Here Thai Market

营业中

休息中

食物質素可以, 但是服務態度只能夠參考前面的一位阿姨所說, 茶餐廳都不如, 有兩位員工在工作期間飲酒, 同事還在工作，他們在旁邊傾偈飲酒, 這個並不是問題(很小事), 我8:45入到場, 沒有和我們說last order是幾點, 叫椰青沒有, 要白飯沒有,都很正常，因為時間畢竟很晚了, 不知道幾多點last order但食物未到齊就突然給我們一張單叫我們埋單, 語氣非常差, 上菜時不講菜名,直接就放在枱面, 一杯奶茶可以等15分鐘, 難道在last order的情況下冧檔? 怪不得第一次食就遇到三台客投訴。

見到呢間Here Thai Market 有兩位攞過米芝蓮既主廚開既，好似好勁咁，即刻試下！佢既餐牌係傳統泰菜上又多左啲新式既元素，帶到啲新鮮感而且成個味道都感覺升級左咁🌟 1⃣️ 安格斯牛肉船麵（$128） 佢個湯底好濃郁！食到咁上下直頭覺得個麵係可以掛湯添🤩帶辣味越食覺得越好味！配料好多款，有安格斯牛肉、牛肉丸、燉牛腱肉、燉牛筋，仲有炸豬皮添。  2⃣️ 蟹肉炒飯（$168） 第一次見蟹肉炒飯真係面頭見到咁多蟹肉。炒飯炒得粒粒分明而且唔會油膩既👍  3⃣️蟹膏蝦多士（$128） 好正呢個！佢係蝦多士crossover 甲羅燒！蝦多士本身都係蝦肉份量都厚身，而且多士個底同邊邊都夠脆，配上蟹膏食好特別！蟹膏味道好重！感覺有啲日式feel。建議就咁食左啖蝦多士先，之後再試下加蟹膏食，兩種食法係好唔同既感覺。  4⃣️泰式墨魚粒蝦餅（$88） 個樣已經夠曬吸睛。泰式蝦餅食得多，但係黑色既，真係未見過😂佢唔係平時食開彈牙厚肉type，外皮係薄脆型，中間有啲墨魚粒，食到果啲位就有啲咬口。  5️⃣原條燒章魚鬚（$108） 上台既時候有啲嚇親😂冇諗過咁grand。一大個盤咁上，配上兩種醬汁同埋一小盤飯。章魚本身已經

今次嚟到沙田食泰國餐，餐廳裝修好有特色， 餐枱係用了長長的餐枱，每個坐位都好寬闊，配合埋柔和嘅光線，感覺好舒服，餐廳裏面好寬闊還有兩間雙房，晚飯時間都好快滿座安格斯牛肉船麵 配金邊粉安格斯牛肉船麵裏面包括有安格斯肥牛，牛丸和牛腱肉，啲肉好淋好滑，尤其是牛腱肉，炆得好好冧，湯底好濃鬱，正 😚瀨尿蝦炒飯第一次食瀨尿蝦炒飯，真係有每一條淨係肉嘅瀨尿蝦喺炒飯上面，擺盤好靚，炒飯底炒得好香，份量有一碗飯咁上下 ☺️椰奶蟹棗我哋試了一個新嘅小食椰奶蟹棗，蟹棗係全粒都係蟹肉用腐皮包住，炸得香脆，裏面啖啖肉加埋椰奶，好香，甜甜鹹鹹咁好特別 🤗燒原隻魷魚原隻魷魚燒得好香，啲肉好軟熟，配埋佢個醬汁，酸酸辣辣，好惹味 😍龍眼冰 & 芒果冰沙龍眼冰好多龍眼，唔會太甜芒果冰沙龍龍嘅芒果味，冰沙軟滑

