HAHA CHICKEN 하하치킨 (西九龍中心)

营业中

休息中

西九龍中心8樓美食廣場𥚃面有好多不同的特色餐廳美食，今次就試下呢間韓式炸雞外賣店啦😉呢度價錢定位較平民化，套餐都係約$45-50幾蚊左右！我哋就叫左原味招牌炸雞套餐、甜辣炸雞套餐，配卡邦尼飯（細）和可樂。炸雞一份有4件，原味炸雞會另配蜜糖芥末醬，而甜辣炸雞則會直接淋上面，肉質炸得岩岩好，不錯也很大塊👍🏻卡邦尼飯，小小的，配料有薯仔粒、火腿，白汁直接淋面，啲汁食落又唔會太膩，可以再過嚟試吓！

可能因為太好味食得太投入？咬緊鷄嘅時候，俾路人問係邊度買😆塞滿講唔到野，唯有指住間舖頭啦🤣路人即刻沖去買😉西九龍中心food court呢間低調炸雞店，🐤價錢親民，😚出品仲超好高質，忍唔住坐低即場食🔥芝士炸雞🧀$160/全份 兩盒份量十足🍗好香嘅芝士粉，而且雞肉夠大塊🥰超脆皮！無骨雞塊啖啖肉，用叉已經食得勁方便。酥炸魷魚 $38/半份🦑👍好鍾意魷魚酥彈牙嘅口感，裹上咗小小炸粉之後🤓更脆口。

呢一間韓式炸雞店位於深水埗附近有一個地方俾大家坐低黎食好適合一家大細或者朋友傾偈食飯呢一間餐廳價錢適中唔會太貴特別適合鍾意食炸雞韓國風味嘅朋友佢哋有唔同種類嘅炸雞即叫即整10分香脆可口 仲有話佢哋有好多唔同嘅小吃同埋白飯份量都十足唔會太少夠晒飽肚佢哋亦都可以加錢嗌嘢飲依家仲有外賣服務超級推薦大家去食深水埗哈哈韓式炸雞: 位於深水埗區而家仲可以有得嗌外賣真係好正㗎大家快啲過嚟吧

韓式炸雞每次吃都好像要找一堆人去吃才可以吃多幾個口味，這個對挺多人是一個問題！所以這間小店很好地推出了一人套餐，就正好滿足了我們這些單身人士了！芝士炸雞餐（飯加大5元）（48元）這個店員說是最多人選的一個，看到包上了大量的芝士粉就知道是為什麼了！因為雞是即叫即炸的，吃起來外脆內嫩，肉汁非常多，再來是濃濃的芝士香味，味道帶點甜！而且還配有炸年糕，脆脆的口感帶點軟糯也很不錯！飯我們都選了卡邦尼飯，吃起來帶點芝士香和奶香，材料也有挺多薯仔和煙肉，但就醬汁有點小，如果多點會更好！甜辣炸雞餐（飯加大5元）（47元）整體一樣，但就炸雞改成了甜辣口味，這個看到那麼多醬汁，可能也會覺得很快軟了，但其實不是，放久了也能保持到一定的脆到，香甜蝦帶點辣味，吃起來也很惹味！蒜香酥炸魷魚（半）（38元）雖然只是半份，但也有超過十條魷魚鬚，炸得很香，吃起來爽滑彈牙，配上香濃的蒜香粉，帶來一傷鹹香的滋味！套餐加配薯條（20元）薯條也是即叫即炸，所以賣完以後就要再炸，要等一段時間！我就選了紫菜和粟米濃湯兩款口味，配上剛出爐的新鮮波浪薯條，吃起來真的非常好，外脆內軟的，調味粉也加了很多，味道濃香！個人覺得粟米濃湯的會更

蒜香醬油炸雞餐 配卡邦尼飯 $47醬油味濃，夠多汁，炸雞外皮脆，內裡好juicy。甜辣炸雞餐 卡邦尼飯 $47幾正宗，好多醬汁。卡邦尼飯有d似白汁飯，有洋蔥同薯仔粒，酸酸地幾開胃。蒜香酥炸魷魚（半份）$38炸皮唔厚，唔錯。紫菜脆薯條 $20好多紫菜粉，食到尾發現個底仲有好多，想多d紫菜味既朋友，可以shake下先再食。狂熱脆薯條 $20都係有味粉係面，好惹味😋大安東雞飯 $25好多汁，味道唔錯。整體黎講，$47有炸雞、飯同飲品，份量夠飽肚，幾抵食。

