How To Live Well (K11購物藝術館)

营业中

休息中

佢個蘑菇忌廉意粉真係太好食，所以我哋嗌咗兩碟，頭先個蘑菇真係恰到好處，係有浸BBQ味之餘，佢有水份唔係乾晒咁。之後啲汁真係好濃。美中不足嘅就係佢嘅份量太少另外我哋都有嗌到佢個肉眼扒 肉眼扒嚟講，我就覺得冇咩特別驚喜普普通通咁 雖然我係五成熟，但出到嚟其實佢啲肉都唔係真係咁嫩。而佢個Pizza普普通通咁但係其實幾好食，佢係薄薄地嘅pizza咁但上面好多汁，所以其實都幾漏另外仲有個佢啲炸物拼盤 有薯仔南瓜，雞翼等等中規中矩都幾好，食嘅作為前菜嚟講都唔錯

今日到k11 的cafe 吃午飯。這家cafe 有型簡約，感覺開揚，空間感十足, 用餐時間90分鐘可以Hea一下。三文魚西京燒$198呢一件三文魚份量十足，大大件，又冇骨，啖啖肉。外皮烤得脆香，可惜已經煮到全熟，但肉質尚算軟嫩，而彩椒味道相當不錯，口感Juicy，又有少少酸酸地嘅味道，t分開胃，再配上清新嘅沙律，同埋簡單嘅焗薯係幾完整嘅午餐。Flat white咖啡細細杯，咖啡帶少少堅果風味，唔會太酸，咖啡味道比較濃，味道OK嘅。獨個兒望着窗外嘅街景，吃午餐，嘆下咖啡，感覺寫意。

推介指數 Recommendation Level : 🔥🔥🔥🔥坐落於尖沙咀人氣商場內的簡約和風西餐廳，提供多款特色pizza，意粉，咖喱飯，小食，以及賣相非常精緻的甜品，選擇非常多元化，絕對適合一家大細。Located in a popular shopping mall in Tsim Sha Tsui, this minimalistic Japanese-Western fusion restaurant offers a diverse selection of specialty pizzas, pasta, curry rice, snacks, and delicately presented desserts, catering to families of all sizes.雜錦小食拼盤（炸薯角、南蠻糖醋炸雞、芝麻雞翼、豬肉香腸、炸芝士圈） ($148)Snack Platter (Potato Wedges, Sweet and Sour Chicken Nanbanzuke, Sesame Chicken Wings, Pork Sausage, Crispy

有驚喜嘅餐廳，最入面嘅座位仲有陽光🪴雖然太陽都比較猛烈，但係有日光坐得幾舒服（如果唔怕曬嘅話），同埋影相都會靚啲👍🏻🐔南蠻漬糖醋炸雞 外脆內軟，鮮嫩有肉汁，好好食！🍕Pizza係我鍾意嘅薄批批邊好脆，食幾塊都唔會咁易飽🍹Bouncing Bee 烏龍茶底加soda，檸檬味好refreshing仲有我鍾意嘅jelly，好飲！餐廳用餐時間限時90分鐘，所以唔太適合敘舊嘅gathering😆 整體嚟講都幾出色。

The queues everywhere were insanely long on a Friday night. We tried this restaurant before, which is usually very popular as well, but oddly enough there wasn’t much of a queue that day, so we walked in. They changed the menu quite a bit. Gone was the mentaiko (明太子） pasta which was my previous favourite. Now they have a lot of “main dishes” loaded with protein with equally hefty price tags. The choices were quite limited if you didn’t want to break the bank and still want some healthy protein.

餐廳出面係家具店，行木系自然風格，餐廳環境都幾大，仲有Ｄ植物裝飾增添綠意，坐係到傾下計係幾舒服，不過冷氣就唔太夠，夏天黎講有少少熱；Lunch 選擇唔係太多，價錢由$118到$288 都有，Mains比較貴，二人同四人Set又不是太優惠， 沙律同Pizza 不能升級做Lunch；Menu圖片無寫名，有時想知圖片係咩菜都要問下店員先知😅；🌟 $148牛油煎大蝦‧香蒜辣椒大蜆扁意粉 |大蜆多肉，意粉質地岩岩好，唔會太硬又唔會太淋🌟 $43 Guava Oasis | 甜得很…🌟 $188 慢煮北海道四元豚西冷‧迷迭香薯仔‧忌廉肉桂蘋果醬 |豬肉慢煮得夠淋，但食落整體有少少乾，唔太夠味🌟 $138 Six Cheese Pizza | 勁香，如果可以多Ｄ芝士更加好整體感覺都還可以，沒有太大驚喜～🏠店名：How to live well🚘地址：尖沙咀河內道18號K11購物藝術館2樓201-01號舖

