How To Live Well (荃灣廣場)

营业中

休息中

同朋友自費去食，環境好闊落好靚。夜晚完全唔需要排隊。價錢對正常人嚟講頗貴，一百幾蚊先有一兜飯/意粉。初頭我覺得佢嘅價錢淨係買佢嘅擺盤同環境。點知！！！佢嘅味道超好 我嗌咗一個牛肝菌意粉，佢一放到落嚟氣味好突出，食落去都好好食。總體嚟講真係非常之抵雖然個價錢真係有啲貴啦，但係個環境所有嘢都好舒適，甚至係嘢食嘅味道同質素都好高。非常之推介職員嘅態度都OK ，見到啲水冇晒會主動幫我哋。食完之後繼續stay喺度都冇人趕走

😋帶子大大粒的,賣相勁吸引，蕃茄汁黎自鮮鮮蕃茄，酸酸地夠開胃,份量睇落好似好細但都很充足,吃起來十分飽。🍎apple crumble 😋佢用杯上既刻估唔到佢係咩黎賣相幾特別,上層係雪糕下層則是酥脆的餅底，餅底香口，加埋雪糕幾好食，本人其實唔食肉桂，但好彩佢肉桂味唔重，可以接受到。🍵Genmal Tea Latte😋茶味唔算太重，牛奶味比較出眾。唔飲咖啡既朋友不妨一試。賣相勁吸引，蕃茄汁黎自鮮鮮蕃茄，酸酸地夠開胃,份量睇落好似好細但都很充足,吃起來十分飽。

周未難得好天，同屋企人去荃灣廣場，食個下午茶，支持留港消費，咁見呢家看來幾舒服，門口有幾位年輕人睇完帶位枱上個餐牌走入去，咁我自然都䏲睇，係$88下午茶餐，而且有想食嘅烏冬，又見咁多吉位，咁入去坐底掃碼點餐！哈，竞然冇得叫，原來此下午茶餐星期六日冇得食！喺個餐牌角度细细個字，開始老花嘅人真係睇唔到！唔明既然冇得叫，做乜放個牌喺度，成功吸引人入去，原來冇得比你食，店家明唔明白當時食客嘅心情，係已經感覺被騙！

位於荃灣廣場的木系傢俱咖啡店HOW，以木系簡約風的裝修風格為主，四周還有不少植物襯托。而在門前有擺放不少零售產品。咖啡店環境舒適，空間感十足，是一個讓人放鬆心情的空間，位於窗邊座位不論在夜晚還是日間都十分有氣氛。而餐牌種類也十分之多。包括前菜、小食、主菜、甜品和飲品。-.唐揚池魚池魚炸得很香口，而且份量十足。-.雙重芝士和牛煙肉日本蛋漢堡配薯角和牛漢堡扒超級厚身，而且多汁鮮嫩，而且配上蛋香濃郁的煎蛋，十分滿足。-.海鹽焦糖雪糕三文治鬆軟的蛋糕配上香甜奶凍餡，夾埋朱古力雪糕一起食，層次感豐富。另飲品分別點了fruity blend latte，帶有堅果莓香味。而made lemonade ，帶來清爽香濃抹茶味。整體感覺不錯，合適多人聚會。

◤ʜᴏᴡ ᴛᴏ ʟɪᴠᴇ ᴡᴇʟʟ◢吃過它們尖沙咀店好幾次荃灣店還是第一次 ：）❥ 慢煮美國封門柳·脆薯角·烤雜菜 $𝟷𝟿𝟾封門柳味道很濃郁口感很嫩滿意 ♡︎♡︎♡︎❥ 牛油果蟹肉沙律貝果 $𝟾𝟾這款是ᴛᴇᴀ sᴇᴛ ᴍᴇɴᴜ的ɪᴛᴇᴍ εїз初時覺得賣相跟相片比起來有點遜但味道有驚喜 ₊˚‧(๑σ̴̶̷̥́ ₃σ̴̶̷̀)·蟹肉沙律滿滿的 而且很好味 .ᐟ.ᐟ.ᐟ❥ 開心果麻糬卷蛋 $𝟺𝟾卷蛋有好幾款口味 一輪掙扎之下選了開心果口味꡴它的賣相很討好開心果味道不算很濃 但口感豐富得來又輕盈 是令人很舒服的甜點♥︎❥ sᴜɴsᴇᴛ(ᴏʀᴀɴɢᴇ ᴊᴜɪᴄᴇ, ᴍɪʟᴋ, ᴇsᴘʀᴇssᴏ) ❥ ғʟᴀᴛ ᴡʜɪᴛᴇ🜚 很愛這間的木系環境加分~~~~⚘•⚘ // ⚘•⚘

係荃灣廣場逛咗陣見到間日式木系風格空間感十足又有日光嘅落地大玻璃 cafe就入去嘆杯靚咖啡 。Iced Latte。Flat White 。自家製焙茶卷蛋焙茶卷蛋好好食，卷蛋鬆軟，焙茶味又夠濃大大件都幾抵食，配埋杯咖啡就啱哂 ~~

