Harbour Grand Café

营业中

休息中

今日又去幫襯誠哥既港島海逸君綽酒店食自助餐.貪佢近屋企,味道亦不差.中午有齊生蠔,蟹腳,蝦,青口.生蠔肉雖小,卻是爽脆甜美~只可以食多幾隻補數.蟹腳唔過咸,蟹肉一梳梳食得夠過癮!燒牛肉算係比較好食既熱食,燒得生熟得宜,肉味又濃,又唔韌!其他食物無咩得別,選擇亦不算多.最後自製MOVENPICK雪糕窩夫,一定要加咖啡味,超濃郁,仲食到少少咖啡豆.另外青檸味亦是酸到喊,不得不食.呢隻牌子最合我口味.埋單$283 一位

昨日去左海逸君綽酒店食lunch buffet,食物選擇都好多，甜品不算太多款，熱食款好多，有些都幾好食，食物多到有點花多眼亂，都有試食曬，影左好多相，哈! 我諗下次可以尼食下晚餐buffet!

月頭慶祝爸爸生日，去左呢間酒店試佢既lunch buffet。酒店既裝潢好華麗好精美，dining room都好好景致，咁岩我地分發到既嗰張枱係對住維港海景都幾正。以lunch buffet黎講食物算多樣化，中西日韓各種熱食涷盆都齊哂，仲有長腳蟹同生蠔！第一輪我夾左煙三文魚，三文魚，壽司，凍蝦同埋天婦羅。煙三文魚同三文魚都好好食好新鮮，壽司可以食一至兩件，凍蝦麻麻，天婦羅就唔推介喇因為好厚粉。第二輪我就食左煙三文魚，三文魚同埋長腳蟹，三文魚今次好靚肥得黎又 甘香，長腳蟹啲蟹肉好鮮甜好fresh,強烈推介！第三輪我就食左嗰pancake薄薄地加啲水果同vanilla sauce都幾好食！呢度係唔包嘢飲任倒但會送一杯橙汁或者西柚汁，飯後都有餐茶。總括而言，呢個價錢有咁既水準都幾抵食，以後都會再黎！

今天下午和朋友一起吃午餐自助餐都係選揀了我最愛的harbour grand cafe一來到因為訂左位，所以不用排隊今次安排了窗口枱very good！侍應橙汁或西柚汁我們都不喜歡，於是叫了4杯可樂，新鮮長腳蟹和生蠔是我們first choice!可能靠近窗口位置氣溫好像感到有點熱,有個黑衫姐姐主動過來詢問需要轉枱與否，幫我們轉了一張梳化位置給我們真是貼心體貼！熱葷吃了即煮意粉，bbq pork，蝦餅，青咖哩雞，蜜糖雞翼，沙律泰式木瓜沙律，caesar沙律，甜品吃了cheese cake , tiramisu, panna cotta,椰汁糕和雪糕！very nice. 吃甜品時，侍問我地咖啡茶，我們都叫了咖啡，咖啡配熱奶真是細心！用了openrice 買五送一的優惠，即係我們五個送一位！抵呀！

前幾日同朋友聚舊去了食自助晚餐，我先食了半打生蠔和龍蝦，非常正，然後又食三文魚，吞拿魚，八爪魚刺身，都幾新鮮，再食些蝦，煙三文魚等就開始食熱野。我最鐘意食西班牙海鮮飯，既香口料又足，其次就係葡式烤乳豬，皮脆肉嫰，之後再食鵝肝，西冷，咖哩等。休息一陣和朋友吹水，最後食埋movenpick雪糕，有十二款口味咁多，無得輸，好少自助餐有，再飲多兩啖紅豆沙都好飽，連咖啡茶都飲唔落，感覺整體食物質素都幾好，服務又佳，又有海景，值得一試。

朋友慶生日黎Harbour grand cafe 食dinner buffet 今次仲有西班牙特色美食做主題 睇下佢有幾勁 上次食過Lunch已經知道海鮮很豐富, 今次來試Dinner 多左龍蝦 翡翠螺 刺身帶子 再黎個原隻燒乳豬仔 加埋個片皮鴨 味道都唔錯!!加埋100任飲紅白酒配煎鵝肝 簡直一流享受 yummy... 生蠔都係專人沖水,每次拎2隻,口感清爽,蠔味超等 三文魚除新鮮之外夠滑,夠肥! 無得彈！仲有嗰隻瑞士movenpick 貴貴雪糕 之前係openrice 見到個限時優惠仲有七五折 真係超抵呀! 門口仲有隻可愛用real sugar 做既公仔手上捧著碟好精緻龍蝦伊麵同我講bye bye!

