Hunky Dory

营业中

休息中

出去開會收工咁岩喺科學園附近，朋友又喺沙田嗰度做，聽佢介紹佢話呢間西餐廳都唔錯，佢話佢平時晏晝嚟，天氣好坐外面，環境好chill可以望住個大草地。今次晚上黎佢話又有另一番感覺，坐住indoor先啦! 環境好ok 幾舒服坐得闊，枱與枱有一定距離、食得放心。三文魚菠菜忌廉汁寬條麵真心整得好食，送上枱時熱辣辣，賣相靚!!! 三文魚煎得唔算厚但好香都幾大片、配上蘑菇、菠菜及濃郁忌廉汁，汁整得好好好濃忌廉味，抵讚。但份量少得濟，我女仔食完都唔太夠飽。Coffee cake 不過不失，唔會太甜係幾好ga，有少少咖啡豆香，overall 不錯。

星期六同屋企人去左科學園走左個圈啊～沿住海旁行都不知幾舒服，當然行完個圈就梗係要去醫肚係19W座的Hunky Dory地方大，環境舒服，望住中大山頭，舒服程度完全不比海旁差。-Hunky Dory菜色選擇都幾豐富，由金日早餐輕食沙律，到Benedict Egg 三文冶burger 以及龍蝦包，又有各種肉類如豬肋骨肉眼扒仲有飽肚類pasta 同意大利飯都有，一家大小老幼黎都有得選擇。-紐西蘭肉眼牛扒火箭菜沙律肉眼牛扒煎得嫰嫰的，肉味濃。火箭菜清新帶微微辣，是新鮮呢。仲有清甜多汁的Pear, 成份沙律都配搭得宜。-英國皇家牛肉漢堡一上檯時覺得好澎湃，漢堡切落多汁Juicy又嫰滑，配搭半溶芝士，生菜蕃茄夠爽甜，而且仲有一大籃炸得金黃嘅薯條大份夾抵食。 -三文魚菠菜忌廉汁寬條麵三文魚輕煎過，忌廉汁寬條麵口感都唔錯。-愛爾蘭健力士牛肉批必須要大推健力士牛肉批，酥皮局得香酥滿滿牛油味，入面愛爾蘭牛柳仲要以黑啤醃製過，再燴煮多個小時，焗得好淋，配搭蘑菇蘿蔔同蕃茄，肉味滿滿。 -飯後叫埋檸檬批同咖啡芝士蛋糕，前者香甜帶微酸，後者不會過甜，帶微微咖啡香，好滿足🥰🥰

📍 Hunky Dory (科學園)沙田白石角香港科學園科技大道西19號19W大樓2樓245室———————————————科學園呢間餐廳採用半開放形式，外面就係一片綠草如茵嘅大草地，日頭嚟到天氣好嘅話仲會見到啲藍天白雲，氛圍既休閒又寫意💙🤍紐西蘭肉眼牛排火箭菜沙律(💰: 138 hkd) 火箭菜口感爽脆，仲有好清甜嘅雪梨塊，配上多汁厚切的肉眼牛排，份量仲要好大添，食落好滿足得來又清新，一啲都唔油膩，絕對係健康之選🥗🥩炸魚薯條(💰: 118 hkd) 食英國菜點可以唔叫最經典嘅小食- 炸魚薯條呢？🍟🐟 呢度嘅炸魚選用了肉質細嫩的龍脷魚，大大塊咬落去好juicy，經過啤酒漿油炸後口感酥脆，配上英式粗薯條，簡直係絕配❣️番茄蓉肉丸寬條麵(💰: 128 hkd) 呢道菜選用咗口感紮實嘅寬條(Fettuccine)，識落幾有咬口，加上經典肉丸同埋蕃茄蓉，酸酸甜甜又清新可口，食晒成碟都唔會覺得滯🍝🧆Fruit Punch (Classic)雜果賓治(💰: 42 hkd) 呢款飲品打卡簡直係一流，如果夏天飲簡直係消暑良物，配上西餐都係好夾嘅🍹👍🏻整體評分 (6個🐽為滿分)味道：🐽🐽🐽🐽🐽抵食：🐽🐽🐽

