#HAPi x YMS Cafe (零碳天地)

营业中

休息中

係零炭天地入面其實有間Cafe，有咖啡有蛋糕，仲有麵包意粉食，應該好少人知，其實佢哋嘅食物都唔差#Hapi Summer Violet 呢杯紫色咁靚嘅，其實係檸檬青檸嘅Ginger Ale，酸酸地夠晒解渴Honey Sparkling Americano啡色呢一杯呢就係蜜糖咖啡梳打，都幾重蜜糖味，呢類凍飲真係好啱夏天飲，飲完成個醒晒。Red Velvet Cake另外仲叫咗個紅絲絨蛋糕，唔係度度都有得賣，呢度長期都有供應。你其實係一個紅色嘅朱古力蛋糕，口感有啲結實。食完飯食一個都唔錯。

去開零碳天地綠在區區回收見今日涼涼地有啲風就去左Hapi食 lunch，原來勁高質，細細個檔口啲嘢都可以做到又靚又好食，lunch set仲可以加$10有靚啡飲Summer special有慢煮和牛涼拌韓國粉絲，套餐價$98包$40以下飲品，加$10可配$40以上，我就揀咗冰橙美式，夏天食冷麵再配杯香橙咖啡勁清新真係一流。涼拌粉絲有大量青瓜、椰菜、甘筍絲，粉絲醬有兩款可以揀，揀咗個花生醬都係酸酸辣辣好清新，慢煮和牛雖然得四塊，但都幾大塊同埋真係好軟滑松露蘑菇忌廉意粉單點價$68好大份，長方形紙盒好高身裝滿大半，忌廉汁沾滿每一條意粉，少少偏油但好鬼香HAPI PASTRY有$18牛角包好酥脆又唔油膩，小食有燒賣係俾佢個勁茜醬吸引咗先試吓，$18/10粒，店員落單時有問我要唔要豉油辣油，略嫌遮咗芫荽味，大家如果鍾意芫荽可以走豉油，一定會更突出芫荽味😎佢個display玻璃雪櫃有蛋糕同沙律， $58一件蛋糕真係唔平，不過朱古力巴斯克幾特別出邊好少見都買咗，驚喜出色！生朱古力嘅質地好軟滑香濃，巴斯克好香芝士味外脆內軟可惜唔係成日嚟呢邊，如果唔係佢有個VIP會員計劃都幾抵，$98/月送六杯飲品，

行完Mega Box，又係時間醫肚。HAPi Cafe位於零碳天地之中，為咗配合零碳天地節能同減少溫室氣體排放目標，Cafe 採天然光，節能環保，又種咗好多植物以綠化環境，為地球出一分力，走入cafe 好似去森林咁，遠離繁華， 非常悠閒寫意，都具參觀價值!蒜香欖油鴨胸意粉鴨胸肉的脂肪含量及夾雜的筋膜都很少，肉質細嫩，以蒜頭及炸蒜粒、炒蒜粒和生蒜蓉混合，加上乾辣椒碎和香草，超級惹味。慢煮和牛粉絲和牛以其絕佳的大理石花紋、極致的嫩滑口感和濃郁鮮美的風味而聞名。CP值高，油花十足，口感嫩滑，入口即溶，肉汁滿滿！慢煮形式處理和牛，保存和牛鮮味，不會令水分流失及乾身變得又鞋又韌，拌粉絲美味極致!田園沙律混合多種水耕沙律菜，又有牛油果，士多啤梨，藍莓，西蘭花同核桃，一次享受多重口感，營養更全面。煙三文魚牛油果芝士三文治牛油果與煙三文魚之間的化學作用非常奇妙，一樣的豐腴，但不一樣的味覺和口感； 加上鮮脆的羅馬生菜葉、酸甜的小番茄、清新的檸檬汁，回味無窮!

#HAPi位於九龍灣零碳天地入面既庭園Cafe，被植物包圍嘅城市綠洲，留一天給你喘息🍀親親大自然仲可以參加工作坊作自己嘅盆栽，呢度仲可以帶埋寵物嚟，加埋不同嘅植物相當療癒💗炎炎夏日,#HAPi重推出咗兩款透心涼午餐，分別係「慢煮和牛涼拌韓國粉絲」& 「泰式大蝦涼拌韓國粉絲」,可選配泰式酸辣汁/ 涼拌冷面花生醬，仲有多款沙律同埋熱狗，天氣咁熱冇乜胃口配搭冰凍嘅抹茶latte同埋Coconut latte簡直透心涼啊💕無懼炎夏,可以係陽光之下享受冰涼既午餐!**期間限定:每日數量有限,售完即止。

