Häagen-Dazs

营业中

休息中

行完街攰攰地想搵個地方坐坐，咁啱就諗起Häagen-Dazs推出咗新口味-茉莉花紅桑子石榴。即刻去試試先茉莉花味好香再加上紅桑子酸酸甜甜的味道，十分夾！但石榴就可能比佢哋掩蓋咗，唔係好食得出😆 另一種口味就食焦糖雲呢拿朱古力蛋糕，入邊嘅朱古力蛋糕口感濕潤，同埋焦糖雪糕好襯

復活節假期來到尾聲，我帶了囡囡到apm來個無論媽媽少女定細路女都難以say no的Haagen-dazs!在我們揀雪糕口味時，個waitress一直黑面，明明已告知選什麼水果又再黑面的追問，整個experience仲衰過老麥。到付款時，我接過了ice cream cone，阿姐姐本來插左支匙又跌左落黎，整到我成手都係雪糕... 但佢完全無諗住幫手，我連拍個八達通俾錢都無手... 見佢唔打算幫手或者遞張紙巾俾我，我唯有俾返杯雪糕佢拎住先俾到錢...多謝哂咁嘅服務，我地埋位坐低食左一半，個雪糕已經溶緊... 相信喺呢間Haagen-dazs幫襯真係無下次

同朋友食完飯又醒起有幾張cash coupons ，於是就去哈根大師食杯雪糕🍦新口味係橙火乜乜乜同茉莉花乜乜乜，是但啦，真係唔係太記得了。總之揀咗幾隻正常味，又試咗嗰兩隻新出嘅口味（係呀有得試味，我都差啲唔記得），試嗰吓其實我同朋友都異口同聲地覺得好似香水味，但係又好似著咗魔咁是是但但就點咗呢兩隻味，到依家寫返出黎都覺得真係好奇怪，哈哈哈值得講吓嘅係店入面啲職員雖然好細個，但個個都好有禮貌，值得一讚！

經過APM見有張Häagen-Dazs嘅雪糕卷～就去換返個單球雪糕食下先～如果正價買要成$48一球～講真我可能會去食Godiva多D囉～可以選擇甜筒或者杯上～咁當然係甜筒上啦～配下甜筒餅一齊食冇咁寡嘅好多味揀有十幾種味道可以揀～上至水果下至朱古力～仲有咖啡味之類～但係都係對朱古力味嘅系列有興趣多D黑朱古力杏仁雪糕～可惜朱古力味唔太濃～配以杏仁粒一向都係好好嘅配搭～加上冬天凍冰冰～食完即刻暖粒粒～感覺好爽

好耐冇食過雪糕火鍋，新一年放緃下先！堂食雪糕火鍋迷你餐$298有16粒8隻味，包括: 2球抹茶、2球呍呢嗱、2球士多啤梨、2球焦糖脆餅、 2球曲奇呍呢嗱、 2球藍莓、 2球比利時朱古力、 2球芒果紅桑子，仲有精緻日式糕點大福餅、黃豆粉蕨餅及綠茶粉蕨餅，配埋時令水果及杏仁碎。我哋仲加$30叫咗兩杯熱蜜桃茶🥰講真，去得Häagen-Dazs食佢fondue，就係為咗個朱古力醬。朱古力醬一如以往好味，出奇地同抹茶、呍呢嗱、藍莓、芒果紅桑子好夾。喺朱古力醬未凝固晒之前加啲花生，三重享受！ 黃豆粉蕨餅同綠茶粉蕨餅都係雪凍咗，試過蘸朱古力醬但完全唔夾，反而就咁食都唔錯。黃豆粉好濃﹑綠茶粉甘甜，不過同成個set唔太夾。大福餅入面係豆蓉餡，味道偏甜，唔太吸引。熱蜜桃茶係神來之筆，酸酸甜甜，可以化解雪糕同朱古力醬油膩感，雖然只係茶包加蜜桃糖漿，但食完咁多凍嘢落肚，呢一刻飲杯熱茶，舒服晒。

Haagen Dazs 新出花生醬味雪糕，宜家仲有特價$69/2送多一球自選味，所以試一試佢啦。第一口感覺同花生醬係一樣味既🤣但就冇咩奶香味，之後食多幾啖就覺得好甜好膩，建議搭一球水果酸甜味可解膩。整體黎講，喜歡花生醬人士可一試，亦建議二人些牙啦。

係apm行到攰攰地，又見有haagen dazs嘅現金券係身，就諗著入去坐底食杯雪糕休息下。- Berries Lover $58本身係諗住食雪糕嫁，但見到佢夏天出嘅沙冰，沙冰上又有雪糕，貪心嘅我揀左呢個杯野飲係冇得自己揀要咩口味嘅雪糕，一定係佢嘅士多啤梨味，但佢呢個味本身我就超鐘意，酸甜比例岩岩好，又有果肉，咁多年都冇其他牌子嘅士多啤梨味可以取替。沙冰個味都好濃，我見住佢畢左一大球berry味雪糕落去blend，一啲都唔hea夏天飲呢個真係一流，消暑又解渴，$58又雪糕又大大杯沙冰，平時單球雪糕都$48，我覺得呢個性價比好高

