Hooman by the Sea (西九龍文化區)

营业中

休息中

今日同朋友預約左入M+博物館入去之前就喺西九食小小野先，見到依間熱狗店，即管入去試吓分別叫左2隻熱狗🌭️芝娃娃$68同鬥牛犬$78其中一個加左$28要扭扭薯條熱狗一般，個包偏硬同個包下面係一開二，斷開左，所以唔可以成隻拎住食，會散曬扭扭薯條份量算多，不錯，可以2個人share飲品方面叫左杯Americano 同Blue Lemonade 正常，無特別

呢間Cafe相當dog friendly, 全部熱狗都係用狗命名😍 Poodle ($68)熱狗腸用左法蘭克福脆皮腸配左茄汁味豬肉碎, 洋蔥, 醃青瓜再加芥末同茄汁, 味道比較濃, 肉醬既味道令到佢個熱狗變得特別好食, 舊包就太軟身有啲難拎起身🙃Bulldog($78)烤到脆脆地既竹炭包夾住法蘭克福腸, BBQ汁手撕豬肉, 洋蔥, 燒烤醬同芥末, 味道帶少少辣, 似落左Tabasco🌶 呢個相當地冇Poodle咁濃味, 但係個包就呢個好食啲😌Honey Lime Black Tea ($48)蜜糖味欠奉, 但係就有淡淡既茉莉花香, 凍冰冰, 今日曬完太陽熱熱地飲係幾爽既🤤Strawberry Milk Shake w/ donut($78) 🍓完全俾個donut吸引左而叫, 留意返呢度既donut係冇得就咁買, 全部攞黎配milkshake嫁🍩 個milkshake 我就覺得淡左啲, 冇咩士多啤梨味, 但係個donut就幾好食, 唔會太甜👍🏽 呢度係幾好chill, 坐係度望住啲狗狗同個海, 同朋友chitchat 下, 咁就過左一個輕鬆既下午✌🏽

Came here for a quick bite and we ordered the Chihuahua hotdogs and truffle scramble croissant. There was only one customer ahead of us yet we waited well over 20 minutes but all we got was a cold hotdog and stale bun. What exactly was the long wait for?! The hotdog was $68 each. The truffle scramble croissant was slightly better (at least the egg was freshly cooked and warm) but it took even longer. Definitely not worth the wait nor price.

今日係第一次去西九海濱長廊，原來地方都算幾大，而且個景係咁靚。唔怪得就算係閒日都有咁多遊人前往。到咗差唔多日落的時間，想睇埋先走，所以就揾咗Hooman by the sea坐低，一面食hot dog一面欣賞日落的美景。食品方面味道都算唔錯，而且美景當前亦幫食品加咗唔少分數！唯一要檢討的，我亦認同另一位用家的評語，點解要將啲醬汁加落麵包表面？咁樣就唔可以用手攞住來食，對我來講就真係無咁方便。至於飲品方面，我嗰杯iced latte有啲淡，但我接受得到。

紅豆抹茶沙冰位於西九文化區，餐廳店舖選擇唔算多，開在海旁位置，雖然入邊座位唔多，但係好多人都係買咗嘢食喺出邊食，呢間餐廳主要做快餐，熱狗薯條之類⋯叫咗杯紅豆綠茶沙冰，呢杯野非常解暑，簡直暑氣全消，綠茶味道好重，紅豆就食得少少作點綴，如果多少少紅豆會更好食😋呢杯飲品一啲都唔甜，佢嘅甜味主要來自幾粒紅豆🤣🤣所以對完全唔好甜嘢嘅人來說，簡直可以算幾健康，因為唔甜！整體來說唔錯！如果餐廳有多幾款沙冰選擇會更好，只係覺得選擇太少。

