Greyhound Café (海運大廈)

营业中

休息中

下午茶鮮蝦冬陰功湯河粉，鮮蝦完全非常腥味重！ 個河粉係亂刀削出來的，成個湯冇味，得醋酸！ 叫換唔比！ 話下次小心點選再叫，一間海港城餐廳完全冇可能！ 不合情理。勁差冇下次！

疫情下無得去旅行，好掛住每年都會去泰國日子，假日老公帶我來哩間泰式風味Greyhound cafe食lunch。哩度環境優美高質，有無敵的大海景，可以睇到維港景色，係度用餐感覺去左渡假一樣，心情輕鬆。食物方面點左三樣：泰式鮮蝦海鮮粉絲煲❤️鮮蝦份量不少，鮮甜大粒，粉絲吸收晒配料精華，味道香口入味。黃咖喱炒馬尼拉蜆❤️滿滿咖喱汁，送飯一流，蜆又多又肥美。芝士火腿茄汁焗長通粉❤️最鍾意食有芝士味道長通粉，火腿茄汁令人開胃。另外老公叫一杯芒果沙冰🍸冰凍鮮甜，消暑解喝。

曾經食過呢個嘅set lunch 外賣，記得焗菘蓉味薯條好味😋，今次就試吓焗薯角。 薯角外皮辣辣地內裏好鎖水，薯蓉濕潤又可口，香口得嚟又唔乾鯁鯁，正😋香草香煎帶子寬條麵，帶子本身無乜味，成個麵靠香草汁帶味，香草係濃係creamy ，可惜我鐘意重口味同惹味食物，呢個味算好清淡。非我胃口之選青咖哩飯，無乜特別，ok 之選，青咖喱係辣嘅～三個人，自然嗌每人一杯野飲，兩杯泰式咖啡+passion voyage想點炸海鮮拼盤可惜無，唯有點白灼海鮮拼盤。白灼係無味嘅，小食點拼盤中間綠色醬汁就變得好味😋⋯⋯不過不失泰國菜～

因為海港城嘅coupon就嚟過期，大家都趕住要喺過期前用晒coupon，搞到周圍嘅餐廳都full晒，就係依家未full，所以就嚟咗食。而家仲有冇lunch set，一定要散叫，就算用咗coupon都勁貴。。食咗佢啲豬頸肉米粉、牛丸米粉、同埋單骨雞翼米粉。單骨雞翼米粉幾辣，但係雞翼份量好多，計過應該有六隻雞翼，同埋佢用新竹米粉都幾好食嘅，不過三碗米粉都要$100到，真係好貴。。另外仲叫咗個蟹肉春卷，係幾好食嘅，可以用生菜包住嚟食，啲生菜都幾新鮮。

今日經過見到外賣自取驚喜低至半價優惠， 有七款外賣減價，有沙律、金邊粉、意大利麵或炒飯，價錢由$69至$97。今日就外賣試一下。香草辣椒炒豬肉碎配白飯折後$69Minced pork with sweet basil and hot chilies這香草辣椒炒豬肉碎配白飯選擇了少辣。這炒豬肉碎炒得夠乾身，加上香草和辣椒，十分香口惹味，配上魚露，微微的辣，又帶魚露的咸香，再拌以太陽旦的旦汁，充滿泰式風味，十分好下飯。香紅咖喱鴨飯折後$97Red curry roasted duck on rice這香紅咖喱鴨飯味道不錯。紅咖喱既有濃厚的咖喱香，帶有泰國basil香，少少辣，沒有太稠厚的質地，加上鴨肉幾柔軟，配上軟滑白飯，幾滋味。這一天的泰式晚餐倒也不錯。

老老實實本身唔係諗住食呢間點知落雨所以我哋費事再走來走去然後歡樂組長話想食呢間雖然我就對呢間野喺香港嘅餐廳就麻麻地因為性價比極低(因為我喺泰國食過)而且泰國又好味啲又平啲咁所以早餐又未落格所以就同歡樂組長share咗個肉丸河再加左兩個小食一個生菜包一個米子卷跟住仲有兩位朋友仔嗌咗佢哋嘅龍蝦螺絲粉佢哋嗰兩個我就冇試啦不過個樣係吸引嘅味道來講呢我喺泰國有食過米子卷香港真係爭啲而且又貴我都係懷念泰國嘅greyhound 🙈題外話我見到我哋張枱個膠板有啲污糟🙈扣分