K11 Art Mall相信大部分人都行過，但呢間隱藏嘅西餐大家就未必食過啦～行曬成個Art Mall二樓你都唔會見到佢個入口🤣因為原來佢係喺傢俬舖入面㗎！要行入傢俬舖轉左先會見到餐廳入口㗎～究竟呢間咁隱蔽嘅西餐收埋咗啲咩好嘢食呢😋🧾煎北海道帶子伏特加番茄奶油長通粉💰$178雖然名入面有Vodka呢個元素，但食落其實唔覺有Vodka味～番茄汁真係好creamy，酸味同甜味好平衡，汁嘅份量都算偏多但唔水，每一條長通粉都淋滿番茄奶油～加埋大大粒嘅煎北海道帶子🥹真係食唔停口🥰🧾Buffalo Mozzarella & Seafood Pizza (9 inch)💰$176我哋叫pizza🍕嘅時候都struggle咗好耐究竟應該叫邊款好🧐後來發現原來可以半半咁叫，就揀咗Buffalo Mozzarella同Seafood～特別推薦Seafood！Topping有海鮮呢啲唔講啦～主要係薄底pizza配芝士同千島醬加埋真係超正！係幸福嘅感覺🥹環境方面，想坐得舒服少少可以揀坐梳化🛋️位，想睇景都有一大塊落地窗玻璃🌃整體嚟講，好適合同朋友傾住計嘆西餐～🍴

How to live well 外面coffee counter 可以好casual 咁飲杯咖啡食件蛋糕，咖啡同蛋糕都唔錯架。☕️Latte ($48)順滑咖啡加上豐富奶泡，天鵝拉花又靚👍🏻👍🏻🍵Matcha Latte ($48)抹茶加奶泡，抹茶味濃郁，帶少少抹茶苦味，混合豐盈奶泡又香又滑，係唔飲得咖啡嘅另一好選擇🍰Pistachio Mochi Roll Cake 開心果麻糬卷蛋($48)蛋糕係無開心果味嘅😆，不過中間深綠色嘅開心果醬就有好強勁嘅開心果味，總不能樣樣都開心果味嘅，好膩架麻，蛋糕無醬有，夾埋食就啱啱好，麻糬呢…..就係好似鮮奶麻糬果種流動性好強嘅質地，本人就麻麻鍾意。總括嚟講，想飲咖啡，嚟呢到唔會失望。

我哋1:30到到嘅時候同訂枱嘅時候冇人同我哋講用餐時間去到幾時2:30已經催我哋3pm交枱都唔緊要因為喺香港食飯都預咗但係我哋午餐食咗700幾蚊都唔預啲態度咁差2:35嘅時候佢哋已經係我朋友未食完嘢同埋枱上面仲有食物嘅情況之下收走佢嘅餐具同埋碟跟住我哋每飲完一杯水，佢就即刻收走隻杯但係其實嗰陣係只不過2:40 我都係想飲埋杯茶佢哋已經繼續逐樣逐樣將枱上面嘅收走其實如果一早同我講3:00又要交枱，我唔會坐低因為同一個商場有其他選擇而且佢可以直接同我講，佢要我10分鐘內食完走都好過喺我哋傾偈嘅期間咁樣逐樣收走枱上嘅嘢不過都唔緊要嘅，但係如果要傾偈真係唔好揀呢度同埋真係冇下次同埋食物味道普通真係唔值俾咁貴

17/5/2024📍How To Live Well位於K11嘅cafe 裝修自然都好有格調 係木系清新嘅路線 餐廳兩邊都有大玻璃窗 採光一流我哋嘅座位係窗邊 景觀好開揚👍🏻⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨燴和牛面頰肉·肉醬粗管意粉（$138）牛面頰煮得幾腍 意粉軟硬度中等👍🏻汁醬偏杰身 令意粉好掛汁 面頭灑咗啲芝士粉 令道菜多咗層芝士香氣✨柚子蜜烤春雞·脆炸芝士圈·烤彩椒（$168）雞脾部分滑啲 雞胸部分就鞋啲 本身嘅汁有淡淡柚子味 仲有啲柚子肉係度 另外有個汁比你點 覺得唔夠味都可以點埋芝士圈好食 幾重芝士味三色椒焗到好腍 甜甜哋幾好食😊不過份量就好似偏少✨開心果麻薯卷蛋（$48）開心果味係有嘅 麻薯都幾煙韌 但太少cream 唔夠喉🥹✨Iced hazelnut latte（$33）揀咗nutty 幾好飲✨Cucumber latte（$33）抱住試伏心態嚟嗌 結果真係中曬晒伏 青瓜同咖啡唔係幾夾🙂‍↔️宜家諗翻起都覺得好奇怪好重草青味 唔係為左咖啡因都唔會飲曬🤢⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯我哋食咗$462（連加一）另外商場有promotion滿$400減$100