雖然熱辣辣 但狗仔都要放電⚡️今日就約左朋友同埋佢隻狗仔放電 特登揀左間寵物友善餐廳「Hooman by the Sea」🐶🐶🐶 望住個海真係好舒服🌊☀️佢主要係食熱狗🌭️ d名全部都係狗狗既品種😂😂Corgi, Bichon, Poodle等等🤣另外都可以自選，all day breakfast,焗薯等等~我地今次就揀左兩款熱狗▫️Corgi 🌭🐶係法蘭克福腸，脆卜卜既煙肉🥓，洋蔥粒🧅，鹹蛋黃醬～賣相都幾好 鹹蛋黃醬好香 加埋脆卜卜既煙肉同好juicy既腸仔 一入口有多重口感❗️面包都鬆軟 但如果可以脆少少就好☺️佢有個餐$148可以配埋杯啤酒🍻炎炎夏日真係最岩不過！▫️自選熱狗🌭️ Black竹炭熱狗包 (西九限定),法蘭克福腸, 洋蔥🧅粒, pickles, 最後係熱狗既重點…茄汁芥末醬🤣其實佢仲有好多款醬汁可以揀 但個人太愛mustard 所以諗都唔諗就揀左😆 本身鐘意食重醬既我 就覺得佢d醬可以再多少少 然後發現原來可以自己再加….🤩🤩另外自選熱狗仲可以加$28配粗薯條🍟整體都好好食d熱狗 配埋個環境真係好寫意

海旁有好多間不同國式的餐廳，我就揀咗這間美式店，可以讓我發下白日夢，回想2019年夏天去美國西雅圖旅行的日子✈️ 此店是寵物友善店，狗狗可以同人一齊坐裡面或外面都得。ѕтяαωвєяяу мιℓкѕнαкє ωιтн ∂σηυт (нк$78)．草莓奶昔口感幾creamy．我估加咗冰粒取代水一齊攪，所以夠凍和味道不太甜．迷你甜甜圈，滿足想食甜嘢的相法，但食咗又不覺得太邪惡．可能人流太多嘅關係，大部分轉用膠杯，但特別係保持用環保物料嘅飲管👍🏻

昨日一家人上午九時許到達西九文化區，看見這一間餐廳已經開門，當然想一邊享受着日光和海景，一邊吃個靚早餐。在上午9:57下了單，飲品很快便上了，但是居然要等到11點才有食物！樓面解釋，廚房的員工還未有上班，但是在門口寫着九點開門的話，超過1小時還沒有上班也還是太過分了嗎！希望只是這一天才有這個情況，如果不是的話食物在好吃也是枉然。

今日同朋友仔諗住喺西九龍藝術公園行吓，一行到呢個公園，就俾不同種類嘅狗仔吸引住左，可以欣賞到咁多可愛嘅狗仔，真係好開心！我哋行咗一陣之後就諗住坐低欣賞下個海景同繼續觀望出面啲狗仔，行行下就留意到呢間餐廳啦，我哋嗌左咖啡同埋all day breakfast，一邊嘆住個靚景食嘢好似覺得咩都好好食咁我哋嗌左嘅latte都好香滑，all day breakfast 嗰塊薯餅好好食過咗一個慢活嘅下午期待下次再嚟試吓唔同嘅食物！

放假就去了西九文化司海濱行下放鬆下～經過見到依間海旁cafe食物及飲品都好吸引，就同朋友食野chill下～❀ 芝娃娃依款黑色既熱狗賣相好特別，味道都唔錯～一入口好香蒜味，表面仲有香脆既煙肉粒，而且麵包鬆軟，配埋滿滿既配料，口感非常豐富！❀ Strawberry Frappucino賣相超吸引，粉紅色配colourful既冬甩，見到忍唔住立即下單～飲落士多啤梨味重，味道偏甜❀ Chocolate Frappucino同樣有粒好可愛既冬甩～依杯朱古力味香濃，相對士多啤梨果杯，小編更喜歡依杯呢~

在西九想吃一餐輕晚餐，於是來到這間熱狗店，發現所有熱狗也很吸引有竹炭的黑色包，又有唔同色的熱狗腸還可以選擇坐戶外看著海景進餐吃著足料又特別的熱狗，喝著藍色的飲品，看著靚到不得了的維多利亞海景。身邊還有些小狗散步非常愉快又飽足的一餐