星期六本身想食另一間餐廳但因為太多人所以排隊黎到呢間餐廳，本身見到open rice 評價唔多好，所以唔想食，但無奈之下唯有排隊一試，畢竟大部分餐廳都極多人，呢一間算係比較少人啲，但都係好多人。今次叫左 咖哩炒硯 泰式雞肉意粉 同焗龍蝦咖哩炒硯除咗有少少過咸 但味都ok同幾大粒泰式雞肉意粉份量好少然後係冰鮮雞仲要係霉霉地嘅肉焗龍蝦係三個入面最好食既，雖然都係冰鮮龍蝦，但啲肉食落未至於係霉既，所以係ok既總結黎講，價錢有少少貴同份量細，但味道比想像中好，如果真係真係真係無得揀之下都可以食下既真係唔多值咁既價錢

泰式燴牛肉及牛丸湯米粉丸同肉嘅份量係幾多，個湯都算好飲，碗埋辣粉食就唔錯嘅。但係lunch連飲品 要$108加一，個人嚟講就覺得唔太低。和牛芝士漢堡又係不過不失啦，連埋湯連埋飲品$138加一。環境又唔算話坐得特別舒服，總之就係唔太值。

兩個人食咗$650，以lunch黎計，佢又唔係酒店級，又無海景或任何佈置，呢個價可能偏貴咗，始終無環境。但食物質素唔錯，有蜆，係泰式醬，唔係平時個種爆香炒蜆，所以都幾有新鮮感。另外，佢個小食拼盤都唔錯，好多種類，但雞翼炸得太乾了，d醬汁好出色，夠野味同spicy。炒通菜就梗太老，好難咬開，最後，請不要叫佢沙冰，一黎無甜味，二黎係凍入喉嚨，冬天不宜，夏天可能都要考慮一下。要食泰菜，其實好多平民少少餐廳會整得好食些，當然價錢都係幾舊水走唔甩，可能平$200-$300，但以食物質素同環境計，呢間得食物賣相加分，味道係ok，但名過其實。經理最好識得同客人講再見啦，普通餐廳都會識做。

Seafood Feast🦞🐟🐚🦑🦀🐙🦐🍴 Do You Like it❓🤗..泰國🇹🇭 Greyhound 🍽 香港分店真係好多，今次黎到尖沙咀海港城想吃泰菜❓ 同樣吃到。呢度既廚師👨🏻‍🍳 以傳統烹調方法×創新fusion 創作好多別出心材菜式，趁住Seafood Feast🥳 繼續黎吃個泰菜海鮮的盛宴💫 好豐富。.✨Seafood Feast✨ll $158Thai Style Spicy Seafood Saladll $98Fresh Vietnamese Spring Rollsll $128Chargrilled Squid w/ Spicy Tangy Saucell $88Stir Fried Morning Gloryll $148Spicy Fried Manila Clams in Thai Basil Leaves.呢晚真係超多Seafood 🦐🐟🦀🐙🦞🐚🍴，款款菜式都有各類海鮮為主角。集：鮮甜、惹味、咸香、消爽於一身。其中Salad🥗 既帶子很鮮嫩厚肉；原條🦑 很彈牙，加上秘製辣醬汁，味道𣊬間提鮮；金不換炒蜆🐚 肉不算肥美但惹味非常。.✨Bangkok Dr

呢間食泰國Fusion菜既餐廳裝修幾靚，裝修風格偏西方為主，缺乏泰國感覺，一行四人，叫左五款既野食，蟹肉飯，牛肉湯米，炸魚沙律，蝦球墨魚意粉，冬蔭公意粉。價格就略嫌偏貴，唔值。蟹肉飯既蟹肉份量好大方，賣相幾好，而蟹肉既味道都充滿鮮味，相當唔錯，覺得最出色，最令人滿意就係呢個飯。牛肉湯米，湯底有啲藥膳味，有杞子，牛肉就柴，啲丸亦係一般貨色咁普通，我理解唔到點解會叫做 TOP RANK呢？百三蚊食碗咁普通既牛肉湯米唔太值。炸魚肉沙律呢個都算可以，炸魚乾身，而且個色澤金黃，醬汁又調得幾清新，加埋一齊食都幾夾，酸酸地，幾開胃。蝦球墨魚意粉，將墨魚汁混做成意粉，但佢就無另外既墨魚汁去畀意粉掛汁，而佢個墨魚汁做既意粉又無墨魚汁味，食落既感覺就只係啲意粉變成黑色咁，蝦球份量少，無蝦腸，但亦無乜蝦味，賣相亦唔太用心，感覺有啲求其隨便。冬蔭公意粉呢款fusion 菜係全日最差，但我唔記得左影相，冬蔭公味都尚可，只可惜佢做到勁濕，搞到湯意粉咁款，我地得出一個結論係如果有機會再來，都唔會再食佢既 fusion菜，真係一般。人均$222，一個不出色又不值的午餐，蟹肉飯同埋炸魚沙律為佢挽回少少分。

