲膠水質地咁蟹餅沙律配牛油果醬同青瓜蟹餅結實，個人覺得如果鬆身啲口感會更好，不過有啲蟹殼，沙律菜新鮮爽脆，沙律汁酸酸甜甜好醒胃食到呢度，我都諗住係一間麻麻地嘅餐廳，不過之後嘅海鮮同主菜就加番好多分Today speical，香草牛油菠菜焗蟶子皇呢個好好好好好食，香草牛油將蟶子嘅鮮味帶咗出嚟，加番啲菠菜另到成件事無咁油膩同增加番啲口感。完全食到新鮮嘅蟶子原來可以咁好食另外佢一個主打，白酒忌廉煮青口配法包（可選薯條）佢用法國掃口，雖然細隻啲，但好飽滿，滑身用咗炒香咗大蒜m蕃茄同煙肉炒香去煮個白酒忌廉汁，將青口嘅鮮味再昇華。 威靈頓牛扒餐廳好貼心咁分咗3件，方便我地一人一件5成熟，但焗得有點熟，但酥皮好脆好香，燒汁都好配個牛扒黑毛豬扒配什菌汁我自己就鐘意個豬扒多過威靈頓牛扒，佢好重油香，好腍，但有啲咬口喎，仲有個瑞士薯餅同什菌汁可以一齊食。 但配菜同個汁就鹹咗

My friend and I are not familiar with North Point and we just came across this restaurant. Turns out it is a great place to enjoy Sunday brunch. They deliver excellent customer service and gave us refill of drinks without extra charge. Also there is no additional service charge for lunch set either. This American barbecue spare pork is quite flavorful and the portion is also sizable. I will certainly come back again.

💛😆由洲際大廚煮嘅，當然好有水準。外賣encore 左好多次嘅餐廳，終於去左堂食。待應好好。Lunch 叫左煎三文魚扒，一啲都唔肥膩。媽媽叫左磨菇湯，非常好飲。飲野叫左綠茶latte,本人唔太鍾意飲勁甜嘅野，甜度適中高度推介👍

今日中午同同事食飯，佢地揀左e 間餐廳，可惜我朝早又食太飽，唯有揀份冇咁飽肚嘅lunch set 黎食煎三文魚扒個皮煎到脆脆地，但係個魚又保持到水份，味道唔錯。個飯係紅米飯，只係得一少少，對於唔餓嘅我岩岩好，非常之鍾意。隔離中伴有一啲薯仔粒，一樣味道唔錯。另外我鍾意好多豆喺度，感覺就會均衡飲食一啲。啲同事佢哋叫咗好多意大利飯同埋意粉嗰啲份量真係超多，食唔曬要打包

生日飯食到七月都重有得食，之前朋友介紹黎識過，今次再返嚟呢度食生日飯。打電話嚟訂位嘅時候，佢哋會提醒需唔需要預留定一啲食物，例如海鮮，威靈頓牛柳。所以今次訂位嘅時候我哋留咗生蠔，聖子，同埋青口。睇相你都見到，法國生蠔超級肥美，原本我哋只係叫咗半達，食完之後我哋再encore多半打😋蟶子應該係焗嘅，有啲菠菜薦底，火候控制得好好，冇overcook，非常之好味。青口就係白汁青口，白汁味道非常濃郁，你可以選擇緊薯條或者麵包，我哋選擇左麵包，就算食晒啲青口同埋麵包，我仲留住左啲汁，唔俾佢收，我之後用嚟家樂意粉度，非常正😜另外我哋叫咗個係餅沙律，味道其實幾好，但係可惜係上晒主菜佢先至嚟。主菜我哋叫咗黑毛豬，羊架，香蒜辣椒炒蜆意粉。黑毛豬非常出色，後設但係唔會un，我會推介俾大家。楊假火喉亦都控制得好好。至於炒蜆意粉，中規中矩，但係我加咗白汁青口嘅白汁之後就令到佢非常出色👍🏻甜品我哋今次冇嗌，因為有生日蛋糕，但係我非常推介佢個churro，上次食過，非常好味😋

