Harbour Grand Café

营业中

休息中

長居外地的朋友回港度假，提議來這裡吃自助餐。朋友訂了窗邊的位置，臨海景觀怡人。那時的自助餐主題是歐洲美食，不過管它的，自助餐就是什麼也有得吃嘛。餐前餐後各有一杯飲品，那便不怕口渴了。先進攻海鮮類食物，有開邊龍蝦、蝦、蟹腳、青口、生蠔等等，不過我只是吃了數隻青口了事，反而朋友們的龍蝦似乎幾大隻。跟著是煙三文魚、凍肉、芝士，也是很標準的配備。沙律方面我吃得比較多，正正常常沒什麼特別。友人也吃了燒牛肉、煎鵝肝等等。我吃的西湯（好像是薯仔湯什麼的）算不錯。各式熱盤用 LC 鑄鐵鍋盛載保溫，正所謂「唔打得都睇得」。種類也有不少，有印度咖哩（我只吃了這個）、泰式豬頸肉，還有 pizza 等等。也許是我沒留意到，但看來沒有很多歐洲的食物。甜品方面選擇不少，既有西式 panna cotta 奶凍、tiramisu、芝士餅、木糠布甸和雞蛋布甸等，連中式糯米糍和美點雙輝都有！不過多數人都會喜歡即製窩夫和 M 字頭名牌雪糕的了。食物方面算是滿意的，不過還是要說一句，景觀更是一流，但更重要是與很久不見的朋友相聚，吃什麼也是好吃的。

人大了開始對食buffet嘅要求就越來越高、越來越挑剔，因為食量少咗就自自然然係多款食物中揀喜歡的東西及回本之物（大部份人想法！）；而且近年更喜愛食lunch buffet，可以多啲時間消化，感覺上就好似少點內疚感因為大不了省掉晚餐或者嚟一碗白粥了事，然後跳多幾part 鄭多燕撫平那些大卡吧！對於一個 OL 可以係平日偷偷豪嘆 lunch buffet嘅我當然非常珍惜，所以必然首選harbour grand 酒店，原因很簡單：而家有生蠔供應嘅酒店唔多，但係依間不止有仲連lunch buffet都有（當然係任食，而絕非每人限量供應那種）仲係即開確保新鮮！更感安慰嘅係長腳蟹、青口、牛仔肉、刺身、movenpick雪糕、中湯樣樣齊！其實我已經並非第一次係依度食buffet，但每次令我有驚喜嘅反而係中湯！當日係清補涼，飲第一口以為平平無奇，但after taste又覺得有種清香！第二口更覺驚訝，有淡淡椰子甜香味而且仲加咗螺頭，此刻我就知今日焦點就係依個湯仲即時介紹同行友人，哈哈所以每人都飲咗兩碗以上（我三碗）！到而家都好想同廚師講聲：多謝晒！個湯真係堅好味！食lunch buffet好處：人較

預先訂位,一去到就可以入座. 地方好大~去到跑步都可以 haha星期日去都唔係太多人,反之唔太嘈,食得好舒服! 但係燈光唔係黃就紫... 攪到d相.............. 海鮮類:生蠔 -- 屬於細隻,但味道鮮甜 (我一個人都食左十幾隻) GOOD長腳蟹 -- 比較瘦,味道較淡 BAD翡翠螺 -- 唔UN,唔會咬勁都咬唔開! NICE刺生類:三文魚,劍靈魚,帶子 算新鮮 OK頭盤:巴拿馬火腿+密瓜 -- 唔會過咸 NICE芝士們 -- 口味選擇多 NICE熟食:片皮鴨 -- 肥瘦適中,燒得啱啱好! GOOD牛扒 -- 略為瘦左少少,好似啖啖肉.. OK辣汁煮螺 -- 好入味!螺又好大隻!! encore之選!! GOOD芝士焗蠔 -- 不過不失 NICE甜品類:格仔餅 -- 自制,玩得又食得 NICE蛋撻仔 -- 細細個易入口又唔膩(食BUFFET都有蛋撻仔,哈哈) NICE糕點 -- 皮較厚,咬一啖就唔想食 BADNY CHEESE CAKE -- 味道較淡 OK雪糕類:焦糖 -- 唔會太甜 OK咖啡 -- 有咖啡既香味,冇咖啡既苦味 NICE檸檬芭菲 -- 好香既檸檬味!