食完飯跟住嘅節目緊係食點品啦！！剛經過Haagen-Dazs見到雙球雪糕買一送一大優惠！！嘩！！我點可以錯過呀！！選左士多啤梨加芒果紅桑子！！士多啤梨有士多啤梨肉㗎！！幾清香！！芒果红桑子則紅桑子味很出！！芒果味淡淡的！！名牌雪糕真係零舍吾同！！又滑又香！！好滿足呀！！

APM嘅haagen dazs舖面唔大，但都有兩個梳化位，同埋幾張梳化櫈，坐得都幾舒服！下面呢款香蕉船叫愛情號，包三個中球雪糕，自選口味 仲有一條切半嘅香蕉、士多啤梨粒、花生粒！今次揀左綠茶、咖啡、cookies and cream雪糕全部配埋威化脆片食都甜而不膩，好好味！

Häagen-Dazs 的雪糕一直以來都是我的至愛但基於價錢方面，不能常常食呀：( 通常都要等佢特價或者個人心血來潮先偶爾來食一食。哈哈！今次佢又做八達通付款外賣雙球買一送一(雙球原價$68)，當然要來光顧一下。 *雖然是外賣，但也是可以坐下慢慢食*左面-法式情迷：棉花糖+Macaron 配 夏威夷果仁+曲奇呍呢嗱 <Macaron不會太甜雪糕好足料，每啖都有曲奇/果仁>右面-情濃比利時：窩夫+Brownie 配 焦糖脆餅+柑橘柚子<Brownie很濃味，好彩有柑橘柚子中和下，如果淨係得焦糖，應該會好“漏”>

次次經過HD見到呢個"咖啡時刻"都好想食,有次朋友送左張coupon畀我我終於的起心肝去買來試呢度提醒大家,如果你同我一樣係以咖啡之心去叫呢個雪糕,一定要叫咖啡雪糕球!因為職員會叫你揀2球雪糕,我開頭諗住佢本身會有咖啡野想唔叫,由於佢無其他好選擇我就叫番咖啡味後來先發現全杯野同咖啡無關係!!!(可能係話你配咖啡會好夾掛...)不過佢2球雪糕都好大球,成份野其實都好多料~~個waffle係正gei,好脆好香,點雪糕食好夾但我覺得D cream就多餘左D,一黎份量太多,二來佢係普通的o即o即cream,無味,所以好奇怪佢底部仲有2舊類似麵包的物體,點雪糕食都好好食,不過我覺得1舊已經好足夠,反而比多塊waffle會開心D囉~~~

咁啱想apm 搞活動 特意去行下 但又未夠時間 就諗住黎Haagen Dazs hea 下 順便食下雪糕我地兩個人就叫左一杯曲奇趣趣 同一份雪糕set 好快就可以拎到啦好幸運既係我地有卡位坐 可以係呢個咁既環境好好休息下 享受悠閒時光雖然鋪面細 但坐既位置都幾好 幾舒服 唔會太逼 先講下曲奇趣趣 其實係一杯雪糕特飲 亦即係雪糕加沙冰加oreo 味道普普通通 略嫌冇乜味 味道好淡 可能只係得好少雪糕 試一次就夠另外個雪糕set 有 5小球自選雪糕 每種味道都係一如既往咁好味 我都係好鐘意 而且窩夫仲幾脆 比預期好

今日放工食完飯仲有啲口痕想食甜野🙈，但係如果再去糖水舖食個糖水又好似太飽🤢咁岩醒起Haagen-Dazs又做雙球雪糕買一送一geh promotion，只要用八達通比錢就可以用到呢個優惠啦👅所以就同朋友去咗夾錢一人買一杯😋😋😋今次呢個雙球雪糕杯有兩種，一種係brownie,另一種係maracoon😋其實兩個都好好食😍不過如果要影靚想嘅話個人就覺得macaroon影出嚟嘅效果會靚啲hahaa$63就有四種味嘅雪糕，抵呀😍😍😍

平時番工趕巴士，趕deadline ，什麼都趕這樣的生活太疲倦了今日去觀塘APM附近做運動, 突然醒起銀包有張$50 雪糕禮劵。有股衝動嘆左杯雪糕先，然後再去消耗卡路里🤣女人做野 永遠都會有無限個藉口😆間店鋪新裝修左，雖然店鋪唔大，但比起之前坐得更加舒服。叫左杯鮮果雪糕自行選擇雪糕口味，水果，醬料及配料揀左香蕉同最愛既朱古力雪糕加埋nuts 碎 更加香口（沒有加醬，因為怕太甜）雪糕筒頗大亦很脆口🤤苦中一點甜雖然運動前吃雪糕很邪惡但人生若果每樣事情都計較著是一件很疲倦的事

適逢經過雪糕店，本想吃雪糕，休息一會。但見有雪糕特飲買一送一優惠券，從未試過，賣相也可以，加上此品牌形象不錯，應該有信心保證。曲奇趣趣是oreo+沙冰+雪糕，但喝下去味道很淡，奶味不足，我猜雪糕的成份喝很少，能喝到oreo，但不能與oreo餅乾那厚厚的口感相比，因為特飲的感覺是偷工減料的。這杯的雪糕含量也是很少，有雪碧和一點果肉，沙冰就很多，消暑一流，但味道只是一般，我嘗試不斷攪拌，希望口感豐富點，但只是滿口冰如果賣50幾元一杯，也不能使用雪糕現金卷，個人而言，絕對不值得買。