Harbour Grand Café

营业中

休息中

男友買左Harbour Grand既會員，兩人食buffet有半價，好抵！今次黎左炮台山的Harbour Grand食lunch buffet，因lunch都有生蠔及長腳蟹，好抵食。我地book左12點半，一到場已坐左近一半人。男友話城哥既酒店一定會refill，所以可以慢慢食，食d熟食墊底先食生冷野，驚我肚仔唔舒服。個場一字開排，好多選擇，有刺身壽司、甜品、雪糕有一大個Movenpick雪糕櫃任選、沙律前菜、海鮮、熟食，仲有車仔麵檔。熟食挺不錯，炒面好好食，咸味適中又不會過淋。粟米魚塊十分好味，魚塊啖啖肉，好好味。蔬菜類都好味，翠肉瓜微辣爽口香甜，雖然係平野，但好食所以食左好多。而且都有燒味，叉燒好好味，又甜又香，而且軟淋唔韌。餐飲只包一杯野飲，要飲多杯就要加錢啦！叫左汽水。生蠔係已開定，但有師傅現場幫你沖凍水，每次排隊可拎3隻，最讚賞的是放生蠔既碟都係凍的。生蠔係澳洲蠔來的，我最鍾意食，生蠔有點瘦，但很新鮮，只須加些檸檬汁已很鮮味，入口爽脆甜，有輕微海水味，實在令人回味，所以都食左好多隻。最後被男友勒令唔準再食三文魚十分滑及魚味濃，好正！可以同師傅講要腩位，佢就會俾腩位你架啦！凍蝦

今日同幾位姊妹去在一間酒店食自助餐，間酒店就係喺炮台山既海逸君綽酒店，我去上左3樓食自助餐。之前我幾位姊妹都有去過呢間到食自助餐，佢哋推介蠔同埋龍蝦，話呢兩樣野好新鮮喎，咁呢樣野就係我呢個80後最鐘意食架喇，所以我就叫佢地帶埋我去食yeah！我去到嘅時候我啲姊妹已經到咗大概半個鐘，佢地已經食咗好多喇！D: 我一去到，緊係嗱嗱臨去搵生蠔同埋龍蝦啦緊係！首先食咗個龍蝦係波士頓龍蝦，係有鉗嗰 隻，肉質好un，冇咩鮮味。生蠔係即開嘅，每人每次可以攞三隻，我攞左兩次，總共食咗六隻。我唔鐘意落太多其他調味料，我淨係落咗檸檬汁，唔錯都幾新鮮，生蠔味唔係好重嘅。反而長腳蟹鮮味比較重，肉質都好嫩滑。魚生方面我淨係食咗三文魚同埋帶子，依兩樣野都好鮮甜好味！食熱盤都有唔錯嘅選擇。最吸引我嘅就係當然係燒牛肉啦，會有專人幫你切，嗰個人切嘅時候已經覺得有啲un，到食嘅時候就覺得其實肉質都OK，但係都乾左少少，要落多啲汁補救返。煎鵝肝都唔錯但係又係比較乾咁囉。 講一講天婦羅，個粉漿都幾厚下，講真可以唔洗試，留返個肚食其他野好過！。我有食左幾次嘅就係北京填鴨，燒得真係唔錯，個皮好薄好脆，唔會有太多油，好正，肉質仲係好

男友生日，來到這間離家不遠的自助餐廳慶祝，晚上價錢似乎是588一個人，另收加一，不過有時會有85折的活動。進入酒店二樓，已經是賓客滿堂，人聲鼎沸，說實話，會感覺有一點吵。晚上沒有海景欣賞，有一點遺憾，不過夜景同樣迷人，餐廳以紫色燈光裝飾，開餐前會先送上一杯葡萄酒，格調不俗。吃自助餐，自然是要先吃大龍蝦和生蠔，這裡同樣需要排隊，吃起來才是驚喜，非常新鮮！鮮甜的味道，可見食物本身質量很高，不是靠廚師調味的本事，而是食材上等。其他也有牛排，披薩，炒飯等中西式菜餚，品種算是豐富，甜品是點睛之筆，種類多之餘，味道也都非常好，讓喜愛甜品的我大呼過癮。這餐飯吃了整整2個鐘，期間服務生態度很好，也勤快換碟，所以沒什麼可挑剔的，感覺物有所值！