氣炸鍋令威靈頓牛柳突然間成為左急凍食品，令呢道傳統英式名菜變得垂手可得，不過質素當然係比唔上餐廳名廚精製手藝，打住前州際主廚坐陣北角嘅一間西餐廳，我對呢間餐廳期望當然非常高～當中最想食嘅就係威靈頓牛柳，而呢度嘅主廚亦絕對無令人失望！坊間嘅切2嚿個皮已到軟淋淋，但呢個酥皮比一般坊間嘅食到嘅更加酥軟，食到最後一舊都係完整嘅！而牛柳肉質同中間層白菌比例都完美配合，呢個價錢有呢個質素，作為食客真係喜出望外！至於個青口都係十分驚喜！青口肉嫰有鮮味，個汁亦調得剛剛好，食完都無油膩感～唯一遺憾係呢晚得細protion，我唔可以食多D(;´༎ຶД༎ຶ`)意粉看似簡單，但味道其實都好好，尤其個帶子，煎到外脆內軟！不過因為份量都幾大，食到肚子脹卜卜咁走呀！

平時很少機會會在中午吃高級餐廳，吃過之後只能說物有所值!Mesclun Salad (w/o dressing)  ♥♥♥當天的餐湯是南瓜湯，怕不夠飽的我就額外點了混合沙拉律。即使沒醬料，菜嘗著依然鮮甜，在炎炎的天氣、沒什麼胃口的時候就更適合了。Smoked Salmon Salad with Beetroot,Walnut (w/o apple cider dressing)  ♥♥♥♥紅菜頭很有益，但以前試過的配搭都好像沒這款那麼好吃，少少爽脆、帶點甜，加上煙三文魚的咸香，愈吃愈想吃。少量的魚油脂不會膩，同時又令沙拉不會太清淡，而合核的香氣和獨特的苦澀味道更增加了層次。Lemon water  ♥♥♥沒什麼好說的，就是杯子內側的圖案很酷(。-`ω-)

朋友介紹嘅餐廳，我第一個到，生蠔供應有限，侍應問我哋要唔要留定啲，所以留定6隻。朋友重有推介蟶子，所以都預先留定。生蠔非常新鮮，之後想再encore都冇。聖子用菠菜蒜蓉芝士焗，非常好味，真心推介，必試。嘢食來得好快，所以我哋一邊食一邊叫。我哋叫咗一支白酒，所以叫番啲香口野你送酒，就叫咗我至愛既Fish n Chips，脆漿同魚比例好薄，魚肉厚，非常滿足。食到咁上下再叫牛扒，5成熟都拿捏得幾好，值得一試。到最後都係要啲澱粉質落肚，所以叫咗鵝肝risotto，我剛先得好香，但係risotto偏向淡味，而我個人比較重口味，所以我覺得麻麻地。最最後，我哋叫咗甜品，個人認為Churros係必試，甜品$58/each，但係$108有三個，好抵。所以我哋叫咗兩個Churros同埋一個crime brûlée。總括嚟講餐廳氣氛好好，食物有質素，開心而回。

今次嚟咗北角呢間Cafe，啲食物質素真係幾有驚喜，同份量都幾足。入邊嘅侍應服務態度好，啲位置都算寬敞，亦都幾乾淨，所以都坐得幾自在。見到佢個頭盤好吸引，有蠔同蟶子等等揀，因為較少係西式餐廳度食蟶子，所以就專登叫咗個。佢係有菠菜同埋芝士，有四件，仲大隻過手掌㗎，而且個味道真係好驚喜！有好濃郁嘅芝士味，啲聖子都好新鮮，一啲腥味都冇，再加少少檸檬汁，直情係提升左另一個層次！酸酸甜甜將啲鮮味帶晒出嚟，真係好好味！雖然只係頭盤，但每人食咗兩隻其實都有少少飽。同埋嗌左個西冷牛扒，嗌咗七成熟，但好似偏熟咗少少，但真係好Juice同埋啲肉都好味，個份量真係好多，加埋啲配菜，其實一個人食真係好飽🤣覺得呢間啲嘢真係唔錯，尤其是啲特別啲嘅菜式，好似啲頭盤。下次嚟食晚餐應該會更加多驚喜，嗌佢啲海鮮應該好正！💛💛👍🏻👍🏻