因為慶祝媽咪生日,所以一家三口去北角 Harbour Grand Cafe食dinner buffet, $518+10%, 其實價黎講都算偏費,不過我有85折.因為我有open rice coupon..我地大慨七點到, 個場都已經坐到七七八八,一坐底就有人問我地飲咩,原來有杯welcome drink, 有紅白酒或汽水.我同屋企人都叫左白酒。食物方面其實都算多選擇,有好多刺身 (仲有海膽、好肥美的帶子), 海鮮就我既至愛 有龍蝦,生蠔、熟蝦、螺、、長腳蟹, 每樣既海鮮味道都算鮮味,而且都算refill得幾快.開心。熱盤方面都係大路野,不過竟然有焗蠔,岩晒我媽咪.因為佢唔食生蠔 我食兩塊燒牛肉,味道..um  都過得去,不過就有d生得制。食到咁上下...去進攻甜品,movenpick雪糕,十二款口味.movenpick 就梗係食雲尼拿拉...食番佢四球 其他甜品都算精緻,都係細細件,cheese cake就比賽搶手...要拎就要快d手其實半年前都黎過,食物方面我個人覺得都多左唔少選擇。我份人比較易滿足....食佢一打蠔,食佢幾球雪糕就覺得好正。我屋企人就第一次黎...佢地都覺得唔錯!

臨近歲晚, 都係公司食annual dinner既時候, 我公司係法國公司, 所以都係揀食西餐3年前第1次黎食buffet, 覺得好好食, 果陣都要500幾蚊位, 舊年公司食飯再黎, 覺得差左, 今年公司再黎, 完全覺得佢唔值呢個價本身想找生蠔完, 但係太多人排隊, 結果走左去拎焗蠔, 燒牛肉同埋煙三文魚三文魚就普普通通啦燒牛肉都尚算ok, 但就熟左少少, 不過個燒汁就麻麻地, 咸左d...焗蠔, 算焗得唔錯, 係個醬(應該係沙律醬)就有少少酸見生蠔少左dd人排就走去排下, 以前佢係不斷refill任你拎, 而家就有個人慢慢係你面前洗, 每次3年, 坦白講, 如果佢係好似Mr. Steak 咁係你面前開你都會gur d, 但唔係囉, 佢係一早開好晒, 突登慢慢咁洗下d蠔(仲要有時洗洗下同同事傾計唔鬼洗) 等d蠔唔洗去得咁快, 你可以話幾百蚊任你食蠔算係咁, 唔好咁多要求, 不過500幾蚊位話多唔多, 話少都唔少, 佢收高檔buffer價想做高檔, 但做出黎既野就唔高檔而且d蠔望落去好唔靚, 好瘦, 食落去冇海水味, 最慘係冇蠔味...行左個圈見d野都唔係好岩食咁, 就走左去排海鮮龍蝦都

去"炮台山" 從電話訂了十二月十九晚上吃自助餐 心裏又再一次緊張起來自己之所以那麼緊張重視 很簡單 因為本人最重視的女神生日 佢最喜歡吃buffet 之前訂檯時已和服務員溝通好 是和女朋友慶祝生日 服務員細心地幫我安排好 幫我整個生日牌 Happy Birthday 可以在buffet檯拿那些 Mini Cakes 和她慶祝 真係服務周到十二月十九晚上去到Harbour Grand Cafe, 張buffet檯長到好似火車咁長壽司, 剌身(有海膽) 生蠔 長腳蟹 龍蝦 翡翠螺不在話下 刺身: 好新鮮 有三文魚 非常鮮甜又好大粒既帶子 好QQ既希靈魚 Tuna 等等 新鮮美味生蠔: From 美國, 唔係太大隻 帶重一點海水味 及非常鮮甜長腳蟹 龍蝦 翡翠螺: 唔需多講 新鮮! 食左幾轉頭盤:煙三文魚 意大利凍肉 不同種類既芝士 各式各樣的 Salad 和蔬菜 湯: 有濃龍蝦湯 和女仕們至愛既海皇燕窩湯 女朋友飲左三碗仲有各種各樣的亞洲美食還有我最喜愛的燒牛肉 鵝肝 焗蠔 咖喱蟹  甜品: 我和女朋友最愛 Movenpick Ice-Cream 有十二種唔同既味道 又滑又smooth