來過多次的自助餐,就黎有咩食我都估到.雖然係咁,但係呢度一黎近我屋企,二黎環境唔錯,所以都成日黎呢度既自助餐既特色係食物選擇不多,但係質素還是平均,海鮮冷盤幾新鮮WELCOME DRINK果汁或汽水,我簡左西柚汁,酸酸苦苦夠開胃蝦,長腳蟹,三文魚,八爪魚,生蠔蝦既新鮮度只屬中等,但幾多膏,食落算係鮮甜既,長腳蟹就十分鮮味,肉屬不多,但味道至上,因為好多地方會有過咸既情況,呢度就無.三文魚當然新鮮滑淄,魚味濃.八爪魚就不嬲無咩味,不評論.呢度既生蠔用清水沖過,雖然無左海水味,但食到純正既蠔味,而且加添了爽脆感,雖然好細隻,但係都係味道至上燒牛肉肉味重,中間位夠嫩,建議再生多少少更佳,加些醬汁同食牛味更特出.呢度燒豬頸肉都做得唔錯,外皮帶點脆,肉質軟稔,醬汁類似泰式既風味酸酸地,但係唔辣,建設整辣佢更加惹味.海蜇爽脆,調味適中.叉燒雖然瘦,但係都算係鬆化.那粒燒賣就麻麻地,無咩味道,質素也很怪燒三文魚都帶油潤感,不過咸,食番一至兩塊過下口癮沙律菜新鮮,但係個凱撒沙律汁太少,唔夠醬呢度既湯麵之前好好食,但係依家工序唔同左,無得簡配料同麵類,一碗碗預備了,一ORDER就放湯,感覺上求其左,而味

1-3月舉行日韓美食節！不過相比就日式選擇比較多！餐廳環境唔錯，其實座位唔算多，但枱與枱都闊落，樓底又高，好有空間感，而且其中一面係向維港海景，面對尖東海旁！去到即刻睇吓有咩食先！壽司吧除有一般卷物壽司，亦有好新鮮剌身，希靈魚，三文魚，吞拿魚，仲有少出現自助餐嘅海膽，而且魚生師傅仲好慷慨咁厚切添！ 海鮮吧有生蠔、龍蝦、翡翠螺、長腳蟹，全部都好新鮮呀！生蠔size剛剛好，唔大唔細，好鮮甜呀！龍蝦以半隻一份，都算大隻又有膏！長腳蟹唔會有好多雪水及霉味！翡翠螺大隻又多肉！沙律吧除有凱蕯沙律&新鮮水果外，仲有蕃茄水牛芝士、泡菜沙律、日式豆腐沙律！煙三文魚, 巴馬火腿、芝士、乾果！熱葷食物有牛扒、迷你鵝肝多士、中式片皮鴨、以及有自選意粉、中西湯。日式熱食有天婦羅蔬菜、軟壳蟹，黑味噌燒多春魚。甜品唔係我杯茶, 但賣相都幾精緻, 所以只係食咗cheese cake, 味道都唔錯!Ice-cream係奶味香滑嘅movenpick, 仲有雪巴選擇!好好味呀!整體食物質素都好好, 又新鮮, 不過選擇就唔太多!