因為明天是我生日,所以丈夫訂左酒店Buffet慶祝。Book左6:30,一到左即刻入得,讚!不過個位有D麻麻,拎野食唔方便,個景都唔太靚拎生蠔個位有D混亂, 基本上幾個鐘入面都係排曬長龍不過味道都唔錯總結黎講,我覺得味道唔差,不過款式太少,多D選擇會好D仲有得2杯野飲有D少,如果有Refill就好

訂左晚上自助餐，一坐低即試生蠔魚生刺身, 生蠔雖即開，但係唔夠冷仲有暖的感覺 ！其他長腳蟹龍蝦都算鮮甜😉鵝肝多士必試! 熟食的choice 唔算太多.!甜品焦糖燉蛋麵包布甸好味!!

6月中有一個限時優惠，四人或以上有正價75折，另加送一支紅酒。但此優惠要在預約後48小時內交全數，否則當棄枱論。限時優惠連埋加一每人都只需＄440。事先預約好當日6：30PM，且準時到達。稍等一會，服務員上前帶我們入座。用餐環境內光線充足、雲石打造的地面和牆身顯得尊貴氣派。每位入座客人都可以點一杯餐飲，可選紅酒、白酒或汽水。因我們買左限時優惠，有一支紅酒送（同佢本身提供既一杯免費紅酒係同款的）行了一轉睇睇有咩食物提供，熱食既選擇唔多（相片乃部份食物，並不是全部）台灣腸、泰式肉丸、越式香茅烤魚、焗蠔片皮鴨都有！西冷、煎鵝肝仲有韓式炸雞、煎蠔餅天婦羅、PIZZA仲有自助餐唔少得既海鮮！海鮮有長腳蟹、生蠔（每人每次限取3隻）、翡翠螺、青口、熟蝦、開邊龍蝦，而且佢地密密加貨，唔怕你食唔曬！只怕你唔夠食！我都掛住食，冇全部都影相，真係唔好意思啦！而魚生方面有三文魚、八爪魚、希靈魚、吞拿魚同埋帶子甜品有太多款，唔記得咁多，我主攻既甜品都係MOVENPICK！而且當日提供既口味超過十隻，無得輸！只可以講呢個牌子既雪糕為我地既自助餐劃上完美的句號。

機緣巧合，來到這間久仰大名的自助餐，海逸的期望本身就不大，但是過了今晚，應該不會再來。食物已經不太行，安排真的不行。先來壽司吧要排隊，生蠔及海鮮係要分兩次排隊壽司吧有海膽本來是好事，但是瞬間沽清，不再refill ，要等成個鐘食到甜品咁滯先再有至於生蠔，每人可取三隻本就平常，但是兩位員工都處理不了一條人龍。看着員工放慢手腳來開生蠔，就火都嚟埋。仲要俾我睇到佢哋睇到人龍先開始快手啲！我承認我中佢地計，我排左三次就再無排啦。咁嘅安排叫人點樣有心機食。雖然蠔唔夠凍（揸着咁耐點會夠凍），但味道係幾好嘅其實海鮮都唔好得好多，一樣咁長嘅人龍，為嘅只係半隻龍蝦同埋長腳蟹，仲要唔多鮮味，長腳蟹又勁咸。只係青口嘅味道比較好。至於熱食都不太吸引，獻汁一樣嘅湯，淋嘅天婦羅，都唔知點樣韓式嘅炸雞，比較好食嘅係鵝肝甜品嘅選擇亦都唔多，我一隻大碟就每件一個。雪糕嘅味道就比較多但是窩夫不是即叫即做。