是人人和你平小飯店旗下的西菜餐廳, 當然是同樣的同聲同氣. 主廚曾經在Spoon工作, 和Alain Ducasse共事過, 但這餐廳的菜式相比起來相當樸素而且家常, 午餐有餐湯或沙律再加主菜, 由七八十元到百多元, 相當豐儉由人. 主菜我點了Fish & Chips, 雖然不是主打, 但質素不比同類型名店Fish & Chick差. 用上銀鱈魚, 肉質細嫩沒雪藏味, 最重要是其炸漿加了啤酒, 就是正宗的英式做法. 這樣除了不用加梳打粉外, 也令其炸起來沒有麵筋, 炸皮更鬆脆. 炸皮均勻地附在魚身, 並沒有一咬即分離或碎開, 相當可喜. 配碟的不是普通的他他醬, 而是加了鯷魚調味, 令其更為咸鮮. 甜品是咖啡奶凍, 口感細滑而咖啡甘香柔和, 上面的朱古力咖啡醬強化了其咖啡香味, 用咖啡杯盛載有一種在喝咖啡的感覺. 晚市的蟶子, 龍蝦和威靈頓牛柳我也相當期待, 盡快開個飯局, 大家同聲同氣一齊爽就是.

又到放半晝嘅星期六，今早出門已經落雨，決定放工喺公司附近食埋嘢先返屋企，放工時同事問我去邊度食嘢？我話去食西餐，佢話ok咁一齊食啦！店員帶位時同我哋講今日餐湯係椰菜花煙肉湯，馬上幫我哋斟咗兩杯暖水及遞上餐牌本來我已經決定咗食沙律🥗嘅，但係同事睇完Menu話虎蝦帶子欖油火腿扁意粉同慢煮豬腩肉雜菌意大利飯都想試，我就話咁就叫呢兩個share，店員落單時問要唔要湯或者沙律（加$10），我哋兩個都覺得個湯好少見，所以決定要試吓椰菜花煙肉湯伴有香草包個包好好味同事話大塊啲就好啦慢煮豬腩肉雜菌意大利飯豬腩肉嘅脂肪層唔會有肥膩嘅感覺，意大利飯煮到外軟但係食到中間有一點硬嘅口感虎蝦帶子欖油火腿扁意粉虎蝦新鮮爽口，帶子鮮甜，扁意粉好香蒜味同事話未食過煮得咁好食嘅扁意粉餐飲熱咖啡我哋都覺得好好食仲好飽同埋冇加一，食到咁高質素嘅西餐好抵食下次再試其他

今日我地黎到一間比較隱世，位於北角內街位置嘅黃店。係疫情底下衛生方面都做得好足，入餐廳前有幫我地探熱亦都有提供搓手液。佢嘅餐牌選擇非常豐富，扒類意粉同各式西式餐店都一應俱全。香煎盲曹魚柳配白酒香草汁呢個菜真係色香味俱全，煎成金黃色嘅魚柳配埋各種顏色嘅蔬菜，非常吸晴而且非常健康。個魚煎封得好好，魚皮香口，魚肉亦都冇煎得過耐而變得鞋口同鬆散。白酒香草汁亦都調配得好清新好香，不過汁嘅量就偏少，未食完個魚已經點曬個汁。成個菜嘅size都算大，男仔都會夠飽。慢煮豬腩肉青豆甘荀意大利飯份量頗多，意大利飯配上白汁、甘筍同青豆，頗creamy亦好飽肚，飯粒亦都算煙靭唔會太腍。豬腩肉雖然係慢煮，不過無想像中咁腍，可以再嫩滑啲。南瓜湯香濃清新，入口綿滑，啖啖南瓜香甜嘅味道。人均消費：$120推介指數（10分為滿分）：7分