因為入了Dining Club 有張兩位指定餐廳免費自助餐卷，故放假特意過海，順便去新開Cine Times 睇戲。是晚3人用膳，以往如用了免費歺卷，第三位要比正價加一，最近改了，第三位可有67折。本人腸胃敏感故先來熱食，燒牛肉有肉味，天婦羅炸蝦個脆䊢有調過味，所以入口香脆，前後食了超過6隻，平時自助餐本人只試一隻!生蠔即開，入口爽脆有海水味，其他一般，可惜海鮮冷盤全晚都排隊!八爪魚，三文魚也不錯，夠鮮味，帶子質數最好，鮮甜大隻。以上一般鵝肝另一回本位，入口有油香軟滑，可惜上面那"pat"類似蘋果蓉唔酸唔甜。因冇澱粉質落肚，碗粥夠熱，不咸又夠綿。甜品冇樣好食好彩有movenpick,12款任選。埋單收$384，另兩位用coupon

又來到自助餐的環節，今年也算吃了不少自助餐，當中有好吃也有很不好吃，今天撞正是好日，來到北角海景君焯酒店吃自助餐，雖然筆者曾做AIA Tower工作，但卻一直不知道後邊有一間酒店。海景君焯酒店其實裝潢很華麗，但Harbour Grand Café的環境除了海景外都只是一般，格局有一點像百樂酒店，裝潢可以再好一點。然而那個無敵大海景的確令人驚嘆，可惜筆者無緣坐在窗邊。來到這裡襯著自助餐還沒有開始看走一個圈當然要先看一看自助餐桌上的食物，食物種類算是很多，幾乎甚麼都有，而且熟食及海鮮都甚為平均，但相信最大的賣點是：生蠔，鵝肝及十二款不同的Movenpick雪糕，令人眼花暸亂。首先來的是海鮮類，這兒有龍蝦，青口，翡翠螺及生蠔。龍蝦份量不算太大，肉亦不太厚，但蝦膏頗豐富，份量不算太大，口感帶點彈牙，尚算新鮮。相對龍蝦，翡翠螺新鮮得多，肉質依然保留著海水的味道，鮮甜美味有嚼勁，雖然非常好吃但不能一次吃太多否則會消化不了。青口也算是不錯，雖然有一些青口還沒有開口但也只屬小部份而已，味道帶一點鹹，但感覺可人，非常不俗。生蠔一向都是筆者最愛，師傅雖不是即開生蠔，但每次客人拿的時候才會拿出生蠔然後洗乾淨

上次既經驗係7點鐘已經出得好慢喔龍蝦,但今次我地7點半到,都勁多,真開心今次食左起馬3隻,十分滿足,龍蝦味道雖不算濃,但係這種鮮味和啖啖肉的感覺,除了開邊龍蝦,仲有什麼可以代替呢魚生今次無帶子,但係有海膽,質素就FAIR啦,唔算很RICH.3文魚很細滑蠔雖細小,但肉質爽脆,略有甜味,食左10隻朋友選擇用千島醬放上龍蝦,看來係個唔錯既選擇,可以提升味道今次鵝肝MELTED,正,但不宜多食喔,膽固醇...呢度既湯麵真係唔錯,煮得剛剛好,加上濃郁豬骨湯和彈牙的幼麵,正!水煮田雞也不錯,夠哂麻辣,肉質彈牙!必食喔相片顏色反映了在場光調,幾眼訓下喔ZZZZ今次十分滿意,服務也合格了

今日帶左肥滕滕來食LUNCH BUFFET因為食完上次DINNER BUFFET 感覺質素係唔錯喔3文魚的確夠滑夠肥蟹腳沒有過咸帶點甜,唔錯生蠔同DINNER一樣有專人用水掃比你,又哂冷凍,蠔雖細少卻帶爽脆口感,正即煮有意粉和湯麵,意粉AL DENTE,但個汁唔夠濃PIZZA 唔好食既,配料無味,蕃茄醬唔夠酸咸甜品無咩點食,但拎左呢2件野,因為有生果,酸酸地都唔錯既食足1X隻蠔,相信回本成功,下次努力價錢174(5折後)但好似現在加了價

水準大幅下降生蠔(仔): 由師傅一隻一隻慢慢洗人龍一個一個咁加人去, 佢洗佢的, 我排我的; 彷彿我們是不相干又唔係即開, 半開生蠔都咁, 不如唔好俾生蠔算!D蠔又細又淡! 浪費時間排隊, 食野又食少左甜品: cheap 左又唔加, (美點双輝都出到台...!)