餐廳位於零碳天地公園裏面，四週環境都係花草樹木，好像是在郊外野餐一樣，唯一的分別是不用攀山涉水，就在MegaBox隔離，交通好方便。泰式大蝦涼拌韓國粉絲$78，有酸辣醬或花生醬可供選擇，我們選了酸辣醬，酸酸辣辣好開胃，蝦夠曬大隻 又夠入味，粉絲爽口彈牙，食落涼快，夏天食好適合。科布沙律，有兩個份量，大$68細$48，我們點了細份量，非常多料，包括沙律菜、雞肉、牛油果、煙肉、蛋、布里芝士和車厘茄，蔬菜和生果都好新鮮，賣相跟餐廳環境非常合襯🌿脆芝士牛角包$22，牛角包幾脆口，咬落仲有我最喜愛嘅芝士香味。紅絲絨蛋糕$58，深紅色 好搶眼，味道酸酸地，無論打卡或味道都唔錯。飲品：紫羅蘭特飲$50，好靚嘅淺紫色，是蝶豆花味，幾清新。海鹽焦糖鮮奶咖啡$45，水準不錯。

前排同男朋友去Megabox行街，無意中發現附近既零碳天地原來有一間走小清新風格既CAFE🍴Outdoor環境勁靚，店內滿佈植物，好有去左野餐既感覺，餐廳有lunch set、沙律、麵食等等，價錢都好抵食，值得一試😍🐮照燒焦糖洋蔥牛肉包入面都好足料，有牛肉、洋蔥、沙律菜同紫菜，香甜醬汁食落不易膩，牛肉軟諗同洋蔥好夾🍝蒜香辣蝦意粉大推! 蒜香味濃帶點辣味，意粉煮得岩岩好，蝦肉大大隻爽口彈牙，另外仲加左小番茄，香而不膩🍤大蝦涼拌粉絲夏日之選❄️醬汁可選花生醬/辣醬，粉絲順滑吸汁，香口惹味加入大量蔬菜如紅蘿蔔、青瓜、椰菜絲好有口感，蝦肉同樣出色，值得一試☺️🧉Espresso Tonic ☕️Iced Latte兩杯飲品上枱都有靚靚漸層，打卡一流，自己就鐘意Espresso Tonic 果杯多啲，酸甜開胃有助消暑Gsfagbvbvv

住喺九龍東嘅我，成日都會去MegaBox或者九龍灣行街shopping，之前經過零碳天地嘅時候，都心思思想試吓呢間Cafe，見佢哋出咗新Menu，就特登去試吓！環境真係好舒服好靚，雖然而家夏天，係坐戶外地方食嘢，不過Staff都好貼心咁開大個風扇吹住我哋，完全唔覺得好熱，而且仲有蚊怕水同埋無比滴提供，唔需要怕俾蚊咬！而且呢度嘅食物真係好高質，絕對值得一試！是日menu:Creamy Truffle Mushroom $68Slow Cook Wagyu Beef Korean Glass Noodle$88#Hapi Summer Violet $45Red Velvet (Slice) $58Matcha LatteRed Velvet cake真係好驚喜！超好味！大大件，一定會再黎食🥰慢煮和牛嘅生熟程度都岩岩好🥰意粉都好有水準！現場仲有好多多肉植物可以俾人買，種類有好多，好多都好靚❤️大推薦！

間cafe位於零碳天地半露天設計彷如置身城市中嘅綠洲呀-🔸慢煮和牛涼拌韓國粉絲（套餐$98）牛塊軟嫩，肉味濃郁配搭韓國粉絲、青瓜同蘿蔔絲色彩繽紛又好味❤️配搭酸辣醬，香辣刺激😆唔食辣嘅朋友仔可以揀芝麻醬喔！🔸煙三文魚沙律（套餐$68）沙律菜分量十足口感新鮮爽脆煙三文魚加咗芝士粉好惹味呀！☕️Dirty Rose (+$10)咖啡香滑濃郁帶有淡淡的玫瑰花香🌹味道清香不俗🍹青柑椰子 (+$10)清爽冰凍柑味清甜突出超消暑解渴呀👍🏻

唔好以為九龍灣剩係得工廠區，原來零碳天地中間有一間小清新嘅Cafe，呢度個環境真係勁靚，我覺得不論係晴天或者落雨天，都會有一種獨特自己嘅風味！呢度食嘢都好抵食，更加有lunch set，沙律或者麵，或者包，再加飲品，低至$48起！今日我同朋友兩個嚟到，一個要咗佢哋個慢煮和牛韓國涼拌粉絲，另外一個就要咗佢哋個蕃茄肉醬腸意粉。講真呢度嘅質素真係唔錯，沙律都好大份，慢煮和牛睇個顏色已經知係極品，唔會好鞋，醬汁另上我都覺得好有心思，因為始終每個人鍾意嘅濃度都唔一樣。朋友都話肉醬腸意粉好好食，意粉口感好，醬汁夠入味。飲品方面我哋一個要咗熱嘅Cappuccino，我就要咗個青柑檸檬美式，呢度嘅咖啡都真係好好飲，夠勁嘅咖啡因，加埋citrus好清新好refreshing，係一個特別嘅配對！至於甜品方便，我哋就要咗carrot Cake，佢入面有超多walnut，cream cheese frosting都好rich，呢個係我喺香港食過11掃二好食嘅carrot cake！

yesterday i been here by sudden. because my company have photos shooting nearby.wow here have one summer’s drink it is so good taste. so cool and not sweet. also the cashier lady super nice service. me and my team super enjoyed the moment here. when you come here around. Don’t miss this secret place special summer time is coming. let’s go and try .