平日黎，午餐無得book枱，利申唔係打手第一次黎，係要搵路先黎到門口部探熱機好方便呀有2個午餐餐牌餐廳無坐滿人，所以好舒適各自加左$10要湯/沙律🥗是日靚湯係南瓜湯如果食fish and chips就唔好叫沙律啦因為伴碟都有沙律菜香脆啤酒漿炸鱈魚熱氣就梗的，熱辣辣好食香煎紐西蘭西冷 7成熟有薯塊仲有菜菇仲有一小球飯好夠飽的，都好食香煎盲曹魚柳真心feel到煎得好用心同西冷一樣的配菜，薯有煎過、菜有多款真係堅好如果個白酒香草汁再肥美creamy d就仲正😋每人一杯餐飲Happy lunch每人百五蚊都唔駛，值啦👍🏻

為慶祝生日去左依度食晚餐，見到openrice好多好評，ig有推介。真係唔知佢請好多人做打手，定係我唔好彩，佢咁岩失左水準。舖面細細，裝修幾體面。但樓底好矮，變左人多少少，坐左一半就好似酒樓咁嘈，冇幾耐就坐滿人，就同演唱會差唔多咁嘈，真係會嘈到食飯都冇心機，冇人大嗌大聲講野都好嘈。Book左  Beef Wellington 5成熟牛肉好韌酥皮吸曬啲汁係好食既嗰醬汁就同Beef Wellington 唔多夾，食落仲有啲"乸喉"仲有個mustard 加埋都好奇怪底下有啲配菜墊住 個紅蘿蔔係生既跟住嗌左個dinner set 跟杯野飲 香煎鴨肝配黑松露菌意大利飯鴨肝係好香、好好食，調味係有啲重手，重口味既人一定鍾意佢個意大利飯煮到好似kfc嗰磨菇飯咁，啲飯勁硬、冇味，同生既面頭有啲芝士碎咸咸香香，配埋啲飯先有啲味Feel唔到佢有 黑松露菌仲有三角形嗰塊野 好咸好韌好硬甜品叫左 Cream Brulee 激淡蛋味上面既蜜瓜？ 其實食完都唔知咩來但應該係生果     好薄、冇味仲有一片仔既 無花果佢啲生果如果用得唔靚 其實可以唔加主角cream brulee 做得唔好 仲要配角都唔好就差上加差

放假同朋友去咗某雜誌介紹位於北角嘅一間西式餐廳, 因其主廚曾在洲際酒店米芝蓮餐廳工作。餐廳位置隱蔽, 不過都算方便, 地鐵站行幾分鐘就到。呢間餐廳最出名嘅威靈頓牛肉, 不過需要預訂。因為訂枱時無留意細節, 所以無緣品嗜。但見到餐廳大部份食客都點咗威靈頓牛肉, 相信大家都係慕名而來。我哋座位近住半開放式廚房, 可以睇到廚房部分煮食過程。首次光顧, 先點咗一個美國 “Prime” 西冷同帶子蟹肉闊條麵試吓, 雖然主廚當晚不在場, 但食物質素都唔錯。煙鱔沙律少見, 所以點嚟試吓, 味道比煙三文魚清新。另一款係西班牙風乾火腿沙律。牛扒肉質鮮嫩多汁。帶子蟹肉闊條麵, 帶子味道鮮甜, 個汁嘅牛油味好重。食物整體都算好味, 所以決定下次放假再嚟幫襯, 但一定會預先訂定威靈頓牛肉。