Hooman係西九文化區既最靚既cafe之一有Outdoor座位望到海景🌤重點係pet friendly🐶而且係黃店💛仲有狗仔食得既零食賣🥰 放假過黎chill下都唔錯啊✨呢道主打輕食😌有croissant🥐all day breakfast 🍴薯條🍟 焗薯🥔甜品等等🤩最特別係佢地既熱狗係用狗仔既品種命名，主要係個醬汁同配料唔同💕Bichon 比熊犬 $68呢款熱狗都好足料，有牛油果醬、醃黃瓜、芥末蛋黃醬🌭 不過成隻熱狗都係綠色，唔係好明同比熊有咩關係😂成個熱狗既敗筆就係個芥末蛋黃醬食落太辣🥲 已經蓋過晒牛油果醬嘅味道🤣 幸好法蘭克福腸同個包口感都OK嘅🤓Churros with Ice Cream $68佢可以揀海鹽味或者榛子味雪糕🤩 榛子味聽落實在太吸引，忍唔住一定係揀佢🥰佢點churros真係好正🤓玉桂粉同糖嘅比例都剛剛好❤️ 不過榛子味雪糕食到後來會有少少膩🤣Mint cool Green Tea $48鍾意佢唔甜，幾refreshing🌿Menu:

Weekend最岩去chill下⌯'▾'⌯拍下拖或者同姐妹打下卡 哩到仲係pet friendly 添架🐶🐱坐出面既環境對住個維港🌊 個人都放鬆哂‎ ૮ • ·̫ • ა但我個人認為哩到環境就好過食物 野食還過得去 野飲就真係還好🤧

西九文化區係一個好舒服的地方😌每逢假日有不少人專程來這裡野餐或者玩樂，放鬆一下。這裏也是一個人寵共融的小天堂。場地設有「寵物區」提供草地予狗狗🐶自由奔跑。海濱長廊設有寵物友善餐廳，寵主可以帶著狗狗🐶在餐廳露天坐位，一邊進餐，一邊欣賞維多利亞港和港島的美景。今次介紹的HOOMAN By The Sea就是其中一間寵物友善餐廳。餐廳主打美式熱狗🌭️，還有FISH & CHIPS🐟🍟、薯條🍟等小食。Hooman的熱狗🌭️以狗狗🐶的品種命名，十分有趣，客人亦可以因喜好揀選材料客製熱狗🌭️自選熱狗🌭️ $78Black 竹炭熱狗包，法蘭克福香腸，牛油果醬🥑，醃黃瓜🥒，松露蛋黃醬。賣相相當吸引，松露醬的香氣撲鼻而來🤤麵包鬆軟，香腸外皮脆口，滿滿的醬汁，想不到牛油果醬🥑同熱狗咁夾。鬥牛犬 $78法蘭克福香腸，BBQ汁手撕豬肉🐖，洋蔥粒🧅，烤蒜，辣茄汁🌶熱狗配搭得好好，手撕豬肉配上醬汁辣辣地十分惹味🤤令整個熱狗口感更有層次。+$28 扭扭薯條🍟份量都唔少，炸得非常香脆，本身已經有味道，不用蘸番茄醬已經好好食。。

復活節長假期, 當然要陪下主子! 本來想去離島, 但怕天氣唔好, 所以都係去西九文化區行下、食下嘢! 當日去到大約13:00, 本來想去留白, 但係店員話要BOOK 位。之後想去侘寂珈琲 • 喫茶, 但係店員話而家唔招待狗了 (坐出面都唔得)。於是我哋就揀咗食Hooman, 不過因為坐室外位要自行等位, 唔駛拎籌, 於是我哋就唯有喺外面痴痴咁等位, 等咗半個鍾先有位。一坐低就睇下食咩先...... 熱狗以唔同狗種命名, 好得意! 熱狗仲可以按照自己喜好嚟拼除咗熱狗, 仲有其他嘢食!有ALL DAY BREAKFAST 沙律, 仲有薯條同焗薯等......甜品都有當然仲有好多唔同飲品揀。點餐時仲發現有special menuHotdog - Poodle  (法蘭克福香腸, 肉醬, 洋蒽粒, 醃黃瓜, 茄汁&芥末醬)呢個係老公叫嘅, 佢讚口不絕喎!Hotdog - Chihuahua  (法蘭克福香腸, 芝士, 脆脆煙肉, 烤蒜, 大蒜蛋黃醬)身為一個蒜頭FANS, 見到呢個熱狗簡直即刻心心眼諗都唔駛諗就即點啦! 仲加咗$28 配埋扭扭薯條!一咬落去略嫌竹炭熱狗包有D 乾但係個大蒜蛋黃醬