朋友知我鐘意食炸雞，就講到西九龍美食廣場有間質素不錯韓式炸雞店西九龍中心真係一個童年回憶以前覺得商場裏面有個過山車好特別而美食廣場，長期人多無位坐，最後決定買外賣返屋企主打韓國炸雞小食炸雞分別有芝士、原味、蒜香醬油、甜辣、香辣等精選套餐，包三件雞，一碗飯同飲品，好抵食以為三件炸雞係迷你雞，估唔到好大件，無骨啖啖肉即叫即炸，雞件香脆嫩滑，年糕煙韌彈牙蒜香醬油，醬香濃郁，幾特別雙人滋味套餐叫左甜辣味炸雞，有一份炸魷魚，飲品個人更鐘意甜辣口味，甜甜辣辣更滋味蒜香酥炸魷魚炸粉好薄，脆身爽口，魷魚爽彈，好惹味卡邦尼飯有唔少薯仔粒，煙肉，如果多汁d仲好唔想等太耐可以經網上外賣平台外賣自取，更方便！

黎到深水埗西九龍中心8樓有好多餐廳同食肆响呢度，今次揀左買炸雞外賣反屋企食，呢度既食物好抵同平，我叫左一款雙拼炸雞都係$166，炸雞味道仲可以自由選擇，我揀左辣芝士炸雞同埋蒜香醬油炸雞，一共有兩大盒，每款都有大約八件左右，炸雞大大件又無骨，辣芝士炸雞有香辣既芝士粉灑响面成件炸雞都呈紅色辣粉，辣得黎又幾好味，另一款蒜香醬油炸雞，一打開個盒就籠罩住好香既蒜味，仲有汽水送，網上外賣平台都有得叫外賣，另外再叫左一盒粟米濃湯炸薯條，薯條真係好多。

超級好食的韓國炸雞又唔同類型仲有好多炸物小吃 真係好好食呀位於深水埗仲可以堂食我哋試咗炸魷魚 即叫即整好大份兩個人或者三個人食都完全冇問題但你食完記住飲多啲水啊費事熱氣啦呢一間餐廳有好多分店例如深水埗同長沙灣位置都係好適合九龍區嘅朋友們去進食價錢適中唔會太貴正常的 份量都十足都好夠味道 唔會有好多味精 得閒過癮又可以去試一試 佢哋嘅服務員質素10分好服務10分高好好人的 成日問佢哋嘢都唔會俾人鬧 最近年輕人最啱食咋嘛大家可以去

餐廳：哈哈韓式炸雞專門店地區：深水埗地址：深水埗欽州街37號西九龍中心8樓F71-72號舖日期：30/9/2022時間：20:00人數：2人 等位：0 min🌟🌟🌟甜辣炸雞🌟🌟🌟拎餐個陣見到已經食慾大開🤤味道正宗，唔會過辣，而且即叫即炸😁又香又脆👍🏻👍🏻跟餐配咗個安東雞飯同可樂再加配咗份狂熱脆薯條，安東雞飯好有驚喜😍啲汁夠香夠濃👍🏻第一次食就已經想再黎翻食🤣🌟🌟🌟蒜香醬油炸雞🌟🌟🌟蒜味勁重😌真係色香味俱全！而且啲炸雞肉質嫩滑多汁😝直頭同係韓國食無乜分別🥳亦跟餐配咗個卡邦尼飯同雪碧再加配咗份紫菜脆薯條😎 卡邦尼飯都幾特別😂好送飯好正👍🏻🌟🌟🌟芝士炸雞🌟🌟🌟芝士炸雞都好正！🤤芝士粉夠多又唔會令炸雞太乾，反而越食越香😌依間炸雞店真心性價比極高！一個餐先40幾蚊就已經有炸雞+特色飯+飲品🙈真係想佢開多間分店係我屋企/公司附近呀🤣

西九龍中心嘅food court入面真係超級多舖頭，其中有啲長期都好多人幫襯，今次就去咗HAHA chicken食炸雞。個人超推薦精選套餐，$45至$48就有三大件無骨炸雞加一碗飯同飲品，抵食又實夠飽，大滿足！蒜香醬油炸雞餐（$47）外面裹滿濃厚嘅蒜香醬油，雞件表皮唔算太薄但咬落仍脆口，雞肉香滑唔乾柴！套餐仲包括一碗細卡邦尼飯，偏硬有咬口嘅飯上面鋪左厚厚一層卡邦尼汁，好滑同好重忌廉嘅香味，有少少邪惡但有驚喜！甜辣炸雞餐（$47）仲有兩件煙韌年糕，增加風味！跟餐嘅安東雞飯配料有雞粒、薯仔同蘿蔔粒，全部煮到軟腍入味，好啱送飯。辣芝士炸雞3件（$38）香脆炸雞外面均勻舖滿辣芝士粉，辣度唔太高，芝士粉好香同炸雞好夾，非常惹味！狂熱脆薯條（$34）長長嘅波浪薯條上面糝咗類似熱浪薯片味嘅香辣粉，好啱送炸雞，如果更熱同脆就更好啦。如果唔想落街又想係屋企舒舒服服咁嘆炸雞，係網上外賣平台 都有得嗌外賣，超方便！