同屋企人踩單車經過呢度，就入咗去食咗陣嘢！ 呢度座位好闊好大 唔會坐得好迫！ 小食： 雙重炸脆雞中翼雞中翼外層炸到金黃色， 好脆呀～ 入面既肉質好嫩滑！威爾士式豬肉丸有6粒豬肉丸 味道適中唔會過咸🤗主食： 新英格蘭龍蝦包龍蝦包份量好大～ 入面有成條厚厚既龍蝦肉！ 而且肉質好新鮮！ 威靈頓牛柳 （需時30分鐘）威靈頓牛柳好腍～ 牛味濃郁！ 一啲根都冇配埋焗薯～ 👍🏻飲品：Mango Yakult Soda $42飲完之後成個口腔好清新❤️

呢到可以揀露天出邊食或者係室內食～ 好chill呀～ 同三五知己嚟呢度就一流啦！ ❣新英格蘭龍蝦包 $168個麵包好軟熟， 龍蝦好大舊，新鮮彈牙， 鮮甜! ❣威靈頓牛柳需時30分鐘 $188酥皮焗到外層好脆～ 牛柳太概五成熟～ 好林! 味道濃旭🥰❣雙重炸脆雞中翼$68炸到金黃色外脆內嫩，雞肉好鮮嫩❣威爾士式豬肉丸$88份量好多～ 而且粒粒都好大粒！ ❣ Mango Yakult Soda $42天氣熱熱地～ 飲完之後好冰涼，好爽同好fresh!

今天路過白石角，就決定去附近的科學園去吃西餐。我們點了兩道主食。威靈頓牛柳這道菜唔係常常食到。牛柳外面包住焗到金黃色嘅酥皮，非常香口，下面仲有層層薄薄嘅鵝肝醬，同牛柳配合得咁啱啱好。牛柳煎到五成熟，肉質鮮嫩，牛味濃郁，同細嗰食一樣咁好味。泡菜燒烤醬牛肉芝士漢堡見餐廳裡面好多人叫漢堡食，咁我地又決定叫一個試試。我地叫左個新品漢堡。韓式漢堡。裡面有泡菜取代了平時的生菜。燒烤醬令漢堡味道出色 ，而泡菜作為呢道菜嘅主角之一，亦都鋒芒畢露 ，酸酸辣辣嘅味道十分開胃 ，同時能夠減低漢堡嘅油膩感Cream Burlee Cappuccino有優質咖啡豆味香濃味，亦有甜美焦糖、雲呢拿味道，香氣撲鼻，是甜入心扉的獨特咖啡

平時會去科學園附近都係踩下單車，今次仔細行下呢個園區，有好多新餐廳。其中呢間環境好舒服，有室內/室外嘅位✨而我今次就揀左戶外，可以望住藍天白雲又靜靜地咁放空一下~ 同埋睇住啲小朋友係呢片大草地追逐奔跑，又可以帶狗狗黎放電～🦮餐廳用QR code形式落單好方便，見到好多唔同食物好多選擇，最後揀左呢三款試下，而最想試嘅蘋果批顯示售罄🥹 唯有等下次再試過～～🍔 English Royal Beef Burger 英國皇家牛肉漢堡呢個burger好驚喜！除左係自家製牛肉之外，佢仲可以比你揀幾多成熟，值得一讚👍🏻 我地揀左Medium，切開已經見到啲肉汁流出黎好juicy，食落個味道好濃郁。順帶一提，薯條份量真係一啲都唔吝嗇😆🐟 Fish & Chips 炸魚薯條炸魚份量好大舊，非常足料👍🏻 一切落去個下即刻有好脆卜卜嘅聲~ 外層比平時係出面食到嘅更加酥脆，食落好香口，入面嘅魚肉無腥味，食落好滑捋捋，調味啱啱好～ 喜歡炸魚薯條嘅你一定唔可以錯過🍖 Beef Wellington 威靈頓牛柳威靈頓牛柳製作時間要等30分鐘，想試嘅可以考慮點左先，再慢慢揀其他食物✨ 酥皮外層鬆脆，肉質軟腍，味道好濃郁

今日收工咁岩喺科學園附近，朋友又喺科學園嗰度做，聽佢介紹佢話呢間西餐廳都唔錯，如果晏晝嚟，天氣好仲可以坐外面，望住個大草地～ 不過今日係夜晚嚟所以冇計，坐住indoor試吓佢嘅出品先☺️朋友話佢今日想飲酒，所以我哋就一人叫咗一杯，價錢都唔算貴，都係60到100左右，我就叫左一杯白酒，佢就要左杯whisky☺️ 所以我哋都叫咗個小食，炸雞翼，拎嚟送酒😝 雞翼熱辣辣上枱，炸得好香脆，肉質鮮嫩～ 以呢個價格來講，有成六隻雞翼，性價比非常高～ 朋友又話想食牛扒，本身諗住就咁叫塊牛扒，但見佢嘅威靈頓牛扒價格都幾平，只要$180左右就試到啦，呢個真係屬於平民版威靈頓牛扒，喺其他餐廳，根本唔會搵到呢個價位嘅威靈頓牛扒～～☺️ 價格真係非常親民，又估佢唔到出品真係唔錯～ 酥皮整得幾香，配埋蘑菇醬，個肉味更加突出～ 牛扒熟到拿捏得剛剛好～ 值得一試總既黎講，呢間餐廳價格親民，環境優美，如果咁岩去開科學園，都可以過來試吓～