話說今日打8號風球,好多人都放了半日心想呢日食晚餐BUFFET最爽,應該好少人,點知爆左ANYWAY一場來到隊爆個胃呢度晚餐BUFFET498加1(平日),OPENRICE COUPON有85折重點推介龍蝦,生蠔(包WELCOME DRINK和餐後一杯飲品)龍蝦肉厚鮮甜,部份很多膏!但補充速度越來越慢,一開始每人拎到1.5隻,之後只係拎到隻腳.如果你唔係準時入座,相信你會後悔生蠔就無限,員工會用冰水擦蠔肉,一食落去十分鮮甜帶爽口和脆身,係我最愛的口味,食了1X隻喔心理上已回本,假設生蠔25蚊隻,食了14隻=350龍蝦1.5隻,假設100已經450之後隊魚生,建議只食帶子和三文魚信我,食其他款會後悔,吞拿魚乾到喊加埋鵝肝,心理上回本成功鵝肝唔夠MELTED其他熱盤一般,味道不出色,只有燒牛肉比較有水準,夠嫩甜品選擇也不算太多,但有大量MOVENPICK簡了4款生果味,全部酸酸地唔錯總結來講,海鮮類不錯.來依度,你係要準時,唔係你會無龍蝦食,建議出多點龍蝦身,如果唔早拎,可能一舊都拎唔到生蠔和龍蝦係你回本既好工具,熱盤無咩出色表現,建議改善雪糕好多款女仔爽歪歪服務一般無笑容喔,開心點啦香港

住港島區想享受美景美食 , 唔使過海去紅磡都會海逸嘞, 同一集團梗有一 間係左近, 今餐揀左係北角海逸君綽酒店三樓既Harbour Grand Cafe食dinner buffet。 海逸君綽座落於北角油街, 鄰近港鐵炮台山站, 酒店無論外觀及格局均與都會海逸同出一轍!是晚我地6:30左右進入餐廳, 映入眼廉既係好大好grand既大廳 , 由女侍應禮貌地帶領入座, 仲親切地提點我地buffet開始左, 之後即有男侍應走來問我地要咩餐飲, 有紅酒、白洒及汽水任君選擇, 聽男侍應講解白洒係意大利, 我地始終對白洒唔多熟悉, 所以揀左飲紅洒。呢度個buffet bar夠大, 擺放左好多唔同種類既好嘢食…先講冷盤: 有啖啖肉既開邊波士頓龍蝦, 仲食到蝦膏添 , 雖然隻大鉗有d鹹, 但肉質新鮮彈牙。 有長腳蟹, 肉質超飽滿又鮮甜 , yummy! 有即開生蠔, 好清甜。 有翡翠螺, 肉身爽甜, 有鮮甜凍蝦等等，全部源源不絕咁供應, 唔怕攞唔到, 最怕食唔落姐! 刺身有三文魚、八爪魚、吞拿魚、希靈鱼等, 三文魚甘甜肥美。 估唔到有一板板既海膽 , 但係食完之後好驚, 因為好腥 啊!

