HOLA

营业中

休息中

事隔冇耐，又帶狗狗再嚟Hola搵食，不過，今次真係失望。首先，一入餐廳，發現原本寬敞的戶外區竟然放咗好多檯櫈，檯櫈數量差唔多係之前的一倍有多，通道變窄。大家養狗都知，寵物之間都需要有社交距離架，有啲狗狗好容易緊張，見到同類會吠，甚至襲擊。Hola話曬係元朗區寵物友善餐廳之一，而家搞到環境咁擠擁，對寵物真係唔理想。於是，我向店員提出想好似上次咁坐餐廳入面，但對方一口拒絕話唔得..... 我唔明，點解上次得，今次就唔得呢？最後，就只能坐外面啦。今次點咗Big Breakfast、菠菜大啡菇意大利飯同埋凍朱古力。Big Breakfast一如以往，份量大，食物種類多，食完十分滿足。因為早餐多蔬菜，所以人狗都可以分嚐。菠菜大啡菇意大利飯應該係餐廳的招牌菜之一，我見餐廳都掛啲佢既食物推介照片，於是就點嚟試試。不過期望越大，失望越大。意大利飯的顏色係幾靚，青綠色，睇落好開胃。但係隻大啡菇較細粒，呢個飯主要就係得隻菇點綴，所以而家睇落冇乜睇頭。不過，食幾啖後，我發覺最大問題都唔係隻菇，而係啲飯。意大利飯應該有少少米芯，而我碟飯直頭有少少「爛」，雖然軟棉棉的飯可能比較適合一般香港人的胃口，但就真係失色

這間位於元朗天空之城的餐廳，是一間 pet friendly cafe，晚上在這裡進餐不久，已有兩三隻狗狗光臨，氣氛非常熱鬧🐶 來到這餐廳，通常會點全日早餐，這次就點了英式全天早餐 (Kings Fry-up) 和太陽雞堡 (Sunny Burger)，全天早餐份量依然夠大，味道不錯🍳 而太陽雞堡有厚薯條伴碟，雞扒大塊很入味，還配上煎太陽蛋，材料很豐富喔🍔 至於我吃的是香煎雞肉沙律配牛油果、煎蛋和法式麵包 (Fried Chicken Salad with Avocado, Egg and Bread)，牛油果和其他配料都好味，但煎雞肉是切成碎粒的，亦煎得較為乾身，吃起來感覺普通，相比全天早餐和漢堡就略為遜色🥗 另外還點了兩杯梳打特飲，是藍莓菠蘿和香橙熱情果梳打，飲品外型和顏色都漂亮，喝著這梳打特飲，心情也愉悅起來🍹

養狗後，已經幫襯過Hola好幾次。呢度地方算大，室內、外有唔少座位，就算係周六，嚟到都唔係好需要等位，咁樣帶住狗狗就比較方便啦~ 最近幾次嚟，我先知道原來狗狗可以入餐廳裡面坐，所以天氣熱時，狗狗都可以嘆下冷氣。呢度食物水準唔錯，嘢飲亦比較特別，加上價錢公道，所以我都幾鍾意嚟呢度食嘢。一個平日的中午，趁放假又同狗狗過嚟。雖然平日有特價午餐，但因為自己食素，所以最後就從餐牌點食物，揀咗素食全日早餐同埋一杯青瓜梳打(應該仲有青蘋果)。素食全日早餐好豐富，有炒蛋、大啡菇、蘑菇、蕃茄、粟米、沙律菜、茄汁豆，加埋一個香脆的迷你牛角酥！炒蛋幾滑，一碟有2種菇，令人滿足。碟上的食物本身唔需要太多調味，所以感覺好健康，而最好當然係我可以餵少少俾非常為食的狗狗啦！青瓜梳打好好味，又解渴。由侍應送上嚟時賣相一流，所以我見另一檯的單車客都望到實。以前我試過呢度其他口味的梳打，不過自己偏好清新啲，所以呢杯梳打甜甜哋又有青瓜味，好合心意。一個平日，可以hea住同狗狗食晏，感覺滿足，而我相信狗狗都係咁諗既，因為每次帶佢嚟到天空之城，只要行經Hola，佢就一枝箭咁標入餐廳架喇。

