Here Thai Market

营业中

休息中

沙田新城市廣場開咗新嘅泰國餐廳，唔洗飛泰國就可以品嚐到泰國米芝蓮名廚嘅廚藝，真係「一口去到東南亞」。餐廳環境高矮枱凳交錯，布置得好有泰國特色，綠顏色為主調，放有好多泰國飾物做裝飾，悠閑又好坐。有泰式海南雞、泰式串燒、船麵、炒粉等，另有泰式飲品及泰式甜品，超多選擇。原條燒魷魚燒得好香口，賣相非常好，魷魚邊微焦又香口，魷魚肉質鮮嫩，富有彈性！蟹肉炒飯米飯粒粒夠爽口，啖啖蟹肉，充滿香氣，份量亦都足夠。黃咖哩蟹肉米線見到隔離枱食緊三色咖哩米線，真係好吸引，我哋又揀一款試吓，黃咖哩系冇咁辣，一碟有三團米線，淋上咖哩汁令米線散開，米線滑撂撂同咖哩好夾，加上野菜、蟹肉，口感層次豐富好味！泰式鹹蛋魚餅微辣惹味，魚餅充滿泰式香料味，中間系邪惡嘅鹹蛋黃，鹹蛋黃起晒沙，口感一流！手打鮮檸檬茶同龍眼冰都好出色，用編織籃裝住，再用香茅葉做裝飾，好有特色，檸檬夠清香，龍眼肉仲勁多。Here Thai Market地址：沙田沙田正街18號新城市廣場三期2樓A216號舖

沙田新城市廣場新開的泰國菜 Here Thai Market 由泰國米芝蓮大廚主理，食物水準的確唔錯。餐廳空間感十足，有少少似泰國既Food Court咁，周圍的裝飾、碗碟用具等都100％還原泰國一樣，真係幾有Feel~ 食左幾樣野最鐘意一定係黑豬肉船麵，船麵係大廚的招牌，平時食開牛，今次見有豬就揀左黑豬肉船麵，試下新野。黑豬肉有少少肉五花腩咁，肥瘦均勻。最正係河粉真係好滑，仲要有彈牙的口感，湯底又夠晒濃郁，招牌船麵真係好好食！串燒方面都有好多選擇，我地就要左豬頸肉，燒得好香，而且份量都比想像中多，大大件，都幾抵食！小食要左泰式炸墨魚餅，香口野真係無得輸，仲要好彈牙～飲品方面都有好多選擇，冰沙、Cocktail、Mocktail、泰式特飲等都有，我地要既泰式手打檸檬茶都好正宗，exactly係泰國茶葉沖出黎個隻味！🔸豬頸肉🔸泰式炸墨魚餅🔸黑豬肉船麵🔸蟹肉炒飯🔸蜂蜜檸檬水🔸泰式手打檸檬茶📍#Here Thai Market (#沙田美食)#沙田 新城市廣場三期2樓A216號舖➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟🔖 #吃是真愛_沙田

今日喺新城市廣場嘅｛Here Thai market🇹🇭}食晏🤟🏻餐廳好大裝修幾華麗，用QR code落單，快靚正～✴️牛肉船麵配金邊粉✴️賣相唔錯，個碗好大好深，見到已經好期待好想食🙈不過食落就有啲失望了，首先湯底好杰好油，食唔出啲咩味道，但質地就好厚☹️配料有肥牛、肉丸、牛筋同牛肋條，份量OK，不過湯底本身已經好油，配料又肥膩，所以食落好膩👎🏻✴️豬肉湯闊河粉✴️湯頭浮咗啲肥膏，味道帶點蒜味，比牛肉船麵嘅湯頭好好多🙂欣賞佢嘅闊河粉好彈牙好滑，不過配料就麻麻，2大塊肥腩肉8成都係好厚嘅脂肪，搞到唔太敢食🙈✴️龍眼冰&青檸梳打✴️兩杯飲品都唔錯，好大杯好冰涼🧊不過青檸梳打係無糖版本，喺app入邊都冇得揀要有/無糖，鍾意飲嘢有甜味嘅朋友要諗一諗🤔

間野真心屈錢 茶位一位十蚊 再加一服務費 。但食物質素沒有想像中甘好食8:30入座點好菜無耐，餐未上已經叫埋單 ，上菜速度幾快可能就來收工既關係 。另外加三蚊一個椰菜沙律原來係一舊椰菜成舊咬？切都唔切 。食物份量非常少。