第一次來這裡是幾年前，記得當時感覺不錯，有種慢活感，服務和環境都不錯。所以去尖沙咀就會來這裡。但相隔一段時間沒來，感覺完全不同了。收加一但QR code落單不要緊，但我剛好電話快沒電，問一個小肥戴眼鏡的男職員有沒有usb插頭借我差電，「沒有」，那有沒有隨差可以借一會，「沒有」，那我能不能放我的電話到你們counter差一會，「我們不會提供這服務」。可能是其他cafe太好，通常都會幫客人江湖救急，原來how是不會的。我當天點了一pot果茶，請該男職員幫我refill熱水，他幫我加了，但是一個已冷卻的熱水壺，水都只有微暖，真無言。當時還只是平日的下午，非繁忙時間，有很多空位，客人不多的情況下服務也這樣。真心，在我喜歡的cafe中除名了。

lunch time同同事嚟chill吓lunch set配嘅麵包吉列芝心豬扒日式咖喱飯 $128 🍛依個presentation我會形容為 成地都係咖喱汁😂😂😂啲飯同豬扒會浸親 但其實我好喜歡每啖飯都係滿滿嘅咖喱汁甜甜哋嘅日式咖喱 撈飯一流芝心豬扒都唔錯 炸得幾香口 又唔會乾加埋芝士 邊有得輸係略嫌薄咗少少🤏🏻厚身啲嘅話就perfectPEPPERONI ONSEN EGG PIZZA $148 薄脆pizza餅底 上面有茄汁蛋黃 同埋pepperoni + Parma ham 簡簡單單 正常發揮啦燴和牛面頰肉肉醬粗管通粉 $138依個就最失望 通粉好硬 斗膽考驗我嘅牙力乳酪雪糕 • 窩夫 • 一口心太軟 $88一口心太軟好好味好似一個流心朱古力波波咁外層係脆嘅 入面就係濃郁嘅朱古力連埋加一每人$200左右

這家餐廳名字很有意思，就是想要創造一個讓人擺脫日常工作，放鬆身心的空間，這家咖啡店在一家傢俬店裡面，店內全是木系裝修，走進去就有一種放鬆身心的居家鬆弛感。週末跟朋友到這裡brunch都覺得很幸福。✧ 雜錦小食拼盤（炸薯角、南蠻漬糖醋炸雞、芝麻雞翼、豬肉香腸、炸芝士圈）對於選擇困難的我來說，小食拼盤可能是最好的選擇，炸芝士圈是我的最愛，外皮炸得酥脆，咬開能聽到清脆的咔嚓聲，混合了奶香，外脆內香。豬肉香腸肉質多汁又Q彈。✧ 燴和牛面頰肉，肉醬粗管通粉和牛面頰肉熟度恰到好處，口感柔嫩，加上彈牙的粗管意粉，簡直幸福又滿足。✧ 飲品 - Guava OasisHow to Live Well (k11 Art Mall)📍尖沙咀河內道18號K11購物藝術館2樓201-01號舖

雖然今日落雨，但係唔駛出地鐵站都搵到好西。黎到左間食西餐既地方，迎接呢個週末。入到去被安排坐吧枱位，由於我地得兩個人，所以吧枱既話傾計都幾方便。點左個意粉同burger、再加兩杯野飲。個burger 都有番咁上下水準,雞扒幾juicy 薯角都幾脆。另外明太子煙肉意粉都好好食，兩樣都係我至愛。兩杯野飲都打卡一流。

同朋友過黎聚餐所有食物都好有驚喜好好食！牛肉5分熟好juicy 薯蓉超級好味！意粉一d都唔漏 意粉軟度適中Pizza與燒春雞都係出乎意料的好食真的不錯 下次有機會再過黎食～