第一次去完之後覺得真係唔錯，不過見建議唔好叫 一人一碟意粉或者飯，因為食物好大碟，兩碟夠三個人食，可以留肚嗌多D小食~我自己本身唔食煙三文魚，但試左煙三文魚意大利飯有驚喜

天朗氣清宜郊遊，所以走咗一轉大西北，去了天空之城，城內很多食市，最後被Hola嘅豬手餐吸引，$258二人餐，一隻豬手，包兩碗餐湯，餐包及餐飲。餐廳入座率頗高，設室內，室外座，本來想坐戶外，親親大自然，但由於太多狗，所以坐室內，進內後先知原來室內都係狗天地！最後坐在室內角落，叫了心儀的豬手餐。餐廳上菜比較慢，等咗差不多十至十五分鐘先上碗湯及麵包。南瓜湯甜但不夠熱，意大利包亦一般，未見驚喜。再等多5至10分鐘，先上主菜，原來驚喜在後頭，熱辣辣的大豬手放在木盤上，一切落去，一絲絲的肉加上皮層肥膏，流晒口水；食入口，皮層蜜糖甜甜的，加上豬手的鹹味， 識食得到的層次，豬皮入口即溶，齒頰留香！這隻豬手真的十分出色。整體而言，餐湯，麵包及餐飲都是一般貨色，主菜才是驚艷之作！

因為之前睇啲食評以為呢度好chill味道又好環境又正點知嚟到係兩回事入面環境黑媽媽 全部枱勁密坐得好唔舒服全部人都傾偈講嘢其實係勁嘈All day breakfast $68 係抵味道ok牛油果egg benedict d牛油果未熟$88 係一啲都唔值見人哋啲drinks又好似整得幾靚但係環境令到我真係好想快快食完閃… 其他食評係咁讚 而全部都無乜人wor 🤣點解我咁唔好彩呀～反而食完之後佢隔離間coffee shop 簡直係天淵之別…

去得天空之城，好大機會都係揸車人士泊車唔難泊，最緊要唔好阻到其他車出入同要留個打得到比你嘅電話號碼係車頭HOLA 出名，因為係一間dog friendly餐廳，個all day breakfast都算係signature環境舒適，服務正常，衛生ok，價錢合理附送一張等嘅開飯嘅相總結會再去，因為係dog friendly 嘅餐廳同附近可以放街

周末去元朗紅磚屋前的早餐！咖啡真的不錯，但個早餐一般，128但得腸，豆，bacon同三文魚，但咖啡高度推薦，炭香味十足！寵物友善餐廳，好多狗狗響裡面，非常可愛！下次經過可再去！

同我老闆放假一齊遊車河入元朗搵食 因為老闆唔係咁鍾意食泰菜，所以就揀咗呢間。 約到去我真係好鍾意佢個裝修 好有假調 完全唔似喺香港 好有英倫風味。至於食物方面都唔算太貴 有啲英國傳統嘅all day breakfast. 仲有啲漢堡包 豬手，都係以西餐為主。我哋叫咗一個手撕豬肉漢堡包 一份全日早餐 同一份benidict egg 配ham . 仲有兩杯沙冰。兩個人啱啱好。 佢d飲品名都好有特色 如果係揸車或者係住喺附近嘅話 我覺得可以試吓。

今日特登同男朋友入左元朗國食呢間豬手因為同事介紹😂 真系好遠 我地坐左個幾鐘入黎食 有室內同室外堂食 因為太熱喇 我地揀左室內😂All day breakfast-Fry up $98見呢間好出名 叫左個 可惜幾失望😮‍💨個盤太大 野食望落好少 食物都系不過不失🥲 never again Pork Knuckle Set $258二人餐 有餐湯 餐包同野飲餐湯個杯幾靚 南瓜湯 飲落奶味偏重 但都可以接受 餐包好好食😂 主菜豬手好食😋有兩隻sources 黃芥末 同燒烤醬 個人覺得唔洗點因為豬手都幾有味 豬手似用焗 但又似煙燻過食落好𣺉 好好食 但有d位食落好鹹 蜜糖搽得太多 導致好甜 野飲好飲😂 上面果個跟餐加$28 下面加$18上面果個chocolate milk 本身好正常 食完豬手再飲就覺得好甜😂下面果個 評價 唔錯飲 好飲😑呢間服務態度唔錯 住附近都可以再黎😂唔會特登入黎食🥲