今日去開沙田買嘢，朋友話夜晚喺沙田食嘅話好多人，不如入去科學園食下晚餐，好似冇咁迫～ 見佢呢個提議都唔錯，就跟埋佢入去科學園嘆個晚餐。😉 喺OpenRice搜索下，發現呢一間餐廳都有幾多好評，所以就決定過嚟試吓😊😊 首先講吓呢間餐廳環境，座位闊落，都有outdoor位置，如果坐喺outdoor就可以對住個草地，都幾舒服㗎。侍應笑容親切，而且上菜都好快，呢一點都幾加分㗎☺️前菜方面，我哋叫咗個龍蝦湯兩份飲～ 龍蝦湯配埋餐包～ 餐包係用牛油烤過，配埋龍蝦湯飲真係特別香。龍蝦湯都好有龍蝦鮮味，食得出佢都係用真材實料整😉😉 跟住我哋都叫咗一碟炸雞翼兩份食，雞翼炸得好香脆，同埋係新鮮炸出嚟嘅，唔會係一早整好咗再翻炸～ 出品唔錯喺主菜方面，我哋叫咗肉丸蕃茄醬闊條麵☺️，肉丸份量都幾多㗎☺️ 意粉麵質煙韌，闊條麵咬落有口感，同時間亦都會掛到蕃茄汁☺️ 值得一讚～ 而且佢嘅份量都唔會話太細同朋友事緣，都覺得下次可以lunch time再搵時間過嚟食，試吓坐outdoor應該都幾舒服😊

和朋友及妹妹在科學園參加的活動完結後，就在這裡搵午餐食。見到Hunky Dory的評價不錯，決定來試試。不太熟悉這裡的路，在附近找尋一輪也找不到餐廳所在之處。致電餐廳查問，才知道有部升降機搭上頂層2樓後見到花園，餐廳就在旁邊！室內座位滿座，獲安排坐在半戶外的高桌座位，陽光從簷蓬間灑落，旁邊是綠草如茵的花園，使人感覺悠閑舒適。餐廳獨佔19W的頂層空間，環境寧靜。由於威靈頓牛柳烤焗需時，所以我們先點這道菜，再慢慢點其他菜式。豈料最先上的菜式就是這道菜，賣相擺盤不算吸引，酥皮金黃色澤並不均勻。威靈頓牛柳的酥皮外層夠酥脆，牛柳肉汁未算豐沛，但肉質都算軟稔，不會太粗糙，帶有牛味。整體的味道不夠香，不算惹味。一分價錢一分貨，這是我在餐廳中吃過的最便宜威靈頓牛柳。$200以下，有這樣的質素算是可接受。蕃茄蓉肉丸寬條麵，寬條麵份量不多，肉丸卻是大大粒而且份量充足！蕃茄蓉看似不多，但肉丸與寬條麵都充滿蕃茄酸香味，令人開胃！面層灑上巴馬臣芝士，令味道不會太單調～～皇家煙三文魚牛油果班尼迪克蛋，一般的benedict是以鬆餅作底層，但這一道菜卻是以牛油果🥑代替muffin。本以為牛油果只是餡料一部份，這樣的

又嚟到科學園當然唔好錯過去Hunky Dory chil 一chil 。由於今日天氣比較清涼、室外比較凍、所以坐番室內比較好些😃原來餐廳有下午茶👆價錢優惠、下次有機會可以試吓。室內擺設光潔明亮、枱與枱有一定距離、食得放心。三文魚菠菜忌廉汁寬條麫$138侍應送上枱時熱辣辣、三文魚煎得好香、配上蘑菇、菠菜及濃郁忌廉汁、好好食👍巴馬火腿馬格麗特披薩$118賣相唔錯、至於味道比較偏酸、由於屬於薄批、比較脆口。甜品係特濃咖啡芝士蛋糕$48蛋糕好嫩滑、咖啡味濃郁芬芳、不太甜、好好食、推薦👍👍👍飲品係Mango yakult soda $42好特別有三層唔同顏色、底層係芒果、飲落有淡淡芒果味、好清新、幾好飲😋總結：餐廳係好適合一大班朋友或小朋友聚會地方、菜式選擇也頗多、一於列入小编食堂🤪🥳