好耐沒有去過西九龍廣場其實8樓food court有好多好嘢食🤪之前見到呢一間啲炸雞好似幾正咁，今日就試吓外賣炸雞返屋企先！😜呢度精選套餐都係40幾蚊起，已經有三件炸雞🍗， 味道有超多款式🤩 還包飲品同飯，一定食得飽，或者可以再加$20要特色薯條~🥰如果唔要一人套餐都有雙人套餐～ 一樣咁抵！😁我要左一個雙人套餐+ 一個單人套餐 都係差唔多$200 ，等咗陣已經拎返去🫶雙人套餐 ： 韓式炸雞🍗八件 我叫咗蒜香醬油 、韓式辣炒年糕 同埋飲品兩罐🧃單人套餐就叫咗原味炸雞 + 卡邦尼飯 + 粟米濃湯薯條🍟炸雞就算外賣返屋企都係好脆， 蒜香醬油甜甜地 超級好食！仲要大大件無骨😋 年糕就比較辣咗少少，鍾意食辣嘅唔好錯過～👍卡邦尼飯 有薯仔 火腿等等 好creamy !!特別推介粟米濃湯薯條， 超級好食！ 薯條又🍟粗 又熱辣辣 配上粟米濃湯好好食～

好耐無行過西九龍中心， 行完啲小店諗住去foodcourt 搵食，原來個foodcourt 好旺，勁多食店，基本上咩菜都有，tea time都座無虛席，都要等一陣先搵位，想食香口炸野，就食炸雞揀左個炸雞雙拼👍🏻全部炸雞都係無骨，無骨好既地方係啖啖肉，同埋唔駛lun骨，可以保持儀態，同埋始終有時出街食，尤其在foodcout 張枱唔係大仲要lun 骨係會幾麻煩🧀芝士炸雞份量都幾多，有8件，仲要每件都唔細，每件炸雞都沾滿有香草既芝士粉，芝士粉味道係成日食個隻芝士波既芝士味，雞肉夠juicy 😋甜辣炸雞又係有8大件沾滿甜辣醬汁既炸雞，由於有汁濕濕地，更容易會追住食，味道方面係甜多過辣，好想食辣既唔好期望係好辣既雞🦑蒜香酥炸魷魚有半份大份揀，半份其實份量都唔少，有圈有鬚，薄薄一層炸漿，食到全部都係魷魚，送汽水/啤酒一流

估唔到有咁抵食既炸雞外賣店🤭有得叫半份或全份炸雞，或雙拼炸雞，炸雞口味有成6-7款🤩如果一個人仲可以叫單人餐，炸雞配飯同野飲都唔洗$50叫左半份蒜香醬油炸雞有大概7-8件，上面有炸蒜，個汁好香同入味😋，雞肉煮得熟透，唔會好似有啲餐廳咁出面香脆入邊唔熟另再叫一個單人餐，簡左甜辣炸雞同卡邦尼飯甜辣味道剛剛好，唔會太辣，有三件大大件，同埋每件都均勻上晒汁卡邦尼飯好香，份量岩岩好，仲配左啲薯仔粒粒😍

深水埗西九龍中心food court有好多餐廳選擇，今次發現咗一間韓式炸雞，哈哈！有總共6款口味嘅炸雞可以選擇，有辣有唔辣～～今次心思思想食兩款，揀咗雙拼餐，蒜香醬油炸雞同埋芝士炸雞～其實份量真係好多，一款口味都已經有8件，睇見都流晒口水～真正嘅啖啖肉，無骨雞件，每一啖都係香嫩厚彈嘅雞肉，滋味無窮～蒜香醬油炸雞比較重口味，醬汁香甜～芝士炸雞充滿芝士粉，香濃入味，另一番風味～有一罐可樂跟餐～另外，想試下個酥炸魷魚，揀咗蒜香口味，半份份量都okay, 酥脆彈牙～

耐唔耐就會想食炸雞，呢間來自西九龍中心Food Court嘅Haha Chicken，炸雞有多種不同口味可供選擇，各有特色‼️叫咗個狂熱炸雞，無骨啖啖肉，個皮脆得嚟唔算太厚，同jollibee嘅雞都幾似，唔同嘅係有調味粉咸咸甜甜咁好滋味🤤仲叫咗兩款口味嘅炸魷魚，炸粉鬆脆易入口，魷魚厚肉煙韌，而且每個圈圈大細/魷魚鬚長度都差唔多，工整有序；薯條係舊式粗身有波浪紋嗰種，粟米濃湯味幾特別，係日本RISKA 濃湯粟米球嗰隻味😆如果一個人又食得唔多，可以考慮佢哋啲一人餐，有齊炸雞及迷你飯，價錢唔算貴，眼見都幾多學生買嚟食🤓疫情下去旅行變得奢侈，好彩香港美食夠多～下次試埋其他味道