門面裝修極有心思, 明顯要令客人有置身泰國用餐感覺, 泰國啤、四面佛、船屋壁畫配搭……,但又配上時代感的大顯示屏菜單和電子點餐系統, 未食已帶來舒暢感, 食物方面, 價錢實在相宜, 廿多元起的泰式飲品及燒物, 今晚的芒果沙冰及鮮椰青超好飲, 其他各式食物也取價公道, 主食的瀨尿蝦炒飯米香粒粒乾爽,而黃咖喱蟹肉米線就勁多蟹肉, 至於燒物香茅燒乳鴿大大隻皮薄香脆, 仲有兩粒鵪鶉蛋加餸, 另一燒原隻鱿魚就配上泰式辣汁超正,最重要有四手米芝蓮廚師加持, 食物質素有保證, 今晚大滿足。

沙田新世紀廣場呢邊開咗一間新嘅泰國菜，由米芝蓮泰國廚司主理，即刻去品嘗下。🇹🇭安格斯牛肉船麵 $128俾小朋友食，所以點了走辣。果然名不虛傳，船麵湯底味道超級濃郁，但係唔會咸。除咗有安格斯牛肉片，仲有牛丸，牛筋同牛肋條炆得軟腍，非常好食，湯都飲晒。如果加啲辣一定更加惹味。🇹🇭蟹肉炒飯 $168外面嘅蟹肉炒飯只有幾舊蟹肉，但係呢間正嘅喺蟹肉炒飯係超多蟹肉，覆蓋一整個飯面。炒飯同雞蛋火候掌握得非常之好，金黃色粒粒分明。🇹🇭雞全翼兩串 $48必須要點串燒，雞翼用胡椒粒同香草調味，燒得剛好唔會嚡口。🇹🇭泰式椰奶咖啡 $34泰式咖啡特飲，醇厚好飲。🇹🇭燕窩芋圓斑斕奶凍 $68特登點呢一款比較特別嘅甜品，出邊餐廳未試過。底下係白色椰奶凍，加埋斑斕漿，有芋圓同埋燕窩，非常適合女士食。總括來講，餐廳好大，座位闊落，新派泰國style靚裝修。食物好食有特色，好值得推介。

沙田新城市廣場唔少嘢食呢間米芝蓮泰國餐廳平日黎見到都唔少客決定試下佢！～-Lunch Set選擇都唔少船面，炒粉，炒飯都有！仲可以轉金邊粉/米粉等等羅氏蝦炒金邊粉酸酸甜甜帶啲辣但覺得辣度啱啱好而且青檸，花生，辣粉，芽菜都放一邊可以依個人喜好自己落/唔落，好貼心🥲蝦🦐總共有4隻都唔錯，有埋蔥蛋一齊炒好香👍🏻豬頸肉炒飯豬頸肉軟淋而且入味炒飯炒得好香🤤粒粒分明又夠味唔鹹👍🏻牛柳串燒（兩串）鹹鹹地本身已經帶有調味配埋嘅醬汁酸酸甜甜帶有蒜蓉味都幾香蟹膏蝦多士有驚喜✨✨✨好好味首先炸得好香脆，配埋蟹膏更加好味蟹膏好香，蝦肉都幾彈牙😚龍眼冰超多龍眼肉🤤🤤🤤甜度適中又大杯泰式奶茶叫左少甜個人覺得唔會太甜啱啱好😚😚

由於平時好少去沙田，上openrice揾下有咩食就見到呢間泰菜去到門口見又光猛、新淨同大間、多位就幫襯茶錢$10/位凍麥茶都幾適合夏天飲睇睇menu我覺得餐廳定價都少少進取呢度主理嘅2位廚師都分別獲得過米芝蓮嘅殊榮，試下先知性價比如何小食我哋叫咗泰式墨魚粒蝦餅脆得嚟唔會𠝹口，炸蝦餅就固然香口好味墨魚粒加多重口感👏🏻燒巨型元貝味道同預期一樣都乾淨無沙如果用嘅食材大隻啲就更好🤪芒果沙冰唔平但非常大杯同埋味道好好，值得試下我想食飯就叫咗黃咖哩蟹肉飯配菜好多，覺得全部都幾新鮮👏🏻估唔到都好多蟹肉，性價比唔錯係黃咖哩味道稍淡，辣勁都可以再多啲💪🏻安格斯牛肉船麵好大碗用咗angus beef牛味當然唔錯配料都好地道，啖湯都夠濃郁但唔膩覺得幾好🙂‍↕️整體嚟講雖然定價比較進取，但食物質素都對得起價錢👏🏻