有朋友今個月生日，約了我到北角的Harbour grand cafe 食自助餐，我一家五口平時出街食飯都會揸車去，因為媽媽都七十幾歲出入會比較方便，我揸車去到酒店門口，唸住落得屋企人再到左近停車場泊車，點知原來這間酒店有停車場，還有代客泊車服務上到去間餐好大，樓底好高，還有很大很闊玻璃窗，向海的位置是落地大玻璃窗，可以見到尖東的聖誕燈飾和ICC燈飾，每晚8點還可看埋燈光show食物方面我喜歡的食物全部都有齊，想食刺身有刺身，想食生蠔有生蠔，想食長腳蟹有長腳蟹，想食凍波士頓龍蝦有龍蝦，想食鵝肝有鵝肝，想食燒牛肉有燒肉，想食片皮鴨有片皮鴨，還有我小朋友最喜歡的moviepick 雪糕，這裏十二種口味，我一次過叫厨師每種味道都給我一球，厨師都很樂意地給我我們一共有16人原來這裹有一個生日優惠，就是生日本人在果個月，一共有最少16人就有這個優惠生日本人免費，另外15人有8.5打折還送生日蛋糕，一支氣酒，如果有50位再送酒店房一晚埋單時候服務員還主動問有無揸車，原來三小時免費泊車服務的

12月好多自助餐都滿位，所以簡北角的，果然唔使係waiting list, book 的時候要求window seat, 去到的時候都安排到。呢度個樓底好高，比人感覺好grand, 同埋唔使同人逼食物方面，個人覺得值回票價的有海鮮同雪糕龍蝦，白焯蝦，長腳蟹都好鮮，白焯蝦食得出d蝦好新鮮，龍蝦有好多籽，掛住食無影相生蠔即開的，每人限攞3隻，亦十分鮮甜，食量大d的d男同事攞幾次熟食唔係試好多主要係泰國野，魚餅，咖哩，香矛雞翼等無食食左芝士焗蠔，無特別，唔難食另外tandori fish 好乾，要飲水先吞到胡椒蝦d蝦煮得太耐，d肉好老其實食到呢度已經飽，但未食甜野好似未完成個晚餐咁，甜品無試哂，因為無一樣野望落吸引。。。太普通的例如cheese cake, 幾款mosse cakes, 糯米"池"都無試食左mini lemon tart, 好refresh 的味道，唔太甜，細細舊，但試無妨紅豆糕好難食，好硬，無紅豆味的最後食雪糕了有好多款，不過有兩款食雪芭，唔like只食左 caramel walnut 同 creme bulee , 因為太飽了。。。caramel walnut 就有咬