因為疫情關係，好多時去餐廳都想揀有室外座位，空氣流通啲感覺良好少少。呢間喺天空之城嘅餐廳，濟聽天空之城個名已經好似另一個地方咁，嗰度其實係個小社區咁有好多餐廳/店鋪，因為附近全部都係村屋冇咩好食，見到呢間餐廳有啲戶外位好似好chill咁就入咗去食個Brunch。🔺Iced latte用個樽裝住都幾特別，欣賞佢地用環保飲筒，不過啲咖啡就一般。🔺🔻早餐（腸仔炒蛋多士+蕃茄湯長通粉）其實有啲似港式茶餐廳嘅早餐style，通粉味道都還可以，炒蛋多士就幾好味，不過價錢偏貴。🔺鴨胸意粉賣相好靚，份量亦都幾多，鴨胸表面搽咗少少蜜糖令到啲肉食落唔會太乾，意粉都炒到乾身，味道唔錯。整體味道都還可以，環境係舒服，不過價錢就少少偏貴。

🌟HOLA🌺(元朗天空之城)交通方法：起yoho搭巴巴士54 /64k 高埔村落行5分鐘左右就到一聽天空之城都已經覺得好夢幻遠離繁囂💫因為喺郊區嘅地方間餐廳都比較闊落門口有戶外座位適合帶同毛孩過一個輕鬆嘅週末外面仲有個千秋餐廳內部都好有特色 裝飾精美細緻🌟大細路漢堡 $188呢個漢堡好cute 送上枱漢堡仲係熱辣辣新鮮Juicy🌟海虎蝦雞粒蕃茄意大利飯 $128食材嘅味道配搭得非常之好仲有濃郁嘅芝士味不過飯粒略嫌硬份量略大🌟焦糖香蕉朱古力奶$58賣相非常得 好可愛仲好好飲添飲完返工所有唔開心得唔記得晒不過真係好邪惡飲完要跑番幾個圈先得環境：🌟🌟🌟🌟抵食度：🌟🌟🌟🌟味道：🌟🌟🌟🌟

放假帶埋柴柴去元朗玩梗係要搵間俾狗狗入嘅餐廳啦今次就去咗天空之城覓食大概一點半呢個時間都幾多人等位好多人都帶咗狗狗💕好彩咁啱有幾張枱埋單 好快就入到去注意佢哋weekend冇得book位㗎💁🏻‍♀️.All Day Breakfast同Salmon Spaghetti🍝其實都係啲大路cafe菜式味道都唔錯😋.飲品稍為特別啲 Mixed Soda Drinks🫐Blueberry & Pineapple🍍味道麻麻地可能blueberry都係偏向藥水味而且唔知點解blueberry同pineapple都係紅色🥲🍋Lemon & Lime🍸呢杯就好正路 唔會伏啦.大家帶狗狗去元朗都可以去呢度識吓隔離枱啲狗狗🐶

今日請咗半日假去街街離開市區去元朗錦田那邊走走，聽問呢度有一間我最愛的all day breakfast好評如潮， 所以特意來試下All Day breakfast都有幾款，可以用份量和配菜多寡來劃分。呢個係中間份量，已經夠包羅萬有。味道非常好。飲品也有很多款選擇，除咗一般咖啡外還有沙冰。

年初四係呢度食，叫左個 all day breakfast 同因為老婆有左唔食生蛋，同侍應講蛋要全熟，最後黎左兩隻凍冰嘅荷包蛋， 我估佢哋啲雞蛋應該一大堆煎定係度 ，出餐嘅時候就夾上去，見佢地忙，都算。其實唔期望話好好食，但點都叫收成百蚊一個餐，起碼嗰擺碟，食物外觀要好返少少，見到碟野真係年初四咁樣。另外杯 朱古力奶淡茂茂完全無乜朱古力味，個太陽蛋雞肉漢堡就一般般， 雞扒都係凍嘅可能佢哋出咗嗰啲餐令拎唔切出嚟。