去沙田市廣場買完野之後去食飯，見到呢間門口幾靚，被吸引左入去。餐廳入面都幾大間下。燒原隻魷魚 $58用竹籤插住原隻魷魚去燒，價錢都算合理，魷魚燒得好香，而且吾乾，幾彈牙，配特製泰式酸辣汁，更惹味。蟹肉炒飯 $168蟹肉幾大粒，炒飯偏硬身但都炒到一粒粒，夠乾身，炒飯以蟹肉為主，配料吾多。另外可能系個碟好大隻，顯得個飯望落較細，實際上飯量大概有一碗飯左右，價錢相對上較進取，個人覺得份量多啲就更好。羅氏蝦炒金邊粉 $108炒金邊粉本身幾辣下，有豆乾、蛋等配料去炒，蝦有2隻，比想像中細隻，個蝦殼幾辣下，適合愛辣人士。泰式香蕉煎餅 $88香蕉煎餅用酥餅，食落有少少咸味，同時又有香蕉味，煎餅上仲有好大舊cream，另外有煉奶同朱古力醬可以按自己需要加入。芒果沙冰 $48貌相不錯，芒果味香濃，岩哂夏天飲！龍眼冰 $28龍眼目測有8-10粒，飲落幾清甜，夠解渴！要留意既系，呢度要收茶錢$10一位，而所講既茶錢就系好有露營feel既茶壺，店員話系泰式冰茶，飲落覺得似系凍既伯爵茶。

我最近去了一家餐廳，品嚐了他們豐富多樣的菜品。首先，他們的海鮮炒闊河粉絕對是一道令人難以忘懷的美味。這道菜以新鮮的海鮮和寬闊的河粉炒製而成，散發出香氣四溢的誘人味道，給人一種口感豐富的享受。此外，他們的安格斯牛肉系列也令人驚艷。無論是牛肉丸、牛腱肉還是牛筋船麵，牛肉都保持著鮮嫩多汁的質感，入口即化。特別推薦他們的牛筋船麵，筋道的牛筋與彈牙的船麵相得益彰，帶來一種令人愉悅的嚼勁。如果你喜歡烤海鮮，那麼他們的燒原條魷魚絕對是一道不能錯過的美食。這道菜以炭火燒烤的方式製作，魷魚表面烤得金黃酥脆，內部保持著嫩滑的口感，帶來獨特的燒烤風味，令人回味無窮。另外，他們的串燒烤麵包也是一個絕佳的選擇作為開胃菜。麵包外層酥脆，內部鬆軟，搭配各種美味的醬料，為整體口感增添了層次感。最後，談到飲品，他們的龍眼冰和香茅青檸沙冰都是消暑的最佳選擇。龍眼冰清甜可口，帶有淡淡的果香，而香茅青檸沙冰則帶來清新的青檸香氣，令人陶醉其中。

><行完一田見餐廳裝潢幾有特色 收茶位(10)餐具都很別緻 用上椰殼碗 安格斯牛肉船麵(128)配料有牛肉 牛丸 燉牛腱肉 燉牛筋金邊粉掛湯 炸豬皮很嗦湯瀨尿蝦炒飯(168)炒飯炒得乾身 加上滿滿蒜蓉份外香口拆殼瀨尿蝦結實不鬆散豬頸肉兩串(48)爽腍油潤 唔會燒得過火乾柴泰式甜品唔少得嘅芒果糯米飯(78)澆上椰奶 芒果香甜可口 糯米飯軟糯綿密泰式奶茶(28)/椰青(38)><><><><><><><><><><Here Thai Market沙田沙田正街18號新城市廣場三期2樓A216號舖

忍唔住第一次寫open rice食評，平日無影相習慣。 首先， 我地3大兩小， 佢地話無bb鄧！ 噤大間舖開係新城市無bb鄧, ok! 叫佢個壺入面幫我哋換滾水、 待應話我地只有茶！ （但我哋枱個壺入面完全係空既） ，待應態度奇差！ 豬頸肉炒飯-值得推介豬肉湯粉-湯很濃厚、 但不適合小朋友、 比較油膩。 九層塔羅氏蝦- 很好吃（同國內十三香小龍蝦味道相似，只是味道淡一點）咸魚雜菜煲- 菜好冧，湯好惹味。烤尤魚-上來已經凍晒、 同待應反映完加熱返更加柴。 安格c牛肉鍋- 肉還可以， 湯底唔知點講。泰式豬手- 真係…. 試下😂🥲🤔真係只此一次 下不為例果種！ 店內只收現金或信用卡！Alipay同wechat用家注意‼️