話説原來舊底微辣大排檔個位已經搖身一變 變左做一間泰國餐廳 難得經過就緊係要試下新餐廳 我地坐左bar枱 好似去左泰國咁chill***食泰國野緊係要叫船麵 我地叫左個安格斯牛肉牛丸牛腱牛筋金邊粉 湯底好濃郁 牛肉嫩牛筋幾淋 跟住我地叫左個蟹肉炒飯 炒飯炒得幾乾身 仲有唔少嘅蟹肉係上面 朋友叫左個烤元貝 都幾大隻 調味恰到好處 最後當然唔少得泰式香蕉煎餅 次次去親泰國我都一定要食 有煉奶同朱古力醬夾埋香甜嘅香蕉一齊食 令我好懷念泰國😹最值得推介係芒果沙冰 完全係夏日消暑嘅最佳飲品 口感清涼綿滑 飲一啖已經覺得芒果好新鮮超足料👍👍

三色咖喱🍛$268呢一個咖喱可以食晒三款唔同樣嘅咖喱😌黃咖喱入邊有淡淡的蟹肉🦀所以襯托出咖喱香味😃紅咖喱偏辣但係配搭牛肉啱啱好😇更加帶出牛嘅鮮香味🤓青咖喱就相對上比較隨和一啲😇配上雜菜清新一啲😌另外佢仲配搭咗幾個米線可以食到唔同嘅咖喱食風味獨特蟹膏蝦多士🦐$128炸得非常之香😆好重蝦嘅香味😇就咁食都已經好正😆配搭埋佢淡淡嘅蟹膏😉真係極度邪惡😆兩個配搭相輔相成免治雞軟骨串燒🐔$48口感非常之好😊有雞軟骨嘅香脆嘅感覺😇而且配搭埋佢個秘製醬汁😌非常惹味泰式香蕉煎餅$88煎得非常之香😆可以配搭朱古力醬或者煉奶😇表面仲加咗好多忌廉😊多重享受😀入面就食到淡淡的香蕉😊多重層次非常邪惡泰式牛奶咖啡$28椰青水$38兩款都係好有泰國特色😉好似舌尖去咗泰國咁😇同埋佢個賣相都好精緻的

新城市呢間泰國菜館，夜晚滿座。由於新開，所以今日就過嚟試吓估唔到咁多人。我哋叫咗包括牛肉船麵、泰式海南雞燒雞拼飯、泰式炸蝦墨魚餅、燒巨型帶子。飲品方面，揀咗泰式檸檬茶同蜜糖檸檬水。牛肉船麵牛肉好嫩滑，湯底都好香濃，加埋啲辣椒同蔥花，味道更加豐富。之後泰式海南雞燒雞拼飯。燒雞有啲脆皮，幾香口。飯上面仲有啲特製醬汁，帶出咗雞肉嘅味道，份量較多。再嚟就係泰式炸蝦墨魚餅，炸得好酥脆，個皮好香。加埋啲泰式辣椒醬，味道更加出色。最後燒巨型帶子，帶子燒得剛剛好，肉質鮮甜。飲品方面，泰式檸檬茶酸酸甜甜，好解渴。而蜜糖檸檬水甜而不膩，好消暑。