星期六到了這商場閒逛，選了在這餐廳晚飯。木系的裝潢走日本文青風格，燈光亦有點昏暗。 餐牌印製得有如一本雜誌，亦令人彷彿像置身書店。食物主要有主菜、小食、薄餅、意大利粉和甜品，我們點了以下美食: 煎北海道帶子伏特加蕃茄奶油長通粉 ($178) 蕃茄奶油醬十分充足，沾滿了每一顆長通粉，味道鮮甜，使人開胃醒神。有三隻帶子，煎得剛剛熟透，肉質軟腍彈牙。長通粉份量亦多，很有嚼勁。 煎大蝦 龍蝦鰹魚湯扁意粉 ($178) 意大利粉煮得軟滑，加上翠玉瓜絲，口感配合。大蝦煎得香身，蝦肉爽口。另外用一個日式小茶壺盛載了龍蝦鰹魚湯，感覺特別，把湯淋在意粉上，味道清澈的熱湯配上大蝦及意粉，是新奇的配搭。 Classic薄餅 ($193) 傳統的薄餅有多種配料，包括蔥油腸、煙肉、蘑菇、洋蔥及蕃茄醬。它切成八件，香噴噴。蔥油腸和煙肉的鹹香與甜美的蕃茄醬味道融和，而薄餅中間部分軟腍，批邊鬆脆。 服務員有禮、效率高，整體食物及環境良好。

在尖沙咀、銅鑼灣均有分店的木系餐廳，荃灣分店主打採光度高的落地玻璃窗台位置，空間感更大了，可惜餐廳的另一半樓底較矮，有一定壓迫感，想坐得舒服建議提早訂座。慢煮美國封門柳 $188 🍑7/10約莫七成熟的封門柳，一旁放了些薯角和烤蔬菜 期望有點過高了，雖然味道也不差，肉質軟稔，但牛味較弱，燒汁的味道也不太搭。Pepperoni Onsen Tomato Pizza $188 🍑9/10薄批吃起來較沒負擔，Pizza上鋪了辣肉腸、Parma ham、塗抹了新鮮蕃茄醬，是經典的鹹香美味，中間加了溫泉蛋的緣故，吃起來會有些許流心效果，開胃又上癮ʕ•ᴥ•ʔ。Hazelnut Latte $48 🍑9/10咖啡很順滑，榛子和牛奶，甜度剛剛好，本想點他們signature的Baby cigar，可惜售光了˃̣̣̥᷄⌓˂̣̣̥᷅，下次再試！

這家餐廳是我多次光顧的地方，每次都來慶祝節日。首先，這裡的環境非常漂亮，裝潢設計簡約而不失雅致，讓人坐得舒服，享受用餐的氛圍。食物方面更是令人驚艷，這裡的菜品水準高。特別推薦的是他們的封門柳和明太子意粉，每一口都讓人回味無窮。封門柳的口感鮮嫩多汁，搭配獨特的醬汁，讓人驚艷不已。而明太子意粉則是結合了麵條的彈性和日式明太子醬的香辣，味道非常獨特。至於甜點，雖然不算特別驚豔，但也算是中規中矩。不過有一點讓我留下深刻的印象，就是他們的甜點可以寫字。服務生會在甜點上寫下祝福的話語，讓用餐體驗更加溫馨而特別。最後，我要特別讚揚這家餐廳的服務態度。無論是接待還是服務，他們總是笑容滿面，樂於助人。每次來這裡用餐，都能感受到他們對顧客的真誠關懷，讓人倍感溫暖。總的來說，這家餐廳不僅環境漂亮、食物高水準，還有出色的服務態度。我已經成為他們的忠實顧客，強烈推薦大家前來品嚐，絕對不會讓你失望！

荃灣廣場一入自動門就見到店子 門面吸引 樓底高 日式簡約淺木系設計 落地透光大玻璃 坐得舒服又寫意🩷明太子忌廉汁煙肉意粉紫菜 木魚絲 明太子 煙肉🥓配合起來就是讚🩷SIX CHEESE PIZZA薄脆餅底 6重芝士味道口感具層次 配上蜜糖醬 🍯 食極都唔覺膩🩷巴斯克流心芝士蛋糕配雜莓汁及朱古力慕絲色彩繽紛 味道都ok 朱古力慕絲個樣建議可以靚返啲😝🩷Baby Cigar特飲打卡之選✨濃濃的咖啡 裡面仲有埋咖啡啫喱 配返上面既甜餅 味道又中和返👍·環境舒適 服務不錯 價格少貴 整體係一次愉快既用餐體驗 可以再來～