想食正宗泰菜，而家喺沙田新城市廣場都有啦💘新開嘅泰式餐廳Here Thai Market🌟由兩位泰國米芝蓮名廚👉🏻Chef ton及Chef Man聯合主理，呈獻正宗泰國風味菜餚🇹🇭包括泰式海南雞、泰式串燒、船麵等等～同時引進著名泰國本土古法咖啡品牌－Lung ngen Coffee，超過五十年歷史，馳名東南亞☕️🔹安格斯牛肉船麵湯底用上多種材料加牛骨熬製，濃郁香醇，飲落好舒服，配料有安格斯牛肉、牛丸、牛筋、香脆炸豬皮，份量十足！配埋幼滑又掛湯嘅金邊粉，充滿正宗泰式風味～🔹蟹肉炒飯雪白蟹肉佈滿整個炒飯，入口夠哂彈牙！飯粒炒至粒粒分明好乾身，夾雜油香及蛋香，惹味至極！🔹椰奶蟹棗蟹棗熱辣辣炸起香噴噴，外層金黃香脆，咬開有一梳梳彈牙蟹肉，再沾以香濃椰奶，味道更可口！鍾意椰奶嘅朋友一定唔可以錯過！🔹燒原隻魷魚原隻魷魚加入秘製醬汁燒製，店員更可協助剪開，好貼心～爽口彈牙魷魚搭配泰式酸辣醬汁，開胃又惹味！🔹香茅青檸沙冰獨特青檸香夾雜清新香茅香氣嘅軟綿沙冰，啖啖舒爽透心涼，解渴又解膩～🔹龍眼冰用上大量泰國龍眼肉製作，龍眼味道香濃清甜，配泰式餸菜一流！Here Thai Market✨📍沙田沙田正街18

今次我地過左沙田既一田行街，見到呢間新開既泰國餐廳環境幾靚，一場黎到不如去試下佢😛入到坐位餐枱勁大張，坐得好闊落，呢度係用QR code點餐，同時都有餐牌睇，枱面有齊茶，調味料，同紙巾，我最鐘意設備齊全既齊廳，又要讚下啦😉燒原隻魷魚（$58）呢個燒魷魚，燒出黎好香，又唔會燒到乾曬，點下個汁食辣辣地幾好味🦑蟹肉炒飯（$168）呢碟蟹肉炒飯真係勁多蟹肉，飯量適中，d蟹肉唔會腥，最重要d蟹肉可以多到一啖蟹肉一啖飯🫨牛柳炒闊河粉（$98）炒闊河粉個粉既質地比較特別，佢係相對彈牙，煙韌既口感，比一般河粉更黏，牛肉食落幾嫩🐮泰式香蕉煎餅（$88）甜品我地揀左香蕉煎餅，呢個比較少有，所以就揀左啦，佢地有朱古力醬同煉奶比客人自己落，我自己就鐘意落煉奶多d，個煎餅好香既香蕉味，鐘意食香蕉既點必🍌🍌🍌泰式奶茶（$28）泰式奶茶香滑有椰香味，預期之內水準，唔錯👍🏻香茅青檸冰沙（$48）青檸冰沙有一粒粒既青檸皮滲入左沙冰度，如果怕酸既會唔岩飲，我自己就ok，覺得幾好飲，想叫呢杯飲品記得要留意❗️呢間餐廳環境我覺得一流，食物都係好食，如果主食份量多d會更好，share食可能覺得唔夠喉，一人份量就會夠食😗

雞腿金邊粉；炸雞脾無咩味，金邊粉炒得好濕身味道淡口。墨魚蝦餅；上枱唔太熱，但算做仍然脆脆地，不過肉身散唔彈牙。海南雞烤雞雙拼飯；雞細件又少。串燒蝦串燒豬頸肉普通冇乜特別。串燒牛好韌好難咬開。泰式炒通菜：冇味好油（可能走辣所以冇味）。……真食唔到泰國味道。