近日都話香港餐飲業巳死，來過這間HAPi cafe, 你就會覺得，要執粒嘅真心係做得不夠好，今時今日世界咁樣，係要付出雙倍，三倍，4倍努力先生存到。呢間HAPi, set lunch $78, $88, 比靚料足料，可任揀$40或以下任飲品。咖啡唔係自動機，係咖啡師出。今日來興祝生日。試埋佢個蛋糕，好食不得之了，cafe同事服務好好，係我出乎意料之外，因為本身佢係好似Starbucks pacific 嗰d cafe setup, 自已買餐、拎餐同清枱，但同事見你冇來拎，都會送過來。也有講有笑，問我地食物意見，蛋糕會比碟叉刀爉燭，重問我駛唔駛點埋爉燭拎出來。現場環境好舒服，好多好靚植物，係九龍灣megabit隔離的零碳天地公園內，值得經常去，享受下美食、靚咖啡同大自然。

這天去九龍灣攪回鄉證，本來打算去megabox揾食, 見有好多人行入公園，估計係去megabox捷徑，行入去十幾步，見到間cafe，都好多人下，環境唔錯，睇見餐牌，set lunch都好抵下，排曬隊就試下。食咗個香辣蝦球意粉，飲杯latte, 轉豆奶不用加錢，見咖啡師用半自動機出咖啡，共$88，冇加一，好似starbuck咁買完飛拎個提示取餐鐘就自己揾位，邊等餐邊等位，因為有吧枱有超長大枱，最特別有靠邊坐單人位，背靠仙人掌，都好快等到位。個意粉唔係一般食到圓形嗰只，係較有咬口的扁意粉，食得出係olive oil炒，d蝦🍤好彈牙爽口有蝦味，不太辣，很適中的香辣。佢除咗係cafe,亦有賣好多香草同肉肉植物，好特別好靚，大部份價錢$10-$88，但因趕時間沒有細看。咖啡好飲。性價比好高。一定會再去。見到佢有會員制，$98換6杯$40或以下飲品，便可成為會員，買野食野便可享有會員價，維成$16/杯，平過茶餐廳，飲完可續買，好可惜要一個月飲曬6杯，而我並不是附近返工或住。不過套餐巳經好抵，下次同朋友過來再試。

今天午飯的時間經過公園,去了這間餐廳吃飯,見到環境好好就坐下,之後去排隊買餐,見到很多餐牌好吸引,有多款沙律,好多意粉,焗薯仔等等,照片十分好看,十分吸引,看了海報左上角英語寫了套餐,價錢看來可合理,仔細看看有很多不同的價錢,然後我和哥哥點了兩個不同的套餐,但cashier說不是,又不收500元,經過多次詢問,cashier不禮貌地堅決不是套餐說不要看套餐的大標題,原來是騙局,下次不會再去這裡吃...

"You'll never change your life until you change something you do daily. The secret of your success is found in your daily routine." - John C. Maxwell就係呢句說話令到我今朝改變咗一貫食早餐嘅習慣。平時一星期有三日都會去同一間茶餐廳，因為性價比高。今日決定落咗巴士，踩入去零碳天地，因為有個特價早餐嘅招牌吸引咗我入去。其實呢間之前行去MegaBox食lunch都會經過，有一次係因為佢話join咗會員有得送杯免費咖啡😂😅，另外有一次去食個tea，之後又冇乜特別會諗起佢，陽光普照又話太曬，落雨又話落雨。今次見佢早餐set 一個包加一杯咖啡$28 -$3x我就要咗個蒜蓉多士+一杯flat white ！ ($28)算好抵㗎，平時一杯嘢都唔止$30啦，間唔中會去公司對面間pop up Cafe ,一般flat white+一件Banana cake. =$50 呢間嘅flat white 正常啦! 仲要算大杯啦。蒜蓉就因為外賣爭小小。返到去食都唔脆lu

星期六lunch約左朋友試新嘢。呢間平時行過，都覺得好chill。只可以坐室外，被植物包圍住，都好啱打咭。有好多植物，仙人掌🌵多肉，仲可以買番去。不過當日係陰天，坐室外有啲涼。如果天氣好，一定會坐耐啲。食物價錢好合理抵食，叫左二個set加沙律，份量都好多，完全夠食，仲好好味。不過只有提供麵包同意粉，杯咖啡種類都多。唯一既缺點係有蚊，加上本人惹蚊。希望cafe都可以種啲可以趕蚊的植物。