又是一年一度的暑假自助餐的時候！一家人和朋友們都聚在一起大吃的日子！這次選了在炮台山既海逸君綽，在香港有數間酒店的名也包括「海逸」，真的很容易混淆，尤其在海逸君綽附近也有海逸酒店進入酒店後，大堂非常新淨有氣勢，遠處還有人彈奏樹琴！一進入餐廳後，我們坐在落地大玻璃的隔離，我們一行十多人自成一角，不得不讚的是，日落中的維港真的很漂亮！待侍應送上飲品後，事不宜遲向食品進發！趁著人還少的時候不用排隊，拿了海鮮，雖然選擇不多，只有生蠔、長腳蟹、青口、翡翠螺、龍蝦和蝦，生蠔是由廚師即開的,翡翠螺很鮮甜，很怕吃到很咸的長腳蟹，但這些不咸，生蠔太咸又不太新鮮，加了檸檬汁也有腥味，少少蠔碎也必定有，但可接受。冷盤 - 煙三文魚真的不錯，新鮮沒有任何腥味，和沙律一起吃，是絕配呢！ PARMA HAM 也很好～魚生 - 有基本的三文魚，吞拿魚，希靈魚，八爪魚， 另人驚喜的是居然有海膽，但海膽的質素飄渺，吃了5次，有2次的海膽是苦的，所有的魚生都由廚師拿給客人，壽司的選擇不算多，也沒太多人去拿甜品 - 個人認為自助餐的甜品極為重要，甜品的質素是決定下次再光顧的因素，值得讚賞的是movenpick雪糕，有12種

屋企住港島區，有時想同家人近近地食餐酒店buffet都儘量揀番哩頭，今次就揀左炮台山既「海逸君綽」。好，開餐lu，先睇吓buffet檯，一張長形既檯，由頭盤到甜品一字排開~~簡單講吓啦：（頭盤）刺身有三文魚、吞拿魚、魷魚、北寄貝等，都好新鮮，夠冰凍，最surprise係有海膽同帆立貝；生蠔係開好哂比你揀，都幾肥美，海水味幾重；煙三文魚同凍肉就一般啦！龍蝦仔大隻就幾大隻喇，但D肉好un（熱食）西式為主，有燒牛肉、鵝肝配多士、白汁焗海鮮、咖咖雞同羊肉、炸薯餅、天婦羅蝦等等，亦都有即制pasta同中式粥麵，款式真係幾多，味道亦唔錯！（甜品）除左有movenpick雪糕之外，仲有各式蛋糕（new york cheesecake、拿破倫、tiramisu、opera、綠茶紅豆卷、士多啤利慕絲蛋糕等）、曲奇、即制pancake同梳乎利、朱古力噴泉等。如果每樣食一舊都飽到嘔除左野食OK，最正係間酒店起喺海傍位置，所以可以一邊歎美食，一邊欣賞海景

星期六同屋企來了這裏食LUNCH BUFFET,因為之前食過覺得生蠔好新鮮,仲有長腳蟹都好好味,雪糕係MOVENPICK,仲要有12款添呀.我地未夠12點已經到左,未開始就係度映下相先,星期六都幾多人呀,再加上做緊85折優惠.所以都好吸引及抵食的.一坐底就有人攞水嚟,同埋問你飲咩WELCOME DRINK,跟住就收碟好快手,加水都好快手.12點開始攞嘢食啦,D人全部去左排生蠔同埋長腳蟹,仲有刺身,我反傳統走左去攞熱葷先,因為勁個肚唔舒服. 熱葷選擇唔多,唔係好吸引,不過都有即切牛扒的,仲有即煮意粉同埋粉麵,燒味,印度薄餅,咖喱等,熱湯有兩款,中湯係豆腐,西湯係南瓜冷盤有芝士,PAMA HAM,COLD CUT,長腳蟹,生蠔,凍蝦,青口,刺身有三文魚,吞拿魚,甜蛋,八爪魚,仲有壽司,冷麵有即整PANCAKE,有蛋TART,窩夫,MOVERPICK雪糕有十二款味道湯水有兩款,綠豆沙同埋紅棗桂圓茶仲有甜品有些CAKE,細細杯既布甸.....等等其實食物選擇都唔係好少,個場都幾大,坐位夠寛,同埋好開揚,兩邊都係落地玻璃,我地坐既位置係酒店泳池,望住人地游水好怪. 食物方面,生蠔夠肥美,每次攞三