喺沙田新城市廣場行街，見到呢一間嘢幾得意，同埋都keep住有人等位，睇完餐牌，見到菜式幾新穎，所以一試。入面裝修色調舒服，好多籐織嘅傢俬，座位亦都寬敞，我哋兩個人安排咗坐高枱位置，張枱好大，好舒適。呢度用嘅餐具都幾有心思，塊枱墊好靚😆椰漿蟹棗外皮好香脆，食落去每一口都係蟹肉，再加上個椰漿，估唔到可以咁夾。安格斯牛肉，牛肉丸，燉牛腱肉牛筋船麵呢個湯底同我認知嘅船麵湯底好唔同，有濃濃嘅花生醬香味，有點似沙嗲嘅感覺。不同部位嘅牛都好好食，而且份量好大，最有驚喜嘅係有炸豬皮，令到成碗麵好香。賴尿蝦炒飯賣相好靚，估唔到泰國餐廳有得食賴尿蝦，炒飯粒粒分明，入面仲有不少蟹籽，層次好豐富。飲品方面我哋點咗芒果沙冰同菊花冰加仙草，兩杯都好好飲，佢大部份嘅飲品都可以額外加珍珠同埋仙草，飲落去即刻有啲台式飲品嘅感覺😆泰式香蕉煎餅呢度嘅甜品好大份，煎餅係厚身的，有超多香蕉喺入面，另外仲有煉奶同埋朱古力醬，鍾意食甜嘅人一定不能錯過！

放假去咗沙田嘆下午茶。Here Thai Market 見到啲afternoon tea 有好多款式又幾岩口味。決定入去嘆下先。下午茶咖哩紅咖喱牛面頰肉配飯紅咖喱味香辣味岩岩好配上白飯食特別惹味，牛面頰肉身好稔軟好牛味香濃。下午茶泰式海南雞和燒雞雙拼飯海南雞肉肥美無骨食落啖啖肉。燒雞皮脆肉嫩點埋個醬汁仲惹味。跟餐叫咗兩杯龍眼冰大大粒龍眼肉好正。蟹膏蝦多士將啲蟹膏點上脆口既蝦多士嚟食真係超好味。芒果糯米飯芒果鮮甜糯米飯鯰軟有口感。

位置喺一田隔離，6點鐘左右到嘅話唔洗排隊，如果遲d就要一陣隊1.牛柳炒寬河粉🌶️呢個寬河粉係泰國好鍾意嗰款，一摸一樣🥰🥰超級鐘意，味道都非常入味濃郁，好鍾意呢個2.豬頸肉炒飯真係好鍾意豬頸肉，呢個豬頸肉都同喺泰國食嘅一摸一樣味道，而且唔會乾，汁油剛剛好，juicy3.泰式墨魚蝦餅呢個我同朋友都一致好鍾意嘅小食，唔會炸得好油，而且墨魚同蝦餅味都非常出，值得4.燒魷魚強烈建議叫呢個燒烤，因為唔會好似出面食嗰d好un ，口感非常好，味道都係好出色。😆😆😆總論而言，每一樣嘢都叫得非常好，以上全部推薦！！

早兩日同老公重遊舊地～去左沙田行街，趁波豬去左爺爺嫲嫲度玩，食埋飯先去接阿女🙌🏻經過沙田新城市嘅第三期，一田隔離有間米芝蓮泰國廚師主理既泰國菜餐廳👀裝修好新淨好靚，6點零入座唔使等位～安格斯牛肉,牛肉丸,燉牛腱肉,燉牛筋船麵配寬河粉船麵嘅湯底非常香濃，寬河粉香滑柔軟，每啖都好掛湯，而且仲配有芽菜、炸蔥等配料，多重口感好滋味。另外牛肉份量夠晒多，牛肉片煮得剛口，入口唔會靭，牛腱肉同牛筋都好大件，令人非常滿足😋羅氏蝦炒金邊粉羅氏蝦肉好有鑊氣，蝦肉肉質彈牙厚實，金邊粉配上左豆乾、小蝦乾等等既配料，旁邊亦配上左花生碎，同辣椒碎，serve係蕉葉上面，感覺非常地道，嗰種複雜酸甜味真係充滿泰式風味😋原條魷魚燒魷魚火候控制得好好，微焦又香口，肉質爽口唔會靭，個醬汁充滿靈魂，鹹酸鮮甜混合於一身，超正🤤🤤🤤芒果糯米飯糯米飯好香椰香味，入口香甜，另一主角芒果又甜又大件，啖啖果肉超好食😋😋配上甜椰奶可以淋上飯同芒果上食，非常滋味😋芒果沙冰呢個沙冰真係令人好難忘，杯沙冰超大杯超高，好吸睛😍芒果味好清甜，超好飲😋泰式手打檸檬茶檸檬味好香既一杯檸蜜茶，加上泰式既茶香，酸甜清新，夠晒開胃解膩😋座位坐得舒服，食物夠新