我哋預先book咗位，嚟到安排咗中間嘅梳化位，其中一邊後面有啲盆景裝飾，好啱影相打卡😍 見到入面窗邊仲有啲靠窗嘅位應該係望住荃灣廣場中間個庭園，感覺都幾靚！•🥢 慢煮美國封門柳 $238呢個係其中一係想嚟呢間食嘅原因！睇相見到慢煮到封門柳好粉嫩嘅粉紅色已經流晒口水🤤 叫左5成熟啱啱好，牛柳嘅肉味好濃，嫩滑得嚟又有啲咬口，仲配左薯角同烤雜菜~薯角有啲啲乾，但入面嘅薯泥好飽滿！•🥢 煎北海道帶子•伏特加番茄奶油長通粉 $178帶子唔會太熟，但唔似有煎過咁😂 長通粉煮到比較彈牙偏硬少少，掛左好多醬汁，番茄奶油醬汁唔會太濃/太杰，食落幾開胃😋•🥢 Seafood Pizza $198諗緊order咩嘅時候見到Seafood Pizza都好多人叫，就揀左佢！呢到嘅pizza都係薄餅底，有啲似餅乾，咬落脆脆地，批邊就厚返少少，多啲煙韌，配料就有番茄醬、千島、唔同海鮮粒粒(三文魚、墨魚、蝦滑、蟹肉棒)、洋蔥、蘑菇同鰹魚乾，都幾豐富，幾好味！

餐廳假日比較多人，今日平日，又過左繁忙時間 ，人唔係特別多，唔使等位，可以一試。餐廳開揚， 落地玻璃，自然光唔錯。lunch set menu選擇頗多，另外仲有每日特價推介，係平dd嘅選擇。是日餐湯係蕃茄湯， 好濃郁，見到粒粒蕃茄蓉，比想像用心，但朋友就嫌味道略酸。田園沙律正常， 醋都係偏酸。煎大蝦， 龍蝦鰹魚湯扁意粉。鰹魚湯係另上， 可以因個人口味倒入意粉上， 湯嘅味道幾香，係海鮮嘅淡鹹香， 淋上意粉好夾。煎大蝦都唔錯，但只得一隻就太少了，份量多啲會更好。雖然呢個已經係特價優惠，但係荃灣廣場內會有更多選擇。

我哋兩個嗌咗個二人餐 有兩個蕃茄湯 (完全冇味，即刻嗌侍應拎胡椒粉 及反映冇味）沙律一般 小食拼盤 （雞，魚豆腐餅，薯角）都係好一般我哋揀咗牛扒 都係有薯角配 （我覺得重複咗）黑松露蟹肉意粉 （我覺得都算係成個餐最好食）兩杯嘢飲 （一杯好淡，一杯就好苦）甜品芭菲 （一球雪糕加啲麥片就當係）去一次夠晒！！

💬 餐廳係木系風格，有梳化位坐得舒服，好啱幾個朋友輕鬆傾吓偈～ .#海葡萄蘑菇柚子沙律 🥗 $88好耐冇食過海葡萄，不過得好少🥲 成個沙律味都係好fresh嘅，不過都幾多汁，要撈勻啲先食～.#炸薯角配黑松露醬 $78正路好食但冇乜特別😂.#sixcheesepizza 🍕 $168餅底薄嘅程度直頭係脆嘅！芝士味濃郁就唔駛講啦，鍾意食cheese嘅話推介🧀.#煎北海道帶子伏特加蕃茄奶油長通粉 $178帶子煎得啱啱好，鮮甜好食👍🏻 蕃茄醬個味道幾特別，香蕃茄味得來唔會太濃太酸，同埋好creamy。.#開心果蛋糕 大推！！❤️‍🔥 超濃開心果味，唔會太甜，又好鬆軟！好耐冇食過咁濃開心果味嘅嘢，真心有驚喜✨.#焦糖朱古力撻 (好似係😂) 其實呢個都好食嘅，焦糖味都香，係甜咗啲有少少漏。.和歌山縣柚子味 #手工啤酒好香柚子味，對我嚟講帶少許澀味，冇咁甜但都唔錯🍻.整體嚟講性價比唔錯，嘢食都冇伏，又可以坐好耐(我哋好似都坐咗2個幾鐘😂)，下次有機會再嚟試吓其他嘢食，同埋翻撻開心果蛋糕😍

10月30號黎食嘢，7點幾入黎一開始有個女職員好好比左3杯暖水知道有孕婦好細心，餐廳晏少少開始多人，我哋都唔好意思叫啲職員，見到佢哋都好急速，應該係唔夠人手，但我見有個女職員坐係到好耐，我最後想埋單，我舉手，佢明明見到，但扮晒睇唔到咁係到睇返電腦，之後我叫左個男職員埋單，坐係到睇得電腦應該係高級少少，唔明個場都爆爆地但可以唔幫手，對坐係到個女職員好失望，由我入黎餐廳食嘢到走佢都係坐左係門口個張枱🙄🙄食物方面整體上都好，我哋3個人叫左個明太子意粉同帶子長通粉仲有一個pizza ,味道都唔錯，不過價錢比較貴