尋日同男朋友黎到炮台山的Harbour Grand 食dinner Buffet，之前聽好多人讚可以睇到維港景色，但book 枱的時候忘記了要求近窗的，所以去到的時候才嘗試問可否安排坐近窗，但他們很快就給我安排了近窗的位置👍🏻一坐低冇耐就有侍應過黎問餐飲，原先想飲杯咖啡的，但原來Buffet 是包兩杯飲品的，餐前可以叫紅酒，白酒或汽水，餐後可以叫咖啡奶茶，侍應也貼心的提醒如果咁快飲咖啡奶茶會好快飽食唔到太多。食物種類其實都唔少，有我最喜愛既生蠔同長腳蟹，雖然每個人只能每次取3隻生蠔，但生蠔非常生鮮好食😋每張枱都有擺放蟹剪同濕紙巾比客人使用非常貼心。最後當然要食甜品同雪糕，他們提供的竟然是movenpick雪糕😍，出面買的價錢很貴的，平時都好少會食到，所以就食多了幾球試了很多味道，為這個美味的晚餐畫上美滿的句號。

同屋企人buffet又唔想比太貴食  見呢度平平地又咩都有……咪帶左佢到黎食個LUNCH law   另外一個目的係想食MOVENPICK ICE CREAM XD呢度超近港鐵站 very good ~上到去環境又幾好喎！！  之前去過幾間 D台又唔會好迫餐廳環境幾好, 落地大玻璃, 食LUNCH時有大量自然光又見到海超正……  野食種類都幾多下, 野飲有兩杯, 一杯餐前(果汁類), 一杯餐後.(茶及咖啡類), 當然水無限服務態度超好 ，比足笑容 ……   - 魚生類有專人切, 食左三文魚同吞拿魚 , 三文魚正脂肪夠 又有鮮味 可以過下口癒  吞拿魚是紅色少少透那種 比一般吞拿魚貴價 口感好 又鮮味 太好食了   - 沙律品種幾多, 有薯仔蛋沙律, 鴨胸沙律, 腸仔沙律. 羅絲粉沙律.. 薯仔蛋沙律 幾好食 鴨胸沙律 還好 可以試少少腸仔沙律 冇記錯係酸酸地 又開胃……羅絲粉沙律 羅絲粉ok  -  海鮮類 生蠔 一碟三隻 又滑 又鮮 食左好多每都冇沙 但屋企人食得比較少…… 蟹腳 超大隻 青口 鲜甜！ 超有衝動拎第2次    - 有多種麵包同幾種芝士 西湯有南瓜湯同老

之前和幾個朋友去了Harbour grand cafe 食buffet,地方大，環境幾好有海景。食物方面應有盡有，有三文魚刺身，吞拿魚刺身，生蠔，龍蝦，蝦，青口等，這些我都非常喜愛。侍應收碟快，有禮貌又有笑容，服務好。上飲品速度快，前後有兩杯野飲，一杯係酒或汽水，一杯係咖啡或茶，我就揀了白酒和涷檸茶。熱食有蒸魚，咖哩，中西湯，都唔錯。甜品方面有豆腐花，非常香滑，又有兩款糖水，有涷有熱，除了cake之外，當然唔少得雪糕，除了朱古力，士多啤梨，香草，仲有好多其他口味，食完後非常滿足，埋單用了滙豐咭，有85折優惠。

 今日有個FD做野又啊開心,又同女朋友吵架,諗住約我一齊去唱K,食BUFFET,我即刻同佢講,做野又啊開心,同女朋友又唔快樂,仲要去食埋個D甘既"廚餘",我即時叫佢轉地方,去我既BUFFET頭三甲既其中一間Harbour Grand Café,佢知我一向都係寧缺勿濫,TASTE 幾好,甘一定跟我轉場啦....   因為無乜野做既關係我地6點鬆D,已經到左,個RECEPTION姐姐好好啊,見我地早到,比左張向海景臺比我地,嘩...望住個海慢慢由金黃色,到淺藍色,跟住再到對面既景色,我個FD塊面終於都有返D血色啦...  每位BUFFET都會包一杯WELLCOME DRINK,我地叫左2杯紅酒,跟住就梗係向BUFFET TABLE 出發啦,一如以往,長長既BUFFET TABLE 有中菜,西餐,刺身,泰國菜...當然點少得生蠔,海鮮,龍蝦啦...  我對呢間酒店就一定係高評價,估唔到我個FD都食到停啊到口,仲話多謝我甘好介紹,好彩無去食"廚餘",見到我個朋友食得甘開心,有返精神,我都真心覺得呢餐特別好味道...  到埋單時先知原來依家仲做緊幾款信用卡,恆生,HSBC,渣打..85折...