當日條隊都幾長 但等咗一陣十分鐘左右 入座嘅效率都不錯 當時見到職員一個人一次過帶三四枱客人入 點完餐後 上菜嘅速度開頭都算快叫咗海鮮墨魚汁意粉 但食完個嘴一啲都吾會食到成口黑色 但味道比較普通 另外仲叫咗杯Fruit punch 飲品份量都比較少另外仲嗌左蟹肉奄列 冇乜特別蟹肉只係面頭個d最後仲有點左炸豬手飯 看似好大份但其實中間有一舊大骨 唔值得$2XX 點個飯嘅時候侍應有提醒我們大概要等30至45分鐘 但我哋等咗大概45分鐘之後都未見影就開始吹 間餐廳只有四個職員連帶位 又要帶位 又要執枱 又要點餐 又要送餐 仲要買單 幫手吹單 見到佢哋都做到有氣冇埞唞 都鄧佢哋辛苦💪🏿本身仲想點千層蛋糕 但因為等個豬手飯等得太耐 已經冇左意欲想食 唯有下次再試最後仲叫咗杯Mango shake 甜度適中

約了朋友到尖沙咀海港城逛街， 行到攰攰哋， 大家都想搵個好地方嘆番個午餐， 我提議到我最喜愛的Greyhound Café， 餐廳以西餐風味的泰國美食為主。中午大約一點鐘已經有客人在店外排隊等候， 店外有一個甜點櫃， 放滿精緻又美味的蛋糕， 店內環境主打工業風， 燈光柔和座位舒適。 我們一坐低店員已經主動為我們斟水， 雖然疫情期間戴上口罩都感受到他們的熱情，服務絕對是滿分的。 看到海鮮餐牌已經流曬口水， 午餐我們有白灼什錦海鮮$298、 鮮蝦帶子墨魚汁麵$148、 香煎大頭蝦$228、 泰式珍珠奶茶$46。白灼什錦海鮮～ 海鮮拼盤有蝦、帶子、魷魚和泰式魚蛋， 白灼這個烹調手法好像很容易， 但其實是最考驗海鮮的新鮮度， 四款白灼海鮮我都很喜歡，鮮美清甜。蝦肉肉質紮實爽口， 帶子鮮甜大粒， 魷魚有鮮味， 魚蛋爽滑彈牙， 配上泰式海鮮醬一起吃， 更加惹味。香煎大頭蝦～啖啖肉又多膏的大頭蝦，肉嫩又Juicy，鮮甜味道，蝦膏的豐腴油香，加上陣陣蒜香，吃起來分外鮮香惹味。 亦可配上泰式海鮮醬一起吃， 還有木瓜沙律， 味道酸酸甜甜，很開胃。鮮蝦帶子墨魚汁麵～墨魚汁麵煙韌有口感，有海鮮味的墨魚汁麵，不

與朋友於尖沙咀一同午膳過後，便自個兒在海港城閒逛，突然想吃個午後甜品解解嘴饞，當作下午茶，最終便挑選了這間感覺休閒的咖啡店。餐廳裝潢以深色為主調，配搭上一盞盞的黃燈，感覺舒適放鬆，玻璃窗和牆壁上的繪畫為餐廳增添不少藝術氣息，整體環境富有格調。Classic Chocolate Cake朱古力蛋糕色澤深啡，頂層加入朱古力醬，使表面富有光澤感，整塊蛋糕使用 85% 的黑朱古力製作而成，口感綿密鬆軟，朱古力味道濃郁出眾，香甜而不膩。Iced Tea Greyhound Style飲品上桌時是分開兩個杯子的，一杯盛有飲料，另一杯則放滿冰塊，餐廳貼心地使用檸檬茶製作冰塊，務求冰塊溶化時不會減淡冰茶原有的味道。飲用時冰爽透心，甜度製作恰到好處，茶味濃郁突出，於口腔中散發淡淡的斑斕芳香，整體味道清新香甜。整體而言，裝潢寬闊舒適，富有格調，環境整齊衛生，食材製作用心，味道出色可口，是與家人朋友吃甜點的好選擇。

🔸Pork Grilled👅7.5/10 💰108豬柳烤得好嫩，有咬口，醬汁辣辣地，好惹味！糯米飯嘅份量睇落好少，點知食食下又岩岩好！仲有啲串好曬vege 好fresh ! Balance返又解膩🥰🔸Noodle Duck stew👅7.5/10 💰98一開頭望落去以為好乾身 但係咬開食落口鴨髀肉質又幾嫩滑 湯底一般 河粉偏淋 但成個湯粉食落清清地食下食下就食曬成碗野😂