餐廳可容納較多客人，員工亦有禮貌。蟹肉炒飯有大量蟹肉鋪滿面，炒飯有鑊氣，炒飯粒粒分明，唔會有好油既感覺。我另外加左辣椒粉一齊食，辣椒粉令整個蟹肉炒飯更惹味出色。海鮮炒闊河粉河粉煙韌彈牙，炒得有鑊氣。辣味亦非常足夠，鍾意食辣既朋友應該都會好鍾意呢個炒河粉，愈食愈辣，但同時會食唔停口。免治豬肉大蔥咬落啖啖肉😋沾上提供的醬汁都好match.芒果糯米飯滿滿的芒果排成一字😃芒果果肉清甜。鮮椰子水比較特別係碟底會有冰以保持椰子水既冰凍香茅青檸冰沙香茅味偏重，飲落比較酸，但非常解膩

平時好少去沙田，今日去一田隨便搵間望落OK嘅餐廳就中晒伏其實佢裝修真係幾特別，有花d心思營造好似去左泰國咁嘅環境不過就好可惜佢地無花心思去制作食物方面我自己叫左安格斯船面，一黎到，個碗好大！d粉好少，跟住我都唔知嗰個叫湯定係醬，又杰又咸，完全食唔出其他味所謂嘅安格斯就係有一粒好細牛肉另一個炒寬粉一樣，個份量連下午茶都不如，又油又咸跟住就懶特別咁加幾好多無謂伴碟同裝飾仲有杯咖啡，已經叫左少甜，不過依然都係甜到糖水咁，完全飲唔到咖啡味最後想講，佢每張枱都有個露營水壺，但係d茶好似由朝放到下午咁，暖都唔暖下，最尾原來要每人$10茶錢就咁埋單3百幾，唔係貴，不過就完全唔值囉，仲好意思貼晒d米芝蓮出黎

今日同男朋友行新城市，估唔到有新鋪！超多人排隊，但見到有米芝連主廚主理，裝修又幾好睇，就等下啦😆✅牛柳炒闊河粉（$98）超讚！唔會似一啲茶餐廳炒得咁濕，牛柳鮮嫩多汁，配上炒得剛好的闊河粉，口感彈牙又入味。加入了豐富的蔬菜和香料，增添了層次感，正👍🏻✅蟹肉炒飯（$168）蟹肉好新鮮同埋大大舊，好有口感，飯粒炒得剛剛好，飯粒鬆散而且不油膩，同蟹肉好夾✅蝦餅配甲羅蟹膏這個組合真是絕配！蝦餅外脆內嫩，入面啖啖蝦肉，搭配濃郁的甲羅蟹膏，味道更加豐富✅芒果沙冰清爽又香甜！新鮮的芒果切成小塊，搭配冰涼的沙冰，一口下去，感受到芒果的鮮甜和冰涼的口感，好岩夏天飲✅泰式椰奶咖啡濃郁的椰奶和香濃的咖啡完美融合，甜度適中，喝起來十分滋潤✅香蕉煎餅簡單卻美味！香蕉煎餅外酥內軟，搭配柔順的香蕉口感，口感豐富。加上一點點的糖漿，更加提升了甜蜜的滋味。

服務生完全唔掂，叫海南雞飯，等勁耐都無，同佢講跟進下個飯，個女服務生仲呆下問返做咩事，追得當然等好耐都無先追啦，之後見佢係無幫我跟進做其他野遊黎遊去，叫另一位跟，即刻拎到出黎食物叫左豬肉湯河，非常咸，價錢又唔係平，真係唔駛試

好多人！！！總之早啲嚟喇！！🥴泰式墨魚粒蝦餅🇹🇭🐙🦐（$88）越咬鮮味越出😸影張全家幅先羅氏蝦炒金邊粉🦐（$108）大蝦🦐同細蝦🦐一齊炒，令到金邊粉更加惹味😋。瀨尿蝦炒飯（$168）瀨尿蝦同羅氏蝦嘅雙重攻擊🦐🦐牛柳串燒🔥🐮（$28）我同牛肉嘅call & response 。熱泰式椰奶咖啡🇹🇭🥥☕（$34）飲落好有趣，似朱古力🍫，又似古力，又似咖啡☕咁。香茅青檸沙冰🧊🥤（$48）----------Here Thai Market🏖️地址: 沙田沙田正街18號新城市廣場三期2樓A216號舖