1) 沙律款式都幾多, 有幾隻係酸酸辣辣的, 都幾開胃2) 海鮮(冷盤)有龍蝦, 蝦, 螺, 青口, 蟹腳, 生蠔首推蟹腳~~~好甜好多肉~~必食3) 刺身有三文魚, 吞拿魚, 八爪魚, 希靈魚子, 海膽師傅切得好多，要幾多就比幾多4) 鵝肝d 鵝肝都係一定要食，放上多士一齊食, 好正，不錯不錯7) 甜品d cake 賣相好好, 味道普通, 另外有 d 一杯杯的就好cream, 好流質, 完全唔好食反而d 普通野好食d, 例如燉奶, 最重要係要食 movenpick 既雪糕，不過佢士多啤梨味, 芒果+熱情果味 & 青檸都好酸, 不愛酸者唔好揀呢間野其實都可以話不過不失，得閒食下都係可以既。

第一次去呢間酒店，見到有幾多好評，所以想試一試！去到第一時間食沙津，好普通好少選擇，有一隻菜本身已經撈左凱撒汁，導致出晒水，完全食唔到有味，之間食海鮮又係比之前食評影響令我有所期望，結果生蠔冇鮮味，仲用冰水浸完先比客人，我明白要清洗蠔殼但唔洗成隻浸晒落去長腳蟹又係冇晒鮮味，蟹肉痴住晒個殼，要用手撩啲肉出黎熟食更加唔洗講冇樣好食，牛排好似牛肉乾一樣仲好勁騷味，食左一啖已經唔想食整體黎講係冇樣出色(除左movenpick雪糕）但呢啲都唔需要功夫只需叫貨！

之前已經幫趁了四次dinner buffet，每次去到都被內外環境吸引，前幾晚係電視見到有個全城jetso既優惠，咪打黎問下，如有十個人就有七折都幾抵，拿拿林約班friend食番餐先，咪執輸行頭，折實連加一＄414.4比正價平左百五蚊有多，所以吃得好開心。講返食物質素，生蠔即碌即食好鮮味，魚生貴價有帶子呢度Movenpick雪榚係我翻本之作,之前睇到評語service 麻麻地,我為佢地平反下,都幾好啊,特別是贊許兩位侍應，見到我攞左住兩碟野好主動幫我攞埋位，同我有小朋友預備左小朋友比我(之前無通知佢我會帶小朋友)，我會繼續支持，

完美的一天食過Buffet喇！！。今天專程請天假同爸爸lai享受一下 一入到去感覺好Grand，好大好舒服，仲好多野食tim... 我地book左12:30pm，人不太多，不過有度好就係唔洗同人爭野食ma... kakaaa... 侍應Service幾好又有禮貌，Good !! 食物種類非常多，大致有日式棘身、凍Crab Leg 、生蠔,青囗 、多種芝士 、Ham、Bread、燒西冷、泰式食物、印度野、中式熱葷、生果、蛋糕、格仔餅、朱古力 Fountain 同 Movenpick 雪糕等。 食物種類多，樣樣好食呢... 可口的順序有: 蛋糕、格仔餅、芝士、日式棘身、Ham 同 印度野。 而其它的普通而已，當中尤以中式熱葷是最差呢... Movenpick Ice-cream 係任叫架，成＋多種，不過個肚已經裝唔得多了 我只叫左2個咋 ...................... Overall 今餐總評 : Good ar