年三十日頭想搵一個舒服飲咖啡、少人，食炸魚薯條既地方，突然諗返起科學園有一間Hunky Dory，出夠食炸魚薯條，環境亦坐得好舒服，即刻去試一試😋上二樓就會見到正門叫左杯熱Cappuccino，應該係用上南美咖啡豆Macchiato 👍🏼肉丸，有碎洋蔥、香草，推介Fish and chips, 亦都推介炸得好脆，厚度剛剛好，魚肉亦好滑溜小編一邊打，一邊又想再去食啦

週末放自己一個悠閒假期，就入咗科學園行吓，搵到呢一間鄰近戶外平台嘅西餐廳，仲見到門口貼住有weekend roast!! 就一定要入去試吓啦！餐廳好有度假嘅感覺，裝修風格令人感覺好舒服，食物方面就梗係叫做weekend Roast 嘅canadian ribeye 啦！ 佢有配紅酒汁, 薯蓉同埋一個yorkshire pudding, 牛肉方面熟度啱啱好係medium， 同埋亦都感受到牛肉面嘅焦香，咀嚼起上嚟有口感，肉嘅質地亦都偏稔，再襯托埋個紅酒gravy sauce, 係別有一番風味，肉嘅味道更加突出！薯蓉同埋一個yorkshire pudding 都值得一讚，薯蓉除咗本身應該有嘅軟滑之外，仲有少少薯仔顆粒，食落有質感！配菜方面仲加咗一個黑松露薯條，薯條感覺到佢係新鮮即炸，所以好脆口，配有黑松露醬同埋茄汁，黑松露醬嘅味道非常之濃郁，同就咁點茄汁形成強烈嘅對比，好能夠達到刺激味蕾嘅效果！係一個好好食嘅weekend brunch啊！

呢間餐廳好近中文大學 搭巴士10分鐘就到 門面好影認一出lift就會見到 成個平台花園都係佢哋嘅環境好放鬆咁啱呢日天氣好想坐幾耐都得😍第一份主食我叫咗法式鵝肝煎帶子海鮮天使麵 佢嘅份量非常之多 唔同嘅海鮮起碼都有四至五粒 好大方！ 本身係想食龍蝦包但係天使麵唔係成日見所以叫咗呢一個煮食但係佢係有龍蝦忌廉汁做陪襯所以都幾好 天使麵嘅軟硬度都唔錯唔會泰林係啱啱熟恰到好處 鵝肝份量都好足夠 食完真係好飽！第二份主食佢假日限定rib eye 生熟度唔錯錯亦都好大份嘢飲推薦荔枝茶 荔枝味甜甜地同埋有茶既香澀味 配合得非常好最後我哋叫咗一份小食黑松露醬薯條就算唔鍾意黑松露都唔緊要因為佢嗰醬係另上仲有茄汁 最重要係佢係幼嘅炸薯條出面好多都係粗身所以呢個入口唔會太飽真係好啱係小食

📍白石 Hunky Dory📍朋友介紹過呢間喺白石嘅西餐廳，之前試過佢嘅早餐，已經覺得非常唔錯，好高質，性價比都唔差，最緊要係食物嘅質素覺得值得俾。呢次就嚟試埋佢嘅晚餐，都冇令人失望。🍴三文魚柳伴青醬汁寬條麵 $148三文魚煎得外脆內軟，表面好香口，裏面嘅肉質好嫩滑，係好難先到呢個水準。而佢嘅意粉都唔會煮得太淋淋，好啱我哋口味。🍴焗寶雲蘇羊架 $268羊架嘅表面係芥末醬加麵包糠，好特別，同個羊肉好夾。伴碟有薯蓉都好好食！呢次叫咗五成熟，唔會太羶，但推薦可以試吓七成熟，應該會再好食啲。🍴Merlot 紅酒 $76/ Glass另外嗌咗一杯紅酒，配羊肉食一流。整體嚟講呢間無論環境、氣氛、食物質素、價錢都好好，只係地點格攝一點，但住喺附近嘅話，都值得嚟食！👍🏻推薦！