今年將近聖誕，就同左屋企人黎左北角海逸君綽酒店既harbour grand cafe 黎試下晚餐，之前都有睇過食評覺得都唔錯，所以襯得閒就黎左試下，先講下環境先！一入到去咖啡室就見到聖誕女郎迎接我地，果日都幾多人差不多全場爆满，好好彩果日真係比我地book 到窗口位可以一睹維港景，一坐低無耐就有侍應過黎問餐飲，存在感非常！！夜晚餐前飲品有紅，白酒汽水，餐後都仲有杯咖啡茶！讚！未開餐之前己經有好好既引象！very good開餐喇。。我個人比較喜歡食刺身同海鮮，先打頭砲當然係刺身同生蠔！一出到去睇下原來係美國生蠔，好大隻同即場有師父清洗，感覺上都好安全！而日本刺身有三文魚同帶子等等都好新鮮好肥美！原來星五六重會有海膽…下次要簡岩時間再黎！言歸正傳！啲海鮮刺身都好新鮮同視覺係完全正比！餐廳做緊東南亞美食原來重有日本焗蠔…鐘意海鮮既我當然唔會放過啦，同樣都好有水準！！熟食方面…我最鐘意就係椰汁繪雞同泰式海鮮炒飯…有機會真係試下，大讚！最後再講下甜品，雪糕有十多款，糖水有中有西，杏仁茶好清甜，冬天食一流！！而甜品都有十多款…個人覺得班蕳蕉糖燉蛋好特别好有新鮮感，慕絲都有好幾款，，正呀！依間餐廳每

今日放假和爸媽到Harbour grand cafe 食lunch buffet. 12.00準時到達，reception姐姐很快便安排入坐！每位人客原來會有杯welcome drink可以選擇橙汁，西柚汁，汽水！我們都選擇了橙汁，雖然不是任飲，但都好，因之前去過其他酒店食，只有一杯餐後飲品，所以覺得ok.食物方面種類都几多下！凍海鮮有oyster, crab leg, prawn, clams, mussel....正！！！！主攻oyster and crab leg.....oyster不是大隻嗰啲，食得出好鮮, 其實個人比較鍾意細隻新鮮，大隻反而不太敢吃驚佢係frozen oyster.聽到隔離枱話啲 c9 話crab leg咸，我個人覺得好攪笑，crab leg緊係咸㗎拉，係個海到撈上嚟㗎嘛，無啲常識！沙律和cold cut方面種類都ok....大路野，唔會唔合口味！西式食物種類都多，仲有sirloin食，正！又有pizza, 羊架等.........中式食物有海鮮炒飯，有pork congee, 水煮雞.....勁正，有上湯菜和豬頸肉炒時菜，仲有一個西湯onion soup和

港島海逸君綽酒店的自助餐都唔知食過幾多十次,每一次比我既感覺雖無驚喜,但通常都無失落感.生蠔細細隻但都幾爽甜.長腳蟹都算飽滿和甜美.食物選擇不多,但MOVENPICK雪糕總有十多款.熟食款式亦不多,基本上次次黎都係那些其中以燒牛肉,即煮麵檔,豬頸肉既水準較佳自助午餐和晚餐既分別係....午餐:無龍蝦,帶子和海膽剌身晚餐:有兩者價錢差約230元.看看你如何決定了! 縱使食物水準好穩定,但食客都需要新鮮感!建議定時更改食物選擇.是日價錢為$298加1,用了會員卡後實收$178.8

為慶祝老婆生日小弟早兩星期訂枱並要求坐窗邊位，可惜當日仍然未能安排我們想坐的位置，也罷，重點始終是食物，我們坐下後先點了一杯白酒及凍奶茶後便二話不說的離座去拿美食了（每位包一杯餐前及餐後飲品）。刺身有不少款，三文魚很肥美，不錯。此外，千萬不要錯過帶子刺身，簡直是甜美豐腴！這裡的生蠔很肥美鮮甜，相比起同集團內的紅磡海逸酒店及九龍酒店的自助餐所提供的蠔，這裡的質素是最好的，不但每次可拿三隻，更重要的是鮮甜到不得了！鵝肝多士好掂，大廚會不斷的煎，所以不擔心拿不到，多士脆而鵝肝豐腴可口，令人大快朵頤！而叧一推介之作是羊鞍，燒得很香且肉很嫰滑，用了不少香料所以不會很「騷」，再加上他們提供的燒汁或黑椒汁增加了味道的層次，必定會令你們一試難忘！相反燒牛肉及雞扒就令人失望，太乾身之餘賣相亦不好，尤其是牛肉肉質很韌，要人咀嚼幾回才可吞下呢！其他的海鮮如開邊龍蝦丶長腳蟹及翡翠螺也不俗，惟一可惜的是可供選擇的熱葷比較少，而即場製作的生滾粥及粉麵也較普通，且可供配搭的材料也比較少。